ミ♡彡 ( آآآآه لــي ) ミ♡彡

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يارب ياللي دلايل قدرتك فـالكـون شتّـى=عليك جـلّ اتّكالـي يامعينـي واعتمـادي
يا منجي بدبرتك من داخل الحوت ابن متّى=لولاك ما انجاه تدبير البصيـره والايـادي
لي حلم واحد بذلت العمـر فيـه ولاتأتـى=لاغاب عن ليل مستوحش ولاله صبح بادي
يغلبني الياس منه احيان واسلى منه حتـى=اجّرصوتي واغني مانت حولـي يامـرادي [/POEM]

[poem=font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهدوء اللي سببه غيابك وقل اتصالك = كان ما يملا ضلوعي وجد ماحرك نشيدي[/poem]

[poem=font="Simplified Arabic,4,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي غيابك تشبهه جرعة الصِّبر = زعلك وانت قريّب امر وادها
ما اقول فارق عن عيون الشقا شبر = اقول خاف الله وراقب سهدها [/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بيضّ الله وجه كلٍ في محلّه = انت والفرقا وجرحي واحتمالي
بعد انا ملّيت من طرد الاهله =شرهتي تبقى على سود الليالي[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالوا لها عمر المحبين محدود = وهيّ مهبوله صدقتهم وراحت
انا هنا في ساحة الوعد موجود = ولا طرتلي قلت دمعه وطاحت
متهني ومرتاح من زود في زود = واكبر دليل ان دلة الشعر فاحت [/poem]

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
علاقتي بك غير عـن باقـي النـاس=فـوق المحبّـه والغـلا والصـداقـه
ان ما جمعنا الشّوف يجمعنا الاحسا=يعني معك حصّـل ضميـري وفاقـه
سوّيت لك قالقلب مهجـع ومجـلاس=وانته عليك الورد بـاقـه وبـاقـه
واظن لو تشكي عليّْ ضيق الانفـاس=فكيت في صدري على الجـوّ طاقـه[/poem]

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خذ ضلوع الصدر سلّم وارقها لين نتواجـه=وان صدف لك بعضها متكسرٍ حذراك منهـا

ما كسرها غير ليلك يوم يحرمنـي سراجـه=سامح الله صورتك يوم آتوهـم وآحضنهـا

وانت ما تحتاج تمشي الصدر لين آخر دراجه=خطوتك ما بين خامس ضلع والسادس وطنها

انزل انزل بين خامسها وسادسهـا وناجـه=قلبي اللي كلما تزعل علـى حاجـه ركنهـا

ايه واتعصب معك كالقاعده ضـدّ الخواجـه=لين ترضيك الدروب وشامها يلقـى يمنهـا

[/poem]

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للشعر قفلِ مثل قفل البـاب=مشاعـري وراه محصـوره
ياللي تعاتبني بلاش عتـاب=رمت القصيد ولا لعب دوره
سلبه مني سالـب الالبـاب=والنفس منهيّـه ومامـوره
ماعاد باقي لي بعده احبـاب=وقصايدي ماهي بمعـذوره
من كبر حبه كل قافٍ شـاب=ياوين قاف يلامس اشعوره
له كلمةٍ يوم الهوى غـلاب=تقـول للقيفـان مشكـوره
البارحه عديـت فالمرقـاب=وازريت لا اعبّر عن الصوره [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذيب ياذيب دهـورْك الزّمـن ياذيـب=حاصرك بالحديد وحـطّ لـك حـرّاس
واطلق العقربـه والحيّـه ام جنيـب=معمـل السـمّ يافالذيـل يافـالـراس
لاانت مخطي ولا هذا الزمان مصيـب=لا يصيبك من الوضع الرّدي وسواس
جرّعويتك لو مـاش لعـواك مجيـب=ضِقْ على الدّهر والاّ الناس ماهم ناس
مالحقـك المـلام ولاعـلاك العيـب=يكفي انّه لحقك المـوت لـم تنـداس
لو يبيض الذكر والا الغـراب يشيـب=ماتغيّـر صفاتـك بلسـة الـبـلاّس
لك مع الليل مسراً مـا يجيـه كليـب=والشّواوي معك مافيـه قـوّة بـاس
وان تـدّرب سنيـن وكثّـر التّدريـب=يرتجـف لا لقيتـه قلبـه الحسّـاس
وين جرحٍ جرحت بمخلبـك ويطيـب=ووين ضلعٍ نهشت ومابـراه اليـاس
خلّ الايام تمشي بك علـى التّرتيـب=في قفصك الحديد .. وفي خلاك بساس
الله اللـي كتبلـك حبسـة التغريـب=لجل تسلم حلـوق وتستمـر انفـاس [/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعين باتي ما على العالم وصـاة=مالله موكلني علـى كـل مخلـوق
ولاّ اسهري بي ليل ذكر ومناجـاة=العمر راح (وكل مطرود ملحـوق)
واليا قِدرت النفس ,, والنفس بالذات=ما عاد لي حلـمٍ لتحقيقـه آتـوق
اخـاف تاخذنـي طريـق الملـذات=واضيع ضيعة حبة القمح بالسـوق
واللي ما فكّر في تفاسيـر الايـات=متزكرتٍ بالثوب والثوب مشقـوق
الخير كله مع زبـون الصـلاوات=ما دام باقي له على الارض معلوق
يا هيه دنيانا مـا فيهـا سهـالات=الله خلقنـا تحـت لحسابنـا فـوق
نسمع لخيل الموت فالناس صولات=لكنّ ما فيهـم حـداً ميـتٍ شـوق
وتموت يا شاعر وللموت سكـرات=ماهيب جر لحون ومداعب طـروق
مهمـةٍ وتـروح مثـل المهمـات=والله ما يتلاها قضى دَين وحقـوق
والموت ماهو موت الانسان لا مات=الموت موت الدين والعرف والذوق
حقيقةٍ تشمـل جميـع المجـالات=كم ميت ٍ يعتاش وينام ويفوق !!!! [/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

دمعتك ذنب وسكوتك تردّي نصيب=وانهزام الاحبّه .. جـرح ماله دوى
كان ودّك تقدّمني على الموت غيب= او تماد بزعلك شويّ واحنا سوى
حاجتي لك ماهي حاجة حبيب لحبيب=انت قبل الـغذا والما وضمن الهوى .. !!
ياكسجين النفس ذبّ العروق وتطيب=كل عرق .. فقدك اربع دقايق .. ذوى
سمّ وانس الفراق .. فهمت ؟ هل من مجيب ؟= ماعشقتك عشان آموت .. مالك لـوا [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا أشهد إن أكبر صنوف المخاسير=إليا اكتشفت إن أقرب الناس نايـد
وإليا اكتشفت إن الرجال المناعير=نسـوان لكـن ماعليهـم قلايـد ! [/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا حبيّبي حسب ريح الحب وادراجه=من عقب قمة جنونه وين توصلني؟؟
دخيل وجه الضيا ,,, لا تعقّد حجاجه=خذ راحتـك فالحيـاه ولا تجاهلنـي
البسمه المكرهه والوضع واحراجه=امّــا تحمّلتـهـا والاّ تحمّلـنـي
اخاف تزعل عليّ ان قلت لك حاجه=بسمتك حتى مع اخوانـك تبهذلنـي [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يامسوي للبكا قيمه وللصبـر انتكاسـه=كنّ مالدموع خلق الله مَع دمعْتك قيمـه
ليه تبكي وانت خابر قدرك وعارف قياسه=في حياةٍ لو تخلّت عنك ما عدّت سليمـه
الوفا عهدي معك والا الجفا مهدوم ساسه=والحياة ارزاق وانته فرصة القلب اليتيمه
لو تضيع يضيع عالم باكمله وتموت ناسه=وانطوي في ذكرياتك طي الاوراق القديمه [/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اقول وش يعطي التلاقي ورى البين=قالت تصير احلامنـا فـي يدينـا
قلت ايه ,, لكن يعطي البعد شييـن=شوقٍ عظيـم ,, ولهفـةٍ تعترينـا
قالت بصوت اللي يبي ردة الديـن=ياويه ,, يا قسـوة زمنّـا علينـا
متى على الله تلتقي عين في عيـن=شبنا غـلا واشـواق ولا التقينـا [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غافلتني عبرة العين وانساقت=ساقها ياوقت ما كان سايقها
كنها من صدمتك توها فاقت=يامرارتها على لسان ذايقهـا [/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحمد لله المقيم الواحـد الفـرد اللطيـف=اليه الانفس راجعه كـلاً علـى ميعادهـا
اقولها والعمر شعره معترضها حـد سيـف=لو كان تنخاه البشر في ثانيـه مـا فادهـا
موعد على صاحبه يمكن سهل ولغيره كليف=ونفسٍ تعرف الطّيب لفقده تجنّـب زادهـا
عزّ الله انه موجع الخاطر غيابك يا منيـف=عسى عوضك بجنةٍ لك ما تشوف ابعادهـا [/poem]

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قال قافك دايماً يثّر عليّه=سكّره زايد وبه لذعة مراره

قلت لا خليت من يدينك يديّه=ما غلبه الا انت ,, تجمعه بعباره !!

ما يخالف لجل ما يفسد قضيّه =عن طلب ودّك تكفيه الاشاره

انت جمهوره تسدّ عن البريّه=يشتهر عندك ويفداك اشتهاره

وانت للحسّ الجميل اجمل هديّه=فيك يحلى النظم وتليق المهاره

لو تغيب شويّ صار اول ضحيّه=ولا حصل له لا حضور ولا إثاره

لكن اقرب واعتبر قربك حميّه =لامس احساسي ويقدح لك شراره

لين ترضي طمعة النفس الرضيّه=اقر شعري تاره ويقراك تاره

سمّ دامك ملهمه يا بعد حيّه =احفظه عن ظهر قلب وعِش وقاره [/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


كل ماهبّت على غصن الغرام اقلّ نسمه =اتذرّى من لضى الغيره ويلحقني سناها
ياشعورٍ مختلف ,, نغليه ونبادر بحسمه =مستمّر ,, ولا تناهت موجة اشواقي تناها
ويل حالي منك يامن سجّل الوجدان بسمه=نيّتك لا تثني الماضي ولا الماضي ثناها
ماعليك من التّعب ,,, ما قلب حيّ الا بقسمه =المهم اني معك روحي محققةٍ مناها
ودام راحة بال مغليك احصلت يفداك جسمه=مانوى يشكي عليك من الحمول ومن عناها
ابتسم يابسمة ايامي صحيح ,, وأيّ بسمه=وامسح دموعك لاتغرق فرحة الرّوح وهناها[/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تِغمض اعيونك وتنكـر علـيّ العطـا=يمكن تعوّض بنظرة عينك اللي مضـاك
صحيح بيني وبينـك درب لكـن خطـا=تعرف وش اللي نويته لك وتقصر خطاك
ولا بكثّـر عليـك الهـرج فـرّ الفضـا=شِف الرّضى وين بيوديك والحق رضاك
ان جيت يامرحبا عيني فـراش وغطـا=وان رحت جعل السعد حظك وزادك وماك [/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من لضى البعد لابرد المشاعر=راح عمر القصايد بالحسوفه
ليت مالي خيال وقلب شاعـر=يحترم همّه ويرفض يطوفـه [/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انت شمعة ضيا ثابته في سنين الظلام=قلبي لحبّك العفّ سبحان من حوّله
حان وقت التّصارح ياعمري وزان الكلام=لجل يسعدك طرقي وموال ٍ آموّله
بات في عيني الهرج ساهر وهجّ المنام=حسبي الله على البعد وظروف ٍ اتطوّله
كلمتي لك وفرّقتها خوف عين الملام=وانت باحساسك اتجمّع حروفي الاوّله[/poem]