[ مراقيب .. [1] .. الأمير محمد الأحمد السديري ]

مراقيب .. العنوان مستوحى من أحد برامج قناتنا المرقاب .
[ هدفنا الأساسي .. جمع قصائد رمزٍ من رموز الشعر .. لكي يسهل على محبيه قراءتها دائماً ]
[glint]** ملاحظه مهمّه .. نتمنى من الأعضاء الأعزّاء .. عدم إضافة أي رد .. الاّ مرفقاً به قصيده من قصائد شخصيتنا .. لكي نحظى بأكبر عدد من قصائد .. شاعرنا .[/glint]
كما يسرّنا إستقبال مشاركات الزوّار عبر الرابط التالي :

لمشاركة الزوار في إضافة قصائد شاعرنا


الشخصيه الأولى .. كتب مقدمتها / ناصر تراحيب .
وندعو الجميع .. للمشاركه في الكتابه عن شخصياتنا القادمه .


:
/
:
/
:

[] الأمير / محمّد الأحمد السديري []



حياته :-

ولد عام 1340 هـ وتوفي عام 1398هـ
كانت حياته .. عاطرة بأمارة المجد والفروسيه والنبل والشعر
تولّى إمارة الجوف وهو في السابعه عشر من عمره .. وتنقّل أميراً لعدد من مناطق المملكه .
كان محل ثقة الملك / عبدالعزيز - طيب الله ثراه .
يعتبر المؤسس الحقيقي لـ عرعر وطريف والقيصومه .
الإمارة والفروسيه والشعر .. ركائز هامة اجتمعت في شخصيّة الأمير محمد السديري رحمة الله .
فقد كانت حياته سلسلة من المواقف البطولية .. في الرجوله والشهامة والكرم والجود والشجاعه والنخوه والوفاء.
توفي بالرياض .. ودُفن في مزرعته بالخفيّات .

شاعريّته :-

شاعر .. يكفي انّ قصائده .. لاتزال خالدة في كل مجالس الشعر
شاعر حكمه .. وفخر
شاعر ابدع في كل أغراض الشعر .. وأهتم بالشعر والشعراء
له العدد من المؤلفات .. التي تدل على إهتمامه بالشعر .. يعتبر أشهرها ( ابطال من الصحراء )
هذا الكتاب .. الذي اجزم انّه الكتاب الآول في مكتبة الشعر لكل شاعر ومتذوق .
كما صدر له ايضاً : ( الدمعه الحمراء ) و ( الملحمه الزايديه )
وصدر له ايضاً بعد وفاته : ديوان محمد السديري شمل على العديد من قصائده - رحمه الله .


قصائده :-

سأترك المجال لكل من يمرّ هنا .. بأن : يكتب إحدى روائع شاعرنا
لنخرج فيما بعد .. بديوان فريد لشاعر خالد في قلوبنا .


من أبياته الذي يتغنى به .. الجميع :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا خاب ظنك في الرفيق الموالي=مالك مشاريهٍ على نايد الناس[/poem]
!

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لولا الهرم والفقر والثالث الموت=يالآدمي في الكون يا عظم شانك[/poem]
!
!

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كم واحدٍ له غايةٍ ما هرجها"="يكنّها لو هو للادنين محتاج
يخاف من عوجاً طويل عوجها"="هرجة قفا يركض بها كلّ هراج
يقضب عليك المخطيه من حججها"="حلوٍ نباه وقلبه اسود من الصاج[/poem]!
!

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلطان شفت الموت مره ومره "="والثالثه يا مير كشر بنابه
ما ابيه لكنه بلاني بشره"="زودٍ على خيله يجمع ركابه
لوهوظهر لي في صحاصيح برّه"="نذرٍ علي اني لأبيّن صوابه[/poem]


رحم الله الأمير محمّد الآحمد السديري .. وأسكنه فسيح جنانه

...وصلت مشاركه من ..{ الاخت الزايره/ ساره }...

نوجه لها كل الشكر على تفاعلها...
,,,,,,,
,,,
,,
ومشاركتها هي :
:: :: :: ::

:: :: ::

:: ::
,,
,


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقول من عدا على راس عالي = رجمٍ طويلٍ يدهله كل قرناس

في راس مرجومٍ عسير المنالي = تلعب به الارياح مع كل نسناس

في مهمة قفرٍ من الناس خالي = يشتاق له من حس بالقلب هوجاس

قعدت في راسه وحيدٍ لحالي = براس الطويل ملابقه تقل حراس

متذكرٍ في مرقبي وش غدالي = وصفقت بالكفين ياسٍ على ياس

اخذت اعد ايامها والليالي = دنيا تقلب ما عرفنا لها قياس

كم فرقت ما بين غالي وغالي = لوشفت منها ربح ترجع للافلاس

ياما هفا به من رجال مدالي=ماكنهم ركبو على قب الافراس

ولاقلطوهن للكمين الموالي=ولاصار فوق ظهوهن قطف الانفاس

ولارددوا صم الرمك للتوالي=كل ٍ يبي من زايد الفعل نوماس

من بينهم سمر القنا والسلالي=مثل البروق برايحٍ ليلة ادماس

يقطعك دنيا ما لها اول وتالي = لو اضحكت للغبن تقرع بالاجراس

المستريح اللي من العقل خالي = ما هو بلجات الهواجيس غطاس

ماهوب مثلي مشكلاته جلالي = ازريت اسجلهن بحبرٍ وقرطاس

حملي ثقيل وشايلة باحتمالي = واصبر على مر الليالي والاتعاس

وارسي كما ترسي رواسي الجبالي = ولا يشتكي ضلعٍ عليه القدم داس

يابجاد شب النار وادن الدلالي = واحمس لنا يابجاد ما يقعد الراس

ودقه بنجرٍ ياظريف العيالي = يجذب لنا ربعٍ على اكوار جلاس

وزله ليا منه رقد كل سالي = وخله يفوح وقنن الهيل بقياس

وصبه ومده ياكريم السبالي = يبعد همومي يوم اشمه بالانفاس

فنجال يغدي ما تصور ببالي = روابع تضرب بها اخماس واسداس

لاخاب ظني بالرفيق الموالي = مالي مشاريهٍ على نايد الناس

يا عل قصرٍ ما يجي له ظلالي = ينهد من عالي مبانيه للساس

لاصار ما هو مدهلٍ للرجالي = وملجا لمن هو يشكي الظيم والباس

بحسناك يامنشي حقوق الخيالي = ياخالق اجناسٍ ويامغني اجناس

تجعل مقره دارس العهد بالي = صحصاح دوِّ دارس مابه اوناس

البوم في تالي هدامه يلالي = جزاك ياقصر الخنا وكر الادناس

متى تربع دارنا والمفالي = وتخضر فياض عقب ما هي بيباس

نشوف فيها الديدحان متوالي = مثل الرعاف بخصر مدقوق الالعاس

ونثير على البيدا سوات الزوالي = يشرق حمـاره شرقة الصبغ بالكاس

وتكبر دفوف معبسات الشمالي = ويبني عليهنّ الشحم مثل الاطعاس[/poem]

وهذه إحدى المحفوظات لدي للشاعر الراحل

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
ان صار زود المال بيدين الأنذال = حنا من المعروف تندا يدينا
وان كانهم شرهو على طيب الافعال = حنا وردنا جمها وارتوينا
وان فكرو للجود يمشون رحال= حنا قبل يخطون يمه خطينا
ياما شربنا للشرف كل سربال= وعلى البسيطة للفضيله مشينا
في دوحة العربا لنا مجد وظلال= وحنا على در المكارم غذينا
لو نجمع اللي فات منا من المال = ان كان شيدنا القصور وبنينا
نعطي ولانتبع عطانا بالأقوال=ونبذل ونسكت كننا ماعطينا
وان باعو الشيمه بدينار وريال= حنا دخلنا سوقها واشترينا
نطلع لها لو هي على روس الأقذال= لو هو عسير ٍ دربها ماثنينا
بافعالنا نرسم دروب ٍ للاجيال= اليا نساها غيرنا مانسينا
اسود سادات تسجل للأشبال=فضايل شمنا لها واهتدينا
بيض ٍ نسجلهن جديدات وسمال= حفايظ لاحفادنا اللاحقينا
نصبر على الشدات لو شيلنا مال= لو سال دم دفوفنا ماشكينا
نخاف يلقى سدنا كل ختال= ويبني هزيلات المعاني علينا
الليل ياخالد على والدك طال= وهنيت ناس بالكرى نايمينا
ياعز راسي شفت ماخبث البال=شي يهول شيب الجاهلينا
شي من اسبابه يشيب بالأطفال=فطر خشوم مهجرعات الحنينا
ادير قالات عريضات واطوال= قالات خلن المخفى يبينا
منهن رزين العقل بالوقت يهتال= وقت عبوس ٍ فطن الغافلينا
وقت ٍ من اسبابه شكا كل ريبال= نصبر ونسكت كننا غايبينا
الناس بالأيام راحل ونزال= وتفجعهم الدنيا وهم دالهينا
وحياة رب نزل ايات الانفال=عالم خفايا نية الحاقدينا
ماترك طريق العدل في كل الأحوال= لو يرحل المريخ للفرقدينا[/poem]

[align=center][align=center]
شاعر بجمال محمد الاحمد السديري الحديث عنه ذو شجون...لنك تجد امامك وانت تبحث في حياته الكثير والكثير مما يستحق ان تكتب عنه...شاعر تميز بشاعريته الجمه...حقق جمال الشعر بما كتب واستمر ماكتبه باقي بيننا رغم مرور السنوات على رحيل الشاعر يرحمه الله ...
هو معالي الامير الشاعر محمد الاحمد السديري وهو غني عن التعريف لما له من شهرة واسعة ومكانة كبيرة
وشاعرية فذة فهو اديب كبير ساهم في خدمة الادب الشعبي ورقيه وتألقه,


احب ان اشارك بقصائد رائعه له الا وهي وانقل لكم بقدر ما استطيع واجمع اللي اقدر عليه

يازين قلبي راح مني يباريك ** واصبح مقره بين الاضلاع خالي
بالحلم ياسيد العذارى يناجيك ** وبالعلم له وسط الضمير اجتوالي
طابت لي اذكارك وطابت مواريك ** وطابت عمامك يوم طاب الخوالي
ارضيتني وبعالم الحب ابرضيك ** انت الحبيب اللي بديت وبدالي
لعل رب صورك لي يخليك ** تشفي فوادي مابقن الليالي
انا على خافي ضميرك موليك ** في منزل مايسكنه كود غالي
عينك تراعيني وعيني تراعيك ** اشفق من الصايم لشوف الهلالي
نصبح مصابيحك ونمسي مماسيك ** وانا ورا ضنك بعيد المدالي
انا لي ضاعت جهود الشبابيك ** ارسي على صيد الوحش باحتيالي
ياشبة وضحه زينوا فوقها ديك ** تموج للطياح روس المقالي

وله ايضا

قالوا علامك باكي قلت مطعون ** شوفوا نزيف الدم مني تتالا
قالوا من اللي صوبك قلت عافون ** قالوا عدوك قلت ياناس لالا
هذا الحبيب اللي له القلب مرهون ** هذا حيات لبروح بدر الكمالا
ياعاذلين القلب لا لاتعذلون ** وحيات رب فوق عرشه تعالا
اني فلا انسى واحد فيه مفتون ** بيني وبينه نازح البعد حالا
فتان صاب القلب كون بثر كون ** مملوح اخذ كل البها والجمالا
كنه الي حرك قوامه على الهون ** غصن اللي هب فيه الهوى مالا
قلبي لقلبه لو تنحيت مرهون ** غيره حرام ونور عيني حلالا

يقول السديري :

ياغزال الريم ياظبي الفلا ** ارحم اللي منك عينه ماتنام
ياهلا في شوف زولك ياهلا ** يالطيف الروح خذ مني سلام
ارحم اللي في هواكم مبتلا ** من ودادك نايح نوح الحمام
المحبه والملاحه والهوى ** زاهيات فيك يابدر التمام
باح صبري منك والقلب امتلا ** والله اني في غرامك مستهام
والله اني ماهويت من الملا ** من جميع الناس من حام وسام
كود زولك عنه قلبي ماسلا ** لك فوادي دش في بحر الغرام
ليت من هو ثمانك ينهلا ** حبتك ياصاحبي برد وسلام
مابتليت بحب غيرك لاولا ** زارني طيف سوى طيفك حرام
مبسمك فيه الدوا لوذبلا ** ان ضحكت بليل ينجال الظلام
حبتك تغني عن الما والكلا ** من رحبق شفاك جرعتني مدام
صابغ حبك بقلبي مانجلا ** ياحبيبي مثل دقات الوشام
امتلا قلبي بحبك والغلا ** من عذلني عنك ماسمع له كلام


وهذي قصيده قاله قبل موته بايام قلائل يخاطب فيها سيدي الامير سلطان بن عبدالعزيز



الله من هم بـروحي سهجها *** بخافي ضميري في كنين الحشا لاج
احر من نار تواقد وهجها *** منها خطر روحي على سلك ديباج
وعين عسى المولى يعجل فرجها *** يفوح ناظرها كما عين هداج
استرسلت للدمع من مارهجها *** غيظ يكض عبارها مثل الامواج
كم واحد له غاية ماهرجها *** يكنها لو هو للادنين محتاج
يخاف من عوجا طوال عوجها *** هرجت قفا يركض بها كل هراج
يقضب عليك المخطيه من حججها *** حلو نباه وقلبه اسود من الصاج
الله خلق دنيا وساع فججها *** وعما يريب القلب لك كم منهاج
والرجل وان شطت لياليك سجها *** عسس تواليها تبشر بلافراج

وله ايضا

ان باعوا الشيمه :

إن صـار زود المال بيدين الانـذال ** حنـّا مـن المعـروف تندا يدينا
وان كانهم شرهوا على طيب الافعال ** حنـّا وردنـا جـمامها وارتوينا
وان فكـّروا للجـود يمشون رحّال ** حنـّا قبـل يمشون يـّمه خطينا
يـا مـا لبسنا للشرف كـل سربال** وعلـى البسيطة للفضيلـة مشينا
فـي دوحـة العربـا لنا مجد وظلال ** وحنـّا علـى در المكـارم غـذينا
لـو نـجمع اللي فات منا مـن المال ** إن كـان شيدنـا القصور وبنينا
نـعطي ولا نـتبع عطانـا بالاقـوال ** ونبـذل ونسكت كنـنا ما عطينا
وان باعـوا الشيمـة بديـنار وريال ** حنـا دخلنـا سوقهـا واشتـرينا
نطلـع لها لـو هي على روس الاقذال ** لـو هـو عسيـر ٍ دربها ما انثنينا
بـافعالنـا نرسم دروب ٍ للاجيـال ** إلـي نساهـا غيـرنا مـا نسينا
أسـود سـادات ٍ تسجل للاشبـال ** فضايـل ٍ شـمنا لهـا واهتديـنا
بـيض ٍ نسجلهن جديدات وسـمال ** حـفايـظ ٍ لاحفادنـا اللاحقيـنا
نصبـر على الشـّدات لـو شيلنا مال** لـو سـال دم دفوفـنا ما شكينا
نـخاف يلقـى سـدنا كـل ختـّال ** ويـبني هـزيلات المعانـي عليـنا
الليـل يـا خالـد علـى والدك طال ** وهنـّيـت ناس ٍ بالكـرا نـايمينا
يا عـز راسـي شفت مـا خبث البال ** شـي ٍ يهـوّل شيـّب الـجاهلينا
شـي ٍ مـن اسبابـه يشيب بالاطفال ** فطّـر خـشوم مهجـرعات الحنينا
أديـر قـالات ٍ عريضـات وطوال** قـالات خـلنّ المخفـىّ يـبـينا
منهـن رزيـن العقـل بالوقت يهتال ** بـوقت ٍ عبـوس ٍ فطّـن الغافلينا
وقـت ٍ من اسبابـه شكى كل ريبال ** نصبـر ونسكـت كنـنا غايـبينا
النـاس بـالأيـام راحـل ونـّزال ** وتفجعهم الدنـيا وهـم دالـهيـنا
وحـيـات رب ٍ نزل آيات الانفال ** عـالـم خفايـا نـية الحاقـدينا
ما اترك طريق العدل في كـل الاحوال ** لـو يـرحـل المـريـخ للفرقدينا



اخترنا لكم ابياتا بينه وبين الامير خالد الفيصل اذ يقول سموه

ياقلبي اللي من هوى البيض معتاذ
واليوم اشوف الوجد والشوق بذه
حسبي على اللي للمواصيل جذاذ
حبل الوصل من بيننا البعد جذه
يسقي منازل لين العود رذاذ
يلقى بها ظبي الطعاميس لذه
الصاحب اللي عن هوى القلب مالاذ
لاقلت دوك القلب يازين غذّه
ولانيب من هرجه كثير وهذاذّ
ماشاف في ليله نهاره يهذّه
عساك تأتي لي يابو زيد نفاذ
قلب تحذى الشور ياخوك حذه
وقد اجابه شاعرنا الامير محمد السديري - رحمه الله - رغم صعوبة القافية الا عليه فانها لا تصعب مهما كانت فقال

أسهر طوال الليل واغضي على الحاذ
وعن الصديق القلب ما فيه شذه
شكواك خلت بسرة القلب تخاذ
ولا عاد في قلبي من الصبر فذّه
اللي يا بو بندر جعل قلبك افلاذ
مشربك ياممدوح الأفعال عذّه
طفل سهم عينه بالاعماق نفاذ
والحق عليك بقذة عقب قذّه
ان كان مالك فيه مدخل ومنفاذ
له الشبك في مدهل الصيد بذّه
وإليا دخل وسط الشبك يابن الافذاذ
غوجك لساعات المهمات حذّه
--------
اما المساجلة الاخرى فهي بينه وبين صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري

يازبن ودعناك في يوم الاثنين
لعلها لك ياخو صنعا مسافير
بجيرة الله ياعشير الغلامين
يامقفي عنا ذكرناك بالخير
نغليك يوم إنك بعيد عن الشين
وريف لضيفك في ليال المعاسير
يوم تغيبه عندنا قدر عامين
ويوم نشوفك فيه عز وتباشير
هذا الفراق اللي نظرناه بالعين
وعز الله انك ناوي بالمحادير
يازبن يالبراق بالله الى وين
واسلم ورد العلم يازبن العمير

فأجابه زبن بن عمير على الابيات الماضية قائلا

وانا بعد ودعتك الله بتسعين
وداعة من حفظ والي المقادير
ياباذل الحسنى على المستحقين
ونطاح بالضيقات وجه المناعير
ياللي بدرب الطيب جالك براهين
ولبست بالبيضا ثياب مشاهير
يبون دربك ناس واجد وعجزين
يجي لهم من دون دربك عواثير
ولا يختفي فعل به الناس دارين
لين انها تمحى الجبال المزابير
من يوم عنك اقفيت والقلب والعين
عندك,, وفي جسمي تشب السواعير
---------
وله ابيات تظهر لنا حكمته وعقله وسعة علمه واطلاعه وايمانه بالله عز

وجل فيقول عن المعجزات الثلاث
لولا الهرم والفقر والثالث الموت
يالا دمي بالكون ياعظم شانك
سخرت ذرات الهوى تنقل الصوت
وخليتها اطوع من تحرك بنانك
جماد تكلمها وهي وسط تابوت
تاخذ وتعطي ماصدر من بيانك
وعزمت من فوق القمر تبني بيوت
من يقهرك لو هو طويل زمانك
لولا الثلاث وشان من قدر القوت

واختم بهذه القصيده التي قال فيها السديري :

آه مـن دمع ٍ على خدي سفـح ** من فراق اللي على غيري شحيح
من فراقـه بالحشا قلبـي لفـح ** ساكن ٍ وسط الحشا حبه صحيح
من ربا صنعـا إلى غربـي رفـح ** ما سكن وسط الحشا غيره مليح
ان تعمدت الخطا عنـده صفـح ** خابـر ٍ قلبـي من اسبابه جريح
فـي غباب الحب انا قلبي طفـح ** هايـم ٍ ببحورهـا مـا يستريح
ريـح خلـّي مع هوى الغربي نفح ** مـن جـنان الخلد ريحه فيه ريح
نفذت كل اللي يقوله لسانك [/align][/align]

هلا اخوي سعود
الف شكر لهذا التواجد الاكثر من رائع

:: :: :: :: ::

:: :: ::

:: ::

::
,,
,


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العين رفرف جفنها من عناها=والقلب جاض وماج والرجل ساجت
والصدر ضاق وعبرته ماقواها=والوجد زاد ودمعة العين هاجت
على الذي زود بكبدي ضماها=اللي له النفس العزيزه تلاجت
ماانساه دام الريح يذري هواها=حي ٍ جروحه بالمعاليق لاجت
روحي من اسبابه تدانت خطاها=ولا لغيره وطيت الرجل داجت
عليه عيني نثرت كل ماها=وروحي وروحه بالموده تناجت
ابعد وحالي جور حبه براها=واوجست انا دنياي ياعمير ماجت
تغطلست ماعاد اميز سماها= وكثر الهموم لخافق القلب فاجت[/poem]

إليكم مشاركتي قصائد بصوت السديري شخصياً


http://www.eqla3.com/sh3r/voice/ms03.ram


وهنا مجموعة قصائد بصوته إضاً

http://qassimy.com/qsayend1.htm

[poem= font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلمى تقول ان المـوده غرابيـل=وانا على سلمى عليـل الضمايـر
سلمى تقول الحب ويلٍ بثـر ويـل=وانا حشاي بجايـر الحـب فايـر
وسلمى لها بقصى الضماير مداهيل=وعندي لسلمى بالمـوده سرايـر
اسأل عليها كل مـا يقبـل الليـل=والصبح اوصي يمها كـل طايـر
الحب في قلبي صبغ صبغة النيـل=بين المحاني صايب الحـب جايـر
وياما توجَّـد والضمايـر مغاليـل=وياما على سلمى عطيت البشايـر
طفلٍ سلب عقلي بسـودٍ مضاليـل=منها قلوب اهـل المـوده عثايـر
ورموش سودٍ ما تكحل من الميـل=سـواه خـلاق البحـر والجزايـر
دارٍ لسلمى ما تجيهـا المراسيـل=دارٍ لقلبـي فـي حماهـا ذخايـر
ارسل لها من ناحـلات المراميـل=مـا يصلنـه ناقـلات المجـايـر
اطلب لها من رايح المزن بالسيـل=منـه الزبيـدي نابـتٍ بالمحايـر [/poem]

الفجر تسلم ايدج على هالموضوع الرااائع لاهنتي


[align=center]من قصائده رحمه الله[/align]
[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لزيت نفسي مير عيّت تلزّا = وقهرتها غصبٍ على غير ماجاز
مير إنها شامت تبي درب عزّا = وتبي من الأحراز تظهر للأبرار
إن صار من بعض المشارب تكزّا = النفس ماتغصب على غير ماجاز
وش حيلتي لاصار فكري مجزّا = وقته رماه وفرقه مثل عنّاز
كن المناشر له تعط وتحزّا = وكنه يكظه قالع الضرس بالكاز
عيني إلى نامت عيون الأعزّا = ياقف لها عن لذة النوم حجّاز
وعن الهموم إلى بغيت أتعزّا = تجهز علي اجموعها فرد وجواز
راياتها وسط الضماير ترزا = ليته يذاودها عن النوم حواز
أكنها ولها بصدري موزّا = أخاف يقضب غيبتي كل لمّاز
حلو كلامه مير قلبه مخزّا = وده يحطك وسط نار من الغاز
واسهر وعندي شنّف تقل وزّا = وأنا لهن مع ضيقة الصدر معتاز
فنجالهن بين الشفايا يمزّا = اشقر ومشروبه عن الخمر يمتاز
وافرح بعلمٍ صادق مبرهزّا = ونبي على سكانة القدس ملكاز [/poem]


[align=center]ولي أكثر من عوده بأذن الرحمن[/align]

الفجر البعيد .,

موضوع في غاية الجمال .. !
وتشكرين عليه
وهذه احدى قصائد الراحل الامير/ محمد بن احمد السديري

/
/




[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ينام منهو مايعرف الهمومي = وعيني اليا ناموا حريب لها النوم
الله يلوم اللي لحالي يلومي =لا ساهرن سهري ولاهو بمهوم
ماهو بمثلي يزعجه كل يومي = همن يلوج بداخل الصدر مكتوم
لامبدين أسرار قلبي لقومي = واللي بسر الغيب ماهو بمفهوم
أخاف أبوح السر تبدأ الثلومي = وتاقف على مكنون سري هل اللوم
عاهدت قلبي ما يبوح العلومي = ولايويق بغايته كل مذموم
بالليل أساهر ساريات النجومي = والصبح أعدى بالنباكل مزموم
اوجس بقلبي مثل حر السمومي = ولا صفالي خاين الدهر لويوم
يا سيف قم لعل حظك يقومي = ولعل ابوك بساعه الحشر مرحوم
النار شبه ياقوي العزومي = وهات الدلال وترك النوم لرخوم
خابرك بالطيب ودودورحرمي = قم سو مايبعد عنا كل شغموم
فنجال بن مايحضره رخومي = مبهرن مابين الاجواد مقسوم
ارواحنا بافلاك الايام تومي = مهما يطول العمر فالاجل محتوم
روحي بيد فارض صلاتي وصومي = اللي بحبل اليسر ينجي لمضيوم
الواحد اللي نطلبه كل يومي = منجين يوسف وهو قبل مظلوم
دنيا الشقايا يا سيف ماهي تدومي = كم واحدن فيها مشيحن ومنجوم
وافراح اليا قالوا تقافت غيومي = على شفا الباطن وهو قبل ماسوم
حيثه مرب لكل وضحا ردومي = اللي بها زودن على الطوق برشوم
عسا تعله مرهشات الوسومي = يمطر عليها الوبل يومن بعد يوم
عشبه يغطي نايفات الحزومي = فيه الزهر فوق الزماليق منضوم
مخالف النوار غادي سهومي = والعشب من وبل المراهيش كيهوم
فيه ام سالم من طربها تعومي = تلفح بسمح الريش في كل مرجوم
من الطرب في كل روض تحومي = وتقضي الدنيا زغاريت وسجوم
ان شافت النوار نبته يزومي = ما سايلت عن حال معطي ومحروم[/poem]





ولي عودة اخرى بلا شك باذن الله .,

[align=center]يقول رحمه الله :[/align]
[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله من قلب يزيد ارتهاجه = يلعب به الهاجوس مع كل فجي
كنه على موج البحر فوق ساجه = بعواصفٍ منها البحر مستلجّي
الدمع من عيني يزيد انزعاجه = يشدي هماليل السحاب المحجّي
على عشيرٍ صار للقب حاجه = متولعٍ به عنه عيا يسجّي
طفل لوا قلبي على الحب عاجه = وقلب الشقا طوّل عليه الترجّي
ان قذني بالعين واسفر حجاجه = سهوم طرفه للضماير تخجّي
قلبي مريض وشوف خلي علاجه = ومشاهد الغالي فريضه وحجّي
قلت المواجه قال مامن مواجه = الليل قمرا والضواري تلجّي
ياصاحبي رحماك بالوصل فاجه = حيٍ حياته عند غيرك تلجّي
إن جيت لك قلبي يزيد ابتهاجه = ولك كل بيبان الضماير تهجّي
يا نور ليلي وأنت مشعل سراجه = ياجنتي ماغيرك احد يهجّي
الحب مابه ياعشيري لجاجه = وحبٍ ماهو حبي ظلامٍ مدجّي
الرجل تمشي لين تاصل مداجه = بارضٍ سقاها كل مزنٍ مرجّي
من رايح برقه يزيد التعاجه = وبله حقوق ولاتقفّاه عجّي[/poem]

بارك الله فيك يالفجرعلى هذا المتصفح الاكثر من رائع

مشاركه تخلو من الشعر رأيت انها تصب في الموضوع
حول ما قدمه الامير محمد الاحمد السديري رحمه الله

كتب قاسم الرويس في موقع جريدة الرياض
بتاريخ الثلاثاء 6 رمضان 1428هـ - 18 سبتمبر 2007م - العدد 14330

حققها ابن عقيل ولم تر النور
مخطوطة حداء الخيل للأمير محمد السديري

كانت الرواية الشفهية في مجتمع الجزيرة العربية الى عهد غير بعيد هي الوسيلة الرئيسية لنقل المعارف والمعلومات من جيل الى جيل وخاصة في المسائل التاريخية والنصوص الادبية والمأثورات الشعبية وأنساب العرب وتراثهم بسبب سيادة الأمية وندرة المصادر المكتوبة؛ والحقيقة ان الوضع تغير في زمننا الحاضر بسبب انتشار العلم والثقافة وبروز الباحثين والمؤرخين، ولكن لا زال هناك غموض وزوايا مظلمة في تاريخنا المحلي شح المصادر المكتوبة يقف حائلاً دون توضيحها؛ مما جعل عدداً من المؤرخين يتعلق بالشعر العامي كمصدر تاريخي لا يمكن تجاهله وبالتأكيد ان المكتوب من هذا العامي في السنين المبكرة من تاريخ المملكة العربية السعودية له أهمية قصوى.
من هنا ندرك اهمية العثور على المصادر المكتوبة بصفة عامة واخراجها للناس قبل ان تجرفها عوادي الزمن وتختفي من الوجود فما بالك اذا كان هذا المكتوب متميز الموضوع نادر الوجود ومتعلقا بتاريخ الجزيرة العربية وآدابها عندئذ يعتبر وثيقة تاريخية يجب المحافظة عليها وتهيئتها للبحث والتحقيق.

من هذه المصادر (مخطوطة حداء الخيل) للأمير محمد الأحمد السديري التي لازالت رغم مرور حوالي 30عاماً على وفاته رحمه الله حبيسة في كراسات النسيان فرغم صدور شيء من إبداعه الأدبي بعد وفاته الا ان هذه المخطوطة الهامة في احد جوانب أدبنا الشعبي المتعلق بتاريخ الجزيرة العربية في فترة الغموض وشح المصادر ظلت غائبة تماماً ولولا اشارات الشيخ العلامة ابي عبدالرحمن بن عقيل الظاهري عنها في ثنايا مؤلفاته لم يعلم عنها أحد.

وسنبدأ أولاً بتعريف موضوع المخطوطة وهو حداء الخيل وهناك من يسميه حداوي الخيل: وهي عبارة عن أراجيز شعرية يهزج بها الفرسان على ظهور الخيل ترتبط بحروب الصحراء وتكون عادة قبل المعركة أو في الطريق اليها وقد تكون اثناء المعركة او بعد نهايتها بتحقيق النصر وهدفها الاساسي هو بث الحماس في النفوس وارهاب العدو وتهديده؛ فمضامينها مرتبطة بالفروسية، ولذلك فهو فن متعلق بالفرسان وليس بالشعراء وقد يكون قائلها لا يجيد الشعر أصلا لأنها عبارة عن مقطوعة قصيرة من بيتين في الغالب، لكنها قد تصل الى اربعة او خمسة ابيات في النادر ويغلب عليها طابع الارتجال وليد اللحظة وفي مجملها تخليد لبطولات الفرسان وانتصارات القبيلة هذا التخليد جسد اللفتات التاريخية في هذا النوع من الادب الشعبي ومن هنا ندرك اهميته وبسبب غلبة الارتجال عليه لم يجد الاهتمام من الباحثين او من جماع الشعر الشعبي.

اما وقد عرفنا موضوع المخطوطة فمؤلفها هو الأمير محمد الاحمد السديري علم من أعلام الادب الشعبي شاعراً ومؤلفاً رجل من رجال الوطن المخلصين ممن ساهموا في التوحيد والبناء وهو من الشهرة بمكان يغني عن التعريف به وقد توفي رحمه الله عام 1399ه..

وسنورد فيما يأتي ما يثبت وجود هذه المخطوطة من خلال ما ذكره الباحثون في تاريخ الجزيرة العربية وآدابها موثقاً من مصادره؛ والفضل في التعريف بهذه المخطوطة ولفت الانظار اليها هو للشيخ العلامة ابي عبدالرحمن بن عقيل الظاهري الذي قبضها بيديه وعمل عليها مقلباً صفحاتها وشارحاً جزءاً منها بتكليف من الأمير السديري رحمه الله، ولكن الأمير توفي قبل ان يتم عمله.

قال ابن عقيل في حديثه عن حداء الخيل في الجزء الثالث من كتابه (ديوان الشعر العامي بلهجة أهل نجد) ص15: "ولولا الله ثم عناية الأمير السديري رحمه الله بجمع الاحديات مع ما جمعه موزل لضاعت جمهرة هذا الشعر وسيظل الدارسون عيالاً عليهما في هذا الباب".

ونجده في كثير من المواضع في هذا الكتاب يحيل اليها بعبارات مختلفة "وهكذا رويت الأحدية من كراسات الأمير السديري رحمه الله" وفي موضع آخر: "وفي كراسات السديري رحمه الله" وغيرها.

وقال في كتابه (مسائل من تاريخ الجزيرة العربية) ص 43: "هناك أحديات عديدة.. رويتها عن الأمير محمد الاحمد السديري رحمه الله ونقلتها من كراساته وكل ما لم أحل اليها هاهنا فهو من كراساته" وقال في عدة مواضع ايضاً: "وردت في كراسات السديري".

واشار ابوعبدالرحمن في مذكراته (شيء من التباريح) ص 122الى قصته مع هذه المخطوطة وقيامه بتسليمها بعد وفاة السديري لابنه الأستاذ مشعل حيث قال: ".. قال ذلك مشعل وهو يستلم مني الأثر النفيس (أحديات الخيل) لوالده معالي الأمير أبي زيد محمد الاحمد السديري وقد شرحت الجزء الاول وبيضته فاخترمته المنية رحمه الله قبل ان أتمه ولم يبق مشعل عندي مسوداته لأنجز المشروع؛ وكان الأمير رحمه حريصاً على قيامي شخصياً بشرح الكتاب وترتيبه عقب زيارتي له صحبة محمد الحمدان بالخفيات على طريق حائل قرب بريدة فصادف ذلك نزول مطر غزير مع جو خلاب فتيامن بنا - والفأل حسن والطيرة مذمومة، فانبسط لنا وأكرمنا غاية الاكرام فإن اراد مشعل بعث الكتاب من مرقده فلي حق عليه ان يترك معاودة الجزء الاول بشرحي فلي فيه هناك وتصحيفات وأوهام ولا ادري لماذا حجب مشعل هذا الاثر النفيس؟".

ويأبى ابوعبدالرحمن - لله دره - إلا ان يلتمس عذراً للأستاذ مشعل السديري ويحاول اقناعه موضحاً اهمية المخطوطة بقوله: "فإن كان المزايدون على اللغة شبهوا له ان هذا أثر عامي والعامية يجب ان توأد وانه امتثل لهم فبئس والله ذلك الرأي من رأي ولا بارك الله مثل ذلك الامتثال بل هو والله لغة وأدب وتاريخ شحيح ولا يزال الأدب العربي يسترفد من الادب الخواجي فكيف لا يفيد من العامية وهي بنت العرب؟ ولا تزال الفصحى تقترض من العجم والفرس واليونان والحبشة افلا تأخذ من بنت العرب ما كان على اسلوب النمو المشروع للغة وما كان فصيحاً لا ذنب له الا استعمال العامة".

وكأن أبا عبدالرحمن يلمح الى ان سبب حجب هذا المخطوط عن النشرهو تحفظ مشعل السديري على العامية لغة وأدباً.

أما وقد وضحنا موضوع هذا (الأثر النفيس) وأهميته ومكان وجوده فلابد من الحديث عن اسم المخطوط وحجمه اما حجمه فقد ذكر أبو عبدالرحمن في (مجلة عالم الكتب؛ ربيع الآخر 1403ه) انه يناهز أربعة أسفار واما اسمه كما ذكر فهو (هكذا تكلم اجدادنا على صهوات الجياد).

وقد استمعت الى تسجيل بصوت السديري في لقاء اذاعي معه عام 1397ه يشير الى جمعه (اهازيج الآباء والاجداد على صهوات الأجداد)، حيث قال رحمه الله: "يقولون عندما يتأهبون للهجوم في المعركة يعبرون بها عن مشاعرهم.." وضرب مثلاً بعدد من الأحديات وشرحها.

@ نماذج من أحديات المخطوط كما أوردها ابن عقيل:

أحدية هذال بن فهيد:


يا أهل الرمك كل يجيب حداه

انتم وراكم ما تحدون

ترى الحدا لاهل الرمك مشهاه

فكاكة التالي نهار الكون

أحدية أخرى:

يا الله طلبناك الهدى

والستر والعلم المليح

ربعي مدابيس العدا

وان حولوا خلف الطريح

أحدية حاد من حرب:

من لا تخيل من بنات نصير

يموت ودينه ما قضاه

من فوقهن نرمي العشا للطير

بمشلشل عود القنا يبراه


ورغم صدور عدد من الكتب التي تتناول حداء الخيل ككتاب الدكتور سعد الصويان الذي قال ص 26:- "وقد نمى الى سمعي ان هناك مخطوطاً يحتوي على الكثير من حداء الخيل من عمل المرحوم محمد الاحمد السديري ومع الأسف ان هذا المخطوط لم ير النور حتى الآن" - وكتاب احمد العريفي وكتب الاحديات الخاصة بقبائل معينة إلا ان الحاجة ملحة لهذا المخطوط لانه هو المصدر الرئيس لكل من تحدث عن حداء الخيل - باستثناء الصويان - وان كانوا لا ينقلون عنه مباشرة بل عن طريق ابي عبدالرحمن بن عقيل.

وأخيراً ليس لدينا من قول سوى تكرار ما قاله ابو عبدالرحمن في مجلة عالم الكتب: ".. فلعل أخي مشعل السديري يحيي آثار والده الجليلة، وذلك بنشرها فكم من متشوق وكم فيها للمستزيد من غنى".

الف شكر لك اختي الفجرالبعيد ولكل من اسهم في التواجد المفيد هنا
واعذروني لطول المشاركه لكنها لا تختصر
ولي عوده باذن الله

مشاركه وقصيده للامير محمد الاحمد السديري
في حال تم الاستغناء عن المشاركه السابقه لخلوها من الشعر


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقول: من شرّف على روس الاقذال = راس الطويل اللي نبا من رجومه

رجمٍ براسه للمشاكيل مدهال= ميقاع سمح الريش من عقب حومه

فكّرت بالدنيا.. بالأقفا والأقبال=تضحك وتبكي بالغاتٍ رسومه

وقامت همومي بالصناديق تجتال=وزفرات بانت بالضماير رقومه

حوّلت منه وخاطري للوفا.. مال=يم العزيز اللي فؤداي يرومه

لابو بدر.. ساس الوفا مرخص المال=اللي من المعروف فصّل هدومه

وافي ويلبس له من الطيب سربال=درعٍ عريضٍ ضافياتٍ كمومه

خطّه لفا.. في صفحة الطرس سيال=قافٍ بصفحة باغةٍ ومختومه

فتحت له بالقلب باب له أقفال=وفكري صحا.. لابو بدر.. عقب نومه

أهلاً عدد ما كان نازل ورحال=من سوق نجرانٍ إلى سوق دومه

واعداد ما يسكب من الغيث همال=وبلٍ على وبلٍ تسابع اهشومه

عقبه زهور الورد بالعشب تختال=فيه أم سالم كل رجمٍ تهومه

تعلب طرب بألحانها تشده البال=ما هيب من خضر الرياض محرومه

ما سايلت من قول شامت وعذال=وما همها نوّاب وفد الحكومة

راع الوفا.. له داخل القلب منزال=لو دونه ديار وساعٍ خرومه

يابو بدر.. تبدّلت كل الأحوال=حتى أشقر الجنحان بدّل ببومه

وجميع شيمات العرب صارت أطلال=مثل الهدام اللي وساع ثلومه

دنياً يشيّب هولها روس الأطفال=ولا عرفنا بدرها من نجومه

منها الجديد إمبدلينه بالأسمال=واوباش وأنذالٍ ترفّع خشومه

أقفت سنين الخير عنّا بالأعجال=وشفنا سنين السو شومه ولومه

دنياً ضحايا قدرها كل ريبال=نطّاح قالاتٍ يجي بالزهومه

دنياً بغفلتها ركض كل ختال=وكم خيّرٍ بالغدر توكل لحومه

الخبث له بايع وشاري ونقال=والطيّب إرخص مالقى من يسومه

وديك الدجاج معلّق فيه خلخال=وحطوا مفاتيح الذهب في إبهومه[/poem]

القصيدة رد فيها السديري على قصيدة محمد بن راشد بن مهنا حين قال

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاحت سهوم النور بالفجر وانجال=جنح الظلام وفاختنّى نجومه
وقلبي يتّله من عراويه تلال=وأنا بقلبي داريٍ ويش قومه
جا له من الهاجوس ما خبّث البال=والقلب يا الأجواد عرقٍ وثومه
قلبٍ عطوف يمّ الأجواد ميّال=ومن كان مثلي فالعرب ما تلومه
لجواد عزّ الجار وزمول الاحمال=مثل السّهل فيه الدّمث والنعومه
لجواد وافين العهد قول وأعمال=طبايعٍ ما هيب درسٍ اعلومه
رجالهم عند الملازيم رجال=من هيّن الموقف تردّه سلومه
ورجالهم لو هو فقيرٍ من المال=يفدي بدمّه دون ذمّه ولومه
هات القلم واكتب تحيّات وأمثال=ومعانيٍ باقصى الضّمير محكومه
ما هاوت الهيّن ولا هافي الخال=ولا هيب للي يوهمنّه حلومه
وحاشا ولا يومٍ لها جات لسوال=عليا ومن طاري الزّهيد محشومه
تاقت لشغموم ورا بعد الاميال=والبعد ما يثني الفتى من لزومه
قمّ يا نديبي دن ما يطوى اللال= الى اشهب دون الحبايب ردومه
مكينة نوع من الجوهر العال=صلب الحديد اللي نضافٍ جرومه
ليكن حفيف بلوفها حثّ شلال=لاهيب ما تسمع ولاب مكتوبه
لونه زهي زلٍّ على سيته اشكال=روعه ومن غالي الحرير مخدومه
اسمر حمر كانه تحت في وظلال=وبالشمس لونا يوهمنّك سهومه
هبّاع قطّاع الريادي والاسهال=كدلك وتوه من امريكه قدومه
من جوبه الدمام يا بدر لامال=الفي والصحراء تلاشي سمومه
سربه بتوفيق الولي عالم الحال=العالي اللي ما نعلم معومه
يمّ الرياض العاصمة مهد الابطال=جيل على علياه تشهد خصومه
لاحل خلف قطيهن هوش وقتال=وشوق الفتية وهقنة وهمومه
اخوان نوره عند تاليهن ثقال=لاخوّع الجيّد وخارت عزومه
ومن الرياض اسرح عسى الرشد لك فال=سنّد وقيعان الخفية يمومه
ومنصاك بيتٍ للمراكيب مدهال=بيت الثّنا والمجد من فجر يومه
بيت الحسب بيت النسب بيت من طال=صيته ورا نجدٍ وجتنا علومه
بيت السديري بيت كسّاب الانفال=زبن اللهيف وريف بدّه وقومه
المحتسي للمرجله كار ورجال=لاجات من يمّ الشحيح مهزومه
محمدٍ ذرب النبا ذرب الافعال=رمز الزمن اللي تنحوا قرومه
عصر مضى زلت سنينه ولا زالال= العصر فات وباقياتٍ رسومه
سلم عليه اعداد ما هل هطال=وبلٍ من المنشى ترادف غيومه
غط الوطى ديمه ومن وابله سال=سيل يغبى ما نبي من حزومه
وقل له لفاني منه طارش ومرسال=وهدية بأعلى الوقار مختومه
هدية عندي لها كار واجلال=هدية في ذا السنين معدومه
سيرة وفا ما سايرت عصر الانذال=وان جات سذاج العقول مهضومه
وهاذي بعصر فات يالقرم ومحال=يرجع لنا الفايت وننسى همومه
وافي وشيمه يوم لجواد عقال=يوم النسب ما فيه عيبٍ يشومه
يوم النسب للي يعوجون للتال=لاجا نهار فيه للموت حومه
والا لمن ينزل على بيته انزال=بيتٍ من الميره وساع وضومه
ما هيب سلعة واحد عند دلال=هذا يبرق به وهذا يسومه
والحق للي يفرق السوم بريال=سلعة حراج ما وراها غنومه [/poem]

هلا اخوي محمد
الف شكر على مشاركتك الاكثر من رائعه

,, ,, ,,

,, ,,

,,

,
,

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

مايستريح القلب لاصار مشغول=ولاتنعذل نفسٍ على فقد اهلها
ولايشتكي راسٍ عن الجسم مفصول=ويمناً تفاخت مايركت بدلها
واللابه الللي بينها الهرج منقول=تفسد وعند الناس يفسد عملها
واذني عن الهراج ماتسمع القول=ولاعمر نقال النمايم ختلها
دنياي اقيّسها على العرض والطول=اخاف اصادف ميلتٍ من جهلها[/poem]

هلا اخوي مشعل
الف شكر على مشاركتك الاكثر من رائعه

:: :: ::


:: ::


::


,,

,





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قالو وحيد وقلت ماعندي اوناس=وقالو غريب وقلت بأرضٍِ بعيده
ابعدت مابي شوف ناسٍ من الناس=بعدت عن بعض الملا وتعديده
امطاوعٍ قلبي على كل الاجناس=والبعد عن شوف المكاره يفيده
اخترت بعد الدار عن قرب الانجاس=عن دارهم نلقا ديارٍ جديده
في وسط نجد اتبع هوى كل نسناس=واطرب لشوف طيورها وتغريده
اعشق ليالي نجد لوانها ادماس=وايامها عندي جنانٍ سعيده
شمي لعشب رياضها يقعد الراس=ومافات من ساعات عمري يعيده
شوف الزهر يبعد عنا كل هوجاس =ويريح عن قلب الشقا مايكيده
وحس الرعد في رايح المزن رجاس=دقاتت عودٍ عند سمعي فريده
وان قال لي بعض المخاليق لاباس=قلت الهضايم بالضماير مجيده
الله من همٍ بالاضلاع غطاس=اقام وسط القلب وابطا شديده
فكرت بالدنيا بتقدير واحساس= ولاجت لنا الدنيا على مانريده
اللي نبي تقطعت عنه الارماس=وعنه اختفت كل العلوم الوكيده
القلب يبغض كل غادر وبلاس=اللي يلطخ دم الاجواد بيده
واحب من يتعب على كل نوماس=ومن فيض جوده مايمد الزهيده
اللي الى كادت والارياق يباس=يصبر على كود الامور الشديده
وللنفس عن طرق المثاليم حباس= يتعب على كل العلوم الحميده
واحب نجد وكل حبي على ساس= حبٍ بقلبي له قصورٍ مشيده
عندي وعرها مع سهلها والاطعاس=غابات وردٍ في زهورٍ نضيده
برياضها محلا هدد كل قرناس=ان شاف حفان الحباري يصيده
عدل المناكب لابرق الريش دواس=ماناش في مخلاب كفه يجيده
ياحلو هداته على الجود غلاس=ينحر كثيره ويتعدا الفريده
اجرد عديم لهايش الحزم فراس=والطايره لوترتفع ماتكيده
ايام عجات الهدد كلها اوناس=ياحلوز بالخد البياح تهديده[/poem]

..


يسعد مساكم ,,


قصيده للأمير / محمد الأحمد السديري .. احببت ان انقلها لكم من ديوانه " صبوات نجديه " وللأمانه احترت في الأختيار لتنافس القصائد في الجمال والروعه ..

..

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازبن عديت الطويله وناديت = وعزي لمن مثلي عليها تعلوى

ناديت لي حيً على وصله أشفيت = فرقاه تذهبني ولاماه سلوى

لطف الحشا يازبن لو يلمس الميت = شاف الحياه وطاب من كل بلوى

عز الله إني بالموده تماديت = وزوّد غرام القلب لين انه ألوى

ليته معي دايم واراعيه ياليت = واعيش انا وياه لو اتجلوى

لاشك انا قفيت غصبً وصديت = وساقتني الدنيا على غير ملوى

والله مامثله مع اللي بنى البيت = من ديرة الشنبل إلى دار علوى

ياما تذكرته وياما تمنيت = يازبن وين القاه ياطير شلوى

عن غير ملهوف الضماير تبريت = وترى الحياه بلاه يازبن تلوى [/poem]




وسلامتكم ..

الفجر البعيد
موضوع رايع عن الشاعر الأمير محمد الأحمد السديري الله يرحمه

قصر يذلك لا تقابل مبانيه
خله عسى شامخ طويله هدامي

خله عسى ما صاب اغادير يفنيه
يودع منازله الطويله رجامي

لو زان مدخاله وطالت حواميه
شيد على الخيبه قليل الرحامي

وحي يوريك المذله وتغليه
انا اشهد انك ميت القلب عامي

من لا يودك لا توده وترجيه
ارفع مقامك يا عزيز المقامي

ارفع مقامك عن عدوك وتوذيه
ويلحقك من تركة رفيقك ملامي

حق الرفيق وواجبه لا تخليه
يلزمك مثل الوالدين الحشامي

اختر عزيز الجار والحق يعطيه
شبل على هرج يقوله يحامي

ومن قارب الاجرب بالامراض يعديه
عدواه تسطي باللحم والعظامي

درب السلامه بينات مماشيه
ودرب العطب يرث عليك اللكامي

سلمتي ولاهنتي

لمست هنا جهد كبير
وقرأت مرجع ثمين

كل الشكر لجميع من شاركوا في هذا التخليد المميز ،

ورحم الله الامير الشاعر / محمد الأحمد السديري
..

الله يرحمه ويسكنه الجنه وجميع أموات المسلمين


ضرب تاريخ شعره وأدبه عمقاً من الزمن .. في نفس عام وفاته كان نصيبي من الدنيا ..


الفجر الجديد .. ألف شكر لهكذا جهد وهكذا موضوع ..

الف الف شكر لكل من شارك او رد

ولاهنتو جميع

ياسلام ياسلام ,

شكرا لك يالفجر على الموضوع ,

ورحم الله / محمد السديري ,

ودمتي بخير يامبدعه ,

الفجر البعيد


متصفح ثري ومميز ومرجع ..


لاهنتي على ايراده والشكر للزملاء اللي اسهموا فيه ..



لك فائق احترامي وتقديري ...!!

•

موضوع يختصر الكثير من البحث عن احد ابرز الاسمآء الشعريه الرآحله
رحم الله الأمير " محمد الأحمد السديري "

ألف شكر لك يَ " الفجر "
ولي عوده للمشآركه ان شاء الله