ܓܨ[ تلويحات !! ]ܓܨ

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ضيقة البال وش جابك ؟ وكم باقي ؟=حاولت أعديك عني ما تعديتي !
أحاول أتجاهلك ويبان فـ أخلاقي=ثلاث ساعات ما رحتي بعد جيتي !
مجامل الناس ما يكسر عظم ساقي=لو علق الصبر في صدري تناهيتي
فالخبل والخدش لا راجي ولا هاقي=وفـ عيال الانذال ما وصيّ .. بنو بيتي
قريّب الشوف فاللي دون.. وش لاقي ؟=الدلو فالبير وحباله مفاليتي !
ما جيت مسحور !! لجل ادورك راقي !!=صبري ( سليمان ) .. وأنت امن العفاريتي
وأن ( مات ) .. من يحشمك بـ ..ألفين طقاقي=( حييّ ) على وجهته ياخذ قضاء ( ميتي )
[/poem]

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
آه يا سنيني اللي قمت احسبّها=راح منها ما راح ويالله الخيره
كل ما قلت ابنساها واجنبها=وابني امن السنين المقبله ديره
دق فالصدر طاريها وجاك ابها=قال خيره ترى في كل تأخيره
عاقبتني عسى الله ما يعاقبها=لانها عشبة القلب ونواويره
لو ما عاشت في جنة مكاسبها=خيرة الله على عبده وتقديره
سكة العمر نمشي في مناكبها=لين صارت لنا في عرضها سيره
مطلق الوجه ترضخ له ما يرغبها=واخبل القلب دق الها مزاميره
وش ورى الناس لا ضاعت مذاهبها=الوفاء راح من جرفٍ لدحديره
يالله اسمح لنفسي لاتعذبها=قبل يوم الحساب وعرض تقريره
افقر الخلق انا والخلق واهبها=انت يا خالقي والعفو ما غيره !
[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حبك مخليني على دربه اسير=ما كن في هالكون موجود غيره
اجيك ما عندي خبر فالمقادير=والقى مكانك ما بقى الا عبيره
ريح عيونك نام .. تصبح على خير=لو كان شوقي لك ذبحني كثيره !
[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شعبك يا بشار ما يبغاك وش تبغى ؟=سلم مفاتيح حكم الشام لرجاله
ابوك طاغى واخوك اللي معاك اطغى=وانته على ساقته وحبالك حباله
واللي فعلتوه فالشعب الابّي الغى=حكمه وحكمك وحكم اخوك وانذاله !
[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
جيت الرياض وجمرة الشوق حيّه=تحت الضلوع اللي لها فوقها قوس
ماهو بشوقٍ لك يا نجد العذيه=ولا هوى روحي لاهب الهوى كوس
شوقِ لمن خلو لها قابليه=اللي لهم حبٍ على القلب مغروس
لابوي جعل ايام عمره مديه=اللي بمدرسته عرفت اصدق دروس
ولامي ودعوات المساء الرضيه=اللي يباشرني دعاها على الروس
لاخواني اللي فيك .. منّي واليّه=لاحبابي اقرابي وقوسٍ ورى قوس
يا طيب لاحكت يديه يديه=ملامس اللي من ورى البال محسوس !
[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليت العمر يعطى وانا اعطيه منه=ايامي اللي بالفرح مقبلاتي
اللي على ضني تحاليت ضنه=الامنيه لو بالخيار امنياتي
منه القطاعه نار والوصل جنه=الله لا يحزني بجنة حياتي !
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كانك تصادقني من اجل السوالف=وان جاء نهار الحوج ما سوت ايديك
انا ترى عن بارد الوجه حالف=لا تلتفت فيني ولا ملتفت فيك !
[/poem]

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشوق هذا لو خذاني من الناس=ما راح ياخذني سوى منك واليك
يا جعلهم يفدونك اخماس واسداس=ويا جعل والله ما انحرم لمسة ايديك
حبك بحر من دون مينا ولا قياس=حبك ذبحني يا بعد دنيتي فيك
اموت بك واجوع وصلك على اساس=اني قسم باللي خلق روحي اغليك
من غيبتك وانا من الصمت حساس=بس اكتم احزاني بصدري واناديك
اقول وينك كل ما هب نسناس=ويرجع صدى صوتي ولا جاب طاريك
تعال لاتلحق على روحي الياس=ماهو صحيح يموت حبي واعزيك
ترى الصحيح انك معا كل هوجاس=تلبي الخافق مثل ما يلبيك !
[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حاجتي لك حاجتي للماء على شان الحياه=يالحياه اللي خذت روحي على جنحانها
وين ما سيّرت فكري جيت للفكر اتجاه=المشاعر مهرةٍ راحت تجرّ عنانها
ما جرح روحي ولا زود على قلبي عناه=اكتم الاشواق وآكابر على كتمانها
يا حبيبي ما بقى دمعه ولا ونه وآه=الا جت تركض تحدّاني على نسيانها
وأنت والله غايةٍ للقلب والجرح ودواه=وكل ساعه ما تجيني بك قليل احسانها
وكل نسمه عابره قالت معي وش السواه ؟=وش معك في حيلت لساني وحال لسانها ؟
اتوجد واطبع حروفك على كم العباه=لين صارت موضةٍ تنباع في دكانها !
وا عنى قلبي نصحته مير عيّا عن هواه=القلوب الخضر وش يجري وسط شريانها ؟
[/poem]

[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا ناعمه يا أنعم من الماء على الماء=ما فيه شي اكثر من الماء نعومه
قلوبنا ظميا وجرحى والماء=وحنا نقص الارض والماء نعومه
ياليتنا من طرقت الولف سلمى=ما كان يكفينا معه لو علومه
جعل الفداوي فيه ليلى وسلمى=لو كان عودنا على لوع لومه !
[/poem]

[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تضايقت من شطرٍ كتبته على ذكراك=ياليتك نسيت الضيق من شطره الثاني
يا كثر البيوت اللي تدور على لاماك=صحيح الهوى مجنون والحب قوماني
اسيّر لك الافكار من واحة الادراك=واهز الغصون الخضر واطيّر اشجاني
عسى الله يسامحني ويرضى على روياك=انا ما حسبت الشوق يعقد لي لساني !
[/poem]

[poem=font="Traditional Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مال الخفوق الا انت لا تشغل البال=خل الطواري والهواجس تعدا
علقت لك في داخل الروح سلسال=تعليقته وجهين حبٍ وودا !
[/poem]

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليت العيون اللي على ذكرها جيت=لا مرت بعيني يسلم هدبها
واقول فيني يالهدب ويش سويت=جريمتك فالقلب وشهو سببها
واخاف لا لديت فيني وصديت=ترجع بلا نية خطا ترتكبها !
عينك لها سطوه وربعك لها صيت=وانا بغني ليتني من عربها !
[/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ما دريت اني احب الا بعد ما غبت عني=ضاق صدري فالغياب وضاقت الدنيا بعيني
ليه ما احبك وانا احسك معاي وجزء مني=وليه ما أحزن وأنت فرحه وأتحرّاها تجيني
والغلا اللي يا حبيبي ممتحنك وممتحني=من يمينك في يساري من يسارك في يميني
لو يفيدن المناوي كان جبتك بالتمني=مير كان الله بعون اهل الغرام الصابريني !
[/poem]

[poem=font="Traditional Arabic,6,sienna,bold,normal" bkcolor="silver" bkimage="" border="double,7,gray" type=2 line=0 align=center use=ex num="0,black""]
وينك وحشتيني عسى العمر يفداك=ما اشوف من دونك لهالعمر داعي
اموت فيك وخاطري فيك وأهواك=والشوق يلويني ما يلوي ذراعي !
يا طيبها وانا من آخر ضحاياك=ويا شينها وانا بلياك راعي !!
وان كان شوقك من منامك ما صحاك=انا من الاشواق من غبت واعي !
اشتاق لك وادعي عسى الله يرعاك=وتعود لي واعود لك من ضياعي !
[/poem]

:
:

من جد انا اتعب
يوم اشوفك ( حزينه )
ليه الحزن ؟
وانتي من الروح فـ الروح

انا غريب وجيت ..
وأنتي ( مدينه )
ومن يوم جيتك ..
عنك ( ما ودي اروح ! )

:
:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياللي تقول المنتخب بكره يفوز=لا والله ان الفوز ماهو بحوله
معدوم شخصيه مفكك ومهزوز=بارد ولا يلعب بروح البطوله!
قرنبعٍ تبي تجاكرلها بنوز=ماهيب والله فالعقول معقوله !
[/poem]

[poem=font="Simplified Arabic,3,sandybrown,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
ما همك اضيق والا اعيش في حيره=لو همك الامر ما خليتني ضايق
تاخذ كلامي على نيتك وتثيره=وتثور الحزن داخل جوي الرايق
اللي يقدرك لا تفرح بتقصيره=وتحط من دون وصله بالوفاء عايق
ان عاش بك عاش واليا مات بك خيره=الحب شرّف على خفاقه ووايق
الماء من الود والا النار فالغيره=وانا من الاوله والثانيه ذايق !
[/poem]

[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاهنت يا راسي ويا خاطري عشت=حتى ولو ما فيكم انسان شاعر
فيكم رضيت ومن زعلكم تقروشت=وقام يتناولني على القلب ساعر
وجريت بيضاء والقلم له تناوشت=وعبرت والتعبير ضيقه وشاعر
براد الاجواء ضده الكوت والبشت=المشكله وش ضد برد المشاعر !
[/poem]

[poem=font="Traditional Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله من هاجس مسيطر عليه=حاولت فيه يروح عني وعيّا
جاني بعد ما فات عيد الضحيه=وضحيت باللي من ورى الصدر نيّا
يستاهله لو ما تجيبه يديه=يكفيه لا حاسد ولا كان سيّا
ويكفيه فيه اللي يبيح خفيه=اللي تحت فيت غصونه تفيّا
وعلى الغصون تغني الراعبيه=وعلى الورق جاب القلم ما تهيّا
يا شعر ووجيه المعاني قويه=جعل الوجيه البارده ما تحيّا
معاقبين الناس صبح وعشيه=في شاشة التلفاز والبث حيا
بيوت ما تنزل ولاهي خليه ..=من دبل كبد اللي براسه حميّا
الفرق بين الطيبه والرديه=مثل الذي بين الثرى والثريا
خذها من اللي كلمته مفصليه=ماله ورى ضعف الروابع هويّا
لو للقصيد الجزل ذمه بريه=يمديني املك قصر وسط العليا !
[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حبك على قلبي مثل رش المطر=شف عاد كيف امن المطر تحيا قلوب
انا ادري اني من بعادك في خطر=وانا ادري انه منك واليك الهروب
صوتك مشاعر عيد وانفاسك عطر=وما بين عطر وعيد كم خافق يذوب
تعال يا آخر فاصله وأول سطر=تعبت افكر في نجاح وفي رسوب !
[/poem]

ما على وجه الشعور الا المحبه
وأنت كل الحب يا سيد الحبايب

والخفوق اللي غلا حبك لعبه
عن غلا حبك ترى ماهو بتايب

المحبه ما تجي من دون سبه
وانت جبت الحب يا كل السبايب

سعد عيني لا طرى فالبال نبه
كني الظامي ليا شاف السحايب

مقبله والغيث يا محلا مصبه
لا عجاج ولا ضباب ولا هبايب

وسعد عيني لن قسم ربي وربه
وصل من بعد العنا والبال طايب