((مسحوب والمسحوب كل ٍ يغنّيه))

المشاركة الأصلية كتبت بواسطة سلطان بن بتلاء

مساء الخير

قصيده جديده



[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]جيتك على مطيّة اهل القصايد=مسحوب والمسحوب كل ٍ يغنيّه

صحيح هو ماهو على الناس كايد=لكن ماكل ٍ سواتي يسويه

نظمت للساحه بشعري قلايد=وقامت تباها في قصيدي وراعيه

ماهو على شاني على الشعر قايد=الكذب مايقبل ولانيب ادانيه

لكن كسبت من التجارب فوايد=تجارب اللي قبلنا جرّبوا فيه

قالوا لي ان الشعر يبغى فرايد=وافكار والرجّال عقله يقديه

ان كان ماجدّدت مانته بفايد=مهما تفننت ببحره وقوافيه

ياليت بالساحه مسمى (زوايد)=بالله كم مستشعر ٍ راح اسميه؟

من منطلق مانيب عايد وزايد=بافكار خلق الله جيتك منقيه

يااعذب من اشعاري واعز البدايد=واصدق من اعذاري اليا قلت لي ليه؟

يااصمل من عزومي نهار الشدايد=واكمل من الحلم اللي ابطيت اناجيه

طوّعتني وانا من اقسى الولايد=وطبّعتني على الغرام ومباديه

وحطّيت لك في خافقي خط سايد=وخطّيت لك به شي ماحد ٍ بماحيه

اي والله احبك ولابه جدايد=غير ان لك قدر ٍ سلب عقل غاليه

كذاب من قال المحبه نكايد=والا عجز ماحصّل اللي يصافيه

ماارتحت واستحليت نوم الوسايد=الا عقب ماحلّ حبك وطاريه[/POEM]

بسم الله ماشاء الله


الغالي سلطان بن بتلاء


ياخوي انت قصيدك ماهو مثل قصيد الشباب


قصيدك لك نكهه خاصه سلاسه وجزاله ماتجدها في اغلب القصايد


الله لايضرك


وصح لسانك كثر اعجابي بهالدرر ولاهنت يالقرم


.

مشعان البراق

مرحبا والله ومسهلا


نورت يااستاذ

صح بدنك

بن بتلاااء

صح الله لسانك يالجزل


تقبل كامل اعجابي فيك ولاهنت


اخوك

..

صح السانك يابو بندر
مبدع دايم وشهادتي فيك مجروحه

ماجد النويشر

صح بدنك ملايين

ياهلا بك

سلطان بن بتلاء


قصيده راااااااااااااااااااااااااااااائعه


لك نهج خاص واسلوب مميز



صح لسااااااااااااااااااااااااااااااااااااانك


ودمت بود

ابداااااااااااااع يابن بتلاء

واسمح لي حضوري المتأخر

صح لسانك

مرحبا يامناحي..(ابو منصور)..مشخص

اياً كنت

الاكيد انك عزيز وغالي ومرورك تشريف لي يعلم الله

سلطان بن بتلا


شاعر يا سلطان ولا راح يمرّ اسمك على الشعر مرور الكرام .. لله درّك



صح لسانك .. وسلمت يمينك