ما يحوس الرجل و يخرب مزاجـه ** لا صفا جـوه مثـل قـل الدراهـم !!

[align=center] قصيدة من إبداع الشاعر الكبير/ محمد بن ناصر بن عبّاد السلولي .. أتمنى تنال رضاكم:[/align]
[align=center](جرح قلبي)[/align]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من قسا وقتي و من كثرة احراجـه=جرح قلبي مـا تداويـه المراهـم
حظي اللي ضاع صيده في عجاجه=عذبـه ترهيـم دنيـا مـا تراهـم
ما يحوس الرجل و يخرب مزاجـه=لا صفا جـوه مثـل قـل الدراهـم
لا تلفت ما لقى في الجيـب حاجـه=و العرب يصعب عليه اللي وراهـم
و الحظيظ اللي يواجه مـا يواجـه=ما نشد عـن فقرهـم و لاّ ثراهـم
في غناة الله و عز النفـس تاجـه=ما تلا المقفين يمشي فـي ثراهـم
كـل شـده تاليتهـا الانفـراجـه=و من رجا العربان يبطي في حراهم
العرب خلان مـن كثـرت نعاجـه=لو ضعيف الشبر منها مـا قراهـم
تمدحه لو كان ما يسـوى دجاجـه=وصار من روس القبايل و ومراهم
قام يعطي مع فجوج غيـر فاجـه=ما يفرق في رضاهم مـن زراهـم
و ان لهدهم و ان عمدهم بالعواجه=سمّحوا عوجاه و اكموا في ذراهـم
بالسوالف في المجالس و الغواجه=باع خطلان الايـادي و اشتراهـم
في عيونه ما يشوف الناس حاجه=و العرب تراه مثـل اللـي يراهـم

وسلامتكم[/poem]

[align=center]وسلاااامتكم[/align]