(( برود أعصـابي ))

الاخوه الاعزاء

كل عام وانتم بخير


اقبلوا هذه واسمحولي


[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

شقا الخطا على برود اعصابي=ياللي خطاه اصدق لي من اعذاره
اغلط ومدامك تحسب حسابي=ماهمني قلّ الخطا واكثاره
لو مالخطا وارد ولاينعابي=ماكان حط الدِين له كفاره
اهم شي انك كسبت اعجابي=والشخص يغني عن عطاه اصراره
لو ماحصل لك تلتقي تلقابي=عاشق وشاعر لك جميع اشعاره
عشان عينك ترخص الارقابي=وشلون اببخل بالشعر وافكاره؟؟
وانا تراني (شاعر ٍ مرقابي)=اهل القصيد الجزل واهل كاره
دوّر على اسمي وان فتحت كتابي=اظغط باناملك بيسار الفاره
واقرا وش احلى ماانكتب واقرابي =واللي تحس ّ انه عجبك اختاره
خلك قريب اقرب من الاقرابي=ماهو تجي تاره وتبعد تاره
مثل النفس واقرب لي من ثيابي=والبعد انا طالبك فك زراره
مافيه احد يعرف علوم الخابي=الله يكافينا الزمن واخطاره
واللي بليلة جيّتي يشقابي=وان رحت راح ولاعرفت اخباره
هذاك ماهو من عداد احبابي=استكثر اطلب منه رد زياره
يظهر غلاه بمظهر ٍ كذّّابي=(والبِرّ ماينفع نهار الغاره)
مسموووح والله لايبيح غيابي=ان ضايقك والا كواك بناره
اغلط ومدامك تحسب حسابي=اترك عليّ العالم الهذّاره
[/POEM]