ياليت عندي حنجرة تركي الفين 00000

اخواني واخواتي
حين الاعلان عن اول مسابقه شعريه تقام على ارض السعوديه تم الاعلان بأنها برعاية سيدي وسيد الشعر ونصيره
صاحب السمو الملكي الأمير /فيصل بن خالد بن عبدالعزيز000امير منطقة عسير
وانه ستقام على ارض منطقتنا الغاليه منطقة عسير - وان لجنتة المسابقه ثلاثه من كبار الشعراء في الجزيره العربيه00 فكتبت هذه القصيده وتشرفت بألقاءها امام سمو سيدي الامير فيصل حفظه الله

ولكن قبل تقرون القصيده - اتمنى ان تقولون ماشالله على حنجرة الشاعر الكبير تركي الميزاني 0 لاني تمنيت حنجرته في القصيده من باب ادخال جو المرح في القصيده



[poem=font="Simplified Arabic,4,darkred,normal,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
الشعر له مبدا وعِرف وقوانين = وصنعة فِهم لهل العقول الفهيمه
واليوم جا موضه 0 وشد الملايين = اِلا انه محري بالفشل والهزيمه
مالوا بسوقه ناس 0ماهم بدارين = بالبرهجه والقبيله والشتيمه
لاتشرح الخاطر 0 ولاتبهج العين = والصمت عن شجب الجرايم جريمه
وفأرض الجنوب 0وبين خُضر البساتين = الديره اللي عانقت كل غيمه
يعزز الشعر الاصيل الاصيلين = ويفرح بعزه كل من فيه شيمه
الشعر قِلط في مقام السلاطين = برعاية اللي جعل ربي يديمه
فيصل ولد خالد طليق الحجاجين = اللي جعل للشعر معنى وقيمه
من الف وتسع اميه وخمس وثمانين = وهو يقدم له جهود ٍ عظيمه
تشهد له المُغتره اسنين واسنين = الذكر بايت 0 والمواقف امقيمه
وفيصل حفيد اللي رفع راية الدين = اللي قشع ُظلم السنين العتيمه
عبدالعزيز اللي يفض المعادين = لاما تعزوا فوق سودا الشكيمه
اللي سرا فاليل مسرا السراحين = ليلة طرح كُوره على ظهر ريمه
اِمذل راس اللي براسه شياطين = عودً مضريها بقطع الخريمه
حتى حكم كل الجزيره بثنتين = بشهادة الله والسيوف الصريمه
وياشعر لولا الفيصلي لحقك البين = انعم وخلك عايشٍ في نعيمه
صحيح تشكي من اِهانة كثيرين = اِعلام لايفقه 0وبأيدي غشيمه
وشعار ترطن مثل رطن المجانين = ونااااس تحلل - معرفتها عديمه
واذا بقينا نسمع الشين والزين = فالوضع مزري - والعواقب وخيمه
قال الزلامي -عام تسعه وسبعين = الشعر يسحب رجله اللي تظيمه*
ولو انشده ذلحين 0 بيقول مسكين = يشكي على اصحاب القلوب الرحيمه
على اظهره من دون رجلين ويدين = هذا على ماظن 0 والله عليمه
اِلا لجا فيصل -وجاله ميادين = زانت طواريقه وزان اتحكيمه
وياشاعر المعنى - بحكم العناوين = عزالله ان الشعر جيت ابصميمه
عرفت والله توكل الكتف من وين = الفكر واعي - والقواعد سليمه
ودين ٍ علي لوان ماصوتي ابشين = اني لاشارك 0والمشارك غنيمه
لكن طروق اللعب تحتاج تلحين = وانا بحلقي بحة ٍ مستديمه
لوان عندي حُنجرة تركي الفين = مع مامتلك من غزر شعر وعزيمه
ماقول بافكر ولاقول بعدين = بدخل ولاني خايف ٍ من ظليمه
برنامج ناجح بكل الموازين = واكبر فخر ترعاه يمنى ٍ كريمه
ولجنته شعار ٍ ونقاد واعين = ورموز شِعر تجربتهم قديمه
اعظم بيوت الشعر من قبل واللحين = تلقى عليها للثلاثه وسيمه
اسياد نظم القافيه في المجالين = هل كلمة ٍ جزله -ونظره حكيمه
واسئلك عون اللي على الحق يامعين = ياقادر ٍ تحيي العظام الرميمه[/poem]




وسلامتكم



* اقتبست هنا بيت قديم للشاعر الكبير رشيد الزلامي قاله قبل اكثر من ثلاثين سنه في قصيده له عن احوال الشعر حين قال
شعر النبط شفته بوسط الشارع 000يمشي ويسحب رجله المكسوره