{.. ذائــــقتـــي.. } ..! - الصفحة 15

02-12-2009, 09:41 AM

عبداللطيف الغامدي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هزّ جذع الروح يتساقط قصيد ولمّه = دام في مدّة يدك باحساس سرّ الهامي
وان بدا لك شخص يشكي لك تنامي همّه = لا توحّده بمجابه همه المتنامي
هذا انا يوم امنح الكلمه طريق وهِمّه = لجل تطوي بي مسافة صمتي المترامي
اعترف لك ما بقى للجهد شيّ آتمه = لجل يرضى واقعي بكّيت عين احلامي
ابتلشت مع الزمان يخمّني وآخمه = يرفض استسلام جوره وارفض استسلامي
كل ما قلت انحصر ضيمه يجيب مطمّه = واثر هذا ديدن الدنيا وسلم ايامي
اتجاهات التعب شتّى ولا له يمه = والغريبه وين ما رحت اصدفه قدامي
وهذا انا بينت لك سداً تعبت آدمه = ماشكيته غيرلله ثم لك يالسّامي
لنّك الزم لي من البلسم ونضح الجمّه = ولنّي اشرح لك شعور المنجرح والضامي
ولن لي بك حاجة الطفل لحنان الضّمه = ولنك اوثق من دواير بصمتي فأبهامي
حطّني فالوصل عن فقدك قليل الذّمه = واعرف ان العهد مهما ابطى يظلّ الزامي
ماانت ابو جرح القدر لكنّْ جاك وسمّه = يمكن انه يندمل بين لحمي وعظامي[/poem]

03-12-2009, 04:46 AM

نواف نايف

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آخر قصيدة فيك قررت أبنساك=وأنسى ليالي الود وأنسى غلاكا

أقولها من حر ماأونس بجفواك=ان جيتني وان رحت ماأبغى رضاكا

مالي ومالك دام غيرت مبداك=صار الوضع بين وقلبي نفاكا

صدق خبر كذب خبر وأتحداك=باكر تشوف العين شيٍ خفاكا

وان كان طعم الهجر يبس شفاياك=لا ترتجي عدٍ بعذبه رواكا

وان كان في ليل المجاريح مسراك=كمل على دربٍ يزيد بعماكا

وان كان طيف الحب غربلك وأشقاك=أسعد خبر تضحك بذكره عداكا

وان كان جابت ماضي العمر ذكراك=عض الأصابع يوم خنت بوفاكا

وان كنت تبكي من ظروفٍ توطاك=أنت اللذي سدت عيونك يداكا

وان كان سهم الحب صابك ولاأخطاك=حس بجروح الناس حس بخطاكا

وان كان جرحك غيض تنزف به ادماك=يمكن تلاقي في نزيفه شفاكا

وان كنت غالي بين ذولي وذولاك=مالك لزومٍ في جريحٍ جفاكا

وان كنت تقوى الهجر طول بفرقاك=باعك خفوقٍ قبل مدة شراكا

وان شفتني بالعين صدفه بممشاك=أرجوك عني صد وانظر وراكا

دور بدالي جعل مولاي يبلاك=لأنك بليت اللي بعمره فداكا

أربع سنين بين همي وبلواك=أحرقت عمري لين نورسماكا

يذكرك قلبي في صلاتي تمناك=وعيني تهل ادموعها في رجاكا

أمشي بدون احساس وأصحي بلقياك=ويغيب عقلي معك سبة هواكا

تعبت أفكر فيك وش هي نواياك=وليا اتضح غدرك خفوقي حماكا

حبيتك وحبيت من جاب طرياك=وأحب من يذكر مزايا حلاكا

وأزعل جميع الناس والمقصد ارضاك=وأكن غيضي منك ماأزعل علاكا

مافيه يومٍ مر عشته بلياك=صورتك في قلبي وعيني تراكا

ماضيٍ مضالي معك ماأظن يخفاك=كلٍ درابه يوم بيْن رداكا

لا لا تعذر وش بقى من سواياك=أهون جريمة يوم قلبي دعاكا

يوم اعترفت وقلت لك كلي أهواك=جرحتني وأخفيت عني دواكا

قفيت عني ويش أسوي بلاماك=نقضت عهد الحب وينه حياكا

وان جيتني لابد بعيونك أقراك=ياكتاب غدرٍ كل حيٍ قراكا

قررت أببعد وأنت كمل بدنياك=عيبٍ علي ان قلت لك وش بلاكا

مادام هجرك طال قررت أبنساك=وأنسى ليال الود وأنسى غلاكا[/poem]

06-12-2009, 10:42 AM

محمد السبيعي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بين بطر الحقايق .. وإغتيال الصواب=لا يجدّ المجدّ .. ولا يطول العتب!
كل ما قلت لأحزاني يا مال الذهاب=كل فرحٍ حقيقي من حياتي .. ذهب!
ستة أعوام أطاول بالطموح السحاب=لا وصلت الطموح .. ولا كِفيت التعب!!
ذبل شوفي ورى الحلم البعيد / السراب=وكلّ ساقي من الطرقة .. ووجهي شحب!
لين جفنى تراخى وأعلن الإنسحاب=دمعٍ أحسبه قبل يسيل سيله .. صعب!
وآتلفّت وأدوّر لـ / النفس .. عين باب=لا صدورٍ وساع .. ولا هبوبٍ تهب !!
يا كثر ما عشقت .. وراح عشقي هَباب=ويا كثر ما كرهت .. وصار لي وإنكتب!
في عيوني سؤالٍ ما لقى له جواب=وفي ضلوعي خفوقٍ ما لقى له مُحب !!
كان هذا نصيبي .. يااااااا نصيب العذاب=جعل ما هو نصيبٍ تاليته العطب!
طال صبري .. وناس القلب كثر التراب=مير محدٍ سألني مرةٍ .. وش تحب؟؟!
طال صبري .. وفرْح القلب مثل السراب=حدّي بعيد أشوفه .. وإن وصلته .. نضب![/poem]

08-12-2009, 05:15 AM

عيسى الشاطري

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم كلٍ نام ومكبر تحت راسه مخـده= وشوارع هاديه . والناس عمّتها السكينه
والبحر موجه تهادا وابـتدا جزره . ومده= وختلط مع ضلمته . ليلٍ يتعب ساهرينه
أطلعي . كنك شعاع الشمس في حده . وقده= نوري ليلٍ من الضلمى غطى نور المدينه
ونبتي ماكنك إلا ورد ومغطيه نده=عطـري لي ليلتي يـــ وردةٍ عـندي ثمينه
ونقذي عاشق همومه للبحر قامت تحده = قبل ماصل غبته كوني على الشاطي سفينه !
عاشقٍ لا حل لك طاري صفق يـده . بيـده = كوني ايمينه قبل لا تصفق ايساره . يمينه
سولفي معيه . وخلي قلبي يبوح ألك سـده =قلب محرمك العذاب . من الوصل . لا تحرمينه
بعد عرفك فالبشر حتى النظر ماعاد . لده =لو بغـيـت افهم كلام اتخيل انك تـنطقـيـنه !!
حطلك قلبه سكن . وعطاك مفتاح الموده = لن سكنتي به لحالك . وان طلعتي تقفلينه
بيتك الي بالغـرام مشيده . والحـب حده =والوفاء عطره . ونوره بالوصال . تنورينه
وصلك ايزيده عـمار وطول هجرانك يهده= يـنهدم لابوه بـيـتٍ بالوفا ماتـسـكـنـيـنه
وفهميني كان تـبغينه بـود مثل وده=مثل مايعطيك من حبه . بحب اتبادلينه
وكان ماتبغين انا لا قلت شي اكون قده= والله اني ماعـشق غـيرك اذا انتي ماتبينه
انتي اول شخص حب القلب في مزحه . وجده = وانتي اخر شخص حب القلب في عسره . ولينه
وانتي اللي معك مفتاح المحبه . والموده =تقفلين القلب وان شئتي بكيفك تفتحينه[/poem]

09-12-2009, 04:20 AM

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ٍ على قد حاله يرسم احلامه= تضخيم حلمك سهل بس النوال اصعب
وبدال مايشهده بالليل لانامه=يصحى على صوت ناي الواقع المتعب
الواقعيه عقل والوهْم دوّامه = والهم يوجع لو ان الهم مايضرب
وباللي ماعنده قناعه يرمي اسهامه= اسهام من سهْد ليل وحزن ماينضب
لو كل واحد قنع في مدة ايامه=مابانت آثار للتخمه ببطن اشعب
ولاراح ياكل مع الوالي وخدّامه =وجلس مع اهله ببيته ياكل ويشرب
ياكثر لطف الكريم ومااكثر انعامه =ماتنحصر بالنسب والمال والمنصب
شوف الولد والديه بخير قدامه= لو ماكسب غيرها حاجه هي المكسب
والناس متذمّره دايم ولوّامه =ترتاح والا على حاجاتهم تتعب
لو ان طبع الاوادم خامه وخامه=بس الاقليه انجرفوا مع الاغلب
وشلون نبني فكر بافكار هدامه = ونضحك وحنّا نتابع فلمنا المرعب
مدري عدم حس بالواقع وبآلامه=والا تعبنا من الجد ونبي نلعب[/poem]

سلطان بن بتلاء

10-12-2009, 04:18 AM

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وقّف قبل ظنّك يذبّ الخريمه=ويروح بك مخطي ومقفي ومرتاب
يكفي تعب جرح النديم لنديمه=محتاجتك تسمع لي الصمت وش جاب
(الحب) فوق الحب صفح وحشيمه=لاينقطع سلك المحبيين بغياب
لاتعتذر ماللمعاذير قيمه=حنّا بشر نخطي قبل نصبح احباب
صحيح تجهدني الجروح الاليمه=واعجز وانا ادوّر لزلاتك اسباب
لكن بعين الحب دمعه يتيمه=ماارضى لها وتطيح في لحظة عتاب
خل الدموع اذا اشتكت كل غيمه=من غيبتك مع كل تذكار تنساب
القلب مايقبل لنبضه هزيمه=حتى لو اقنعني بها قلت كذاب
ماينتقم غير النفوس السقيمه=ومن لاتصيّد فرصة الوصل ماصاب
مسموح في صف الجروح القديمه=لكن طلبتك رد من دونها الباب[/poem]

الفجر البعيد

11-12-2009, 01:35 AM

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الغالي اللي رحل واشعل (شموع الغياب) = ماله من اللي يحبه غير .. بوح السهر
يشره على قلب ودى في غرامه وجاب = ينبض له الحب والاحساس .. سر وجهر
بعد ما طاولت في حبه .. شموخ السحاب = واهديته (احساس خالد) للمحبه مهر
راح وترك في صميم القلب جرحٍ شباب = يكبر ويكبر ويكبر لين (شيبه ظهر)
طعني وطعنتة .. ماهي بشلفا ذياب = لا والله اقسى عليّه من طعون الظهر
الله يسمح خٍطى رجله عزيز الجناب = ويصبر اللي على فرقاه ميّت قهر
من دونه احس بـ إن سنين عمري سراب = افرح بها يوم وآعيش التعاسه شهر
آعيش غربة وطن وافتح للافكار باب = واستنتج إن (الحياه ابلا محبه دهر)[/poem]

خالد السيحاني

13-12-2009, 05:40 AM

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هتان لاتشره على عيون الكبار = لاسيلت في كل ليلة دمعتين
هتان واضحك لانتهى ضحكك مرار =وانته همومك ماتعدى حاجتين
اكبر همومك هم واجب واختبار = وانا همومي هم موت وهم دين
هتان عشْ عمرك وخلْ عنك العمار = اللي بقى من شان تاصلها سنين
شفني وصلت وكل مافيني يغار = من فكرة الجاهل ومن قل الحنين
هتان شفني من بعد مالوقت دار =اعيش لي ذكرى وامسح دمع عين
شفني تعبت احلم ولا ليه خيار = تعبت عايش في زمان المترفين
هتان لاتحسب طموحاتي صغار =واقلها يشبه طموح المبدعين
العين تبغى مير يدّيني قصار = وخايفٍ لاكل وكنْ مالي يمين
انشد عيوني من ذبح منها النهار = وانشد يديني وشبها صفر اليدين
وانشد وتلقى كل منصب له قرار = والله يعين الناجحين العاطلين [/poem]

عبدالله الرقيب

14-12-2009, 06:03 AM

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جتني بعد ماطواها البعد مشتاقه= تخفي بمنديلها عني عبايرها
.

وتقول والله ماجيتك علي فاقه=وادخل علي الله حياتي لا تدمرها

.
بياعة الورد باقي عندها باقه= باكر علي لمة العشاق تنثرها

.
الغضه اللي لذنب الناس علاقه=يوم انكسر خاطري.. جبرت خاطرها

.
ماعاد فعيونها لجل البكا طاقه=تجمع الحزن كله في محاجرها

.
ولو كان ماهي ربيع العمر ووراقه=لكنها باقيه في بال شاعرها

.
والشاعر اللي يشيل الود فـ اعماقه=لو يكره البنت.. مايجرح مشاعرها[/poem]

فارس العتيبي

15-12-2009, 02:04 AM

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالت اللحظه .. ثواني .. قلت .. يا مر ّ الحسافه =قالت .. أشرب من دموعي .. قلت : صبيّها بعيني
قالت .. ارسمني بزمانك .. قلت .. والهجر ..؟ وجفافه ..؟=قالت .. أختر في يديني . قلت .. كلي ّ .. قيّديني
قالت .. الليله فراقي .. قلت .. قلبي يا ضفافه = قالت .. الليله فرااااقي .. قلت : حزني .. مصطفيني
قااالت .. اهدرني بقربك .. قلت .. ضمّـتك العفافه = قالت .. اجرح لي سباتي .. قلت .. ليلك واسهريني
قالت .. اكتب في بعادي .. قلت : زفره للمسافه =قالت .. العذر بظروفي .. قلت : مووتي واقبريني
قاااالت .. ادري ما رحمتك .. قلت .. عمري منهو شافه =قالت .. ارحم ماارحمتك .. قلت .. طيّب .. عذبيني
قالت .. الموعد سمانااا .. قلت .. خابر مانعافه = قالت .. اصبر تكفاا اصبر .. قلت .. همي والحنيني .؟؟؟!!
قلت ليلي ليل ٍ أخرس ما انمحت ّ جرة ّ خفافه = قطر ّ بجفني سواده لين .. صبحي معتميني ..!
دربنا تعبت مسافاته ضمت ّ والبعد .. لافه = ليت لي قدره على هالبعد .. يرضخ .. ثم ّ .. يجيني
اغرقي يا بنت في بحر التناسي والخرافه = لا غرقتي بحزن .. دمعك اعتزي بي .. واغرقيني
ما نسيت الا وجودي بين كفيّن .. النكافه ..!= وطيفك اللي لا لمسني شق ّ صدري .. شهقتيني ..!
يا عذابي والسهر اسدل على نوومي لحافه =تايه ٍ تيه ... الضوامي يوم وقتي ما سقيني ..
لا رحلتي باركي .. فرحة ّ غيابك في زفافه ..!= مير بالله لا رحلتي .. قولي انك .. ما تبيني ..!!!
مدري وجهك يالسحاب اللي تشظيتي .. كلافه = المرايا لك سراب ولا كسرتها خطوتيني
السنين اللي زعرتني بالهوى تجني قطافه = وأنتي في أرضي زرعتك .. ما ضميتك .. يا سميني
والله ان الشعر .. يحكي .. لا حكى .. بالحب .. قافه = يجثم بصدري ويغرس رمح فكري .. في كنيني [/poem]

مساعد البيان

16-12-2009, 06:17 AM

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي وابشع جريمه فالهوى حسب النظام = لا غبت عني وانت تدري عن غلاك ومنزلك
في خاطري كلمه ولاكن كيف اببدى فالكلام = وانت الحروف الغايبه من دون وصلك تاصلك
ماجاني الا طيفك العابر ولا رد السلام = وانا مع الطيف العزيز بكل طيب اعاملك
اشتاق لك شوق العمى لمشاهدة وبل الغمام = ودمع العيون اللي حبسته عام منك إنهل لك
واشتاق لك شوق الصغير اللي بعد سن الفطام = غدى وحيد وقال ياوقتي عجزة اتحملك
اشتاق لك وضلوعي الاهداف وغيابك سهام = ورغم الجروح اللي بها من قسوتك تشتاق لك
اعزي اعياد السنه واليوم في غيبتك عام = واعزي الصدر الرحيب الي فقدك وحن لك
ياصاحبي والبعد شرهة عود في وجه الغلام = ياصعب سؤالٍ في حياتي ماقدرة اعللك
اتخيلك وجلس معك وعيش بك نشوة غرام = وصحى على الواقع بعد مده واعود اتخيلك
ابسألك نفس السؤال اللي له بصدري وسام = وجاوبك واعيد لك ياصاحبي وابسألك
افزلك لامرني طيفك ولا يهنا المنام = واشوف حسنك جل ربٍ بد خلقه جملك
وش قلت لك قدام تكويني بنيران الهيام = واعيدها وش قلت لك وش قلت لك وش قلت لك
ياصاحبي والشوق يبكي والسبب وجه الملام = ليت الغرام اللي قتلني بس لحظه يقتلك
مادمت في ظلمة فضا ليلي مثل بدر التمام = ارجع بعد غيبه واقول ان الغياب يحق لك[/poem]

حسين عزام

17-12-2009, 07:20 AM

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قبل امس .. يـوم .. الفجـر .. مابـان "=" سلـمـت .. لـلـريـح .. لـلأفــي
مدري .. من .. الأنس .. والا .. الجان "=" مستيسـر .. الــروح .. وأطـرافـي
يعني .. بقـى .. للحضـور .. لسـان "=" من .. بعض .. وش صـار .. ياكافـي
بعض .. الحكي .. مقبـس .. النيـران "=" وبعض .. الحكي .. يردف .. اردافـي
قلبـت .. فـي صفحـة .. النسـيـان "=" ياكـثـر .. نسـيـانـه .. الـخـافـي
البـارحـه .. مـالـهـا .. نـيـشـان "=" الا .. التـبـاريـح .. واجــدافــي
دانــه .. يـادانـه .. لادانه .. دان "=" الـنـور .. فايديـنـك .. انـصـافـي
يلقى .. لها .. من .. قـراء .. عنـوان "=" واللي .. دراء .. الصبـح .. ماشافـي
ماتظـهـر .. الا لـهـا .. مـيــزان "=" مضرابـهـا .. بـيـن .. الأكتـافـي
فـالأرض .. تاقـف .. لهـا .. بيبـان "=" وتحت .. السماء .. سترهـا .. ضافـي
ياهيـه .. ياللـي .. سمـاك .. الـوان "=" تلعـب .. علـى .. الريـح .. متعافـي
ذكرتنـي .. كـان .. يامـا .. كــان "=" يـوم .. اكثـر .. الهرج .. ينشافـي
من .. دايم .. الدوم .. ليـن .. احيـان "=" من .. جوهر .. الصدق .. في .. قافي
بسـم .. الرحيـم .. الله .. الرحـمـن "=" صح .. الهواء .. اللي .. زمن .. غافي
ذكرنـي .. الحـب .. يــا إنسان "=" رجــع .. خفـوقـي .. لميـقـافـي
أثبت .. لي .. ان .. الزمن .. ماخـان "=" والـنـاس .. تـوفـي .. وتستـافـي
وأعلمـك .. شـيء .. شانـه .. شـان "=" عن .. عمرك .. اللي .. مضى .. خافي
شـيءٍ .. عسـى .. هاينـه .. ينهـان "=" مـن .. بعـض .. الأزوال .. ينعافـي
والا .. اتـرك .. البحـر .. والأوزان "=" لـلـوان .. حـدسـي .. وزخـرافـي
. [/poem]

سعود بادي

20-12-2009, 07:57 AM

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حيل الله اقوى مابقى في يدي شيّ = مافيه حل ٍ في يديني.. ذخرته
حاولت .. لكن المحاصيل هيّ هيّ = الطير طار ولا بقى الا شجرته
وقفّت اشوف شويّ واغمّض شويّ = واللي انكسر في خاطري ماجبرته
لين الحقت شمسي على بارد الفيّ = وشفت ان كل اللي جمعته خسرته
من كثر ماعزيت ريقي عن الميّ = ملّ الصبر من كثر صبر ٍ صبرته
كم هقوة ٍ ضاعت على سكة الغيّ = وكم حلم فـ ( تراب ) الحقيقه قبرته
واقف .. وطعنات الزمن كلها فيّ = وساقي لو انه كلّ مني / كسرته
بعد ماعاش اليأس في احساسي الحيّ = اخوي .. لو هو صد عني عذرته
مدري عن اللي كنت احسبه بقى ليّ = اللي حزمت ابه الضلوع وذكرته
اللي طوى حالي بحكم الهوى طيّ = قصّر .. وانا كل الطريق اختصرته
ماهو خطاء لاقلت ( تأمر على شيّ ) = الا الخطاء .. لا اشتقت له وانتظرته[/poem]

مشعان البراق

21-12-2009, 07:50 AM

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالت أبي رحله مهي رحله على هام السحب=قلت ابشري با اللي تبينه يا مناي ومطمعي
يا مسافره ترى الدروب طوال والرحله تعب=رحله غريبه واغرب الرحلات ما كانت معي
قالت توكلنا على الله ماش موت بلا سبب=ترى اطيب الاسباب لا صرت السبب في مصرعي
قلت ادخلي عقلي وتلقين العجايب والعجب=وليا طرى لك كنسلي حجزك وعودي واقلعي
واخذت تذاكرها ومرت بين عيني والهدب=وانا قفلت رموشي الثنتين باطراف اصبعي
مرت سنه بشهورها وايا مها واللي حسب=فترة غياب المترفه دقات قلبي واظلعي
لا جا لها طاري تعود ولا طرى لي ارتكب=بعض التهور والغي الرحله واقول الها ارجعي
الصيف مر وجا الشتا والجو تبدل وانقلب=صار الدفا برد وهربت من الخيال لواقعي
ما عندي الا شالها والنار ووجار الحطب=والضحكه اللي من سنه عيت تفارق مسمعي
يا هل ترىترجع وهل هذا الحضور المرتقب=يصبح حقيقه والغياب يموت وانشر به نعي
وفي ليلة فيها الثواني جمر والساعه لهب=جتني وانا ما بين فترة يقظتي واللا وعي
تمشي على استحياء والفستان من فوق الركب=قلت الله يحييك في مصيافي وفي مربعي
بغيت اعاتبها وقالت لي بضحكه (لا عتب)=عندي حكي من عام مرهقني ومقلق مضجعي
قلت اخبريني قالت التاريخ لو حدث كذب=ما قال كل اللي بعقلك يا الاديب الالمعي
لقيت فيه اهرام واصنام وتماثيل ولعب=والهيكل المزعوم نايم حول عرش التبعي
واشعار ابن زيدون مع ولاده ومجلس ادب=والجاحظ المشهور يقرا في كتاب الاصمعي
ولقيت دار الحكمه وفيها ملايين الكتب=والفين مخطوطه لابن بطوطه ولم تطبعي
واجمل كتاب اعجبني اصلا ( معجم لسان العرب)=قلت العرب وين العرب يا من يقول ويدعي
راحو طعام جحوش بين اللي ذبح واللي نهب=واللي شرى له يخت في جنوى وقصر مربع
واللي يظلل جيل كامل با الدعايه والخطب=الراعي المسئول راقد والرعيه(لا رعي)
حسبي عليك الله ما جبتي معك غير التعب=رحتي وكدرتي برميه خاطئه مستنقعي
قالت تقرب والمس الجمره وعنقود العنب=مير احترص لا تحرق الجمره شفاك وبرقعي! [/poem]

د حمد العصيمي

23-12-2009, 02:39 AM

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عاذلي مااطلبْك لامن هوى الدمع شْفِقَه=ماانكسر لو دمع عيني على عيني جِرِي
الشجر لوّ الهبوب العتيّه تطرقه=ماتمايل من غصونه سوى الغصن الطري
والحنين اللي برى الحال لا جيت اطلقه=طار من صدري وحطّ الرحال بمحْجري
مارحم من لاانْزوى كل عبره تِشْرقه=ولا يكنّ بمهجته غير جرحٍ مابري
حال حول ولابقى باب للصبر اطرقه=ووش يصبّر من سرى ليلةٍ ماتنسري!
العقول الضيقه والنفوس الضيقه=ليش تبغضني وانا لااعْتدي ولاافْتري!
اجمع احبابي حواليّ واهل التفرقه=مايبلّ كبودهم غير ضيقة خاطري!
الصداقه كان ماهي محلٍ للثقه=مالها قيمه.. وانا من معانيها بري
حاربوني والقضيّه / ( قصيد وذائقه)=ولا بهم من راسه يشيل فكرٍ نيّري!
لو بفقّه كل جاهل عشانه ما فقه=لو سلمت من الفرزدق / يضيق البحتري!
عادتي , من منطقي مايوافق منطقه=مااخسره صاحب ولاادير للودّ ظْهري
ومن حفظ قدري عطيته من الودّ اصدقه=وجبت له سيفٍ يماني / وتاجٍ حِمْيَري!
[/poem]

فالح المصعوك

24-12-2009, 05:26 AM

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على إثرِ افتقادُك ظلَ دائي = يُعاوِِدُني وينعم ُبإحتوائي
فتستبِق ُالجوارحُ بإعتدال ٍ = الى ماكُنتُ احسَبهُ دوائي
الى حُزن ٍ لنفسي اصطفيه ِ = ودمعٌ فيك يُبلِغُني عزائي
اناجي فيهما بالصبر ِقلبا = على مايعتريه ِ من العناء ِ
وروحٌ اينما ثُقِفتْ افاءتْ = بما تركَ الرحيل ُمن البقاءِ
اذا ما زادها الفقدُ اشتياقا = تصّعّدُ بالحنين ِ الى السماءِ
فما اقسى الرحيلُ بلا وداع ٍ = وما اعتى الوداع ُبلا لقاءِ
رحيلُك لم يكُن جُرحا دفينا = رحيلُك كان إذنٌ بإنتهائي
فمن لي حينما اقتاتُ همي = ومن لي حينما اشكو بلائي
ايا ابتي لِما الجسد المُسجى = أُقبِلُهُ فلايهوى لقائي
ويا ابتي وقد أُعليت نعشا = أُذلُ لهُ ويشمَتُ بانحنائي
وياابتي وقد واراكَ قبرٌ = اخاطِبُهُ فيُعرِض ُعن ندائي
اما في عاتق الصبر ارتواء ٌ = فأعقِد ُ في أعنتهِ رجائي
نأت عشرون فقدُك مُسْرَجات ٍ = بيُتم ٍ قد احاط بكبريائي
له ُ دمعي وحزني واشتياقي = ولي منهُ التكفُل بالإخاءِ
فما آنستُ في حُزني شفاءً = وما احياكَ يا ابتي بكائي
[/poem]
عناد النفيعي

29-12-2009, 03:30 AM

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المحبين وفصول السنة والليـــــــــال = والجمل والقوافي والقصــــيد وهله
ازعلوا وابعدوا عني وضاق الخيـــال = واستحال آخره يازين وانـــــــــت اوله
من جفافي يشد لك الفـــــؤاد الرحال = واركب الصعب لعيونك وانا استهسله
ما يعيب البكاء والماء لا عود وسال= عـــــــــاذل ينكـــــــره لاعوّد لـمـنهله
غالي ما طلبت وهيـــــــن ما ستحال = هـــــذي معجلة وسنيني مؤجلــــــــة
سقت شعري عذر حقك تسوق الدلال = ارفــــــــــع الشعر تحت اقدمك بمنزلة
بعدها يا حبيبي عــد حــــب الرمال = اترجــــــــى هذب عينك واعيد اسأله
انه يحن لي ويضمني في وصـــال= تحت ظلـــــــــه وسلهامه وفوق اكسله
ياحبيبي احبك بألف قلــــــب وبال = ولك ما تسكنــه منها وما تشـــغــــله
والليالي بدون رضاك ســــود ثقال= ومع دفا صــــــــوتك الايام مسترسلة
لي جمالك ولله ما بقى من كمـــال = ولي خطا المتعبين وعصــــــمة الاسئلة
صاحبك ويتعذر ياصعـــــيب المنال = وانت تستاهــــــــل خضوعه وتستاهله
والشعر يكتبه بين الهدى والضلال=وانت تقـــــــــراه باحساسك ولا تجهله
قالوا الناس ماعقب الرماد اشتعال =قلت ياناس يبـــــــقى النور في مشعله
صاحبي لاتناديني لبعــــدك تعال = غـــــــــــربة الماء غدابه عنك يامنهله
كان لله يالمحبوب جاه وجــــــلال =في فـــــــــؤادك بجاه الله رضاك انزله[/poem]

نايف صقر

01-01-2010, 08:09 AM

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ما لقيتك رحت لهمومي=صارت همومي وطن و وجودك الغربه
علمتها بالجديد و بآخر علومي=و فكيت باب الشعور و طارت السربه !
و علقت باقي ثواني من هنا نومي=في رجل طيرآ حزين و قلت له طر به
ما اطول مساي الحزين و يا بطا يومي=أستغرب اللي يقول : الصبح يا قربه
كف الفرح منكسر .. كف الحزن يومي=حتى المثل .. ما قدر كفي على ضربه
جمعت كومة سنين و قلت لك سومي=من السما غيمه و من قاعي التربه
ما قلت يا مزنة هلت علي دومي !=لا صار ما تجلي .. الاحزان و الكربه
اللوم كله .. على شرهاتي و لومي=يا لومي اللوم ما لك حق تجهر به
البارحه قلت لجروح المسا قومي=اكثر جروح الهوى .. مسموح نفخر به
لا صارت افكار عقلي تدعم سلومي=ما عاد باقي شعور البارح .. أشعر به[/poem]

طلال الجميلي

09-01-2010, 06:32 AM

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الناس تسري وهم القلب مايسري "=" بيت الطواري ضيوفه مايخليها
في بحر الاحلام بابور الهوا يجري "=" لين المناوي توقف في موانيها
ياكبر الاوجاع في صدري وياكبري"=" حلوات الايام تسبقني خطاويها
شريت من قسوة احزان الزمن صبري "=" وكسبت الاحلام منها قبل لاشريها
احيان ودي اقول لبوحها .. بدري "=" واحيان ماللمواجع من يداويها
ياصوت الايام بوح جروحها المقري "=" ياليّن وعود حاضرها وقاسيها
حط الحكي حكيهم من قدرك وقدري "=" صدقت زيف المجنن في حكاويها
أوجعت حدب المحاني وانت ماتدري "=" وطاوعت الأشواق في رايح لياليها
يبيعني طيب إحساس الهوا واشري "=" لو ترخص الناس عندي في مباديها
انا الغريب القريب الوافي المبري "=" والدمعه اللي تحيّيرمن يداويها
كتبت للحب لينه مل من حبري "=" وامليت للنفس عني مايكفيها [/poem]

سعود بادي

13-01-2010, 04:18 AM

يقول : ما تكتب غزل من مده (؟)

................ واكتب بعد علامة استفهامه :

عشان يبقى الحب لازم تبقى :

................. تدور حول الحب في دوامه !!

نقطة بداية انتهاء العاشق :

................ تجاوز أحلامه .. فتاة أحلامه !!

وأنا .. فتاة أحلامي الورديّة

................... مني خذاها .. عقلها وأوهامه

العام .. عمرّنا قصر فرحتنا

.................. واليوم .. ودعنّا ( بقايا حطامه )

ما عاد تغريني العيون النعسّ

.................. والشفة اللي في طرفها .. شامه

ولا يهز القلب .. طول الفارع

.................... إن كانها .. سفور ولا ّ لثامه

يهز قلبي خوفي من ..ذنوبي

...................... لا حدثتني .. نفسي اللوامه

وتشد شعري .. محدثات الدنيا

.................... والمجتمع والظالم من أحكامه

وأثور في وجه الخطأ وسلاحي :

.................... فصاحة الشاعر ونزف أقلامه

إنسان وأحافظ على إنسانيتي

..................... ليا نصرت العالم المنضامه

ما حز في نفسي وكدر بالي

................. مثل ( البدون ) وحالته وآلامه

(مواطن) .. ولكن بليّا .. موطن

................. (مقيم) .. لكن ما معاه .. اقامه

ترى انتماء الآدمي للـ منشأ

.............. ما هوب لحروف الورق واختامه!!

يا بلادي الحرة وأنا من أحرارك

................... اسهر غلاك السرمدي وآنامه

محد ٍ يساومني على حبي لك

................... لو كثروّا اهل المال والسوّامه

آعاتبك عتب خليل لـ خله

................. من منطلق حرصه وزود هيامه

كم واحدٍ مولود فوق ترابك

................ تحته عياله دافنين .. عظامه ؟

وكم واحدٍ ضحّى بعمره دونك

................... في ساعة ٍ كنها قيام قيامه ؟

وعاضته عن (شهادة الجنسية)

................. (شهادة الواجب) لجل حكامه !!

عيال من ماتوا فداك عيالك

......... وأولى من (الكومبارس) و (النهّامه) !!

يا قبة المجلس و نبض الشارع

.................... يخاطبك شاعر بجزل إلهامه

وعينه على الثلث الشريف الواعي

............ ما هي بـ على ( ثلثينك البصامه )

وشلون يحيى في بلاد العزة

............. رجل ٍ بصدره تستضيق آنسامه ؟

الآدمي مقرون بأرض ٍ فيها

..................... بداية كتاب العمر وختامه

وليا سلبته انتماءه لأرضه

................... كنك تنفذ فيه حكم إعدامه !!

يا مجلس انصف لي متى يا مجلس

.............؟؟.. تلعب بشعبك مثل لعب الدامه

آطالبك وأنا الحزين الضايق

............... من مستواك المنحدر وإسهامه :

في زعزعة روح النسيج الواحد

........؟؟؟.. في مجتمع مهزوز أصلاً.. دامه :

نتاج سخف وبهرجة مبنيّة :

................... على التصنع والريّا وآثامه

ترف مزيّف .. واتكال .. وفوضى

................ ( ثلاث ) من خلفه ومن قدامه

وشلون يقدر مجتمعنا الشرقي

............ يفرض رؤاه ويرفض استسلامه ؟!

وثلاثة أرباع الأسر .. تقريبا ً :

............؟؟؟..... في دبرة السوّاق والخدامه !!

الإتكاليّة .. (( دمار )) الأمة

................. يا مهاجم الغرب وفساد إعلامه

عمر التقوقع ما يحقق نهضة

................. يخبرك بأسرار البحر من عامه

ما يبني التاريخ رجل مسالم
................. يبنيه من داس الخطر بأقدامه !!

عندي قناعه واعتبرها منهج
..................... يبصم لها عقل الذكي وإبهامه

كل شيّ في الدنيا يضر وينفع
.................. على حسب طريقة استخدامه !!

حتى الطمع ممكن يكون ايجابي!!
..................... تزداد به همة .. ويرفع هامه

واكبر دليل إن الطمع فالجنة
.................. يحفـّـز المسلم يصون إسلامه !!

محمد جارالله

16-01-2010, 04:39 AM

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وآدعني .. وسلّـم .. وخلاّنـي .. وراح=وانـا علـى قـوّ المعانـاه .. صابـر

يقـول لـي مرتـاح؟ واقـول: مرتـاح=وان جيت .. تلقاني علـى منـت خابـر

واغرورقت عينـاي بالمـا .. ولا طـاح=صديـت صـدّة مـن تحمّـل .. وثابـر

مابي الحزن يستوطنـه .. ليـن يجتـاح=ويلقى علـى صـدره .. دروب ومعابـر

غير التزمت الصمت .. والصمت ذبّـاح=شف كيف عيّشني .. مع اهـل المقابـر

لقيت في مشـواري .. اتـراح وافـراح=ولا لقيـت لكسـر الاحسـاس .. جابـر

لو انّ حزن الفقـد .. يضمـر وينـزاح=مـا استعذبـت الاوراق .. دم المحابـر

رحل .. واخذ قلبي على قلبه .. وشـاح=والحين مالـي قلـب .. والجـو غابـر

عقبه حياتـي كلهـا .. ليـل واشبـاح=وما عـاد للراحـه وللضحـك .. دابـر

يا ليت طيفه كـل مـا عـرّض .. ولاح=يسمع صدى صوتٍ من الشوق .. عابـر

والله لا ابيح اللي من اول .. مـا ينبـاح=واجعل من لساني صـروح .. ومنابـر

وخوفي اطفّي النور .. والنـور وضّـاح=شجاعتـي .. ماهـي شجاعـة برابـر

شجاعة اعزل .. ما نقل في ايده .. سلاح=ولو هو على اسوار المقابـر .. يكابـر!

[/poem]

خالد الحصيّن

27-01-2010, 05:05 AM

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جــارنــي بـالــحــب .. وإلا لاتــجـــاري=الـغــلا مـرهــون .. لـعـيــون الـلأحـبــه

ماحـدٍ فـي الكـون .. قـد شـلَ إختيـاري=غيـر مـن روحــي .. لـروحـه مستتـبـه

مـرنـي .. يـاسـارق قـلــوب الـجــواري=قـبـل امــر .. الـلـي صـلاتـه مستـحـبـه

ملهمـي .. طاريـك مــن بــد الـطـواري=ماهـلـكـنـي .. غــيــر حــبــه لـلـتـشـبّـه

كـل خـل .. وكـل ظـل .. وكــل ســاري=احسـبـنـه انـــت .. يـالـغـالـي واحــبــه

واتـرنـم لــه .. واحـطـه فـــي مـــداري=واتوحش .. لانجلى صبحـي .. واكبـه

والله انـــه .. يجـعـلـك فـــي إنـتـظـاري=عند ( دلتا ) الشوق .. وإلا في مصبه

ياسحـاب الوسـم .. ياوجـد الصـحـاري=وانت هتانـك .. علـى بحـرك .. تصبـه

آه .. ياكـثـر انـشـراحـك .. لاعـتــذاري=كـل ماقلـت : آسفـه .. مـن غيـر سـبـه

قـلـت لــك مــره : خـفـوقـي إنـتـحـاري=كلـهـا مــن بـــاب .. يـاعــل .. واربـــه

يـنـقـذ الـخـفـاق .. ويــــرد إعـتـبــاري=قـلـبـك الـلــي .. مـابـعـد طـلـنّـا عـنـبــه

التفـت .. وقلـت لــي : نـعـم الـقـراري=حطـي الكبـريـت فــي قلـبـك .. واشـبـه

بعـدهـا حــددت يـاعـمـري .. مـســاري=واعترفـت ان الهـوى .. صلـفٍ مهـبـه

اسهرك في الليل .. واقبع فـي نهـاري=مستفـيـقـه للهوى .. حـبــه .. وحـبــه

لآنــي الله يـجـبـر بـخـاطـر .. خـيــاري=مـالـي إلا اتـبــع .. دوا قـلـبـي وطـبــه

وانــت جــار الـحـب .. وإلا لاتـجــاري=الــغــلا مـخـلــوق .. لـعـيــون الاحــبــه
[/poem]

نيـآفـه

مشاهدة نتائج الإستطلاع: رايك في الركن ؟؟؟
ممتاز	16	100.00%
جيد	0	0%
المصوتون: 16. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لا ضاق صدري نحرت انثاي !!	بداح فهد السبيعي	..: مرقاب الأمير/ مُحمّدالأحمدالسّديري - رحمه الله :..	12	09-03-2009 05:39 AM
توجهت إلى حكيم لأسأله عن شىء يحيرني ..؟	عبدالله شايع الزهيري	..: المرقاب العَام :..	11	24-02-2009 11:25 PM
الأمنية الأخيرة ..!	محمد السبيعي	..: مرقاب المَواهِب :..	27	03-12-2008 10:41 PM
(( فائدة اليوم ))	مطر المرشدي	..: الأرشيف :..	145	09-06-2008 10:00 PM
تعليقكم على الصوره	ضيف الله الغنامي	..: المرقاب العَام :..	11	16-05-2008 07:25 AM

يتصفح الموضوع حالياً : 1 (0 عضو و 1 ضيف)