ملحي وزادي

السلام عليكم

غياب له أسبابه

وأقدم لكم قصيّده عساها تشفع لي





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
يا وصل الأحباب مالي معك مدخال = حاولت وأزريت لا أحقق مرادي
ماهوب أنا اللي يغيّر حال لي حال = حكم الزمن .. والزمن ماهو حِيادي
الحلم من مخلب صدوف القدر ذال = والوقت كلّه شغب والحب هادي
حبّيت .. أبرتاح يوم إن الشقا طال = وأخبر قلبي قوي باس وقيادي
يا صاحبي ما على حبّي لك جدال = لو قصّر الحب ما قصّر إجهادي
ما تدري إنك سكنت فقلب رجّال = لو خوّن الوقت ما خان المبادي
أعطاك ما أعطاك وألا شال ما شال = أبيك .. مير البلا تبغا إبعادي
تكره عنادي .. وأنا وشلون أبحتال = أخاف أخسرك .. وأخاف أخسر عنادي
وتغيب وترد لي تنشد عن الحال = من قال لك بإن بُعدك شيّ عادي
لو في غيابك سعة صدر وسعة بال = ما كان شوقي حرمني من رقادي
الهم صوت ولحن والضيق موّال = والدمع مع كل جرّه لا إرادي
يا صاحبي وش تبي تنشد عن الحال .؟ = من رحت صار الحزن ملحي وزادي[/poem]