(......... كنوز مرصوده ........)

تفاعلي مع بروق الخير والخيره
خلي شرايين قلبي تبرق وترعد

ماشفت قبلك ولا بعدك بهالديره
ولاآشوف ساعة رضى إلا ساعة الموعد

أنتي وأنسام الشتاء..
وصوت الغرآم
وحب وغلا وبوح وحنين وتضحيه..
هذا هو آخر منعطف
هذا المكان المختلف
هذا الشرف
هذا هو أغلى مأملكه وأسمى هدف

..

إنقطع صوتك ولاأدري وين أودي
قلبي اللي ماتهنا إلا بصوتك

إيه ودي..ثم ودي..ثم ودي
أسكنك؛وآعيش بك لحضة سكوتك

غيبي دقائق وإعرفي هم الغياب
هم الغياب اللي يهد المستحيل

ماهي على نبرة حزن وإلاعتاب
لكن على ماهية وحجم الدليل

في خاطري بوح وقصيد وتناهيد
أشوفها المرسول بيني وبينك

وصالك ،حكاية مطر..ومساء عيد
وأنا رصيد اللي بقى من سنينك

الفقد..خنجر!والودآع الله عليه
أخف من فقدٍ بلا سابق وعد

هي تنتضروصله ليال وتحتريه
وهو مابقى له غير ذكره فالبلد

صباحي بدونها ماهو بمألوف
غربه وضيقة صدر مع كل نسمه

أبطئ بصمتي وأطالع كأني آشوف
زوله..وأتمتم لطيفه وأنطق إسمه

إتركوني مع رضى نفسي ورآحة بالي..
أعرف إستقراري النفسي وآعرف طقوسه

صوتها..وإسلوبها وترتيبها يحلالي
كأنها في سالفتها خطةٍ مدروسه





..

يا/....أنا ماني بمخلوق عادي
وأنتي بعدمأنتي بمثل المخاليق

من صرتي أنفاسي وشربي وزادي
وطيت بأقدامي على غارب الضيق

يا/....هذا لصوت صوت المنادي
اللي يخرج القلب بين المعاليق

الليل قبلك طبيعي برده وطوله
وبعدك تغير معي لاهذي ولاذي

معقوله!ي والله ولو ماهي بمعقوله
ماكان همس المساء محطة إنقاذي

تدري وش اللي ودي آغادر وأموت
ما شفتهم في ضيق بين المجتمع

بعض العباد اللي يطيلون السكوت
وعيونهم لوما بكت فيها دمع

قدآمك جروح ومعارك و ويلات
وبعدك تلويح ورضى وإبتسامه

ومن العدل!تقبيل بعض العلاقات
وتقريب من سيطر علي إهتمامه

المشاركة الأصلية كتبت بواسطة مطلق بن عبيان

الفقد..خنجر!والودآع الله عليه
أخف من فقدٍ بلا سابق وعد

هي تنتضروصله ليال وتحتريه
وهو مابقى له غير ذكره فالبلد

ياسلام على الإبداع يامطلق
ماشــاء الله عليــك

صح لســانك


تقبّل مروري

عبدالعزيز/
قد لا تدرك أثر مرورك هنا

وقد لا يفي التعبير ولا تجزي الأحرف



أعتقد أنني قاربت مالم أستطع إيصاله


محبك/

دوك يا/نزال باقه من الشعر الجزيل
ودهانايف وقله:عساني ماخلا

من هل الناموس والجاه والباع الطويل
ومن هل المعروف والرأي رواد العلا

أشهد إنه كفؤ والكفؤ معدنه الأصيل
والأصيل يزود طيب ومواجيب وغلا

أدرك المطلوب كله وزود فالجميل
والحجاج الطلق يسبق هلا وألفٍٍ هلا

البشاشة لأهل العرف نبراس ودليل
والرجل هذا تعدى البشاشة وإعتلا

وإن بغيت الصدق عده من الوزن الثقيل
والشجاع إما يسوي كذاء وإلا فلا

الذكرآيات الجميله بقايا أيام لن تعود!

إسمها الآخر"أيام زمآآآآآآن"

شدي ضلوعك بي تراني صلف
على النياءوالتيه والغربة

طويت ليلي طي عقب الولف
لين إستقام بداخلي دربه

قررت أحبك والدروب دروب
أصعبها عنده عندي أسهلها

مؤمن بقدراتي وبالمكتوب
وإن قلت:أناأفعلها!أناأفعلها

ياوجد روحي عليها يا/
بري حالي
أقولها:لو نفسها بيني وبيني

جوي وعيّا مع الأيام يصفى لي
وصبري
على ضروفي الصعبة ما
يمديني

الليله الصدر ضايق والكلام معروف
والكلمة الموجعة وأسبابها أسبابها

الحزن موال بأوتار الظلوع معزوف
أقفى بروحي على غفله ولا جابها

مابين أوآدع بعد بكرة وبكرة وأشوف
عيني مأ تستغرب الدمعة على أهدابها

لايدخل الصدر ضيق ولا يجئ القلب خوف
يقولها لي بعدما هد محرابها

ياليت بعض الضروف مع الليالي تطوف
مايمدي عروق رأسي شدت أعصابها

حياتك مع اللي تعزه وتغليه
لها طعم آخر وتصوير آخر

من حقها تكسب جنوني وطاريه
ومن حقي أحفظهابصدري و أفاخر

يا/مسندي بشرت عيني بالوصل
مالي ومال اللي يعكسون الكلام

اللي حصل يكفي عن اللي ماحصل
لوكان تلويحه ونضرة وإبتسام

ماكنت أبى أسولف وأبى أرسل وإتصل
لين إنها جت لي على أحسن مايرآم

وقمت أتصفحها فصل فصل فصل
مثل روايات الموده والغـــــرآم

لقيتها على مـ/أبي أصل وفصل
ومن روس قومٍ روسهم فوق الغمام