ترا النبي منصور لو اهل الضلاله حاربوه

هذه خاطرة معبرة عن نفسها عسا ان تنال استحسانكم

[poem=font="Tahoma,5,darkblue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
محلا الشعر عند الرجل وارثه من جده وابوه=اضف إليه الموهبة واحساس وشعور وفكر
الله عطاه لمن يشاء ماخيب اللي قد رجوه=والله يزيد العبد لامنه على النعمة شكر
ياللي تخيل البرق غيرك فيه عالم خيلوه=يمسي ويصبح فوق دار العز ماهو محتكر
البحر لو انه حلو يمدا المواريد اشربوه=ياللي ذكرت العلم رد العلم للي ماذكر
من لايجمل عزوته في ماقفه ماجملوه=ماينفعك لو يفعل اللي مستحيل ويبتكر
الله يبارك فالشجيع اللي يطوع من عصوه=من ماضي الايام يوم المعركه فر وكر
اسمع كلام اللي شغاميم الرياجيل انتخوه=ماكل طير يطير بالجنحان لو جاله وكر
ياما جرحت كبود ناس" جرحها ماعالجوه=كم واحد" نجزاه بالمعروف لكنه نكر
امر" بهذا الوقت صار يتوه اللي مايتوه=احد" صفا جوه واحد جوه بعد صفوه عكر
المعرفه بيت" ذري واهل الشجاعة شيدوه=بالجود والنوماس ماهو بالخيانه والمكر
ترا النبي منصور لو اهل الضلاله حاربوه =نصر الاله اصدق من الدعوة وصدق ابو بكر[/poem]