ܓܨ[ تلويحات !! ]ܓܨ

[ALIGN=CENTER][TABLETEXT="width:70%;background-color:gray;border:2px solid silver;"][CELL="filter:;"][ALIGN=center]

انا حتى لو أروح البحر مشتاق له ما انساك
..................... ولا حتى البحر شوقه يعادل شوقي لعينك !!
ياعيني يا نظرها وش يساوي شوفي بليّاك
..................... وأنا من وين ما وجهة عيني جت عناوينك
اقول اهواك والقى لي سعاده يوم اقول اهواك
..................... اجي صوب البحر ويدفني واطيح فإيدينك ..
كثر ما احب شوفك كثر ما غنيت كيف القاك
..................... بعد حالة ظروف الوقت خلسه بيني وبينك !

..
[/ALIGN][/CELL][/TABLETEXT][/ALIGN]

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وشلون تجرح وتضحك من مجاريحك=حسيبك الله يا ظالم ويا قاسي !!
في ليلة الجرح ما تضوي مصابيحك=طعنتني ليه في صوتي وفأحساسي
تضحك على من والا من مذابيحك=يا مرهق الروح شفني ما انحنى راسي
سرى بك الكبر واوّمت بك مراجيحك=تبيني اسكت بعد ما ضاقت انفاسي
اسقيت من ماء الغلا يسمينك وشيحك=واليوم صارت غصون الشوق يباسي
الله عليك انت ويسامحك ويبيحك=ياللي قتلت الامل من يقتل الياسي
رح وين ما ودك توقف مراويحك=وانسى وانا أوعدك لا ذاكر ولا ناسي !
[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رسايل الجوال بين الناس تعبير الوصال=والنفس دايم ترتبط مع نفس بحبال الوصل
والوصل ماهو شرط تضغط فوق زر الاتصال=ارسل رساله لجل اعرف انك بقلبي متصل
يا صاحبي تمشي بنا الدنيا على ميل وعدال=احيان نقبل ما حصل واحيان نرفض ما حصل
قامت تشيل انفوسنا ما شالت ظهور الجمال=رواية الايام نقرأ جورها فصل فصل
راحت صداقات الزمن صداقة جنيه وريال=يوم الفلوس تحط من ماله اصل .. مرجع و.. أصل
يا صاحبي لا تنفعل .. بالله ليه الانفعال=خلك مع العالم لا تجزع من زمنك وتنفصل
وأصدق ولو جارت عليك المقبلات من الليال=للصدق خصله بينما التزوير له عدة خصل
وأقنع ترى الدنيا على ماقيل عرضه للزوال=و ان وكلك وقتك بصل غيرك ترى شابع بصل !
[/poem]

رساله مني الى الاصدقاء عبر الجوال :

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالصاحب اللي يفرح القلب طاريك=طاريك دايم يفرح القلب رسمه
ان قلت له يا قلب ويش اسم غاليك=أختار فالاسماء وقال احفظ أسمه !
[/poem]

1- الصديق والزميل المرقابي غالب الشريف يقول :

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يا مرحبا مليون والله يحييك=لامرني طاريك مع كل نسمه
لك منزلٍ ماهوب لاحدٍ يحاليك=ولك قسمةٍ ماهي مثل أي قسمه

[/poem]

2- الشاعر ابن العم مرفوع سرور ..

[poem=font="Traditional Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اهلا هلا والله يسعد لياليك=يالغالي اللي جزل الاقسام قسمه
دايم على بالي وعيني تراعيك=وحشمتك عندي غير عن كل حشمه
[/poem]

3- الصديق والزميل المرقابي فيصل بن دويحان

[poem=font="Traditional Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
الصاحب اللي قال لي اليوم شاريك=أكبر قسم مابين الاصحاب قسمه
طبع الوفاء يا صاحبي اكبر مواريك=بعض البشر ما غاب لو غاب جسمه !
[/poem]

وسلامتك

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أصدق تحايا القلب للي سكن فيه=وأغلى هدايا القلب ود ومحبه
ياللي خذيته وين ودك توديه=داره عن الضيقات منك وخبه
ماهو صحيح انك تخمه وتخطيه=مره بلا سبه ومره بسبه
تراك لو تدري من اكبر مناويه=وتراه ماغيرك خذاه ولعبّه !
وان كان ما تدري عن اللي تسويه=لابد ما تدري ويوصلك نبه
[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عطيتك قلب ما يجزع من الدنيا ولا ينظام=بعد فتره لقيت القلب يخشى طاري الفرقا
حبيب القلب ما للقلب غيرك مع مدى الايام=ولا للدمع قدره لا انحدر من محجره يرقا
عطينا الحلم وجه وفتّح عيونه وكلٍ نام=سهر عينه على وجه القمر والنجمه الزرقا
ياليته حلم عابر كان يعبر معبر الاحلام=ما كان عيونه الثنتين من دمع الوله غرقى !
هذا صوته يسولف لي وانا كلي وله وهيام=أجل وشلون لو سولف بصوت الجادل الطرقا !
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اهدي لك الورد برد .. اشعل لك الشوق نار=أحفظ لك الود قلب .. أمنح لك القلب ود
يا سارق الوقت .. يا فتّان ليل ونهار=يا أطول مسافه غلا .. يا اغلا مسافه بعد
قرار حبك طبعته .. وأنت كلك قرار=قرر وعبر وعاهدني .. وأخذ لك عهد
لا صار حبك أمل .. والبعد عنك انتحار=في قربك افضل عمر .. من المهد للحد
[/poem]

[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=1 line=0 align=left use=ex num="0,black""]
ليت الاماني تخدم اللي يحبون=تراي اقول اللي يحبون يا ناس
ما عاش قيس ومات عاشق ومغبون=ولا لحق غيره من الناس هوجاس
بيني وبينك ما يدق التلفون=الوضع متأزم وخارب ومنحاس
ودي على حارتك افر الدركسون=وتحداني الشيمه ويحداني الياس
من خوف عنك الناس بكره يقولون=والناس فيها ناس والعرق دساس
اقولها والناس ماهم بيدرون=وتقول لي وشلون واقول لاباس
لو انهم عن ما يرونه يغضون=ما شفت منهو يضرب الراس بالراس
يا وين ابلقى قلب بالصدق مرهون=لا صار صدق الناس في زاد ولباس
يا كثر ناسٍ من عيوني يطيحون=لمعة ذهب وان جيت للصمله نحاس
ويا كثر ما غنيت في حبك لحون=وياكثر ما دورت لك خلف الاقواس
شاعر وله رغبه جموحه ومديون=يا دبل كبده لا اجتمع حب وافلاس !!
[/poem]

[poem=font="Traditional Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نسمع ونسلم من تلاطيش الكلام=اللي يجي عبر القناه الخايبه
حنا حماة الدين والبيت الحرام=يا اهل العيون الماكرات الذايبه
وانتم بني رافض خفافيش الظلام=في قم وضع البكر مثل الثايبه
والا السعوديه بخير ولا تظام=من دونها اهلها ولا هي سايبه
ما قد رضينا غير ابو متعب امام=وولي عهده فالبلاد ونايبه
[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حتى لو اني غبت ما يعني اني=ناسيك لا والله ترى ما نسيتك
يا كل حبي .. منك وصلك ..ومني=أروع كلمات الغرام ان لقيتك
يخيب في غيرك ولا خاب ظني=في حبك اللي لمّ قلبي .. فديتك
يا ماخذه في خاطر الحب حنّي=الكون بعته من غلاك وشريتك
تمايلي على الغرام وتثني=انا تحديت الظروف وهويتك !!
أسج لا اطرالي جمالك وأغني=والله .. لو انك حلاوه كليتك !!
ليت التحقق يستوي بالتمني=ان كان قبل اقصد ببعدك خذيتك !
[/poem]

أرشيفيه

[poem=font="Simplified Arabic,5,silver,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مسبّله عينك ورمشك تغطي=حنا ما جينا السوق نقرأ ونكتب
جينا لنا لازم ومقصودنا زي=اللي يدور دايم السعر الانسب
وأنتي عرضتي عرضةٍ تخلف الحي=الملتزم والمقتنع والمؤدب
خفي علينا شوي من نظرتك ذي=ماهو صحيح عيوننا فيك تنشب
وأن كان ما ودك تغطينها شوي=وقامت رموش العين تاكل وتشرب
تحملي ما يجلبه حظك السيء=لاقام كلٍ بالتفاصيل يسهب
باين عليك انك تعانين من شي=يا حب يا حاجه قريبه من الحب !!
[/poem]

أرشيفيه


[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أصعب الاشياء على قلبي غيابك=يا وجودي يا لقاك اللي هويته
كيف تهجرني وأنا قرب من ثيابك=وأنت قلبي من وسط صدري خذيته
ما يطيب الا معا حضرة جنابك=ليلي اللي من ورى بالي سريته
هات يدك .. خل اصابعنا تشابك=لا تهدّ اللي من احساسك بنيته
هالحزن حتى ولو انه غدى بك=لا تجي مع شارعه وتمر بيته
والصواب اللي لحقني من مصابك=كل ما ادور عذر .. عندك لقيته !!
[/poem]

[poem=font="Traditional Arabic,5,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قالوا تحب وقلت منهو عرفها=يحبها ويعيش عنها فداوي
قالوا جميله قلت محدٍ وصفها=لو كان غنا في هواها الغناوي !
قالوا كبيره قلت عشت بكنفها=منيّ حياويه ومنها حياوي !
هي توها لو شاب منهو ولفها=وهي دونها تاقف كبار العزاوي!
قالوا من اللي حبته واكتشفها=قلت الشجيع اللي للأخصام قاوي
قالوا تحبه قلت تدفع شرفها=قدام لا تكثر عليه العداوي
قالوا تراها المملكه وانت شفها=من دون عبدالله ما تبغى مهاوي !
[/poem]

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يا مرحبا ياللي ليال غيابك المتعب عشر=ياللي غيابك قيض وحضورك هماليل ومزن
ياللي غلاك بداخل عروقي وقلبي منتشر=هو متزن وآنا من الاشواق ماني متزن!
لو الاجازه صدق فيها خير لعموم البشر=ما كان فـ غيابك لقيت الشوق كاسيه الحزن
[/poem]

[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تموت احلامنا ولا تعيش العمر نفس العمر=لا تستنزف شعور الحزن وتكثر من أحزاني
انا باقي ولو كل الليالي في عيوني سمر=وانا لو قلت ابنسى صعب حرماني ونسياني !
دخيلك لا تشب الصدر حزن ولا تشيل الجمر=ولا تحتار في نبض الشعور وورث جداني
عطيتك قلب من طهره ما يشرا بالنعوم الحمر=على شان الغلا لك داخله ماهو على شاني !
واذا قصدك يطول الامر وشهوله يطول الامر=وانا حرفي على صفحتك يكتبني ويقراني!
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اللي عليه تدق مره وثنتين=وثلاث واربع ما يجاوبك خله
مسكين وش ترجي ورى رجل مسكين=ارفع مقامك عن مقام المذله
واللي يدق ودقته فالها شين=نغمه ويقفل والبخل عادةٍ له
خله يالين يدق مثل العرب زين=ثم ناوله ما يحمل الصدر كله
واللي سواليفه بليا براهين=يطوّل الهرجه بلا فود .. قله
مع السلامه خل هرجتك بعدين=اليا تواجهنا على كيف دله
واللي على الجوال ياليل يا عين=الله يعلم ويش دقه وجله
قله ترى ما تفعله من غلط دين=من تل حبل الناس حبله تتله
واللي بجواله يغث المصلين=والنغمه اللي هابطه نغمةٍ له
لا يامن الدعوه ولا يامن آمين=كم ظالمٍ مما يسوي حصله
واللي شريط الشات حطه عناوين=مابه شريط الا وهو مرسلٍ له
عليه صخنه والدعاء للمصاخين=من واجب المسلم ومن خشية الله
[/poem]

[poem=font="Traditional Arabic,4,chocolate,bold,normal" bkcolor="transparent" bkimage="" border="none,4,skyblue" type=2 line=0 align=right use=ex num="0,black""]
جهلت في حاجات وأتقنت حاجات=والادمي خلقه ظلوماَ جهولا
يالله يا خلاًق سبع السماوات=ياللي اليك المنتهى والمئولا
أغفر لي المقبل ياربي وما فات=وأرجوك تقبلني بحسن القبولا
وأرجوك لامن صرت من ضمن الاموات=ووصلت ما يصعب اليه الوصولا
أجعلني اللي من وعدته بجنات=يا باعث محمد نبياَ رسولا
وش عاد والدنيا تراها مغرات=والادمي فيها هلوعاً عجولا
يالادمي لا تنشغل بالملذات=عملك للي ما بعد موتك اولا
صلاة تال الليل وتلاوة آيات=تسوى كنوز الارض عرضا وطولا !
[/poem]

[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من دونك الليل ما تسوى قناديله=يا ضي كل الليالي يا هوى بالي
البارح الليل يا ما اقسى تفاصيله=جتني على فالها وانا على فالي !
الخاطر المنكسر لا غبت عزي له=تبطي ويبطي وكسره منك ما زالي
وانا اشهد ان الهواوي ما معه حيله=في فقد الاصوات والا فقد الازوالي
نتايج البعد فالبسام والشيله=ونتايج القرب مثل السكر الحالي !
والحب من طب قلبه منه يا ويله=لابد من يوم يلقى الحامي الصالي
واهل الهوى كلها دايم تغني له=لو كان من سبته ياكبر الاشكالي
وانا تمشكلت واحساسي طفح كيله=مير الله يعين في حلي وترحالي !
ان ما عطتني يده عطره ومنديله=عسى العوض في خشب عودي وفعقالي !
[/poem]

[poem=font="Traditional Arabic,5,sienna,bold,normal" bkcolor="white" bkimage="" border="solid,10,white" type=1 line=0 align=center use=ex num="0,black""]
منيّت نفسي حاجةٍ ما حصلت لي=ياليتها لو كان ما ساعدت ليت
الحاجه اللي بالشعور هتفت لي=اصبحت صاحبها ومن دونها امسيت
ما غيرت طبعي ولو ما استوت لي=لكنها كانت لي الشطر والبيت
وان سببت قتلي وفرحت بقتلي=قولوا لها لو مات .. ما مات له صيت
صلى وصام وعاش بالطيب متلي=وربعه على قبره تجر التناهيت
وقولوا لها ليت الليالي صفت لي=او ليت عن بعض المعاني توقيت
دنياي لو بإيدينها صفقت لي=لا بد ما انشد وسطها ويش سويت !
[/poem]

[poem=font="Traditional Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يا مزعلٍ ذولا على شان ذولاك=مال الزعل من شان ذولاك داعي
ما كل من ودك تراعيه يرعاك=بعض البشر من عادته ما يراعي !
[/poem]

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قفل الباب والا افتح لباغيك باب=انت ياللي ترده .. كنك مقفله
الدلاعه تجني والتجني عذاب=والتمادي على طول المدى مهزله
غيب وان غبت دور مغفره للغياب=اكتئاب الضلوع العوج ما تجهله
وان تمثناك شوقك يا دميث الجناب=واستباح البعاد القلب واهتز له
حط للعذر تعليقه بصدر العتاب=مثل حطك لتعليقتك فالسلسله !
[/poem]

على شان الوداد اللي يغيض ويمتلي ويفيض
وعلى شان الكلام اللي شعوره يلغي حضوره

لقيت الشوق ينزف والاماني كل ابوها قيض
ولقيت الحرف ضيّع بين زحمات الجمل دوره

انا ما اعتدت في جرح الشعور ادور التعويض
ولا علقت لي في وسط برواز الجهل صوره !