( تحت المجهر ) 34

الاخ الشاعر / سعد براك







استضافه اخرى مميّزه لرجل خلوق وشاعر







مروري لتقديم الاعجاب بشخص ابو متعب









ومتابع للموضوع









أخـ ( ناصر بن راشد الهاجري ) ـوكـم

يامرحبا وياهلا وغلا اخوي / (( محمد صالح العتيبي ))

يعلم الله يابو صالح ان قدرك عندي كبير كبير وانت تعرفه وانت اخو دنيا وكل خوافي القلب عارفها ولاهنت على مقدمتك وحضورك اللي يعلم الله انك شرفتني فيه وبالنسبه لأسألتك واستفساراتك عساني اجاوب عليهااا بقدر الأسأله واليك طال عمرك اجاباتي!
7
7
7








س1 /_فهد اخوي ماكان راضي اني ادخل المرقاب .!!

هل من توضيح هذه الفقره .؟

انا اعلمك طال عمرك ليه بالبدايه انت تذكر انك كنت تقولي اني لازم اني اكون عضو بالمرقاب وتذكر اني كنت اقول لا ما هو هالحين خلني اصبر شوي ووقتها شاورت فهد اخوي بالموضوع وقال اصبر ولا تستعجل على شي ولابد ان يكون لديك رصيد وشي يليق باسمك ولما شفت ان عندي رصيد وجهت لخوي فهد قصيده ورد عليهااا ومن بعدهااا عطاني (( القرين لايت ))
وبالنسبه للقصيده راح اذكرهااا هنا بالمجهر بأجابه لخوي سعود النفيعي




س2 / خالد الحصين احرجني .!!


كذلك هذه الفقره .؟


بالنسبه لهاالتصريح يابو صالح انت تعرف اني دخلت المرقاب حبااا للمرقاب واعجابي الشديد بشعراء المرقاب ولا حطيت في بالي اني في يوم من الايام راح اصير مشرف وخوي خالد الحصين يعلم الله اني اكن له الاحترام والتقدير والمعزه ولا ارفض له طلب فطلب مني باقتناع تام من الاداره الجديده ان اكلف بالاشراف وهالشي لاشك انه تكليف ولابد ان اكون عند حسن ظن الاداره واعضاء المرقاب فأحرجني خالد الحصين بطيبه اولا وبتكليفي وعساني اكون عند حسن ظن الجميع



س3 / بكل صراحه .. هل الشاعر الكبير الوالد / متعب الديري ( عسى الله يطوّل بعمره ) يسمع جميع قصائدك

أم بعضها .؟ وهل تخشى نقده .؟ ولماذا لاتستشيره في أغلب قصائدك وتكتفي بإستشارة ( أبوعامر ) .؟


بالنسبه لهالسؤال يامحمد ! الوالد عسى الله يطول عمره ما يجامل ويعطيكياها بالصميم ونقده لاشك مفيد ولكن بسياسته اللي انت تعرفها كونك جلست الوالد واعتقد انك تعرف اسلوبه بالنقد وانا حريص جدا على ان اقول له القصايد اللي تليق اني اقولهاا له عسى الله يطول عمره يعني قصايد الغزل ما اقولهاا له ليني ذال انّه ما يزوجني وانت تدري ان العرس قريَب
والقصايد الباقيه لا والله اقولهااا له وياما شققت قصايد عشان ابوي ما هو راضي عنهااا
وبالنسبه لستشارتي لبو عامر لينه شبابي ويفهمني اكثر طال عمرك


ويامرحبااا يابو صالح واتمنى ان تكون اجاباتي وافيه وكافيه

وسلامي عليك وشرفتني بحضورك وكانك للحين ما خلصت انا بانتظار عودتك الحتميه


اخوك

الشخص العزيز والرجل النزيه والشاعر الدكتور (( سداح ))
سداح رجل احترمك كل الاحترام وشخصيه مهذبه ولك عندي من القدر والمعزه والاحترام الشي الكثير يعلم الله وانت تعلم مافي نفسي تجاهك
وحضورك هنا يعني لي الشي الكثير وكلامك وسام اعتز فيه وما عليك زود بالنسبه لكل ما ذكرت تجاهي طال عمرك

وبالنسبه لأسألتك اتمنى ان تكون اجاباتي عليها بقدر الأسأله واليك اجاباتي
7
7
7
7









لاااا لا اتغلا وانت يازيـن غالـي
ماينفعـك لاقفيـت عنـك تغليـك


بيت شعر من بدعك .. الا ترى انه مستهلك جدا جدا جدا ومكرر معناه جدا جدا بعد وهل تتوقف لمراجعة الابيات التي تعتقد انها مطروقه بشكل او بآخر ؟


انا اتفق معك 100% ومافيه شاعر ما كرر وانت اولهم ولكن بصياغه تختلف وبالنسبه لهالبيت من جمله دارجه بين الناس (( ياخي لاتغلا وانت غالي وتراك غالى لو اتغلا .... وهكذا ))
وانا اخذته من بمبدا ان كل الناس تتفق عليه كمعنى وصغته بطريقتي

وبالنسبه للشق الثاني من السؤال نعم اقف كثيرااا عند هذه النقطه واي شاعر حريص يقف عند هذه النقطه كثيرااا
(( ونشفت ريقي بهالسؤال ياسداح ))




لم يمضى على تسجيلك في المرقاب ستة اشهر واصبحت الان ضمن الطاقم الإداري للموقع ، هل لعلاقتك الشخصيه بالاخوين ناصر الهاجري وخالد الحصيّن دور بارز في توليك مهام الاشراف ؟ وما ردك على من يقول الكويتيـين بدوا يكوّشون على إدارة الموقع



انا والله ياسداح جيت المرقاب حبا للمرقاب واعجابا بمبدعين المرقاب اللي مثلك وشرواك ولاشك ان وجودي بينهم يعد مكسب لي ولاكنت حاط في بالي اني في يوم من الايام راح اكون مشرف ولا لعلاقتي الشخصيه بالاخوين خالد الحصين وناصر الهاجري العزيزين على قلبي كثيرا واكن لهم من الاحترام والتقدير الشي الكثير اي دور في ذلك ولكن لتواجدي بكثره بالمنتدا ولنظرة الاداره الجديده اني اكون ظمن طاقم الاشراف كلفت بهذه المهمه اللي عساني اكون عند حسن ظن الجميع فيهاا

وردي على من يقولون ان الكويتين كوشو على المنتدا اقول ان المنتدا للجميع والبقاء للافضل وكلنا سواء كويتين او غيرنا في خدمة هذا الصرح الكبير



ما قصة جهازك وعيون المرقابيين ؟؟

انشد (( شحاته واكرم )) هههههههه



فهد الديري شاعر قدير وجزل وله متابعينه وانا احدهم ، ما رأيه بالمرقاب ؟ والحقيقه بودي ان اراه عضو معنا هنا ، هل سبق توجيه الدعوه للاخ القدير فهد للانضمام للمرقاب ؟.

رأيه انت تعرفه زين ياسداح فهد معجب بالمرقاب وما يقدمه المرقاب ومعجب بشعار المرقاب المبدعين وعلى رأسهم انت طال عمرك وانت تعرف انه عضو بالنداوي وسبق اني وجهت له دعوه
وقالي انت تكفينا بالمرقاب وعنده قناعه تامه ان التسجيل في اكثر من منتداا يشتت الشاعر ولا يخدمه !




تقول كنت مندفع للنشر والمرقاب الان يكفيك ؟ هل المرقاب كالمطبوعات المنتشره في كل مكان وكيف أكفاك المرقاب كما ذكرت ؟


اي والله يكفيني المرقاب ولا ابي غيره لين المرقاب بوابة الشعر الحقيقي واستمراري بالمرقاب وقناعتي بما اقدمه بالمرقاب يعنيلي الشي الكثير
والمرقاب ما يتقارن بالصحف لأن الصحف شلليه ومصالح والمرقاب المتنفس للشاعر الحقيقي واللذي لايثبته الا شعره وانا يكفيني المرقاب لوجود الاسماء اللتي توجد فيه فهم مبدعين ووجودي بين المبدعين يفيدني لاشك بكل المقاييس بالنسبه للشعر



وشرفتني ياسداح طال عمرك بسألتك اللي من اولهااا نشف ريقي
واتمنا اني جاوبتك على كل سؤال بشفافيه ووضوح طال عمرك وذا عندك اسأله ثانيه ياخوي قلها لي وجه بوجه

وسلامي عليك ياسداح واحترامي وتقديري وامتناني الكبير على لحضورك

الأخ الشاعر ذعار الديري....هلا ومرحبا بك في مجهرك...
حبيت اسلم عليك واسجل حضوري..وان طرالي شي جبته..
مع امنياتي لك بالتوفيق..
.
.
تحياتي وتقديراتي..

يامرحبا وياهلا وغلا اخوي الشاعر القدير / (( عبداللطيف الغامدي ))

اخوي عبداللطيف يعلم الله حضورك شرف لي واتمنى ان اجيب على استفساراتك بالشي اللي يرضيك ويفيد المتابعين وعسى الله يقدرني على هالشي واليك اجاباتي طال عمرك
7
7
7








_ لاتعجبني بعض الردود بالمرقاب
_ ردود هذا العضو تشعرني براحه نفسيه

ربما تكون مناسبه جيده للحديث عن الردود ومدى تأثيرها على نفسية الشاعر هنا واكتشافه
الى اي مدى يشعر بالوصول او عدمه من خلال الردود باختلافها

ودي لو تعطيننا انطباعك حول هالنقطه لما لها من اهميه بالتفصيل لو تكرمت ؟


حاضر ياخوي عبداللطيف ومن عيوني الثنتين راح اعطيك انطباعي عن هالنقطتين اللي انت ذكرتهم وهم من ظمن تصريحاتي !

هناك بعض الردود لاتعجب الكثيرين وانت تتفق معي في هذه النقطه حيث ان بعض الردود مكرره في كل متصفح وتجدهااا في متصفح القصيده الجزله والقصيده الركيكه فلابد من اعطاء كل قصيده حقهااا من الرد اي لابد ان تكون هناك مصداقيه بجميع الردود وبالنسبه لقصائدي والردود عليهاا اعرف من خلال الردود مدى نجاح هذه القصيده من عدم نجاحهااا


وبالنسبه للشخص اللذي ردوده تشعرني بالراحه النفسيه ومن غير قصور بباقي الاعضاء
هو االشاعر والرجل الخلوق / (( عبد ربه ))فردود هذا الرجل اتابعاهاا حتى في غير متصفحي واجد فيهااا الصراحه والكلام الثمين واحييه على شفافيته ووضوحه في ردوده


وكل الشكر يا عبداللطيف على سؤالك وحضورك اللي شرفتني فيه وعسى اجابتي على استفسارك كانت كافيه ووافيه وكانت على قدر استفسارك وسؤالك


ودمت بالف خير طال عمرك
وسلامي عليك واحترامي وتقديري


اخوك

لازلت اكرر الشكر للاخ الشاعر /سعد براك

على استمرارية تميّزه وجهوده الواضحه في انجاح المجهر وانتقاؤه بتمعن لمن تحت هذا المجهر




ذعار الديري

ياهلا فيك وانت فعلا تستحق ذلك ويسرني ان اراك هنا وانشا الله من احسن لاحسن



عندي سؤال لو سمحت لي



بعض الشعراء بلغوا مكانه ليست ببسيطه من الاعلام والشهره ولكن مايدعوا للغرابه هو وجود خلل في مقومات القصيده الاساسيه مثل الوزن او القافيه او المعنى

مثلاً اما يكتب على حرف واحد اي قافيته على حرف واحد

او عنده زياده بالوزن يدغم كلمتين لكي يصل لفكره معينه او او او .......

الا تجد ان هناك عدم امانه في انتقاء شعراء الاعلام او ان المحسوبيات تفرض عليهم وضعهم بالقمه؟؟؟؟؟



وتحياتي لك

يامرحبااا وابرك الساعات حضورك يا اخوي / (( نواف نايف ))


وشرفتني بحضورك طال عمرك


ودمت بالف خير وصحه وعافيه



اخوك

مرحبا ووهلا يا شاعرنا القدير / (( حسين ضيف الله الدوسري ))


وحضورك شرف طال عمرك


وسلامي عليك وتحياتي وتقديري



اخوك

السلام عليكم ورحمة الله وبركاته...
مجهر متميز بتميز من هو مسلط عليه..
الشكر للأخ سعد ...
ذعار الديري شاعر ونجم ويستحق ان يكون تحت هذا المجهر....
حبيت اسلم عليكـ يالديري فقط..

أخـــــوكـ...

يامرحباااا تراحيب المطر وياهلا وغلا ياخوي الغالي / (( عبــــــــد ربه ))
شرفتني يعلم الله بحضورك ياعبدربه وانا سعيد جدااا بتواجدك هنااا لاعدمتك وانت رجل اكن لك كل الاحترام والتقدير طال عمرك واتمنى ان اجاوب على استفساراتك واس~لتك بأكمل وجه

واليك الاجابه على اسألتك
7
7
7








_المرقاب مرحلتي الاولى والاخيره


جواب نهائــي ياذعار ؟ .. ؟



اي بالله جواب نهائي ياخوي عبد ربه ولاعندي غيره لان المرقاب ياعبدربه هو بوابة الشعر الحقيقي




ماذا قدمت وماذا ستقدم للمرقاب العام ؟ .. ؟



والله الى الان ماقدمت ولاشي ولكن بالمستقبل راح تشوف شي يرضيك ويرضي جميع اعضاء ووزوار المرقاب بأذن الله




وكل الشكر ياعبد ربه على مرورك وسألتك

وسلامي عليك واحترامي وتقديري وامتناني ومعزتي الصادقه لشخصك الكريم


ودمت بالف خير وصحه وعافيه


اخوك

الرجل الخلوق والشاعر المبدع والشخص القريب من القلب اخوي / (( سعد الشيباني ))


يامرحبا وهلا وغلا والله انها من كل قلبي ياسعد وانت من الناس القريبين جدا من القلب لما تحمل من طيب نفس ومرجله وشرفتني يعلم الله بحضورك الكريم واشادتك اللي اعتبرهااا وسام على صدري وما عليك زود بكل ماقلته ياسعد والقلوب عند بعضهااا انا اخوك ويجي ان شالله اليوم اللي نلتقي فيه طال عمرك



وسلامي عليك وامتناني لحضورك واحترامي وتقديري ومعزتي الصادقه لشخصك الكريم


وسلم وسلم ياسعد ودمت بالف خير وصحه وعافيه


اخوك

يامرحبا اخوي / (( سعود النفيعي ))

واهلا بعودتك مجددااا وهذي اجوبتي على اسألتك
7
7
7
7



س / لاحظت أن محمد صالح العتيبي له تأثير عليك وأصبحتم " توأم " في كل شيء حتى بطريقة
تنسيق القصيدة وكتابتها ... من منكم الذي يقلد الآخر ؟



اولا العلاقه بيني وبين اخوي العزيز محمد صالح علاقه ماهي علاقة يوم ولا يومين علاقتي بهذا الرجل من سنين (( يعني بالعربي من طلعنا على الدنيا وحنا بع بعض ))!

وانت ما شالله عليك وعلى ملاحظاتك اللي حتى انك تدقق على تنسيق القصيده وهالشي يدل على انك متابع جيد !
ولو انك تدقق على القصايد الله يعطيك العافيه تجد ان هناك اختلاف كبير بين اسلوبي واسلوب محمد صالح بالنسبه للقصايد ومحمد له لونه الخاص بكتابة القصيده وان لي اسلوبي الخاص طال عمرك





س / تواجدك قبل تكون مشرف العام كان بالحيل ملحوظ لكنه قلّ بعد ماأصبحت مشرف السنة هذه ...... ليش ؟


ان موجود قبل ان اكلف بالاشراف وبعد ماكلفوني طال عمرك وما اعتقد ان غيابي كان ملحوظ


س / لديّ إحساس بأن صورتك المرفقة بالمجهر أتت على عجل من أمرك ... لماذا لم تماطل بسعد براك من أجل
تزبيط صورة الحلو ؟

لا بالله ماني على عجل من امري بالنسبه للصوره والصوره عندي قناعه شخصيه انهااا حلوه

وسالفت اني ابما طل بسعد براك يا اخ سعود هالشي انا اكبر منه طال عمرك ( يعني انا اكبر من اني اماطل بشخص ورجل احترمه اي(ن) كان هذا الرجل )




س / بحكم أنك أصبحت من المنتمين المرقاب " والإنتماء المرقابي ماهوب أي شخص يقدر عليه " لماذا لم تنظم
قصيدة في هذا المرقاب تعبّر عن حبك له أو حتى توقيع يجيّر بإسمك بدل من أن تحمل توقيع لغيرك ويجيّر بإسمه ؟



اولا حبي للمرقاب كبير كبير ولاني محتاج ابينه بقصيده طال عمرك طالما هالحب نابع عن قناعه شخصيه وذا انت شخصيا ما انت مقتنع اني ما احب المرقاب الا لين اكتب قصيده فهذه قناعتك وانت اولى فيهااا

وبالنسبه للتوقيع ياخي يكفي انه بأسم شاعر من شعراء العصر وهالشي بشهادة كبار الشعر الشعبي ويشرفني اني اخلي توقيع لعيد بن سمير بتوقيعي لمدة سنه بعد ويسعدني ويشرفني هالشي وتوقيعي اضافه للمرقاب لانه بأسم (( عيد بن سمير ))



س / المرقابيين الذين يدخلون تحت مجهر سعد براك مسموح له بتصاريح من 15 إلى 20 تصريح وأنت
ماشاء الله زودتها ثلاث حبات ... ماذا نسمي ذالك ..؟ مع أنني أعرف أن زيادة الخير خيرين .. لكن أبي إجابة مقنعة


والله سمه اللي تبي تسميه طال عمرك وانت قلت زيادة الخير خيرين الله يطول عمرك
وهالتصاريح هي اللي بالبال وقلتهااا وانت ماشالله عليك تسألني وتجاوب الله يعطيك العافيه




س / أخاك فهد رفض دخولك للمرقاب لأنه لم يثق بمستواك الشعري ولايحب أن تظهر بمستوى غير لائق ... صح ؟


انا ماني قايلك ياخوي سعود انك ما شالله عليك تسأل وتجاوب بنفسك !

على العموم اخوي فهد ما رفض دخولي المرقاب لانه ماهو مقتنع ابمستواي ولكن الصبر في بعض الامور خيره طال عمرك وهذا اللي كان في بال فهد اخوي وفهد اخوي مقتنع بقصيدي اقتناع تام ولافيه داعي اوضح لك بعض الامور





وسلامي عليك ياسعود واحترامي وتقديري وكل الشكر على حضورك وسألتك الجميله


ودمت بالف صحه وخير وعافيه


اخوك

اخوي العزيز والرجل الخلوق والشاعر المبدع /(( ســـلطان ))


سلطان (( عناد النفيعي احد رموز المرقاب )) ياهلا وغلا طال عمرك


ولاشك ان حضورك طال عمرك تشريف لي واضافه طال عمرك

فكل الشكر على حضورك ومتابعتك ياسلطان


وسلامي عليك واحترامي وتقديري وامتناني لحضورك الكريم


ودمت بالف خير

اخوك

اخوي العزيز والرجل النزيه والشاعر النجم/ (( محمد جارالله السهلي ))



حضورك هنا يابو جارالله اضافه وتشريف لاعدمتك



وبانتظارك طال عمرك



ودمت بالف خير



اخوك

ذعار الديري


يامرحبا

نور المرقاب


بحضورك البهي


استلم طال عمرك

س1 بماانك ابن شاعر معروف الاترى معي ان كثير من ابناء الشعراء المشهورين فشلوا لانهم لم يستطيعوا ان يصلوا الى مستوى ابائهم ولم نسمع ان هناك ابن شاعر معروف تفوق على والده! تعليقك؟
س2 ايهما يكتب الآخر الشاعر أم القصيده؟
س3 طقوس الكتابه عند ذعار الديري هل تتأثر بأشياء معينه؟
س4 من من الشعراء يشدك غير عيد بن سمير؟

س5 قصيده تمنيت انك من كتبها ماهي؟

شكرآ من القلب اخوي ذعار


صادق محبتي وتحياتي


مطلق المطيري

اخوي العزيز / (( فهد فالح ))



يامرحبا فيك وكلامك وسام على الصدر وشرفتني بحضورك طال عمرك


وبانتظارك يافهد


ودمت بالف خير



اخوك

يا هلا وغلا ومرحبا تراحيب المطر يا خوي العزيز / (( مناحي ))

مناحي حضورك يعني لي الشي الكثير وانا ايضاا من متابعينك واهتم لكل جديد تكتبه طال عمرك


وخصوصا تواقيعك


ويامرحبا فيك يامناحي وهذي اجوبتي على اسألتك وعسى الاجابات تكون بقدر الاسأله
7
7
7
7
7









(( 5_ اراجع القصيده الف مره قبل انشرهااا بالمرقاب ))


رقم كبير .. الا تعتقد انه هنا لـ التضخيم ؟!

سؤال عن مبداء مراجعه القصيده .. هل مراجعة القصيده مفيد لها ؟!

كم تستغرق من الوقت لكتابة القصيده ؟!

الى اي مستوى وصل المرقاب بالشعر من وجهة نظرك ؟! وماهي طريقة التقييم بالنسبه لك ؟!



انا اتفق معك انه تضخيم يامناحي وهالشي لاهمية مراجعة القصيده طال عمرك ولا شك ان مراجعة القصيده مفيد جدااا جدااا للقصيده وكل ما طولت بمراجعة القصيده كل ما صارت احسن


القصيده مالهااا وقت معين يا خوي مناحي فيه قصايد ما تاخذ معك ساعه وفيه قصايد تعلك عل على ماتوصل النهايتهااا وتاخذ وقت كبير فالقصيده مالهااا وقت معين اعتقد لاي شاعر

واعتقد ان منتدى المرقاب باذن الله واصل الى القمه بشاهدة كل من يعرف المرقاب ويسمع عن هذا المنتدا الكبير اللذي يجد فيه كل من يبحث عن الشعر الحقيقي مبتغاه في المرقاب ويرضي ذائقة اهل الشعر الحقيقي



وتقييمي للمرقاب من السمعه اللتي وصل لهااا وانجازات المرقاب اللي ما فيه عضو او زائر الا ويعرف ما وصل له المرقاب من انجازات تحسب لهذا الصرح واعضاءه المبدعين وعمار يامرقاب عمار







وكل الشكر ياخوي مناحي على حضورك الجميل واسألتك الاجمل

واتمنى ان تكون اجابتي وافيه ياخوي مناحي



ودمت بالف خير ولك مني سلامي واحترامي وتقديري



اخوك

اخوي القريب من القلب والرجل الخلوق والعزيز

ونائب الموقع اخوي/ (( ناصر الهاجري ))



يامرحبا والله يابو راشد وحضورك اضافه وشرف طال عمرك ومتابعتك تعنيلي الشي الكثير طال عمر


وماعليك زود بكل ما ذكرت يا بو راشد وانت من اعمدة هذا الصرح الكبير واعتز بوجودك هنااا





وسلامي عليك واحترامي وتقديري وامتناني الكبير لحضورك طال عمرك



ودمت بالف خير وصحه وعافيه



اخوك

يامرحبا وهلا وغلا وابرك الساعات حضورك يابن العم اخوي / (( سلطان بن بتلا ))



ياهلا ياسلطان وحضورك شرف طال عمرك وانت رجل وشاعر اكن لك كل الاحترام والتقدير ويعجبني ماتقدمه من قصيد ولك حضور في المنتدا وملحوظ لدى الجميع من ما تقدمه من شعر وابداع

وحاضر طال عمرك واجاوبك على سؤالك وعسى الاجابه تكون بقدر السؤال

واليك الاجابه ياسلطان
7
7
7
7





بعض الشعراء بلغوا مكانه ليست ببسيطه من الاعلام والشهره ولكن مايدعوا للغرابه هو وجود خلل في مقومات القصيده الاساسيه مثل الوزن او القافيه او المعنى

مثلاً اما يكتب على حرف واحد اي قافيته على حرف واحد

او عنده زياده بالوزن يدغم كلمتين لكي يصل لفكره معينه او او او .......

الا تجد ان هناك عدم امانه في انتقاء شعراء الاعلام او ان المحسوبيات تفرض عليهم وضعهم بالقمه؟؟؟؟؟



اخوي سلطان قبل ان استرسل بالاجابه ( بالنهايه الشيء الجيد راح يفرض نفسه )


سلطان تكلمت عن الشعراء الاعلاميين ومالهم وماعليهم...! اولا ماهو كل من طلع للاعلام ولمعه الاعلام صار شاعر لينه بالنهايه راح ينكشف لملمعيه وللجمهور والشعر الجيد يفرض نفسه على الاعلام وعلى غيره وذا ان الاعلام لمع له شاعر وطلع هالشاعر الله بالخير ( يعني ماعنده شي ) بالنهايه راح ينكشفون وينكشف شاعرهم وذا انهم طلعولهم شاعر يستاهل بالنهايه راح يشار لهاالشاعر بالبنان وراح يشيدون بالشاعر قبل ان يشيدون بالاعلام


والمحسوبيات طال عمرك موجوده بكل مكان!
والاعلام لم ينصف الكثيرين واولهم اخونا الشاعر المبدع واللذي لايختلف على ابداعه اثنين الا وهو الشاعر الكبير (( لافي حمود الغيداني )) ورغم ذلك وصلت شهرته الى اقصى الحدود فالاعلام ليس مقياس ياسلطان
وغيره كثير كثير ولكن ذكرت اخوي لافي كمثل


والاعلام لمع اشخاص لايليق بهم ماوصلو اليه


وبالنهايه نقول ((مايصح الا الصحيح)) سواءا لمع الاعلام او لم يلمع


ومنتدا المرقاب خير وسيله لوصول اي شاعر حقيقي ياسلطان





وسلم وسلم ياسلطان وشرفتني بحضورك يعلم الله
وعسى جاوبت على سؤالك بالشي اللي يرضيك

ودمت بالف خير



اخوك

هلا وغلا يا اخوي // (( احمد بن غالب ))



ويعلم الله يا احمد بن غالب ان حضورك شرف واشادتك وسام على الصدر لاعدمتك




فشكرا لك من القلب على حضورك الجميل واهلا وسهلا وابرك الساعات




وتقبل تحياتي وتقديري وسلامي


ودمت بالف خير وصحه وعافيه




اخوك

الرجل الخلوق والشاعر المبدع اخوي / (( فيصل السواط ))



اولا ! عذرا على عدم الترتيب الصحيح بالنسبه للرد والله يا اخوي فيصل ان هالشي سقط سهواا


والعذر والسموحه وانت يعلم الله لك عندي من الاحترام والتقدير الشي الكثير الكثير



وفيصل السواط لاشك ان حضورك هنااا يعني لي الشي الكثير واضافه تحسب لي لاعدمتك



وانا بانتظار عودتك ان طرالك شي يالمبدع فيصل السواط




واعتذر مره اخرى


وشكرا من القلب على مرورك الكريم



وسلامي عليك وامتناني وتقديري



اخوك

السلام عليكم

الشاعر الخلوق ذعار الديري

شاعر مبدع ورجل خلوق اتيت للعذر لله ثم منه على التاخير القسري وللاعجاب

تابعت اللقاء والاخوان ماقصروا واعذر فضولي على هذا الاستفسار

_ ياليت بعض الشعار مرجلتهم وطيبهم على مستوى شعرهم !!

من المتعارف عليه عند الاغلبيه ووجهة نظر اخوك المتواضعه ان الساحه الشعريه يدور حولها الكثير من اللغط و و و و بالرغم ان اغلبهم عيال حموله وقبايل ...
ماهي وجهة نظرك بصراحه ؟؟
:
:
تقديري لك واحترامي

اخوك / عادل العالي