ܓܨ[ تلويحات !! ]ܓܨ

[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اقلقني الحزن فـ أحساسك بتقصيري=ودورت للعذر ما يكفي ملذاتك
ما غيرك انسان قهويته معاذيري=وما غيري انسان قهويته هوى ذاتك
يا فاجع القلب بالفرقى كثر خيري=علمتك الحب قبل اكره نهاياتك
مني اليك الغلا والحزن يا طيري=ياللي كسرت السماء السامي بهداتك
اتعبت ساق الغلا خلف المظاهيري=وضميت يا درب قبل اقطع مسافاتك
هذا انا وانت وشعوري وتقديري=وهذا قطار الشعور المر ما فاتك
كانك مصمم تسافربه معا غيري=يكفيني اودعك واستشعر سكاتك !
[/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تجمعت ثنتين من فوق راسي=فرقى حبيب وضيق ناسٍ عزيزين
مدري اواسيني او اني اواسي=الحزن في وجيه البشر والعناوين !
[/poem]

[poem=font="Traditional Arabic,5,burlywood,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ماني مصدق غيبتك عني فراق=وماني مصدق منك ( ماني براجع )
تشتاق حتى لو تجاهلت الاشواق=واشتاق دام الشوق فالحب واقع
لك شجرةٍ فالروح واغصان واوراق=ولك طير في حبك وذكراه ساجع
من يوم ما قفيت وعيونك غراق=الين هذا اليوم كلي " مواجع ! "
[/poem]

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
دام الغلا بابه على الروح مفتوح=أدخل وخل الروح تسكن بسكناك
اجلس هنا والا هنا .. طالما الروح=مكتوب لك فيها هلابك وحيّاك
تمشّ في صدرٍ بجيتك مشروح=خل المطر يروي معاليق تضماك
واذا بغيت تروح ما انته بمسموح=لين ابتساماتك تعانق ثنياك !
وتواعد اللي من عنا الوقت مجروح=بالفرحه اللي وسط روحه تحرّاك
[/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البعد حاجه من الحاجات لكنّه=في بعض الاحيان حاجه تجرح الخاطر
وانا من البعد قلبي جاتله حنه=اجدبتبه وانت تدري وصلك الماطر
سافرت والمنتظر خاوى على الونه=والونه مخاويه مع ذكرك العاطر
وان كان طولت مال الشوق ابد منه=القلب فالصدر شايل ذكرك وناطر !
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
امك تحبك وش بلاك متضايق=كم واحدٍ محتاج لامه تحبه
الموت وداها وراحوا فرايق=والفقد ساق الدمع والصدر شبه
وده ولو وده عليها يوايق=مير القدر مكتوب من عند ربه
ياللي سبابك لامهات الخلايق=مسكين جبت لوالدتك المسبه !
[/poem]

[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اصدق الحب يبقى ما يمحيّه وقت=واكذب الحب لو يكتب ترى ينمحي
وانت ياللي على باب المشاعر طرقت=وافتحت لك قبل قلبك يقول افتحي
انزل القلب وانعم بالغلا وان زهقت=ذب عمرك على عمري ولا تستحي
ما على الليل لوم وماعليك ان عشقت=المحبه يا كم خافق تلحه لحي
وان بدا لك من الفرقى شعاع وشهقت=لاتهمك مخاسيري ولا مربحي
كل همي ما اشوفك من دموعك غرقت=ساحب الدمع يجذبني على مذبحي
انته اللي بترتيب المشاعر صدقت=وانته اللي غرامك راحبي منتحي
نحوك اطلقني احساس الوفاء وانطلقت=في بحور الاماني يا هجوس اسبحي !
[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لاتحسب اني لاتضايقت ابرتاح=لا والله اليا ضقت ما شفت راحه
اقلق ويقلق في يدي كل مسباح=واشعر بصدري حزنك اكبر مساحه !
حقك تعاتبني على رايحٍ راح=وحقي حمام العفو تخفض جناحه
ياللي معك للقلب والروح مفتاح=خذ ما تبي والبس لوصلك وشاحه
خل الليالي من ضيا وجهك اصباح=وخل الصباح الورد يا ازكى صباحه
شفني كثر ما اشتقت لك كلي جراح=من يوم رحت ولا نطقت الصراحه !
[/poem]

مسج جوال الى صديق :


[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مواصلك رغبه من الذات لانك=معدنك ما يصدأ ومنبع رجوله
لك السلام اللي خذا الطيب منك=ياللي عطاك الطيب فعله وقوله !
[/poem]

[poem=font="Traditional Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
وينك ووين الدين يا كاحل العين=ياللي عليك السوق يركض نسيمه
عرضت في سكت قدوم المصلين=يا عرضت اللي دوب سوى جريمه
الثوب ضيق والعبايه جناحين=واللثمه اكبر ذنب واكثر ظليمه
يوم الهواء جانا بفوح الرياحين=قلت الله يجيب العواقب سليمه
من خلفها دنيا وقدامها اثنين=وتشر على المسجد بيدها الكريمه
تقول صلوا للصغار البزارين=ياليتها صلت صلاة الحشيمه !
[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ذكرك العاطر يمر القلب منّا=والهجوس الشرد فعيونك تفيّا
كنها ما ودها دايم تغنا=غير في طلتك يا سمح المحيا
علم احساس الغلا لا يمتحنا=الغلا مكشوف مافيها غبيا
ثابتٍ منسوب موجه ما تدنا=وارتفاعه شاهده لن قلت هيا
اخذها من قلب في حبك معنا=والله ان تبقى الغلا ما دمت حيا !
[/poem]

[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آسف على حظي معك ما نصفني=حاولت لكّن فيني الحظ سوى
كم قلت لـ احساس الغلا معك شفني=وكم شلت لك في داخل الصدر جوى
وجدي على لاماك لو يحذفني=من دونها ذرية آدم وحوى
حبك ماهو حب اعرفك وتعرفني=حبك على عمدان قلبي تلوى
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياربي أغفر لي ذنوبي وانت غفار الذنوب=يا من بيدك النار والجنه وفي يدك الحساب
أنت الكريم المعطي المنان فراّج الكروب=الواحد الفرد الصمد اللي إليك الانقلاب
جيتك وانا عبدك وفي رجواك والوقت محسوب=والخوف كل الخوف لو مالي دعاء مستجاب !
[/poem]




..

مسج جوال :-


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مبروك شهر الصوم=وكل عام وأنت بخير
يالوافي الزيزوم=لك مني التقدير
في كل ليل ويوم=وعذراً على التقصير !
[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
محبتك تدفع القلب المشقى يجيك=ويقول لك كيف حالك لو لقانا قريب
ياللي حواليك بسم الله ما شاء الله عليك=رغبات الانفاس يحفظها الشعور الرهيب
وان جاك شبيك يالبيك من بين ايديك=حجاج مطلوق وأقباله وصدرٍ رحيب
ثلاثةٍ من ورى اضلاعي تنادي تبيك=من الثلاثه على واحد ياليتك تجيب !
سلم يديك الهواء على سلامة ذويك=واسلم ولا يدخلك مع مدخل الحب ريب
قدر مقام الغرام اللي دفعني اليك=يا أغلى من الروح وأجمل حب وآخر حبيب !
[/poem]

[poem=font="Traditional Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله عليك الفرج يا فارج الكربه=يا من اليك الامور تعود يا والي
يا عالم اللي ورى الاضلاع نشعربه=يالواحد اللي عليه اعلق آمالي
مقبلت الايام مدري وش تبشربه=في وجهها خير والا فيه غربالي
مقدم الدولكه ومعلق القربه=ناسٍ لها فالها وانا على فالي
اصوم واحرص على المسجد وابي قربه=لو ان جيش الفتن فالدرب يبرالي
الخير احبه واماريبه وافاخربه=والشر راعيه لا عمي ولا خالي !
الشر عني قلعته وانقلع سربه=والخير حطيت له فالصدر منزالي
[/poem]

الصوم ماهو بس في وقت النهار
الصوم حتى الليل له منه نصيب

خل التديّن وين ما تحضر شعار
وخلك من الطاعات للمولى قريب !

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أحبك واعرف اني من الحب حالي حال=مشاريع حبك داخل القلب مبنيه
يا زولك فديته جعل فدوة لقاه ازوال=ولو صورتك من تحت موجه ضبابيه
أجي للفكر سابح ورامي واجي خيّال=وأطوع لك الافكار في كل قافيه
على شان حبك تلني تلت المحبال=في يد من يحط الحب للطير عصريه
يبي سومةٍ جزله لو ان الطيور قلال=ولا كل حظٍ يدرك الرجل تاليّه !
[/poem]

[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعوب اللي من الحكّام تقتل=ما تلام وحقها لوهي تظاهر
وأنت يا بشار من برّاك جنتل=مير قلبك ماهو من الذنب طاهر
مذهبك يراسل الشيعه بالانتل=والروافض تحكمك وتحكم ماهر
نعبنو مذهبك شاتل وانت تشتل=في نهار الصوم بأذنوبك تجاهر !
[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ركني الهادي عسى عيدك سعيد=وعسى عيون متابعينك للفرح
جيتك وصدري ضايقٍ فيه القصيد=وغنيت بك بيتين والصدر انشرح!
[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العيد لن جت للصراحه مشاهدك=يا من خذيت من الحلاوه حلاوه
كحلٍ على عينك وحنّا على يدك=في يدك حنيّه وعينك قساوه
اي والله ان العيد كله ( معايدك )=ومعايد العربان دونك لهاوه
ما طاب لي عيدٍ عن العين مبعدك=يا جارحٍ قلبي من البعد داوه !
[/poem]