مقتطفات من شعراء قحطان .. بـ ِ أقلامكم !!

وقتي معاندني.. وانا ابــوك ياعــنــاد ** وقتي تحداني.... تحدي.... تـــــحـــدي

جار الزمان.... وزود الـجور بعـــنـــــاد ** الحظ ...والايام... يا عناد.... ضــــــــدي

لاجاد حظ القوم .. لي حظ ماجــــاد ** حظي مخالفني .. وقفى ... وصــــدى

صبرت انا عالصبر .. لاشك مافــــــاد ** خطر(ن) علي اليوم ..يـــنباح ســــدى

هذي ثلاث سنين .. والجور يــــزداد ** تلعب بي الدنيا .. على غـــيـــــر ودي

هذي ثلاث سنين..بشهور واعيـــاد ** يلعب بي الهاجوس .. صد(ن).. وردي

هذي ثلاث سنين..صــبـــر وتجــلاد ** يا وقت يكفي .. واصل اليوم حــــــدي

وياعناد .. انا يابوك .. مانيب جحـاد ** من مدلي شبر(ن)... له الباع مـــدي

ومن باعنا يا عناد ... بعناه بزهـــاد ** حتى ولو جده ... قريب(ن) لـــجــــدي

بدلت انا .. بعض المفاهيم بجــداد ** بعض العرب تدي ... ولاهيب تــــــــدي

تدي فقط بالقول ..يا عناد لاعـــــاد ** قول(ن) بلا فعل(ن)... ترى ما يسـدي

وعرفت انا ياعناد ... من دون تعداد ** عرفت انا العدوان ... واللي مـــــــودي

من لانشد بايام صعبــات وشـــداد ** من لانشدعني ...لــه الــعــلــم ودي

لانيب لاسائل ... ولا عــنه نشـــاد ** اخذ الوكاد ... وحزة الجد جـــــــــــدي

الشاعر\ عايد بن دليم المظفري الهاجري

السلام عليكم ورحمة الله وبركاته


هذه الرسالة وصلتني عن طريق الإيميل ..
[LINE]hr[/LINE]




وهذي لتجديد الاعجاب للوزن الثقيل
سلطان بن وسام



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]في عنفـوان البلبلـه والأقاويـل=وزخمٍ من الإعلام فـي زعيتمانـه
هذي قناه الشجب والحط والشيـل=وهـذي قنـاة الملعنـه والخيانـه
وهذي قناة الرقص ياعين ياليل=وعبـدالله ابالخيـر والبردقـانـه
والقدس تقصفها مدافـع إسرائيـل=والغرب يعزف عزف كيد ولعانـه
والشي والله في الليـال المقابيـل=أصبر علي شـوي وأقـول عانـه
عان الليال الحيل لقحن وهن حيـل=ولقاحهن غزو الأصـل والديانـه
غزوٍ يسمـى ديمقراطـي وتبديـل=وطمس العوايد والشيـم والأمانـه
وش قلت ياسداح في كذبة إبريـل=هي في صميم الـذات والاّ وزانـه
والهيل ياسـداح عطـر الفناجيـل=والجِـد ملـح العجرفـه والميانـه
والخيل وين سروجها ياهل الخيـل=راحت فرس عنتر تسابق حصانـه
والمعركه بين النسـاء والرياجيـل=مـدري يفـوز فـلان والاّ فلانـه
وأن قام حظ أم الرموش المظاليـل=وقامـت تثنّـى كنّهـا الخيزرانـه
ماعاد ياسـداح حيلـه ولا حيـل=أطلق شنـب قلّـه يجـوّد مكانـه
والقبّـه اللـي للنشامـا مداهيـل=ميدان سيف الله وعنتر زمانـه
الله ثعا فيهم على مثـل ماقيـل=بعنصـر نسائـيٍ قـويٍ كيـانـه
خطوات عوباً صوتها يصهل صهيل=تشرشح النايب وتكرب بطانه [/POEM]





وله أيضا



[POEM="font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا ولد هاجر وخصمـي ولـد روق=حصنٍ تصاقـل والضمايـر نظيفـه
لاحلّق الجمهور طـوقٍ ورا طـوق=مثل الضوامي فـوق وادي حنيفـه
أقدم وأحفظ حقوق وأصفّي حقـوق=وأصد هجمـات الرجـال العنيفـه
طارد ومطرودٍ ولاحـق وملحـوق=ومتقاسميـن المرجلـه بالنصيفـه
والا أنت لا عاشق ولا أنته بمعشوق=ولا لك مع أصحاب الوظايف وظيفه
ماغير غصنٍ كل ماهـزّه الشـوق=عرقه لدن وأوراق غصنه خفيفـه
لبست لك بشتٍ على المتن مشقوق=وكلفت نفسـك فالامـور الكليفـه
مهزوز شخصيّه وجاهل ومطفـوق=تصدم براسـك فالجبـال المنيفـه
قدام تشعب ناقتك مع هـل النـوق=الوسم شيفه .. وإسم راعيه شيفـه
تبي الكلام اللـي موكّـد وموثـوق=الكحل شبهـه فالعيـون الكفيفـه
ماغير حاكم مصر فاروق فـاروق=ولاغيـر توفيـق الخليفـه خليفـه
وأنا لعبت الشعر طاروق طـاروق=وأحيان أورّا فيه .. وأحيان أعيفـه
لا عاد له معنى ولا عاد لـه ذوق=تقاسموه أهـل النفـوس الضعيفـه
طاروق عاريّه وطاروق مسـروق=وأقـرب قنـاةٍ فاشلـه تستضيفـه
ويصير من بين الغرانيق غرنـوق=ويهز راسـه مثـل راس العسيفـه [/POEM]




وله أيضا



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]رؤيـا منامـي بشّرتنـي بلامـاك=وفزيـت أقـدّم للبشيـر البشـاره
هل تعّلم أنّي واحدٍ مـن ضحايـاك=قتيل حربٍ مثـل حـرب الحجـاره
ليتك مصوّبني برمحـك وشلفـاك=الموت من يمناك ماهـو خسـاره
لكـنّ ذابحنـي بهجـرك وفرقـاك=مدري متى تسمـح لنـا بالزيـاره
شربت سحر البابلي مـن شفايـاك=شراب ضرمانٍ شرب لـه زقـاره
يوم أنّي أزيح الشعر عن محيّـاك=وإيدٍ يميـن الجيـد وإيـدٍ يسـاره
وأن طاحت الدمعه على كف يمناك=حـرارة الدمعـه تداعـب حـراره
يامن خلقك الله بحسنـه وسـوّاك=أشوف فيك مـن العبـاره عبـاره
أحلف واقدّم لـك رهـن وأتحـدّاك=مالـك شبيـه الاّظبْـيّ الـزبـاره
والأشقر اللي كل ماقمـت غطّـاك=شقـار بشـت فـداويٍ فالأمـاره
وإليا نطحـك الريـح والاّ تقفّـاك=شبح !! شبح !! صدام بدْي وغماره
ماقـط سافـر فيـه هـذا ولا ذاك=شبح وزيـرٍ عنـد بـاب الـوزاره [/POEM]



وله أيضا

[POEM="font="Simplified Arabic,4,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عليك الفرج يالله ياحي ياقيوم=الاهٍ عباده كلها تلفت يمه
الا يارفيقي والله انه عداك اللوم=انا اللي علي اللوم في ذمتي ذمه
ولاكن سامحني ترى العلم فيه علوم=ولا يفرح اللي بيننا ينقل النمه
حصل ماحصل والعبد يصبر على المقسوم=يدور الزمان ويخلف العزم والهمه
طرات الرجل لا لحقه من الزمان هموم=ما يدري بسده كود خيرة بني عمه
وسيع البنايد في الشدايد قوي عزوم=لعظك زمانك شال همك مع همه
وانا والله اني ماتهنى بحلو النوم=ورفيقي عليه هموم الايام ملتمه
اشيل الحمل منه واحطه علي واقوم=مقام يورد مظمي الما على الجمه
لكن الزمان الشين ظالم وانا مظلوم=على الهون ياللي تمدح الوقت وتذمه
تهب الهبايب والسفن في البحور تعوم=وتقفي بها صلف الهبايب عن اليمه
هبوب تصلفقها وبحر وسما ونجو=وموج تقفاه العواصيف وتزمه[/POEM]


اخوكم /نايف الحافي

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اللي يجنـب محلـي ما عـلي مـنه=ان مر قلنا هلا وان راح مسموحـي
لا صار مـابـه رفـيـق وافي فـنه=كثر المشاريـه غربـالٍ علـى روحـي
بعض العرب لا نصحته زاد به جنه=من داعي الخير لا يسمع ولا يوحي
مطغيه طيش الشباب ومخلف ظنـه=مريوح ومرافق المريـوح مريوحـي
الله يـثـيـب العذارا يوم عافـنه=ما للغناديـر فالخـبلان مصلوحـي
مـن ضحـكـن اليـالي الـسـود بكـنه=ماهيب كل الليالي ضحـك وفروحـي
الصبـح لا صـاده الصيـاد ما حـنه=الوقـت دوار والمـطـرود مطـروحـي


.

‘‘‘‘[/POEM]

فهد المحيشير

تلبية لطلب حامد بن عوجان

اخوي الغالي شامخ الشامخ بيض الله وجهك علي الموضوع الرائع
ولي الشرف بالمشاركه معكم

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صدري تفجر بالتماثيل مجراه=وانتج بيوت توفكري صنعها
جار وتفجر وانفضا وانتثرماه=فك السدود المغلقات ودفعها
قامت هواجيسه بالافكار تشعاه=وانشا البيوت المحكمه واخترعها
والشعر لي زين ولازان مبداه=صارت بيوته ماتوافق سنعها
واللي يخوضه ماعرف ويش معناه=كاغبه من خاضعها ماقطعها
واللي يدور منطق العرف واخطاه =قصده دواه عينه وبيده فقعها
واللي يكود فعل الامجاد بصباه=الي شاب لوهي جغمه ماجرعها
والرجل كالبنيان والساس مبناه=من ضاع سلمه شيمته مارفعها
والمجد صعب ويتعب النذل مرقاه=به طلعه ماكل رجل طلعها
ومن لايخاف ان المخاليق تقفاه=يرخص ونفسه للرذائل دنعها
ومن لاتسره بالمواجيب يمناه=يسمج وتبطي خلته مارقعها
ومن لايودك فاسعد الوقت فرقاه=ونفس تبيعك بارخص السعر بعها
ومن لايدور رضاك حذراك تدراه=لاشاف نفسك تنخدع له خدعها
واعرف سنع وقتك ودربك وممشاه=وان طاعتك الايام والا فطعها
ولايغرك كثره المال والجاه=والنفس لايطغي عليها طمعها
وقت مضي راعي الدروب المخلاه=ماحد يحوف الديره اللي رتعها
واليوم صار الذيب والعنز والشاه=ترعي ويرعي الذيب والنمر معها
بعض العرب لاقال الاشعار ماتاه=ان زانت القيفان ولارجعها
الي جيت باترك منهج الشعر وانساه=هاضتني اللي عذبت من تبعها
الجادل اللي ماتعذبت لولاه =هافت غصون بالموده زرعها
غض وغضيض ويسلب القلب بحكاه=حروف الموده في فوادي طبعها
الي مشا ترف القدم يقصر خطاه=كنه يشح بخطوته من ورعها
ابوجديل فوق الامتان يثعاه =متعكرش فوق المتون يهزعها
والله خلق الانسان واشقاه واعطاه =سبحان من يعطي العباد ومنعها
الكامل اللي نقصد البيت لرضاه=مجري النسم بالروح وان شاء نزعها
الواحد اللي ما المقادير تخفاه=حتي خطا النمله علي ارضه سمعها
نرجي عطا جوده وعفوه ونخشاه=يوم القيامه لاتدانت سوعها
الخالق اللي ولف الرجل واعداه =اللي محى غش القوب وجمعها
الله يقدينا علي درب تقواه =ويصدنا من سنه ما شرعها
وصلوا علي اللي يذكر الرب مسراه=الي دحر روس الطغاه وصرعها[/POEM]

حاند بن علي بن مايقه الحبابي

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامرحبا ياسيدي سلطاني=ترحيبة ينبض بها شرياني

مربعوعة مثلوثة مثنيه=بالمسك واليشموم والريحاني

بسمي وبسم الشعب واحد واحد=بالصوت الأعلى والفم الملياني

حيا اللة اللي غيبته محسوبه=واليا حضر حيت به الأوطاني

ما هو بمن يأتي ولا يدرى به=هذا ابوخالد مغني الفقراني

غيث اليا قامت تلوح بروقه=يسقي الفياض الممحله من داني

ما له شبيه الا بكور الوسمي=تعده السلفان للسلفاني

هذا ولي عهد الملك عبداللة=الشامخ النايف من الضلعاني

عبداللة اللي طول اللة عمره=محارب اهل الظلم والطغياني

ملجّم افواه العداء بالحربه=ومنزّل خشم العدو الثاني

عينه على شعب العروبه كله =ومتفرد بالموقف الأنساني

أول زعيم أمر بجسر جوي=بين السعوديه وباكستاني

حكامنا منا وحنا منهم=ما فينا ذا صاحب وذا قوماني

أئمة تفرق على ألأئمه=بالهيبه العظمى وبالايماني

مثل الجمال الصايكه لا صاكت=ومثل الحصن لا طبت الميداني

عيال من يخلي سروج الضمر=عبدالعزيز مجندل الفرساني

يوم انها ميدان سيف وحربه=والظفر منجى والكربم معاني

يبطش بها عبدالعزيز الفيصل=ويهابها الرعديد والجباني

وسيف العداله لا ورد ما صدر=الا بعزل الروس عن الامتاني

وسيطر على عصر الجهل واجتثه=ما عاد له في هالبلد مكاني

ورسى قواعدها على شرع اللة=كيان ما مثله ولا كياني

عساه في خضر الجنان مخلد=يامفضل المسلم على النصراني

وسلامتك ياسيدي واسمح لي=عفوا على التقصير يا كححيلاني

تاحت لي الفرصه وجيت اسلم=ما عاد غير اليوم يوم ثاني

وانا ليا قلت القصيدة فيكم=أعدها وقول صح الساني[/POEM]

سلطان بن وسام الهاجري

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] جيت لك في مجلس فيه مغتاب = سوالفه خلف المقفى شنيعه

اما ابذل لتغييرت المنكر اسباب = دافع عن الطيب بما تستطيعه

والا اخذ لك فنجال واخرج مع الباب = نزه جنابك وارض ربي وسيعه

هل تعلم ان اهل التنابز بالالقاب= بين الاخوان يسببون القطيعه

والناقص اللي للعراقيب شذاب= غير جبل ولا تغير طبيعه

تلقاه نمام لا ودى ولا جاب= وان صار له فرصه خذاها ذريعه

والا حسود مفترى والا كذاب = ما يعجبه صيف الزمان وربيعه

لا عجز عن وقفات عطران الاشناب= اهل الفعايل والنفوس الرفيعه

جالس عسى الله يكرم السامع اذناب= زلايب تستقبل اللي يذيعه

وطعن وعذرب في الاسامي ولنساب = وحاول يحط بكل طيب هزيعه

ما يدري ان ما دون عين الله حجاب= وصكات دورات الليالي سريعه

الحق يأتي له بعد حين طلاب = اليوم والا الصبح والا تبيعه

والرابح اللي لا ذكر زلته تاب = لا خالف سلوم ولا خالف شريعه[/POEM]

فلاح بن محمد القرقاح

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ما يبين الطيب الا في الشدايد=في نهار يصير حملك فيه كايد
يظهر الصنديد في صف الجماعه=وينثبر من يشتري مدح الجرايد
ويسكت اللي بين خلق الله علاقه= ويعرف اللي في سبيل الخير ذايد
والهجوس اللي على الموعد تجيني=عاهدتني ما تجيب الا الجوايد
لو اصوم من رمضان الى الضحيه=ما افطر الامن معاليق الشرايد
كل ما هلت مزون العقربيه=جاد صندوق النوادر والفرايد
والشعر في ذمة الشاعر رساله=تذكره حتى محاريب المسايد
شاعر الرسول حسان بن ثابت=والامام الشافعي في الشعر رايد
ولاتزال معلقات الشعر رايه=للشعر واهله وعشاقه شهايد
واناشعري مثل دمي له فصيله=له علاقه با الفصيلهo+
لانها فصيلة الدم الكريمه= والكريم معان حتى في القصايد
محزم لي في المسره والمضره=ما وقف بي عند وقفات الزهايد
خادمنّي عند عصمان الشوارب=عرفهم طاله وخدمتهم فوايد
واكسب بعرفي بلاد الله اماره=والبس ثياب النواميس الجدايد
وقفة تذكر وتاريخ ومهابه=ومزح راقي مع وسيعين البنايد
وان رجعنا للمطامع والمراجل=مانضريها على نوم الوسايد
وانت يا اللي تحسب ان هرجك مؤثر=وتزرع اشجار النميمه والمكايد
لاجميل ولاسلاح ولا حميه=ولاتمسك با الشريعه والعوايد
غاسل وجهك من اثار المروه=مثل ما يغسل يدك صابون تايد
وتزعم انك مثل شيخان القبايل=وانت صيد للسلق مانته بصايد
ان ترفعنا عن الواطي كرامه=ما مضى من وقتنا ما هو بعايد
ما يمثل شاعر الوقفات نفسه=غيرذخر للقريب وكل نايد
نية الرديان ماهي لي مطيه =البشر ما تفرق الا في العقايد
وكان ثار العج عند ابل الدواسر=يعرف ابن قويد عند اولاد زايد
كل عود ازرق لافاح يجيك طيبه=فال من لايرتجف يوم الطرايد
والحقيقه في البدايه والنهايه=كل شي غير وجه الله بايد[/POEM]

سعيد الفهري القحطاني

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]النوم حاربني وحاربته ولاجاني رقــاد=جتني هواجيس تطيـــــر نومتي وتحوســها
لين انشغل بالي وتفكيري سرى والهم زاد=في ليله قشراء يطير النوم من هاجوسهـــا
يســــــري خيالي واتنقل من بـــلاد لي بـــلاد =واصبحت في غبه بحرولا استطعت اقوسها
قلته وعندي في بيوت الشعر رغبه واجتهــاد=اقطف ثمربعض البيوت اللي غرست اغروسها
هاذي قصيده شاعر عاش وتعلم واستفـــاد =عاش وتعلـــم والليالي علمته دروسهــــا
لازلت في طور الشباب وعشت في الدنيا جهاد=عشت وتعلمت ولقيت اسرار في قاموسها
واكبر طموحاتي رضا ربي وتحقيق المراد=والا الطمع في الجنه الخضراء وفي فردوسها
وعليك يالله اعتمادي ماعلى الناس اعتماد=ولاعلى اصحاب الفلوس اللي تعد افلوسها
ونفسي عزيزه دائم في حر والا في براد=ولابارك الله في رجاجيل تهين انفوسها
وراعي الجميل يعيش في الدنيا مثل راعي الشداد=واهل الفعول فعولها بانت وترفع روسها
والا الردي وابن الردي كنه مقيد بالقياد=تقصر يمينه من هل الطاله ومن ناموسها
جعل المره تلبس علي الناقص ملازيم الحداد =وبقعاء عساه يصير بين انيابها وضروسها
والربع في وقت اللزوم اكثر من أسراب الجراد=والحكم ماهو في مظاهرها ولاملبوسها
ورفيقي اللي في اللقاء يقدح مثل قدح الزناد=هاذك ذخري في الليالي اللي تزيد حسوسها
ياسعد منهو له رفيق وسعد منهو له سناد =وليازهمته يعتزي للكائده ويدوسها
ياكثر هرج الناس ياقل الحقيقه والوكاد=واهل الوفاء تعرف بوقفتها وبعد رموسها
اطرب لخوه كاسبين الطيب والشور السداد= وممشاي دائم نفس منهجها ونفس هجوسها
الصبر مفتاح الفرج واقول لله المعاد=ولعابه المنكوس تستانس علي منكوسها
وان كان وصلت حدها ماللعناد الا العناد =لحيه نكرمها ولحيه مالها الاموسها
العمر تاليه الفنا والزرع تاليه الحصاد = والامطار ماياتي بعلم الخير غير عسوسها[/POEM]

حسين بن شتوي الحبابي

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياللي تهوز الضلع بالقرن مسكين = مسكين والله غرروك المساكين
ان كان تبغى الصدق والصدق منجاه= كلمتك ما تحسب ولا توفي الدين
ترسل على الجوال نكته قبيحه =تقول المهايط سلم عند القحاطين
لا شك خذها اليوم من كف صاحب =و اسمع علوم مرجحين الموازين
حنا عيال العود روس القبايل = حنا هل الطاله كعام المعادين
حنا هل النخوه نهار الملاقى = نقبل على الهيجاء سواة الشياهين
حنا الحسب حنا النسب في الجزيره =وان جات للسلطه ترانا السلاطين
حنا العرب ساس العرب يا مغفل = تاريخنا يعطيك عنا براهين
يكفيك (حسان بن ثابت ) وكافي = شاعر نبي الله ختام النبيين
قصيدته للحين تقرا و نكتب =تخيّل من الجاهليه لهلحين
(نحن بني قطان هوداً جدنا) =وأجدادنا الغر الزحول الميامين
حنا قحطان ايه قحطان العريبه =أهل الفعايل لا نعى ناعي البين
قصيرنا ينعم بنعمة ذرانا = نقسم عشانا في رضى الجار قسمين
و خوينا يبشر بنا في لزومه =حنا على باديه في العسر و اللين
و نسيبنا يفخر بنا ونفتخر به = ولا ندور في النسب للمزايين
و رفيقنا له في رفقنا بنايد =اليا زهمنا نجيه مثل المجانين
في جهلنا نجهل على كل جاهل = أميرنا شيطان وحنا شياطين
و في حلمنا اثقل من جبال(ن) رواسي = أميرنا رحمن و حنا رحمين
وقوعنا في كل ديره عقوبه = انشد عن اللي شافها شوف بالعين
وقايع(ن) منها يشيب الغليّم = أهوالها بأهوالحطين و حنين
حفيفنا لو صد عنا مواجر = ولرضى مشايخنا يقرب قرابين
و عدونا كانه نوانا بنيه = لاهازنا ندبل له الصاع صاعين
وشيوخنا مقدم شيوخ القبايل = لانوخت دعوى العرب بين صفين
منا المهادي وبن هادي وشالح = ومنا الشفاليت الدهاة الدنادين
و مناجمل و جراب و الذيب فراج = واللي خذا من القوم تسعه و تسعين
مسعود يوم اشتل عيلة رفيقه = وساق العوادي مثل سوق البعارين
و تكفيك قصة ذيب بين القبايل = يم احتمى الخلفات دون المغيرين
هذي فعايلنا و باقي و باقي = لا قلت لك ثنتين باقي ثمانين
فينا الوفاء والطيب طبع وجبلّه = و فينا الكرم و الجود دايم مقيمين
وفينا الفخر و العز خصله عتيقه = لها بوسط نفوسنا سنين و سنين
يعرف عيال مضيم من ضاع رايه = و من طيّحه في نارنا فاله الشين
و يعرف عيال مضيم من زل حده = وصالى حرايبنا وعانا الامرين
و يشهد لنا بافعالنا كل عارف = من البحر الاحمر لين عجمان و العين
يشهد لنا تركي و مسلط و فيصل = ويشهد لنا عبيد العلي و بن حثلين
حدودنا من حد نجران علوى = لا حد ظلماء لابرق الخيل للرين
نستاهل النعم وقليل(ن) علينا = حتى ولو يدبل لنا النعم نعمين
ولا على القبايل زود كل(ن) له ايده = في ذمتي وافين وافين وافين [/POEM]

عوض بن شفلوت المناديه

هذه قصيده للشاعر الكبيرسلطان بن وسام الهاجري

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه عيني جفا النوم موقها=تسبر سنا برق رفيفه يشوقها
جعله من المنشى ينثر مخائله=من مزنه غرا تكاشف بروقها
لامرها العساس من غب سيلها=عين خباريها ووكد حقوقها
مدهال ذود ماتقرع من الطنف=لاقرعت بعض الرياجيل نوقها
البل تبي رجل عزومه قويه=ولانتوت عن دربها مايعوقها
لايسمع العاذل ولايسمع الردي =رعايه الربله ليبست عروقها
ياما رعينا مشبر مارعوبه = اهل الغنيم تدقق اربوقها
مافيه ياكود الشقاري وخلطها=وفيه الخزامي اللي طوال عنوقها
ترعابه العري ويبني شحهما =عقب الدهر خطر تزايد فتوقها
يازينها لياجت عقب المعشا =والنار تشعم والمعاميل فوقها
اليا لفت عقب العتيم وتفاهقت= وغسلت شمايلها ورفيت شقوقها
هذي تغرز من غلاها وقدرها = وهذي يقدم للنشاما غبوقها
واليا اصبحت تسرح علي الر وض الادني =اليا اشرقت الشمس باول شروقها
لهبك النسناس تشفيك خنته = ويكفيك عن ريح الخزامي نشوقها
وراعي الوظيفه يرتخص عن وظيفته =يرعابها القافر ويتبع طروقها
كله لعينا الشايب اللي يحبها =عودا يقلط للنشامي حقوقها
لايجرح العاني ولايزعل الخوي =وعوق الخصوم اللي وساعا حلوقها
اللي يحب الطيب يلقاه عنده =واللي يدور للمراره يذوقها
ومن لايحوش المرجله في شبابه = واليا انتحت صعب وعسر لحوقها
وختامها مني صلاه علي النبي =عداد ماتنشي وتبرق بروقها[/POEM]

ويقوا الشاعر المعروف عبدالله بن شائق العاطفي

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ألاجواد واجـد والمراجـل لهـا كسـاب=لكن واعد العشـرة ليـا صـرت جمالـي
يطير الشـرار وكـل نـارٍ لهـا شبـاب=ومن ولع النيران يصبـر علـى الصالـي
تجارب حياتي معجـزة وادروب أصعـاب=ولقيت الرجال انـواع والـوان وشكالـي
صديق الشدايد ما خذا منك علـم وجـاب=وسيع الصدر يضحـك ولا هـو بزعالـي
صديـق الشدايـد لا ينافـق ولا يغتـاب=يدلـه غريـب الـدار ويزيـن الجـالـي
وصديق الرخى عقاب ومصادقـه عقـاب=شجاع الحكي والمـدح بالقيـل والقالـي
وصديق الرخى ما غير صورة ولبس ثياب=يا ليته يبرقـع مالـه شمـاغ وعقالـي
وعنـدي نصيحـه جـد ماقلتهـا لعـاب=أقول الصحيح ونايـم القلـب يصحالـي
ترا خوة أهل الطيـب يالطيبيـن أطبـاب=يطيـب السقيـم وخـوة الاش سـلالـي
تغانم شبابك يا بيض الوجه دامك شـاب=ترى البدر لو يطلع قمـر عـود أهلالـي
فلا تهجر المسجد وخلـك ورى المحـراب=ترى روضة المسجد لهـا منـزلٍ عالـي
ولا تترك اللي يزهمـك خايـفٍ مرتـاب=ترى الذل ما نجـى الثعـل بـا لتحيالـي
ولا لندى غير الفدى لـو تـروح أرقـاب=ومن ضاع شوره يا خذ الشـور ويمالـي
ومن با شـرك بالعـذر لاتلحقـه بعتـاب=ولا تشوف نفسك شيخ والنـاس عمالـي
ولا تهين نفسك لو تجي بين ضرس وناب=وهيبتك لا تنقـص ولـو ربـع مثقالـي
وبنت الردي لا يعجبـك زينهـا الجـذاب=تراهـا كمـا المخيـال خيـل وتخيالـي
ولو شفت حمر خدودها وثمـان أعـذاب=لا بدك تمنى ليـت مـا جالـك أعيالـي
ولدها لا ياشاف النقـى والملاقـى هـاب=ذليـلٍ بخيـلٍ فيـه خفخـاف وجفـالـي
أخذ بنت قرمٍ طيـبٍ ساسهـا مـا عـاب=تنومسك بنت الشبـل ويجيلـك أشبالـي
أعيال الذياب تصير مثل الذيـاب أذيـاب=وعيال الثعالـب مثلهـا زهـر الاذيالـي
وفرخ الصقر مثله وفرخ الغـراب غـراب=وبوم الخـراب ايقابـل العـش ويلالـي
الي صار راسك فوق يا طيـب الا نسـاب=فـلا ينحنـي لقـدام رجليـن ونعـالـي
لكن الله اللي يكتب الـرزق يـا خطـاب=هو اللي يفك البـاب ويقـص الا قفالـي
ولا يهمـل الا واحـدٍِ عايـفٍ الاشبـاب=ولا ضيع أحقوق البشر غيـر الا همالـي
وترى للقصايد كيف والكيف لـه شـراب=وانا ما مشرب الا كيف راسـي بفنجالـي
ولا طاوع الجاهـل ولا جامـل النصـاب=أقـدم يميـن الحـق واحـط معـدالـي
ولا ني بو الله طيبن له مـع مـن طـاب=ومن طاب لي برخص له الحال والمالـي
أكذب وانا خابـر واجامـل وانـا كـذاب=سنين مضت هـي صـدق والا يورالـي
تلخبط جهاز المخ وانهـارت الاعصـاب=وفورت دمـي وارتفـع ضغطـه العالـي
لكن في رجى اللي من رجى رحمته ماخاب=هو الواحـد العالـي وهـو ربناالوالـي
وهو الخالق الرازق وهو المعطي الوهاب=لـه الملـك كلـه والكمايـل والاكمالـي
رئوفٍ رئيـفٍ رحمتـه تنقـذ المنصـاب=يغيث الديـار الممحلـه عقـب المحالـي
شديد العقاب ويعتق المذنب اللـي تـاب=عسى مـا يوخذنـا بسيـات الاعمالـي
كما قالـه الله فصبـروا يأولـي الالبـاب=ترى الصبر زين وكلمـة الحـق تنقالـي
واصلي واسلم عد مـا تنبـت الاعشـاب=وما لاح بـراقٍ سـرى يشعـل أشعالـي
على المصطفى اللي وحد الدين والاحزاب=شفيع أمتـه يـوم الهوايـل والاهوالـي[/POEM]