نبض ..,,.. حرفي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اقول الله يديمك.. طال صمتك.. وانتهى صبري=وانا لي وقت ..ادور للخبر وانته ..على الصامت
أتابع نشرة الأخبار... وينك ياسبا هبري=تبشرني .. تعبت اجاهد العذال والشامت
انا خابرك صارم .. جعل بك .. مايختلف خبري=ولك ذكرٍ .. ليا مر العرب .. من هيبتك قامت[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالشعر انا واياك خويا واصدقا=انت الرفيق اللي ماابي غيره رفيق
كم ليلةٍ قافي على متنك رقا=وكم ليلةٍ معك اختصرت بك الطريق
معك استريح من المتاعب والشقا=وازهم طواريقك ليا حسيت ضيق
وارتب حروفك على وضح النقا=واكرم الجمهور عما لا يليق
لكن قلي من رصيدك وش بقا= مدري تطيق الحمل والا ماتطيق
الهم ماعمره عن القلب اتقا=في كل ساعه من معاليقي يويق
مايمنعه عني حجاب ولا وقا=متوقي ضلوعي ومودعها حريق
لكن قله في خفوقي وش لقا=لو يختلف ظنه ترى خبره عتيق
ماتنفع الهقوات لو انه هقا=( البحر الاحمر صار فعيوني مضيق)[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بإذن الله اللي يعلم السر والغيب=اني لـ/ افك الباب ... واسكر الباب
حتى نصفي مابقي من مطاليب=( ماضاع حق وراعي الحق طلاب )
الله يديم النا حصان الأطاليب = قدر اللحى محسوب من قدر الاشناب[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
علوم وآمال ومواعيد وأحلام=شيٍ يفوق العقل ماينتصور
وحساب تقصر عنه خانات الأرقام=كنه صحيح العلم لكن مزور
فلمٍ غبي معروض في شاشة افلام=واللي يتابع للأخير متهور
روابع الأقزام ترسم للأقزام=والصدق ماله في فضاها مدور
ياشين دورات الليالي والأيام=غبارها دايم علينا مثّور[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يفوح عطرك كل مامر طاريك=من كل لحظه عشتها وانت فيها
يسعد مساك وعطر الله لياليك=والساعه اللي خافقي مانسيها
حتى يديني تفتقد لمسة يديك=وتضم جمر الشوق في راحتيها[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انت في "عينك" وفي "رمشك" دمارٍ" شامـل"=سهم" "عينك" " صابني" "واماتني" "واحياني"
"ليلك اسود" "والبدر" في "وسط" "ليلك" "كامل"="انت "الاول" وانت" نادر" ما لوصفك" "ثاني"
"إيه جايك" "في مكانك" "إيه قلبي" صامل"=" إيه بردان" وبعيد" "الشوف" "مادفاني"
"الخطر" على" حياتي" وانته" اكبر" عامل"=" بس دونك" لو يمر " الموت" ماينهاني"[/poem]

الصيف نار وكل مايحمله نار
جوه حريقه والبلا { ذكرياته}

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احساسك اللي يسحر الورد ياورد=والورد من روحك يغذي عبيره
لا حول انا دايم وانا اشكي من البرد=وين الدفا اللي مايبي القلب غيره[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا والليل توه والسوالف زانت=لاتروح بعيد لين الصبح يشرق نوره
الظلام انزاح وجهه والملامح بانت= والشعر من رهبة الموقف طلع من طوره
اشهد ان الفرصه اللي في حراها حانت=والهوى صوته يغني والسعد فالصوره
كل ماتكبر على قلبي همومه هانت=والصبر يكشف خفايا الواقع المغموره[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله الله صح مافيها كلام!!=ليه تستفهم ولك عينٍ تشوف ؟؟
لا تسمع في مفسرة الحلام=أنت بين مير ماأنته بمعروف
بس قلّي كم عدد بيض النعام؟=العدد مشروط قدام الوصوف[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
محتاج اشوفك كل مااحتجت شوفكـ=في معزلٍ نايد وخافي عن الناس
لكن ظروفي خالطتها ظروفكـ=والجو يصفي بس ياسرع ما انحاس
ارفق على قلبي واشوف معروفك=لاتتعبه تراه بالحيل حساس[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كم مره اعيش معك الحلم لكنك = عني تقفي وانا ما اقاوم اقفايك
اما اقترب لي وخل البادره منك=والا تريح شوي ... وعدني جايك[/poem]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هرج الخطا بالطبع مانيب ادانيه=عن دربه وراعيه منصاع كلي
من لا يعز النفس مااحدٍ يصافيه=يقبل ولكن مايحصل مهلي
وان جات غلطه من رفيقٍ مخاويه=عنها انصرفت بكل دقي وجلي
تقدير لكرام اللحى اللي تواليه=اللي مرافقها يعز ويسلي
والمنطق اللي مايناسب مخليه=انا عنه فالنايفات متعلي
لو يقترب ماارغب بقربه ولا ابيه= اعرف محله زين واعرف محلي[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دعني وشأني وخلك لاهي بشانك = ماانته بربي تحاسبني على اعمالي
لو اكتب اسمك وابين وين عنوانك=كلٍ عرف خافي الموضوع طوالي
لكن تريح هناك وصك بيبانك=ماودي الِحق بقايا ثوبك البالي[/poem]

يقول الشاعر جمال بن نايف :

الركن هذا غير وانا هويته
........... ركنٍ يضم بداخله كل جزله
أرتاح لامني دخلت وقريته
....... لانه ذهب وابداع مافيه هزله



وأقول :

الركـن هذا دام ياذيــب جيته
......... الشعر لايمكن عن الركن خزله
نبني على شاانك وشرواك بيته
............ والا عن الجمهور كله نعزله

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بغيت شي وشفت شيٍ جذبني=شيٍ جديدٍ غيّر الشي الأول
رغبته ايامٍ طوال ورغبني=وارهيت وارهى مير الاول تحول
حسبي على حظٍَ بفعله نكبني=كنه على جلب المصايب مخول
حتيش لو امضي وانا اهد وابني= قرض السعد معدوم ماله ممول[/poem]

بيني وبينك حاره وخط سيدين
مافيه لا مدخل ولا منه مخرج

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالله تكفى لا تزيد المواجع= خل الجروح بداخل الصدر تمرح
ماعاد اراجع لو يقولون راجع= ولا عاد لا اجمع في زماني ولا اطرح
قضيت نصف العمر رايح وراجع=ولا لقيت لغاية النفس مطرح
واحرمت جنبي لا ينوش المضاجع=واتعبت رجلي دوم تسري وتسرح
عندي كتاب داعمه بالمراجع=عنوانه يكفيك من غير ما اشرح[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياطويل العمر نام وخل غيرك يسعى= انت لاهي ماتعرف العله المدسوسه
شجرتك عيت تطول عروقها ... والمرعى=يطلب المولى يغيثه والبلا فالسوسه
كيف قلبك يستريح ومعك راس الافعى=والنوايا واضحه والسالفه محسوسه
لا تجامل والعرب مما تسوي وجعى=قبل بيتك يرتخي بأطنابه الممسوسه[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكثر ماقالوا وعادوا فالامثال = ماتسند الشكوى على غير اهلها
الله بيدينه مفاتيح الأقفال=نلجا لوجهه كان غيره قفلها
ياللي تقول انك صميدع وحلال=شخصية اهل الطيب لا تنتحلها
نعرف مكانتهم على كل الاحوال=والكايده ياعنك ماأنت بجملها
للصدق مكيالٍ وللكذب مكيال=والنفس ماتجزى ياكود بعملها
وكان الهلال امسى قمر واصبح هلال=دارت عليك الدايرات بعجلها[/poem]

[poem= font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامن يعّلم من يردد لحونه=انه بوادي والشعر عنه في واد
لو لمّع اسمّه نصفكم يعرفونه=ماهوب لا شاعر ولاهو بقصاد
الشعر يشكي عالمٍ يظلمونه=والضيم له من بعض الاشكال منقاد
ياخي تريح لا تزود طعونه=فارق حروفه واسترح ياأبن الاجواد
خله لناسٍ لا بغوا يكتبونه=قاموا وغنوا به على روس الأشهاد[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الليل الاسود صار في وضح النهار=آخر زمن.. سبحان رب العالمين
كنه جناح غراب في وسط الحرار=وان طفوا الانوار لايمكن يبين
ياليل خلك منزلك بـ/أقصى اليسار=خلك لحالك وش تبي بأهل اليمين[/poem]