مـهد الـذهـب

من دافع العلم الجزيـل اقـول سلّـم ياسـلام
واجب علي ابدي مشاعـر خاطـري وابدابهـا
لاصار عندي موهبه . واجيـد ترتيـب الكـلام
واجامل حـروف الكتابـه واستغـل اعرابهـا
لين الحروف اشدها واخلـف قوانيـن النظـام
حتى يدان المجرم اللـي مايحسـب حسابهـا
يحذف عليه من التهم ويقـر فـي كـل اتهـام
كله على شان الرجـال اللـي يـود اعجابهـا
وادرك مرامه حاذين حـذوات مدركـة المـرام
ماقال هذي ماتجـي .. ياليـت حظـي جابهـا
اكبر هزيمه للرجل .. لاصـار داخلـه انهـزام
واصغر هزيمـه مـن يثـوّر بندقـه بجرابهـا
واليأس يطوي صاحبه طي الجليـب ام المقـام
لا شدّو اضعان البـدو لتـراب غيـر ترابهـا
ياموقداً . نار . الكرم . جتك . التحيه . باحترام
يفـداك رجـلاً مايقـول الـنـار ياشبابـهـا
ومن لايقول العز بخشـوم البنـادق والحـزام!
ينقض كلامـه لـو تدقّـه خنجـراً بنصابهـا
والمندفن في حفرته يصعـب عليـه الانتقـام
الارض قبل الحشـر لايمكـن تثـور بمابهـا
والميّت يزيدك غبن .. والطعن بالمّيـت حـرام
واهل الجهاد نفوسهـا تدفـن بنفـس ثيابهـا
حتى ذهب {مهد الذهب} مهما نقص كيلو جرام!
الارض لازالـت تحمـل ولايـزال انجابـهـا
والضلع ظاهره السواد وباطنـه شـف الانـام
اللي علـى شانـه تبيـع ام اليتيـم اقرابهـا
من ذاق لوعات الزمن . يصعب عليه الانسجام
مثل العسيف اللي عصاها مانسـت مضرابهـا
يطري عليها القيد وخباط المطـارق والخطـام
الواردات الصـادرات مـن العصـي تربابهـا
وتسل مثل المستهيمه يـوم يطويهـا الهيـام
واللـي يطاولهـا المـرض لابـد مايغدابهـا
وان كان ردّت راسها للغـارب وحـان الختـام
قولو عطايا الله من الفطـره تعـوج ارقابهـا





الله الله الله


لله درك من شاعر
لله درك من شاعر

اكبر هزيمه للرجل .. لاصـار داخلـه انهـزام
واصغر هزيمـه مـن يثـوّر بندقـه بجرابهـا

يا سلاااااام


ابداااع وجزاااله

صح لسانك
صح لسانك

لاهنت

احتراااامي

و
ج
د

[align=center]شكرا غلاب

على الاطلاله

تحياتي[/align]