عيـال قــريّه !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الجوارح صايمه والهجـوس تشـاره = والنتيجه يضبــط الوزن والقافيـّه
هاجسي يعطيني أحيان بالقطـّاره = بس بعض أحيان مـدّْته بالكميـّه
المهم إني أقــدّم بكـل زياره = ما يجملني مع بطـاقتي الشخصيّه !
وأترك الجمهور لا راضي وْلا كاره = حدّ راعي البشت ياراعي الطاقيّه
أبتلشت آصد غاره وأجهـّز غاره = ومن سويد الوجه ماأرجي بياض النيّه
لو بجاوب كلّ واحد على إستفساره = راحت عذاب الطواريق محو أميّه
ولو بأناقش كل واحد يصوغ أفكاره = ما صبر على نقاشاتي الوديّه
ما نشدت البيه ويش أغرق العبـّاره = دام عندي علم بالبنية التحتيـّه !
وأنت ياللي لا تمركزت جبت الشاره = ودي آناقشك في هذي وهـذيّه
ياطويل العمر لا تـرخي النظـّاره = أنت نظـّارتــْك بالطاقة الشمسيّه
قم وعاين في يمين البلد ويساره = لا تبيع الصوف للفرقة الصوفيّه
ولا تجي ياسـد مارب ضحية فاره = يعني أشرف لك يهشلمك ناب الحيّه
ينعق النعـّاق وتـزمــّر الزمــّاره = والمشوّك مات وأم المشوّك حيـّه
وآخرة ليل المزاميــر والسمـّاره = يرقص معلاّ مع فرقة الدرعيّه !
ترثة الجـزّار فيما أعتقـد جـزّاره = وترثة اللوقي بلا مجادله لوقيّه
والحكم قــدّام لا يبلــع الصفــّاره = ركـّب الجني على غارب الجنيّه
ما علينا خلّ ساري يخاوي ساره = المهبـّل سود وأحلامهم ورديّه
مشكلة سوق المقاصيص من تجـّاره = ومشكلة سوق النجادى من النجديه!
أنتهى الموضوع والسالفه دوّاره = والبقا لله يا معــزّب الطرقيّه
السوال آشب ناره وأطفــّي ناره = بالجواب اللي ما يخلو من الرمزيّه
ليه طحنا كلنا دون باب الحاره؟ = لأن عاقلنا يطارد عيال قريّـه ![/poem]