الا ياونة ٍ تشعق بروحي 000 من الأضلاع مشعومه وحيّه

[align=center]من جديد صباحاتكم ..،/ مساءاتكم صحوة

وَشكراً للعابرين من هُنا ..،[/align]


[align=center][/align]



[align=center]بديـت بذكـر عـلاّم الخفيـه
إله(ن) نذكـره صبـح وعشيـه
إله(ن) منجي(ن) عبـده بامـره
من الجـب وظـلام المهمهيـه
ومن عقبـه بلخّـص ماشحنـي
عساني أشمـل أبعـاد القضيـه
بعد ربي عضيدي هو قصيـدي
الا لبّـا القصيـد وحـي حيـه
يجي مخروف من حلو المثايـل
(مثل خرفة عـذوق المقفزيـه)
ليـا منـي زهمتـه مايقصـر
وهذا من فضـل ربـي عليـه
يوفـي كـل مطلوبـي وكنـه
ليـا منـه ومـر قايـد سريـه
تحت حكمه رضخ جيش المعاني
يسوقه لي علـى قـب العبيـه
عثى الشِطّه بسرجوف الحنايـا
ودكّ ردومها لو هـي (عليـه)
ذلول الشعر من يقضب خطامك
مهو مثله عـلا وسـق المطيـه
وأنا لانامـت عيـون الخلايـق
من اللي جضّني عينـي قزيـه
لك الله ماقزت عشـق وصبابـه
ولاترعى هوى العجف الخليـه
إذا عسعس ظلام الليل وأغلـس
و رف الجفـن هلّـت عقربيـه
شليلـي جابيـه للـي تهـامـا
أجره جر غرب(ن) من (ركيه)
أجره يـا أمـة المليـار مسلـم
علـى ذيـك السنيـن الأوليـه
سنين(ن) مجدنـا فيهـا تطـاول
حدود الغيم والا أطـول شويـه
حكمنـا بالقنـا وسـع الفيافـي
وطوّعنـا الفجـوج الجرهديـه
بنينـا باسـم أمتنـا حـضـاره
هدمنـا مابُنـي ف.. الجاهليـه
وأدنـا كـل عـادات التخلـف
حيينا ما أوئدوا نفس(ن) بريـه
جعلنا الله فـي أرضـه جنـوده
نشيـع حـدود دولتنـا الفتيـه
ومدام إن شرعها دستور حكمه
لها العزه وهـي منـه محميـه
قوى الإسلام مع قـو العزايـم
قوى لان النفوس أصـلاً قويـه
قوى وإستوطن العالـم بإسـره
عدا ماكـان بـه خيـره خفيـه
[align=center]
..،[/align]
والا ياونة(ن) تشعـق بروحـي
من الأضلاع مشعومـه وحيـه
يفوح اللي على الجال متراكـي
عقب تصـلاه فـوح الشاذليـه
الا ياحـرهـا يــوم أتـذكـر
بلاد أهل العصـور السومريـه
أصل كل الحضـارات القديمـه
جـذور العلـم مهـد البابليـه
دوي الصافنـات يعـج فيـهـا
قبـل فيهـا تـعـج الكاولـيـه
خذيناها بجهـد وشـق الأنفـس
وسـوق أرواح ماجتنـا حذيـه
ديـار(ن) فـي يدينـا ضيعتهـا
يديـن الظلـم ويدينـا خلـيـه
من العـزم وبعـد قـو الإراده
ومن حدّ السيـوف الصيرميـة
غـدى بغـداد يومنـا غديـنـا
تجـاه المُعتديـن بـلا هـويـه
تغافلنا عن اللـي صـار منهـم
مع ان أطماعهـم باتـت جليـه
عفينـا للاسـف عنهـم ولكـن
عفينا غصـب ماهـو مقدريـه
[align=center]
..،[/align]
ضرم ليل أمتـي نـار الحنايـا
وغطّى صبح الأمجـاد العتيـه
لها ضوء بوسط جنحه وجنحـه
تبي تجليـه نيـران(ن) لضيـه
وأنا لي نية(ن)عقب إستشاطـت
وعلى ماقالـوا (النيـه مطيـه)
أبنخى من يحوشـون المراجـل
رجال(ن) تحتدم في كـل هيـه
رجال(ن) ماتتقى عـن حماهـا
جبلهـا الله علـى در المنـيـه
حدود اللي بقى من فتـح أهلنـا
ترى في وجهكم يا أهل الحميـه
ولن عَجْزت عن العليـا يديكـم
أنـا ماتعْجـز العلـيـا يـديـه [/align]


[align=center][/align]

[align=center]
..،[/align]