آخر توآقيع الهجوس المناديب ...!!

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
مافيه داعي يفرحون المساكين = ما دامت اعقول الزمان مخموره
توقف الصاحين جنب المجانين = ووجيه سمحين الوجيه مغدوره
دنيا الفلس تهدي لنا الفقر والدين = وماهيب من ظلم الرجال معذوره
[/poem]

السلام عليكم

حضوري هنا لـ ارضاء الذائقه يبو دحيم فقط


ولله درك

لبا قلبك والله

حضورك فخر للمكان وصاحبه

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
‏أشكي على رب البشر لا تضايقت =الواحد اللي ما يخيب عباده
أغيب مع هم الليالي وإذا فقت=لقيتني بين الشقا والقراده
مدري غلاقة صدر ولا وطى مقت=بس المهم ان الوضع في زياده
منول الضيقات من وقت لا وقت =واليوم صارت ضيقة الصدر عاده
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا ما سألت منادمي لجل ابيح الشوق = عليه ونشدت منادمه لجل ينساني
ضياعه من أكفوف المودة , عليه حقوق = أحقوق الحلا ماهي من أحقوق الانساني
أجل فيه شخص يضيع بين الحلا والذوق = وانا شوف عيني بس ما ذاقت بلساني
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طلعت راس الحيد لا خايف ولا حاسب حساب = ناس يفوق احساسها التافه جميل أحساسها
اخاف من ربي ومن يوم القيامه والعذاب = والا البشر لو زيرها يسلم ذبح جساسها
أبشرك يا راعي الهقوة ما دجت بكل باب = قطعت ذيل الحيّه السوداء وابا اقطع راسها
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه جوك يا تاج الغلا جو = واليوم جوك يا اريش العين ثاني
وسط الرياض وحضنها ما برد تو = من ضمتك بين الوفا والاماني
يا حضها يوم أن بعض العرب جو = لمعانق احياها وأن صرت أعاني
[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
ما تدري أن الخفوق بغيبتك دوا=الله يسامحك كيف تطوّل غيابك
تعال بالله شف من غبت وش سوا = جسمي وعيني تراقب بيتك وبابك
لو كان أنا ما دخلت البيت من جوا = لكن أحسه يعاني علة غيابك
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدري وش اللي يطّري حزة الدمعه = لا صرت ادانيك وانته ما تدانيني..!
اصير أنا وانت مثل السبت والجمعه = يا قربنا من بعض لكن بعيديني..!
أخذت من زهرة أحلآم العمر لمعه = وسويت لك درب واضح في شراييني..!
واصبحت شمعه عمر لا طفيت الشمعه = لو كان ما نورها دونك بيغنيني ..!
ما بيننا غير حد الأسم والسمعه = والا العنا ما يوقف بينك وبيني ..!

[/poem]

بين (الضيق) و (السعه)
.................................. / كلمة ينطقها الله كيف يشآء..!

اللهم أجعل لنا من كل (هم) فرجآ وم كل (ضيقِ) مخرجا ومن كل (بلاءِ ) عافيه

الساعه/ ... الحزينة .... م

المكان / بين اروقة الصمت

تتعالى الاصوات احيانا حول مووضوع ما ... يكثر النقاش والجدال وتبدا الاشتباكات ...


المسألة لا تتعدى كونها اختلاف في وجهات النظر!!


اعتقد انهم قد نسوا مبدأ (( اختلاف الرأي لا يفسد للود قضيه)).

.

.


ما بين هذا وذاك يبقى للانسان اكثر من دافع أو مبرر لأن يختلق تلك الاشياء او ان يمررها عن طريقه بشكل غير مباشر.


ربما تدفعه الكرامه .. حب الانتقام ... حب الظهور...

ولكن يبقى استغلال الانسانيه هو الامر الذي لايمكن تخيله .


.


.


.


.


.


.


سئلني رجل .. كم رصيدك؟


انا لا املك سوى اخلاقي وما اكتبه من قصائدي هي رصيدي.


لم اجبه!!


لاني لا اعتبره سؤالا"


.


.


.

في يوم من الايام قال لي أبي لا تحزن ..


واذا حزنت فأكتب حزنك ..


.


.


.


ابي رجل كبير في السن لكن يعرف ماذا يفعل وماذا يقول !!!


.


اما أنا فحدث ولا حرج .

أعترف /

ان هذا الشبل من ذاك الاسد

....

أنا

ولست سوى


أبن ذلك الشيخ الكبير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العلم يالصاحب الذوّاق = مطعوم والنيّه النيّه
خلك مع أهل الفتن منساق = مع درب هاذي وهاذيّه
تمشي ورى كل غاوي ساق = وتقول سلم الهواويه
وتصيح وتقول أنا مشتاق = والشوق مافيه ماريّه
وآخر اعلومك مع الأذواق = غادرت سوق الشريطيّه
الناس تشرب حليب نياق = وأنته حليب السعوديه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مآ يسرق شعور العاشق الهايم الولهآن = من أعماقه الا كلمة مالها داعي
تحده عن الدرب القويم ويجي غلطان = ولا يعرف المرعي ولا يعرف الراعي
يا بحر الغلا لا صار ما عاد لك ربان = وش اللي تجيبه من هوى النايم الواعي

[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليت الهبوب تهب من شرق = وترد طاريها عليّه
أم الوساع الخدّر الطرق= اللي ملامحها قويّه
تسرق قلوب أهل الهوى سرق = تقول فيها جاذبيه
ما بينها وبين المها فرق = غير أنها بس آدميّه
قلت لهواها فالحشا يرق = وحطم معاليقي عليّه
ما عاد في قلبي ولا عرق = تقول معطيهم عطيّه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
استفزيت الليالي وأنا منها صويب=صابني رمح الليالي ولا في أوقفه
اتغنى وأتمثل وأنا جرحي عطيب=واتقدم واتزعم وجرحي ما أوصفه
لا لابن عم قريب ولا شخص غريب =لو جروحي كلبوها بقلبي مؤسفه
كل ما جريت صوتي ليا صوتي قنيب =وكل ما سجيت الأقدام جتني موهفه
حاجة ما تترك الجرح ينداش ويطيب =أتورع عن عناها وعيني توهفه
اعتبر في ظل مالي من الدنيا نصيب= كل خطوه في سبيل المواصل موقفه
وكل ما عاينت في وجه أبويه قلت عيب=الرجل يخلف مساره ويترك موقفه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا سعود العلم وأضح يا صديقي = وأنت رجل ما عليك من الكلآيف
الخسآره فالقريب وفالرفيقي = والبقيّه ما نلحقها الحسايف
شد حيلك وأحتزم بي لا تضيقي = وخل عنك الخوف ليش تصير خآيف
وأن بغيت العلم فالعلم الحقيقي = كل ضلعٍ فوق وجه الأرض نايف
والله أنك حسبة أخوي وشقيقي = وأكثر من أخوي في بعض الوصايف
[/poem]

يفدآني اللي قد وطى (درب الأدناس )
..................وأنا فدى راع( الحسيَس الجهيّر)..!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تعتذر , ما لفعلك عذر يا غالي = عذر العيون الوساع بعمق حادقها
وأن قلت غطلتك يا المجمول في بالي = كله مجرد سوالف لا تصدقها
صدق خفوق المعنى ويش ما قالي = وأعرف حدود الغلا وأطلع وعانقها

[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أوشكت أوقف سير رجلي وأناديك = فالموقف اللي بين ذاتي وذاتك
أما تجين وكل ما فيّ يرضيك = ولا على راحتك عيشي حياتك
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سرتني اشواقي وجيت لك زابنك =يا كثر ما آشتقت لك قدام أجي لك
اشتاق لك واعصى على البعد واذعنك=وأخذ من أنفاسك شذا عطر ليلك
يا مهجة الروح النيا لا يحزنك=أنا دخيل الحزن عنك ودخيلك
لو ما اتخيل بسمتك يوم اعاينك =يمدي على طارئ تنفض شليلك
ليت الوجيه العابره كلها منك =وليت النفوس الزايره تنتمي لك
لكن أبا أقول لك حاجة واطمنك =مادام روحي بالغلا تشتكي لك
انتي وطن روحي وأنا لك مواطنك =عشتك وطن غالي ولا أبغي بديلك
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
استأذنك يا هم غادر وفالك = فال الغريق اللي توطته الأمواج ..!
أصبحت داخل صدر راعيك هالك = والا أنته منول على عد هداج..!
اليوم ما حالي مع الناس حالك = أنا بخير , وبس لله محتاج ..!
[/poem]

أنا يوم أقول ميدك تراك انسان غير
افهم ان القصد ماهوب حب وحاجته


انت غير وكامل أوصاف جسمك يا غرير
معلم مرسوم من قاعته لا باجته


جعل عين تحسدك يوم. صاحبها ضرير
وجعل قلب ما يحبك تبين أعواجته