,,, طال انتظاري ,,,

[align=center]

السلام عليكم

ابيات من جديدي ,,, ارجو تمريرها
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كريم يانو ٍ نشاء في مناشيه=برقه ينوض وصوت رعده يلالي
عساه يمطر لين تروى مساقيه=ويعم خيره للسهل والجبالي
الارض تفرح يوم تبدي نواميه=والشيح ريحه فاح في كل جالي
في خايع ِ للناس تعجب روابيه=فيه الدواء للنفس فأول وتالي
ويجونه العربان والخير كاسيه=والارض مفروشه بليا زوالي
والنار شبت والحطب من مجانيه =والكيف جاهز جوف صفر الدلالي
البن خولاني وهيلا ً يضاهيه=كيف العرب يقلط على كل غالي
فنجال يقعد راس رجال هاويه =يطرد عماس الراس في كل حالي
والشعر يطربني وتطرب قوافيه =وانقد حروفه مثل نقد الريالي
خوف الاوادم تشتبه في معانيه=والذيب يفهم ياعرب ما طرالي
ياذيب انا قلبي كثيره طواريه=شي ٍ من الواقع وشي ٍ خيالي
ثلثين عمري راح ما هم باقيه= والوقت كله هم لا ما صفالي
قلبي مولع مار ما بان خافيه=والناس ما تدري عن اللي جرالي
ياليتها بالمال واكون شاريه=مار البلاء ياذيب مالي مجالي
اقول بنسى له ولا نيب ناسيه=ماينسى لو ما طراء له وصالي
يطري على بالي ولا اعرف اراضيه=حبه ذبحني من قديم الليالي
ياما تواعدنا وجي في حراويه=وياما تعانقنا لفوز الهلالي
مار الزمان الشين بعثر امانيه=حلمه تحطم والامل راس مالي
ضاع الامل يا جعل ربي يجازيه=ضاع الامل ياذيب وش هو بقالي
شكيت لك والقلب زادت مشاكيه=هات الجواب وهات حل السوالي
الى متى يا ذيب بصّبر وداريه=طال انتظاري والتعب سم حالي
ياليت( مستربوش ) يقدر يقاضيه=وفي محكمة لاهآي يقراء مقالي


[/poem]



وسلامة قلوبكم




[/align]