(......... كنوز مرصوده ........)

:
:







أصــد عن ربعي ولاني بمعذور
وإخـواني وجيرانهم وإزملايه

واللي قرى عن حالتي خمسة سطور
يعــرف قدر حبك ويعــرف بـــلايه..

تغــــريده:

"إحدى مميزات تويترالخالده.متى دعت الحاجه للبحث عن الحقيقه. نعيش ونكتشف ونحكم ونعلم ونتأكد ممانريد دون مضايقة الشخص نفسه.. "
..

تغـــريده:

"تفقتد الأسماء الكبيره للإريحيه التامه في عالم تويتر..فالناقد حاسد...والحاسدناقد.."

لاتعاتبني على كثرالجلوس لحالي
مستريح البال مايعرف يروح لحاله

مثل ماقال إبن هاجر"فاقدن لي غالي"
أتخيل جلسته ومنادمه وقباله... --

دام الأيام ضدي وأنت صاحب مقام
صف نيتك..يامال الشحم..صفها

وإن ماصارت هقاويناعلى مايرام
لاتوقف..مـــع الأيام..في "صفها"

مطرالعازمي /


جاك رمضان وصوت صاحبك صامت
وانته تجر الصوت مالك مجاوب !!

وانكان ما جاوبك والناس صامت
ﻻ يصبح محرك شعورك مجاوب




مطلق بن عبيّان/


أدري..مواويل الأسى ماتنامت
إلابعدصوت العزيمه تثاوب!!!

ماأقول راحت..وإتركتني..وشامت
أقول: "ماوفت بحق المناوب"!!

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]


الناس في غربة وفي ضيق وأوجآع=وأنته تميلح مع"نُهى"ومع"مليحه"
كان الحياء مثل الأمل والأمل ضاع=على الأقل فكر بحجم الفضيحه
وإن كان من باب الغرايز والإشباع=لاتكشف المستور ويفوح ريحه
ماهو بعيب إن قالوا:فلان"ملتاع"=أنا.وأنا مناصحك روحي جريحه
العيب لاقالوا:فضح نفسه وتآع=هذا هو العيب الصحيح وضريحه
على الأقل؛بكره تشـين إبك الأوضاع=وتبدل برقم الشريحه شريحه
وتجي تبي جسمٍ ليامآع لك ماع=ويدري عن إرهاصات يدك القبيحه
حتى ولوإنك لاتشرى ولاتنباع=يبيعك ويشريك مثل الذبيحه


[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=1 align=right use=sp num="0,black""]
المحترم يفرض عليك إحترامه=يتنَازل عن اللي يبي ويتعلى
لاشافها بتوصل حدود"الكرامه"=مايعرف يجامل معك ويتغلى
يقفي ويترك فالمكان إبتسامه=حتى مايدري غيرك إنه تخلى
تقرى تفاصيل السمو في كلامه=غير الصفات اللي بأدبها تحلى
قال اللي الكلام اللي يليق بمقامه=وكبّرعلى أطلال الموده وصلى
(مع السلامه..مدري مع السلامه=تكفيك في تحديد الأهداف وإلا)؟[/poem]

الساعه اللي قبل وقت الفجر غير
يدري بها اللي يعرف قدرالعباده

يارب أعني ليا جاء الثلث الأخير
بالعفو والمغفره ماأبغي زياده

الشاعر اللي كشفته قبل شهر رمضان
شاعر وحربي ومطنوخ وحبيب وخوي

يدخل معي في مجال الشعر "سحر البيان"
ويزيد من قدري وتقديري.. المعنوي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ماهي كل ليلة جنب حاشي وهبت ريح=ترى دوّرة صدوف المقادير في ساعه
عسى الله يثبتني بالإيمان قبل أطيح=أبي الموت مؤمن مع هل السمع والطاعه
ماغير العزيمه شئ يقدر على التصحيح=ولاغير الإيمان ينافس الحلم فأوجاعه
أنا أقدر على التلميح وأقدر على التصريح=وأجيد التعامل وأزرع أفكاري زراعه
لكني ماني برضى ولاأقدر على التجريح=وأشوف النصيحه حق وإخلاص ووداعه
إذا بحت أعاتب بسرة القلب ليش أبيح=وإذا قلت أبى أسكت شفت الأيام خداعه
وجيه الليال المقفيه قحويان وشيح=ووجيه الليال المقبله زند وسراعه[/poem]

تفريدة:

"الثقة المضروبة مَقْلَبْ"


مطلق بن عبيان

[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
حقك كبير ولك فضل والله عليم=وشلون إذا صار الخطى منّا وعليك
قدّرك رسى بين الحنايافالصميم=يعني نبيع اللي سواك ونشتريك
عرفتك الإحساس والحلم المقيم=وأبيك تبقى لي على خبري وأبيك
الوافي اللي يحفظ العهد القديم=والباقي بقلبي ولوقلبي دريك[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ياكثر ناسٍ غلاهم ساكنٍ فالصميم=أحب حب فالموالى وهم مادروا
يَ ربي إجمعني إبهم في جنان النعيم= ياكثر ماحدثوا لإجلك وماحبّروا[/poem]

ترى هذاك اللي يشق ويرقع
أبرك من اللي مايقدم حاجه

يفرق عن إخته بالإسم والبرقع
حتى المواجه مايعرف يواجه

ترى الميانه معك ماهي على مايرآم
بابٍ فتحته على... نفسي وإبسكّره

كل شئ منك أقبله إلا حدود الحرآم
خذها حقيقه... ولو ماجاتك مبكّره

لاتعسف أفكارك على القافيه عسف
"تروح فيها" ..وأنت منته بداري

ينسفك راع الذوق عن يمته نسف
اللي يميز فالشعر والهذاري:-)

ماكان قلبي كذا.. "مدينة أحــلام"
إلابعـــــد ماعـرف "حبك وقدرك"

صرتي سعة خاطري من جور الأيام
وأنا بعــد يابــعدهم "نورصــدرك"

قدام أذآن الفجر،عند الإشارات
شبابنايرفع أصوات الأغاني

عذرا-رمضان-عشاق التفاهات
حتى ليال العشر في جو ثاني

حنا نعيش مع العد والمساوآه
ولانعيش مع الجدل والتشتت

والظلم إذا وثّق على الأرض ماطاه
خـلا أوآصــرنا الأصــيله تفـتـت

يارب عبدك يقضي أيام رمضان
صايم وقايم يطلبك دنيا ودين

لكن بعد الصوم وأنت المستعان
لاتتـركه يفتك به بليس اللــعين

[OVERLINE]

المشكله ماهي متى إعلان شوال
"العيد" عايد والليالي "مقيمه "

المشكلة وش في رصيدك من أعمال
عساك ماحملت نفسك "ظليمه"؟؟؟

[/OVERLINE]

هذا أمس ضيف وبعد بكره وهو رآحل
وماشاف منا مسجل والله العالم

كم فيه مسلم من أسباب الذكر ناحل!!
وكم فيه خسار !وكم مفلس!وكم ظالم؟؟