&&& مفتوح الكتاب &&&

بســـــــــــــــــم الله الرحمن الرحيـــــــــــــــــــم


أعزائي منتدى المرقاب أسعد الله اوقاتكم بكل خير ,,,,

احببت ان اطل عليكم اليوم بهذه القصده والتي اتمنى ان تحوز رضاكم ....

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" glow(color=white,strength=5)"]
مفتوح الكتاب


حلّي مكان الشمس دام الشمس مالت للغياب=أنتي ليا جيتي بليل العشق غيرك مايجي
حلّي فخر لاتحسبين لهرج حسادك حساب=مادام لك بآخر حنايا الصدر شيٍ يرتجي
حبٍ يسمونه بدنيا الحب مفتوح الكتاب=صادق وربي من عرفت الحب هذا منهجي
واضح وفي قول الصراحه لا أخاف ولا أهاب=وقدام لا أدخل في طريق الحب عارف مخرجي
وأعشق على وضح النقا ما أفتح على الأحباب باب=ولا آخذ بليلي فاتنه للبحر وأقول أولجي
وأبي حبيبٍ لاحضنته بعد طول البعد ذاب=أجيه همي في يدي وأصافحه صار أفرجي
وأبيك حبي تلبسينه مثل لبسك للثياب=خيطي من أحلامك على قد الأماني انسجي
خايرك لكن خايف إن العشق في داخلك تاب=أو هو يعاني في زوايا القلب أو هو محتجي
قولي وش اللي صار؟ قولي أي شي الاّ العتاب=والاّ أقول إن كان في نفسك تعاتيب أهرجي
ودي أدقق في عيونك بس أخاف من الحراب =وأسمع كلامك واستلذ بروعه الصوت الشجي
تدرين أبقراها على مهلي بعد عز الخطاب=كل الكلام اللي تقولينه بعينك ينهجي
لكن سرقنا الوقت شوف الشمس جات من الغياب =بكره نكمّل حلمنا والخوف بكره مايجي



مستور الذويبي

[/poet]