ミ♡彡 ( ســلّــــطـنــــه ) ミ♡彡

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]
ادري انك تتابع ابياتي وترقبها = وان مالقيت الجديد تقلّب الاوّل

لكن كذا بالعقل لو جيت تحسبها = شخص ماهو لك بركنه ليه تتجوّل ؟؟

وان كان نفسك تحب انك تعذّبها = توّك بتشبع من التعذيب .. ومطوّوووول[/poem]




.

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ماني بجايز عن حلاك ومحبّتك = لين انه يجوز ( الحور ) عن عيونك

خلك على راحة عيونك وراحتك = قلبي وانا محال يستعجلونك[/poem]



.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=left use=ex num="0,black""]
تبغى تحس اني اصبت بقراري؟؟ = شف كم لي مفارقك .. ولافقدتك

كني عن المستقبل المرّ داري = ابحث عليك بقلبي ولاوجدتك

ومادام سلم اهل الغرام .. اختياري = اطلق سراحك مثل ماقبل صدتك [/poem]





.

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]
اسف على اخطاءك , واسف على طيبي = وممنون لك في جفاك .. وسوء تفكيرك
الحزن والليل يومياً معازيبي = ملوّا .. وانا اشكي لهم من [ طول تقصيرك ]
يمكن ّ [ قلة عيوبي ] معك .. هي عيبي = لو ان [ كثرة عيوبك ] مااجلبت غيرك[/poem]

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدري وش اصعب شي ممكن تعانيه؟=لاصرت single لكن همومك groub

وتدري وش اقسى شي ممكن تسويه؟ = انك تماشي لك بشر وانت مغصوب

وتدري من اللي غارق ٍ في بلاويه؟ = اللي يحس انه نقي ماله عيوب

لاتجادل الغلطان باللي يسويه = لو الصواب بصوب وافعاله بصوب

خله على كيفه ولاتسأله ليه = بكره يحس بلدغة الوقت ويتوب

خلاص بطّلنا نسوق المشاريه = نعطي ولانلنا من الحب مطلوب

هذا الحبيب اللي نودّه ونغليه= اصبح على قلبي من اعداه محسوب

الي متى وانا احتفي به واداريه = ووشلون بغفر له وهو كله ذنوب

ان قلت لي باقي محبه ؟ بقول ايه = قلبي على امره .. باختياره ومغلوب

وان قلت لي دامه كذا .. وش تبي فيه = بقول لك مدري .. مقدّر ومكتوب

ابيه يفهم رغبتي كثر ماابيه = وماابيه يطلع كل ليله بعذروب

ويترك حكاية .. كل مايزعل ارضيه = وينبذ مقولة ..( كل ممنوع مرغوب)

واليا احترم رغبات وآمال غاليه = بيشوف كيف اعامله باحسن اسلوب[/poem]



.

يشرفني ويسعدني ان ادعوكم لحضور امسيتي

وذلك في مركز الملك فهد الثقافي في مدينة الرياض

يوم الاثنين القادم الموافق 30/10/1430 ه



ودمتم بخير

[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انتي وانا مستحيل نتوب ونعزّل= نجزم على البعد .. لظروفي ولظروفك

ماالقاني الا وانا امدح فيك واتغزّل = واقول قلي : متى بالله بشوفك[/poem]

:
:

أبو بندر (( اتركني هنا وأنساني )) ..
والف مبروك نجاح الأمسيه وردود الفعل الرائعه الغير مستغربه ياصديقي
كم أنت رائع وكفى





...

^
^

انا ممكن اتركك هنا يابو فيصل لانك راعي محل

لكن مااقدر انساك المحبه من الله ياخي

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]

ودي احس اني طفل مايعاني =يرعونه ولايلحقونه مشاريه
ان طاب يلقى الشكر والامتناني = واذا تردى مااحد يقول له : ليه
الله .. لو هذا الشعور اعتراني = كم واحد ٍ من ثوب زيفه بعرّيه
اللي على قلبي يقوله لساني = ومافيه شي ٍ يستحى منه اخبّيه
ولايفسّر حكيي بشكل ثاني = لاء لاء .. بمنظور البشر وايه يعني ايه
اقول ذا ماابيه لو هو بغاني = وهذاك حتى لو مايبغاني ابيه
مليت اجاملهم واجامل زماني = ناس ٍ تجي بوجيه وتخفّي وجيه
كم لي وانا اذكر حب شخص ٍ نساني = واللي لازلت بقلبه اعيش ناسيه[/poem]


.

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بعض السوالف عيب تنقال = ان كنت تدري وشهو العيب ..!!

الدنفسه والقيل والقال = ماهي لعكفان الاشانيب

يااما تسنّع واغد رجّال = واعرف تكلّم عن هل الطيب

والا ابشر بمثل اللذي قال : = دق الخشوم .. وقرة الجيب

[/poem]

.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


رفضت اكون امّعه .. لو كثروا الامّعات =وهل يلحق اللوم من يرفض يكون امّعه ؟!!

اذا نظام البشر في هالزمن .. خذ وهات = وتنازلات الرجل عن قيمته .. ترفعه

لولا الكرامه وش الانسان في هالحياة = عظام ولحوم وشحوم ٍ به مجمّعه[/poem]


.

المكسب الحقيقي من الشعر ..

هو ان تنال الرضى كشخص اولا .. ثم كشاعر

وان تحضى بمحبة من حولك ومن يتابعونك حتى لو لم يسبق لك معرفتهم..

شرفني احد الاخوه الشعراء في احد المنتديات برساله خاصه


اعتز بها كثيرا وهو الشاعر ( زبار الحربي )

كان جزء من مضمونها :





الشعر سلطن بفكــرك .. وانت سلطــااانه

............... يبتـــل معكــ وين ما تبــــتل يابن بتــــــلا


لا يابعــد فرقة ٍ بالــ / مقس .. فسقاااانه

............... ماهي بواجـــد ,, ولكن كّثـرت من اتــلا


واحدهم اليا ازعج الجمهور بـ / لسااانه

............... تروح الاجــواد .. من جــرحى ومن قتـلا




شكرا يازبار



.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]

(للحين احبها ولاني قادر انساها) = كذبه كذبها [ نبيل شعيل ] باغنيته

مدري هو يحس فيها يوم غنّاها !! = والا اعجبه قاف شاعرها قبل صيته

لا والله الا نسيت ولاعد ابغاها = ولافيه رجل ٍ شريف يحب ناسيته[/poem]


.

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
( خذ راحتك ) ياحزني الدايم .. تمون = ( خذ راحتي ) .. ماحد ٍ يشوفك ويرتاح

شكرا وعفوا .. ماتقصّر وممنون = مارحت .. لكن مابقى شي ماراح[/poem]



.

[frame="1 80"]
يشرفني حضوركم الليله الاربعاء الساعه الثامنه مساءا في مسرح مدارس المملكه في مدينة الرياض

في الحلقه القبل النهائيه لمسابقة سلامة سلطان


[/frame]
.

[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مع احترامي لـ ( 40 ) ألف زاير = مروّا هنا محبه .. وشرفوني
بدونكم .. لايمكن اصبح مغاير = لكن لكم قدر ومكانه .. بدوني [/poem]



.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]
ونّسيني ياطواريق القصايد = مابقى حاجه سواك انتي تونّس

لو بنات الفكر ماجابن فرايد = وش علينا لو تموت ولو تعنّس

[/poem]

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=left use=ex num="0,black""]
غلاك دايم ووصلك بعض الاحيـان=وفي بعض الاحيان احسّك ماانت دايم
لأن الانسان لامـن حـب الانسـان=يحب يبقـى معـه صاحـي ونايـم
يضفي عليه الوصال اشكال والـوان=ويكفيه عن كـل قلـب وكـل لايـم
انت اكفني عنهم ومانيـب سلطـان=ان ماكفيتك عن اصحـاب العمايـم
تبغاني اقول لـك هايـم وولهـان؟=وارجع ترى بعادك اللي طال ضايـم
يعني بترضي غرورك؟ بس غلطـان=وصـل المحبّيـن مايبغـى عزايـم
اما تعـال وتناسـى الغيبـه وبـان=والاغب ولـو بغيـت تغيـب دايـم [/poem]


.

أقل ما يقال
طول القصيدة وعرضها

بداح السبيعي

يقول أحد شعراء العرب الكبار في كلام جميل لا أتذكر نصه بأن القصيدة لا تُقاس بالمتر ولا بالطول والعرض ولا توزن بالكيلو أو الطن، ورغم أن رأيه أشبه ما يكون بالحقيقة الثابتة إلا أن هناك من يرى خلاف ذلك، بدليل وجود شعراء شعبيين يتفاخرون بكتابتهم لقصائد طويلة تتألف من مئات أو آلاف الأبيات في أغراض ومناسبات لا تستدعي الإطالة، ويتفننون في إثقال مسامعنا بقصائد سرمدية لها قدرة عجيبة على جلب الملل والضيق للنفوس أكثر من قدرتها على جلب البهجة والمتعة، مع العلم بأن طول القصيدة لم يكن في يوم من الأيام معياراً من معايير الحكم على القصيدة أو من معايير تفضيل الشعراء على بعضهم أو القصائد بعضها على بعض.

ولو نظرنا لكلام بعض نقاد الشعر القدماء حول مسألة (طول) القصيدة أو قصرها لوجدنا بأنهم لم يتحدثوا عن طول القصيدة إلا مقروناً بعنصر الجودة، ففي (طبقات فحول الشعراء) على سبيل المثال نجد بأن محمد بن سلام الجمحي (ت 231) يتحدث عن تقديمه للأعشى في الطبقة الأولى من شعراء الجاهلية بناء على معايير متعددة من ضمنها أنه: "أكثرهم طويلةً جيدة"، فطول القصيدة كما نلحظ من إشارته ليس له أي مزية إذا لم يقترن بالتجويد والإبداع، أضف إلى ذلك أن طول القصيدة وإن عدَّه البعض دليلاً عن التمكن الشعري وطول النفس يُمكن أن يؤدي في كثير من الأحيان إلى الانحدار بمستوى القصيدة أو إشعار المتلقي في عصر كعصرنا هذا بالملل وعدم الرغبة في إكمال الاستماع لها.

فبعض الشعراء يُطيل ويحشد في قصيدته مواضيع شتى لا يربط بينها أدنى رابط، ويُعيد ويزيد دون أن يستطيع المستمع أو القارئ إدراك الهدف الحقيقي من إنشاء قصيدته، ولنا في بعض قصائد الشاعرين محمد بن الذيب وياسر التويجري أمثلة صارخة الوضوح على هذا الأمر، إذ يمكنك على سبيل المثال النظر إلى قصيدة ابن الذيب التي ألقاها في ملتقى دبي السابع للشعر ومطلعها: (لطفاً لا أمراً هدوا الأنوار)، أو قصيدة التويجري في افتتاح برنامج شاعر المليون ويقول مطلعها: (ولدت ساطي ومتغطرس وأحب الخصام) لتدرك ما يُمكن أن تؤدي إليه الإطالة المفرطة من مشاكل للقصيدة، فالقصيدة الأولى نموذج متكامل للقصيدة الطويلة المتفككة والمتكلفة، والثانية أيضاً نموذج واضح على الإطالة وتشتت الأفكار وعدم تنظيمها، ففيها يبدأ الشاعر بالفخر بنفسه ثم يحدثنا عن محاسنه وتقواه، وعن تحفظه على سياسة "معمر وأبو مازن وتوني بلير"، ورفضه لسياسة الذل والانهزام، ثم يمدح ويعبر عن حبه لممدوحه، ثم يخبرنا عن معاناته مع الانفصام وتأثير ذلك على "برمجة" رأسه "المستدير"، ثم يعود مرة أخرى للفخر ومدح نفسه وشتم أعدائه!

ولو تساءل الشاعر –أي شاعر- قبل الشروع في كتابة قصيدته عن هدفه من نظمها، وركز جهده على تخليصها من الحشو والإضافات التي لا داعي لها لخرجت القصيدة بشكل أكمل وأجمل، ولأراح نفسه وأراح المتلقين من الإطالة التي لا تضيف للقصيدة بقدر ما تُسهم في ضعفها وخروجها بصورة مفككة وهزيلة.

أخيراً يقول المبدع سلطان بن بتلاء:

إثر الرياجيل تفرق بالمدى والعزوم

والطيب كايد وحزات المواقف محك

أحدٍ على أطرف سبب ما عاد يقدر يقوم

وأحدٍ لو تسكّر الدنيا بوجهه ضحك










شرفني الاخ / بداح السبيعي

في صفحة خزامى الصحاري اليوم الاحد 27/11/1430 بجريدة الرياض في ذكر

ابيات لي في نهاية مقاله بعدما انتقد انتقاد لاسع لاثنين من نجوم الشعر في الخليج

ومايجعل الامر اكثر جمالا ً ونقاءا ً واعتزازاً انه لايربطني بالاخ بداح اي سابق

معرفه قبل هذا المقال ..

فشكرا يابداح

.

(لاقام حظك باع لك واشترالك ) // ولانام حظك نام جنبه وشخّر

لانك اذا بتحسّب اللي مضالك // بتموت ماحققت حلم ٍ تبخّر

.

الحب شايب شيله بصوت سعود الدلبحي اضغط هنا



.