محمل اهل الشام

[align=center]السلام عليكم ورحمته وبركاته( صلو على النبي)[/align]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


ياصاحبي طرق القوافي غير والطاروق غير= واللي قسا عزمه اكسره الوقت وإلا ينثني
واللي غناوي ماطمع حق الفقير ابن الفقير= بس المصيبه بالفقير اللي طمع حق الغني
والجذع ابو غصنين لو تسقيه بايام الهجير= ماتورق اغصان الجذوع وطلعها ما ينجني
يامحمل اهل الشام بعد العز لا ترجع حقير= ترى الجمل لو ثقلة الحمله جمل ما ينحني
اسمع كلامي وافهمه مظبوط والدنيا بخير= اللي شبع يبي السلامه مايبي كلمة هني
لو نسأل الحجاج ابن يوسف عن اخبار الزبير = يقول مات من الضماء في معركة تكفا اسقني
ولو نسأل الخضري عن الأيتام والسيف الشطير= هدم الجدار اللي تحته الكنز لآزم ينبني
ولو نسأل الشمس المطله ويش هي هي حزة عصير = تعني نهاية يوم بيع اليوم هذا واشرني
اربع رموز وروحت والحمل في ضهر البعير= اذا تذكرة أذكره وأذا تناسيت انسني
واللي يحط الطيب في جيبه وهو نفاخ كير= يحرق ثيابك وان سلم جلدك تكفيك اعفني
بس انتبه ترضى على حق القليل أمن الكثير= وتصير بلسم والزمن مجروح ماقال اشفني
واللي ماهو مؤمن بمبدأ إن الليالي تستدير= يؤمن بمبدأ ان الرباعيه غدت بنت الثني
واللي يبي يؤمن بمبدا أن العمى قدى الضرير= يشره على ليل الشتاء والصيف لو قال اسرني
والعلم فوق الأرض وإلا الحلم فوق جناح طير= اذا تعدلت اشكر الله وان توفيت ابكني
وختامها يافلسفت شعري ويا ابيات السعير= اللي قسا عزمه اكسره الوقت وإلا ينثني[/poem]