{ ,, قــوافيهــن ,, } - الصفحة 2

31-08-2008, 02:42 AM

هلا اخوي عبدربه

بالنسبه للبيت الذي ذكرته هو بيت من قصيده لزوجة الشيخ وديد بن عروج شيخ بني لام ولم يذكر اسمها
وللبيت قصه وهي أن الشيخ وديد بن عروج قد أشتهر بالمغازي الكثيرة وكان لديه ذلولا أصيلة ولكنها دائما ضعيفة وهزيلة الحال لكثرة غزواته عليها
وبعد موته تقدم أخوه لزّام للزواج من أرملة أخوه لحفظ الأبناء وتربيتهم
وتم الأمر إلا أن الفرق بين الالاثنين كان كبيرا في نظر الزوجة ، فـ لزّام لم يظهر له فعل كأخيه وديد
وقد زاد حزن الزوجة عندما رأت الذلول الهزيل وقد تغيرت أوصافها وتبدل حالها فمن بعد الهزال بان الشحم عليها
وفي احدى المرات عاد الراعي بالإبل فإذا بالذلول (تهدر) وكأنها جمل
فتذكرت زوجها السابق الشيخ وديد وغزواته وقارنت بين حياتها تلك وبين حياتها الحالية
مع أخيه لزّام فقالت

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يا عايد علـى كـل مضمـاه=يا مخضر الأرض الهشيم المحايـل
أنت الكريم ورحمتك مـا نسيناه=تروف باللـي دوم عينه تخايـل
تلطف بمن كن عينه مـداواه=اللـي بقلبه حاميات المـلايـل
ألوج مثل أيوب مـن عظـم بـلواه=واسهر إلى ما يصبح النجـم زايـل
على حبيـبٍ كـل ماقلـت أبنسـاه=لذكره تفطني مـن الهجـن حايـل
ليا نسيتـه ذكرتنـي بطـريـاه=شيبا ظهر من عاصيـات الجلايـل
يلتاع قلبي كل مـا أذكـر سوايـاه=كمـا يلـوع الطيـر شبك الحبايـل
لا واحبيبي سبع سنيـن فرقـاه=عليه أنـا قضيّـت كـل الجدايـل
لا واحبيبي يتلف الهجـن ممشـاه=ليا بغـى لـه نيـةٍ مـا يسايـل
لا واحبيبي يسقي الربع مـن مـاه=دليلهـن لا ضيّـعـوه الـدلايـل
لا واحبيبي يرعب الهجـن بغنـاه=من كثر ما يوحيـه ليـل وقوايـل
لا واحبيبـي كـل قـومٍ تنصـاه=تلقـى ربوعـه طيبيـن القبـايـل
لا واحبيبي تدفـق السمـن يمنـاه=ياما ذبح من بيـن كبـشٍ وحايـل
لا واحبيبـي وافيـاتٍ سجـايـاه=عليه غضـات الصبايـا غلايـل
لا واحبيبـي دوم للعفـن متـقـاه=يـامـا كلنـه مدمجـات الفتايـل
لا واحبيـبـي بـيـن ذولا وذولاه=خلـي بوجـه معدليـن الدبـايـل
لا واحبيبي طـاح يـوم الملاقـاه=بنحور غلبا فـوق غـب السلايـل
لا واحبيبي طيـر شلـوى تعشـاه=قطاعة المهجـة سناعيـس حايـل
يا عارفين وديد يا طـول هجـراه=يا ليتني بوديـد مـا أبغـى بدايـل
أخذت أخوه أبي العوض ذاك من ذاه=والبيت واحد مـن كبـار الحمايـل
عنـدي مثيلـه واحـدٍ كنـه إيـاه=عليه من توصيـف خلـي مثايـل
الـزول زولـه والحلايـا حلايـاه=والفعل ماهو فعل وافي الخصايـل [/poem]

ولسوء حظ الزوجة فقد سمعها زوجها لزّام ولم يشأ أن يعاقبها
إلا بعد أن يجعلها ترى فعله وشجاعته وبالفعل قام باعلان المغزى
وطالت غزواته وكان كلما كسب شيئا أرسله إلى قومه وهو ماضٍ في غزواته
وقد أنشد هذه القصيدة :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

أنا ابن عروج وهاذي سواتـي=موصل سمان الهجن شنٍ ما يجنه
خمسين يومٍ والنضـا مقفياتـي=مع مثلهن وهن علـى وجههنـه
نمشي النهار وليلنا مـا نباتـي=كم ذود مصلاحٍ امنيـسٍ خذنـه
من ظن فينا الطيب شافه ثباتـي=واللي هقى فينا الردى ضاع ظنه
كم من صبيٍ عشقةٍ للبناتـي=عقب التعجرف بدّل الضحك ونه
استاخذ المذهول عاف الحياتـي=هو ما درى إن الهجن بيوصلنـه
من فوق هجنٍ من فحلهن خواتـي=غيب الصبايا الخافية يظهرنـه [/poem]

ولما رجع من غزواته كانت ذلوله في حالة يرثى لها من شدة الاعياءوالهزال
ويقال أنها بركت قبل أن تصل إلى البيت ، فأمر زوجته أن تذهب لإحضارها وكان يمشي خلفها
يريد ان يعاقبها على ماقالت وهي لم تكن تعلم بأنه يمشي خلفها فلما رأت الذلول
على تلك الحال قالت هذه القصيدة التي كانت سبباً بعد الله في نجاتها من خطر لم تكن تعلم عنه :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا بكرتي وش علـم حالـك ضعيفـي=أشـوف حيلـك وانـيٍ عقـب الأردام
عقب الفسـق ومهـادرك بالمصيفـي=ومصـاول القعـدان مرباعـك العـام
عقـب الاباهـر والسنـام المنيـفـي=صرتي كما المفرود مـن فعـل لـزّام
قطـع عليـك ديـار قـومٍ تخيـفـي=تسعين ليله راكـب الهجـن مـا نـام
أقفى عليـك مـن الحساء للقطيفـي=لحوران والحـرة إلـى نقـرة الشـام
وتدمـر وصلهـا وخمّهـا مستخيفـي=واشبيـح والضاحـك وقديـم الأقـدام
وأخـذ عليـك اذواد جـوٍ مريـفـي=وضحك كما برق الحبـاري بالأكـوام
يزفهـا يـقـداه مشـيـه هريـفـي=واقفى عليهـن متلـف الهجـن لا قـام
وعادوا على العارض ركيـبٍ يهيفـي=يتلون ابـن عـروج مقـدم بنـي لام
زهابهـم حـب القـرايـا النظيـفـي=وسلاحهـم صنـع الفرنجـي والأروام
ياما انقطع مع ساقتـه مـن عسيفـي=ومن فاطرٍ مشيه عـن الجيـش قـدام
عقـب الشحـم وملافخـه للرديـفـي=قامت تسندر مثـل مبخـوص الأقـدام
تـوي هنيـت وطـاب بالـي وكيفـي=من عقب ضيمي صرت في خير وأنعام [/poem]

31-08-2008, 02:47 AM

بيت للشاعره مويضي البرازيه

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اللي يتيه الليل يرجى النهارا=واللي يتيه القايله من يقديه..؟[/poem]

24-09-2008, 05:59 AM

الفجر يعطيكـ

العافيه

موضوع قيم تستحقين الشكر والعرفان والتقدير

قصيده للشاعره مرسى العطاويه

[poem= font="Andalus,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياجرقلبي جر غرب على بير = على ثلاث ابكار فيهن زرقا
ساعة يصبنه الى هن محادير = تحرفن ابسرع والغرب يرقا
ويالجتي لجت ثلاث على ضير = اكبودهن من حر الاخلاج حرقا
على ولدهن باختلاف المقاهير = لاعشو الروقه على سرح برقا
عليك يامطلق صخاف المعاشير= يوم المناسر تالي الليل شرقا
الى شبت النيران مثل الفنانير = يضوي عليهن يدرق البيت درقا
هرجه على كبدي حليب المصاغير= وهرج العرب غيره على الكبد عرقا[/poem]

03-10-2008, 02:29 AM

الشاعره بخوت المريه الله يرحمها

تقول في وصف بعض النساء وليس الكل

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
إسمحو لي يامحمد علـى سـت كلمـات=ذا كلام ٍ فاضي ٍ واستحـي لاطولـه ..
يامحمـد ماالاناثـي بكفٌـو معـامـلات=قولهن لاهوب يصمـل ولاينـردّ لـه ..
راكب اللي في سما الجو تمشي بحركات=صوتها من سرعها من وراها تنقلـه ...
روّحت وقت الضحى من محل الطايراات=وخطّرت راع الهجن مارح ٍ في منزله ...
وخطّرت ركابة الدوج من دون ادمـوات=ومرّت الصلب الحمر والفرّيق باسفلـه..
دارب ٍ سواقهـا مايحـسـب للمـمـات=وغلقت خمس الدقايق على الطالب هله [/poem]

:: :: ::

:: ::

::

ولها حوار بينها وبين الموت على لسانها

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا اشهد شهادة حق ماتستحي ياموت=وانا بشهد ان لا فيك خيرٍ ولا شيمـه [/poem]

ثم ترد على نفسها فتقول

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
صلاتك رديّه والحكي شين يابخوت=وكلٍ خذيته من هله وانتي مقيمـه
[/poem]

07-10-2008, 02:15 AM

هذي قصة امرأه اختلف الرواه في ماهية زوجها منهم من قال انها زوجة مشعان بن هذال
ومنهم من قال ا نها زوجة عبدالله بن هذال وكانت تتضايق من رائحة التبغ فقد كان زوجها يشرب الدخان وفي مره من المرات كانت جالسه لوحدها فعبرت عن رايها في الدخان
وهي تعتقد ان لااحد يسمعها فقالت

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يا شارب التنباك شاربك لا طال=إياك وإيا واحدٍ جاز دونه
مادام به نقصٍ على الحال والمال=أيضا وشرّابه يدمّر سنونه[/poem]

فسمعها زوجها ونهرها وسألها وش تقولين عيدي اللي قلتيه
فدرت انها طاحت في ورطه وخافت سطوته فااستدركت الوضع وقالت

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

شرّابة التنباك بهم سعة بال=واللي طويلٍ شاربه يقصرونه
يستاهل التنباك مثل ابن هذال=اللي يصرّه في مثاني ردونه[/poem]

فقال لها ابن هذال: نجـوت والله يـا بنت الحلال

08-10-2008, 10:42 AM

الشاعره كنه
شاعره نبطيه من قبيلة شمر
لها كذا قصيده منها هذهِ القصيده التي قالتها ترثي زوجها عبدالله بعد موته

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
باقي العرب موتهم تخفيف=مير البلا موت عبدالله
مرحوم يامهليّ بالضيف=يامكثر الهيل بالدله
اليا مسك زينة التوصيف=الدم من مضربه شله
ياما صفقهن وردن عيف=وياما حما كل منتله[/poem]

28-10-2008, 11:59 AM

الشاعره موضي الدهلاويه

الشاعره موضي سعد الدهلاويه من ال محفوظ من حاضرة الرس
قالت هذهِ القصيده عندما طال غياب زوجها الشيخ جدعان بن هذال العنزي

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ياموصـل غريـبٍ بـلاده =يامجريٍ سفن البحر فوق الامواج
تريح قلبي فـي مضنـه فـؤاده =ان كان ماطاوع بنا كل هـراج
امي توصينـي تقـول الجـلاده =وقلبي الي جا طاري البدو ينفاج
قل لابن وايل كـان وده مـراده =القيظ زل وباقي الوسـم لعـاج
حطيت لك ريش النعايم وسـاده =والقلب لك يافارس الخيل مسهاج [/poem]

ولما اشتهرت القصيده بين الناس أحس جديع بالاحراج وازعجته القصيده لتناقل الناس شعرها
رغم انها لم تقترف ذنب ولكنه كره أن يسمع شعرها على ألسنة الناس.. وقد طلقهابقصيده منها قوله ً :

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا راكـب حيـل ٍ الـى لجلجنـي =عوص لهن مع نازح البيد مرمـال
الى مشـن مديدهـن مـا يونـي =لكن حاديهـن مـع الـدو خيـال
مدن من الانجـاج حيـن انهلنـي =والظهر عند صخيف اللون مقيـال
والعصر عند صويحبـي بركنـي =أبـو ثمـان كنهـن در الاجهـال
لاجيت موضي يامنـاي ومظنـي =وصل سلامي لبنت ماضين الافعال
وقله تراها طالـق الحبـل منـي =اللي قصيده يلعبـه كـل رجـال [/poem]

ولما صلت قصيدة جديع الى زوجته تأثرت تأثر بالغ لكونها لم تستحق ما حصل وقالت :

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حي الجـواب وحـي منهـو جوابـه =ياشيخ يـا مكـدي غثيثيـن الاجنـاب
يـا شيـخ والله مـا مشيـت بمعابـه= ولا خايلت عيني علـى كـل نصـاب
وأن كان قولـي فيـك كلـن حكابـه =عرضي نزيه ولا حكى فيـه هـزاب
ارجيـك رجـوى الباديـة للسحابـه =وجازيتني في كلمـة ٍ مالهـا أسبـاب
هذا النصيب وما بغـى الـرب جابـه =وان صك باب العبد عند الولي مية باب [/poem]

قيل ان الشيخ اراد أن يعيدها الا انها رفضت العوده فقالت:

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جديـعان يومنـه بغانـي بغيتـه =ما طمحوني عنه كثر العشاشيق
واليوم يومنـه رمانـي رميتـه =رمية وضيحي رمـوه التفافيـق
الشوق أنا حرمت مسكـان بيتـه =الا مغيب الشمس يرجع لتشريق
ولا أن صوت الحي يوحيه ميته =أو ينبلع سم الحيايا على الريـق
عسى يجيني شيخ ٍ يسمع بصيته =سنافيِ يعطي طوال السماحيق[/poem]

وعندما شاع خبرها تكاثر عليها الخطاطيب من مشائخ القبائل لعفتها ولادبها ولما لها من منزلة عالية عند البادية والحاضرة
وقد اخذها الشيخ مجلاد بن فوزان شيخ الدهامشة من عنزة

12-06-2011, 01:00 AM

بسم الله الرحمن الرحيم
السلام عليكم ورحمة الله وبركاته ..

أسعد الله أيامكم و أوقاتكم بكل ماهو خير وطيب يا أهل الطيب ..
:

الشعر .. مادة جميله رائعه نقرأ فيها المعاني والمشاعر والوصف الجميل العذب ,فهو يعتبر موهبه يهبها الله للشعراء والشاعرات .
:
فـ كم من قصيدة مازلنا نحفظها ونرددها في بعض المواقف ونستشهد بها , وبل نستطرب عليها ونغنيها , وكم من بيت صرنا نردده فـِ وقت الضيق او الفرح او غيره وهو من زمن الماضي الجميل ..
:

سنسلط الضوء على شاعرات من الزمن الماضي الجميل , اللواتي بقيت أصدائهن فينا .
فسيرتهن أو قصائدهن رابط جميل ربطنا بهن ..
فكم من شاعره جميله عشقنا سيرتها من قصائدها العذبه العفيفه الجزله المحبوكه الناتجه جراء المواقف التي مرت بها , والتي رسخت في عقولنا وعشقناها , فنجد المتذوق والشاعر يحفظ لتلكَ الشاعرات الأصيلات الكثير الكثير ..
:
فالماضي ذهبَ ولن يعود .. لكنهم ...! أجبرونا لنعود لعصرهم الجميل من خلال سيرتهم وقصائدهم العذبه ..

:

فالمتصفح يسع لنذكر ما نعرفه عن سيرتهن العطره من قصائدهن أو حتى بعض من حكاياتهن ..

لذا تفصلوا ..

:

...] بنت شويحط [...

هي من قبيلة شمر .. وكانت عائلتها تتصف بخصال أهل الكرم والجود , حتى وصلوا لميزه امتاز بها العرب وهو تفقدهم لمتاع الضيف قبل ان يرحل فـِ إن كان ينقصه شي زودوه بها .
و ذًكر ان بنت شويحط كان لها ابن قصد السفر حتى يعمل بالأجر حتى يوفر لقمة العيش له ولها .
فغاب ولدها وطال سفره فصارت تتلمس اخباره من القادمين من دياره , حتى قالت قصائد تصف حالها من الحزن وهي تتطلع الى المسافرين الى دياره ..

حتى قالت ..

نطيـت انـا راس ملمومـه
ودمـوع عينـي ذواريـفـي

ارقب على اللي ورى الحومه
اقفـا ولا مـن مصاريـفـي

قمـت اتنشـد عـن علومـه
راع البـكـار المواجيـفـي

والنجر عقبـه علـى نومـه
هـو والـدلال المهاديـفـي

:

وايضاً لها تتوجد على ابنها عندما طول غيابه

لايادهش علمي بكم بالضحيـه
واليوم هذا التوم بيّـن هلالـه

ودموع عيني سيّلـن الشغيـه
مثل صبيب السحب سود خياله

البارحة عيني عن النوم عيـه
حتى ضحى اليوم مما جرالـه

عقلا وربعه لارمتهـم بسيـه
حين اركبوني يوم طول محاله

هو راعي اللزمه وراع الحميه
مزبّن المضيوم واللي عنالـه

:

وسلمتوا ...

14-06-2011, 04:00 AM

[align=right]

...{ عـابرة سبيــل }...

هي شاعره كويتيه اسمها رحمها الله " وسميه " من قبيلة العوازم .
كانت شاعره نقيه جزله في حبكَ ابياتها وقصائدها .
وقيل عمرها 34 حين توفاها الله ولديها من الابناء :-
4 اولاد
وبنتين

توفيت رحمها الله فـي 18/3/2003 م الساعة العاشرة والنصف مساء

وكانت تتجنب الاعلام ولم تلجأ له . حتى ان زوجها لم يعرفها بموهبتها الا بعد مرضها
وكما انه هو بنفسه اشرف على طباعة ديوانها الشعري والتي رفضت ان تستلم من ايراد مبيعاته فلس واحد . وقيل وصل الايراد لـِ اربعين الفاً دينار كويتي

ومن جوانب لشخصيتها انها انسانه هادئه بسيطه

:

طُبعت في اذاهننا ابيات جميله وبالأخير عرفنا انها لـِ عابرة سبيل رحمها الله .

ولها فى القصائد الفكاهية ايضا بعض الابيات :

جا يعيرني يقـول انتـي متيـن ../.. حلقـك المفتـوح لازم نغلـقـه

هيـه يادبّـه لـزوم تخفّفـيـن ../.. والا اثوّر فيك عشريـن فشقـه

وفي رجيمي استمريـت سنتيـن ../.. جدي اللي مات قاربـت الحقـه

ويش رايك ؟ قلتها بصوتٍ حزين ../.. قـال دبّـه وانقلبتـي لسلـقـه

ومن قصائدها ايضا وهي وصيتها لزوجها رحمها الله تعالى :

وسلمتــوا

[/align]

15-06-2011, 07:38 AM

[align=right]

ونعـود مع نسمات صباحيه جميله مع شاعره راقيه عرفناها من خلال جزالتها وتمسكها بأصالة البداوه ..

الشاعره ./ عليا بنت ضاوي العيـّه الدلبحي العتيبي

فـ عندما كانت نازله بالقصيم وقد سألها احد قومها
لماذا لا تتحسن صحتها رغم إنها ارتاحت في المدينة بعد ترك البادية
فردت عليه تقول:

يا مل عين تسهر الليـل مـا بـات ../.. قزيت من ممساي بجنـب الجريـن

حلفت لو أعطى الرطب والخضروات ../.. وتكثـر الارزاق عنـدي مـآزيـن

ولو أعطوني مع البن سبع حاجـات ../.. أني علـى قـد الحضيـه لا شيـن

ودي بهـم لـو التمنـى خرافـات ../.. يـا ليتنـا مـع ضفهـم نازلـيـن

لو كان والله مـا خبرنـا مداحـات ../.. لكن طبـع الباديـة يستـوي لـي

:

وقالت هذه القصيده عندما كانت في بلدة المذنب وقد استنكرت على سكان القصور الاحتجاب دون الجار وعدم دعوته للقهوه والطعام كعادة ابناء الباديه وذات يوم دعتها احدى جاراتها وهي مطيريه كانت متزوجه
بحضري وقدمت لها القهوه وكان لهذه الدعوه اللتي قطعت غلالة الجمود
المقفله اثرا ً في نفس عليا فأنشأت هذه الابيات

وسـّعت صدري عقب فنجال ساره = أخير من شي ّ ٍ يجي عقب مقعاد
لاعل ماتوجر دلال المناره = ولاعل ماتذهب مذاخير الاجواد

:

وقالت ايضا
بعد التبدوي والعلوم الجلاله = وبيت ٍ كبير ٍ للمسايير ميعاد
أكثر هروجه في ّ راع الدماله= اللي يسوق العير للبير معواد
أصبر كما تصبر سوان السفاله = سواقها يكثر عليها الترداد
ياعالم ٍ ميل الفتى من عداله = يالله يالمعبود للخلق ردّاد

:

وأصيبت بلاد نجد بجدب أمتد سنوات متتابعه مما كان سبب في فناء الحلال وهو من المال ابل وغنم لانعدام المرعى ولما كانت حياة الباديه تعتمد اعتمادا ً تاما ً على الحلال فإن فناه يؤدي الى اهل تلك البلاد الى المجاعه والعوز وفقدان مقومات الحياه وعندما هزلت الابل ولم تعد قادره
على حمل الاثاث والمتاع اضطر زوج عليا ويدعى نوار النمر الى انزالها
واباناءها فالمذنب من بلدان القصيم ووضع عندهم كل متاعهم واأثاثهم
لان الابل لاتطيق حملهم وذهب هو وكبار ابناءه بابلهم وغنمهم
يرعونها في الفلاء ينتظرون الفرج من الله سبحانه وتعالى ليمدهم
بالمطر ولمـّا كانت عليا قد آلفت حياة الباديه والانظلاق عبر الفجاج
الواسعه بحريه كرهت الاقامه بجوار الحظر اللذين لايملون المكوث بمكان
واحد مع تعاقب الليل والنهار وكانت اصوات محال السواني اللتي تسقي
الحرث تبعثر سكون الليل حيث يقوم المزارعون آخر كل ليل بضخ الماء لري
مزروعاتهم بينما كان ليل الباديه يتصف بالهدوء والسكون بخلاف ليل
الحظر المملوء بالضوضاء مما أزعج هذه البدويه فأخذت تتذكر منازل
قومها ومرابعهم وتصف ماخطر ببالها في هذه الابيات

البارحه سهرت لين القمر طاح = تسهر عيوني والقبايل رقودي
وأوحيت صوت السانيه قبل الاصباح = اللي تفيـّض غربها فوق عودي
وجدي على ماروح مع دار الابراح = أشد وأنزل مع ذخاير جدودي
اللي ليا شافولهم بارق ٍ لاح = تزبي مظاهرهم سواة الورودي
ليلة حلل نادوا على الضين بسلاح = وكل ٍّ يعلق حايل ٍ فالعمودي
شبـّوا فنانير ٍ يجي بينهم ضاح = وقامت نجور أصواتهنـّه تزودي
كثـر المسيـّر بينهم قبل الامراح = وعن التوالي يفهقون القعودي
عهديبهم يوم أول القيض قد راح = على قليب الهضب أم ّ الورودي
إن كان ماسرنالهم والمطر طاح = وألا ّ ترى قبري بجنب النفودي
يالعين هل ّ الدمع خليـّه سبـّاح = من بعد أبو ماجد وخل الجنودي
اللي يرحب للجماعه بالانصاح = ماهوب يضمر للرفيق اللهودي
ماينقص الطبخه ليا حطها داح = وأيضا خيار الفرق منها يجودي

:

[/align]

16-06-2011, 02:03 AM

الفجر متصفح ذهبي
والف شكر لـ تدوين ابداعات الشاعرات اللي من وجهة نظري انهن اصدق عاطفه في الكتابه

من ابيات عابرة سبيل الفكاهيه رحمها الله :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياناس وين سبانيش باباي =بعطيه خلٍ نقل همّـي
حتى يصارع جميــع اعداي =واول مايذبـح ولد عمّي[/poem]

16-06-2011, 02:15 AM

موضوع جدا ً رائع .
شكرا ً يالفجر البعيد .

تقول مرسى العطاويه .

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يأهل الركاب اللي سواة الحني العوج=عوج ٍ كما الأقواس من غير عله
ماتوصلون اللي على نجد مفلوج=يحب نجد ٍ من محبة هلله
وليا وصلتوا نجد خلوني ادوج=أحيا مع الحيين والموت لله[/poem]

16-06-2011, 05:33 AM

تجديد
لموضوع سامي
إبتدأته ( الفجر البعيد ) و أكملته ( سمو )
ولازلنا نستفيد ونستمتع بقراءة إبداعات شاعرات الأصاله .

كل التقدير لك ياسمو ،
والشكر موصول لـ فجر .

16-06-2011, 09:33 AM

السلام عليكم ورحمة الله وبركاته ..

اتحدث اليكم عن شاعرة ظهرت شمسها وغابت فجأه ..

انها عابرة سبيل تلك الشاعرة التي تقول عن نفسها :
[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

أهلي يـدرون إنـي شاعـرة=بس مايدرون في جرح الليال
يمنعوني من كتابـة خاطـرة=مادروا إني من زمان بهالمجال
آه لو يدرون اني (( عابرة ))=عندهم بتصير موتتنا .. حـلال [/poem]

كانت الشاعرة عابرة سبيل .. هذا اذا كان حقيقة ..

لاتخلوا قصائدها من الطرافه حيث تقول عن بطاقتها الشخصية :

[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا عجوز مطلقـة وأم ورعـان=وأيضاً مدام وبنت وآنس وعانس
أنا بدوية وعايشه عند حضـران=وبنت البحر وأبوي زارع وغارس
أميةٍ ماتعرف حـروف وألـوان=وتلميذةٍ دشت جميـع المـدارس
ظفرة وخبلة عاقلة في نقصـان=شرود وأنطح لي ثمانين فـارس
خلوني أعيش العابرة دون عنوان=طيفٍ يمـر بلارقابـة وحـارس [/poem]

اترككم مع مختارات من شعر شاعرتنا ...

°•..•° عــــــابرة سبـــــيل °•..•°

[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بريال عارضته على السوق بريال=من باعني برخيص والله لأبيعـه
من يشتري رجّال قصّر بالافعـال=باع العهود الماضيـه للخديعـه
رجّال يسوى له ثمانيـن رجّـال=كل الصفات اللي ملكها فضيعـه
له ضحكةٍ تشبه لضحكات الأطفال=ذيبٍ ونظراتـه حنونـه وديعـه
وله فزعةٍ منها المجانين عقّـال=وفجوج لا ضاقت عليّ الوسيعـه
ياما عدل عوجا ثقيلات وطـوال=وأنا معاقبتـه غيـورٌ صريعـه
والله يسوى لـه ثمانيـن رجّـال=والخبل مثلي لا زعل يب يبيعـه [/poem]

وهنا تأخذنا شاعرتنا رحمها الله الى الأصالة ..

حيث النقاوه .. حيث البساطه .. تأخذنا الى حياة البادية ..

وقصيدة بعنوان (( رســـــــــالة من بــــــــــــدوية ))

[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعال بشـرح لـك أنـا كـل مغلـوق=تعـال شاهدنـي مــع ذكريـاتـي
لا لا يغرك لبس موضـة ومسحـوق=انفض غبار الوقـت تلقـي صفاتـي
قرب وطالع معّـن الشـوف بحـدوق=وزيف التطـور جـرده مـن حياتـي
بتشوف في وجهي من الماضي اطروق=أخذت من بطـن الصحـاري صفاتـي
طفلـة بثـوب مخيطينـه ومفـتـوق=تنطـر جديـد الثـوب بالعيـد ياتـي
سمعت طرف اخبار عن كلمة السـوق=وتاخذ وتسـأل هـو وجـوده ثباتـي
طفله سحبهـا الوقـت للهم برفـوق=حتي انهـا صـارت مـن العاشقاتـي
وجار الزمن وعرض الحـب للعـوق=شـرق ركايبهـا وهـم مشمـلاتـي
واتلا عهدها فيه يركـض ورا نـوق=مسرود جيب وفـي يدينـه عصاتـي
ويصد لكن يلتفت لـي مـن الشـوق=عجـلان يلخصنـي بعيـنٍ تحـاتـي
وقفـى وخطواتـه يتلـن معـلـوق=وخلانـي ماتنقـل عظامـي عباتـي
ودار الزمان ولا مشي الحظ بوفـوق=ومازلـت أخفـي بالظـلام اعبراتـي
ولا زلت أنا العب له علي كل طـاروق=حتـي يجيـب الله موعـد وفـاتـي[/poem]

يتبع

16-06-2011, 09:44 AM

كلنا يعرف الشاعره دقيس الصلبيه وغرامها لأحد ابناءالقبايل
امر ابو الشاب العشيق دقيس واهلها ان يرحلو من بلاده خوفا على ابنه وقالت اثر ذلك قصاااائد كثيره سأذكر مااعجبني
بعد ان وصلها خبر امر الشيخ بترحيلهم قالت:
يــاااا الله عسى ماتكره النفس خيره ,,,, يــــااا والي الدنيا عليك التـدابير
اللي فَرَق بين العشير وعـــشيـره ,,,, هو له وليّه ولي المقــــــادير:
ايضا حدث بينها وبين امها نقاش شعري لانقول عنه محاوره او مساجله ولكن هو اقرب للنقاش
عندما سمعتها امها وهي تهيم عشقا بعد الفراق وتردد ابياتها بمعشوقها فقالت امها غاضبه وعلى نفس القافيه:
برقٍ يجنب عنك لو كان به نور *** بالك تخيله لو ربيعك شفااقه
(ترى الرجال ابهم تمازيح واغرور***ومن قبل بخصه لا يجي لك عشاقه)
فردت الدقيس:
من لا استشارك لا تبدي له الشور *** ومن لا يودك نور عينك فراقه
وذهبت هذه الابيات مثلا مازلنا حتى الان نرددها

ملاحظه انا ما فهمت هي من تقصد في من لا استشارك ؟؟!!

اذا لمها مدري والله في احد يقول لمه انا ماخذيت رايك !!!!
على العموم لي مشاركات اخر

17-06-2011, 11:52 AM

الشاعرة عابرة سبيل ..

ابدعت في كثير من القصائد ..
لقد نشر لها الكثير من القصائد ..
وطبع لها ديوان شعري ..
وعند البحث عن حقوق هذا الديوان وجد مجهول الهوية ..
لكنها كانت مجهوله للجميع ولم يستطع احداً تحديد هويتها ..
تضاربت حولها الروايات .. فهناك من قال انه لاوجود لها وانما يكتب ذلك رجل ..
وعندما انحرج من اظهار اسمه قتل تلك الموهبة المتمثله بــ عابرة سبيل ..
وقيل انها شاعرة حقيقية لكن خوفها من عائلتها هو الذي حال دون اظهار اسمها ..
لكن رحلت المبدعة الشاعرة الكبيرة التي استطاعت ان تصل الى قلوب الناس ببساطتها
وقربها من قلوبهم ومن معايشة حياتهم واوضاعهم ..

°•..•° عــــــابرة سبـــــيل °•..•°
كتلة الاحساس والمشاعر اللتي كالجبل المتدفق منه ينابيع وشلالات تسربت من بين صخور الشموخ والمعاناة ..

°•..•° عــــــابرة سبـــــيل °•..•°

من ارووووع الشاعرات بنظري ..

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حان الفراق .. وتم توديـع غاليـن=قسوة زمن وظروف ماهي رحومـه
وحاولت ابدّل موقف العسر بالليـن=وأبيـن قدامـه جسـور ظلـومـه
وأعاتبه وأنقد علـى دمعـة العيـن=وانا - حشـا لله - مانـي ألومـه
وأقـول هـذا حـال كـل المحبيـن=وهذا الفراق الـي تجينـا علومـه
ومسكت نفسي كن ماصايـر شيـن=أخشى على خلـي يشقق هدومـه
ثم قلت وش تنطر حبيبي لهالحين؟ !!=أثـر ايدينـي ماسكـات كمـومـه [/poem]
°•..•° عــــــابرة سبـــــيل °•..•°

[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضايقه بالحيل محتاجه اشتكـي=لولا طبع فيّ .. يمديني شكيت
بس أدور عذر منشان البكـي=لو يدوسون بطرف ثوبي بكيت
كل ماجيـت اتريـح وارتكـي=يزدحم في خاطري الفين بيـت
ويش بيدي افعله غير الحكـي؟=قاصره خطوات رجلي لو مشيت
أسرعي يانفس موتي واهلكـي=صرتي همي يوم بالدنيا شكيت [/poem]

°•..•° عــــــابرة سبـــــيل °•..•°

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تسافر وتتركنـي أجاهـد غـلاك=كل شـي يهـون إلا جهـاد الغـرام
أما تبقـى معايـا أو اسافـر معـاك=لاتخلينـي لطـوال الليالـي طـعـام
خوفي البعد لامنـه خـذاك وطـواك=مثل قصـر تـولاه الزمـن والهـدام
لا تسافر وانا اللي في رجا الله ورجاك=!! لاتسافـر وتلقانـي بقايـا حطـام [/poem]
°•..•° عــــــابرة سبـــــيل °•..•°

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليتنـي البارحـه ياغالـي ماسريـت=يم درج ٍ مقفـل مـن قديـم السنيـن
أشهد اني فتحتـه وانتحبـت وبكيـت=شفت ماهيض الجرح القديـم الدفيـن
شفت وسطه رساله وليتنـي ماقريـت=بيت شعر قديم وظرف مـع صورتيـن
اشهد انـي لغيـره بالغـلا ماعطيـت=واشهد انه بغاني مير ما مـن عويـن
صحت من قلب ياويلي على اللي هويت=وقمت امسح دموعي من يسار ويمين
لاطرالي حبيبي بصوت واطـي حكيـت=!! إنا لله .... وإنـا للولـي راجعيـن [/poem]

°•..•° عــــــابرة سبـــــيل °•..•°

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يمه .. يايمـه .. فديتـك لاتخلينـي=بعثرني الهم وأبغـى يديـك تجمعنـي
يمه افهمينـي تـراك ان مافهمتينـي=مافيه شخـص بهالدنيـا بيسعمنـي
ماعدت انا طفلتك.. كبـرت شوفينـي=خليك يمي تـرى الاطمـاع تتبعنـي
لاتدللينـي .. أبـي منـك تدليـنـي=وابـي ايديـك تداعبنـي وتصفعنـي
ولا انهد حيلي أبـي عطفـك يقوينـي=ياما كلامك علـى الشـدات شجعنـي
وان جيتك ابكي .. ابي منك تهدينـي=مابيك تبكين .. أبغى العقـل ينفعنـي
يامملكة عطـف ياعطـر الرياحينـي=براثـن الهـم والهوجـاس تلسعنـي
بسمتك عندي الا من ضقـت تكفينـي=وارضاك عني عن الاحزان يرفعنـي
اسمى العلاقات تربـط بينـك وبينـي=ياللي احضانك ان ضاق الكون تاسعني
لك احترامي وحبي والوفـا .. فينـي=وفيك اروع الحب مايخطي ويخدعنـي [/poem]

°•..•° عــــــابرة سبـــــيل °•..•°

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لي صاحبٍ منه تبي تطلـع الـروح=خبلٍ ومن هي مولعه فيه .. خبله
عامين المح له من الجد ومزوح=واقـول ياعنتـر تناديـك عبلـه
طال المدى ثم قلت انا اغليك يالوح=مجروحه جرحٍ مخاطـره عجلـه
دنق وقال آنا من العام مجـروح=وأشر لجرحٍ مبطي وسـط رجلـه[/poem]

يتبع

17-06-2011, 01:58 PM

الاخت الفجر استمتعنا بما اوردتي واوردوا الاخوة في هذا المتصفح الاصيل والجميل

هذه مشاركة من قوافيهن :

هذه القصيدة للشاعرة/ عائشة بنت سعيد بن شليويح من قبائل العبيدات من غامد
وكانت ترعى ابل والدها وقد رحلو الى جبال الحجاز بحثا عن الرعي وقد ذكرت ان ابلها حفيت من المشي في الجبال ولانها متعوده على الرعي بالارض المستويه والقيعان ، فلقد غضبت راعية الابل من حال ابلها وتوقفها عن الرعى بالجبال وحنينها الى ديرة عقيق غامد فأنشدت هذه القصيدة

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياذودنا من جبال الحجز مـــاجوره= ترجي الله ونو الصيف ينقادي
بالعون من موقفك ماني بمسروره=والهم وسط الضماير له توقادي
يالله بنوءٍيعم البر وبحوره=يهل وبله ليا دندن برعادي
فلا من عشبه زفا ثم طالت ازهوره=فلا عادلك في بلاد الحضر مقعادي
كل على هوايته ينقاد مظهوره=وانا هواىه خشوم القرن من غادي
القرن مربى الذياب ومدهل اصقوره=والقاع مربى الضبا مدهال الاذوادي
ديرة رجال لهم وقفات مشهوره=والنعم ياعزوتي يالاد عبادي
هل بندق في الملاقا يشتبك ثوره=فيما مضى محتمين الضلع والوادي
واليوم كلٍ تقدم واكتمل دوره=حتى الثعل في طويلات الحجا بادي[/poem]

17-06-2011, 02:25 PM

المشاركة الأصلية كتبت بواسطة الفجر البعيد

هلا اخوي عبدربه

بالنسبه للبيت الذي ذكرته هو بيت من قصيده لزوجة الشيخ وديد بن عروج شيخ بني لام ولم يذكر اسمها
وللبيت قصه وهي أن الشيخ وديد بن عروج قد أشتهر بالمغازي الكثيرة وكان لديه ذلولا أصيلة ولكنها دائما ضعيفة وهزيلة الحال لكثرة غزواته عليها
وبعد موته تقدم أخوه لزّام للزواج من أرملة أخوه لحفظ الأبناء وتربيتهم
وتم الأمر إلا أن الفرق بين الالاثنين كان كبيرا في نظر الزوجة ، فـ لزّام لم يظهر له فعل كأخيه وديد
وقد زاد حزن الزوجة عندما رأت الذلول الهزيل وقد تغيرت أوصافها وتبدل حالها فمن بعد الهزال بان الشحم عليها
وفي احدى المرات عاد الراعي بالإبل فإذا بالذلول (تهدر) وكأنها جمل
فتذكرت زوجها السابق الشيخ وديد وغزواته وقارنت بين حياتها تلك وبين حياتها الحالية
مع أخيه لزّام فقالت

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يا عايد علـى كـل مضمـاه=يا مخضر الأرض الهشيم المحايـل
أنت الكريم ورحمتك مـا نسيناه=تروف باللـي دوم عينه تخايـل
تلطف بمن كن عينه مـداواه=اللـي بقلبه حاميات المـلايـل
ألوج مثل أيوب مـن عظـم بـلواه=واسهر إلى ما يصبح النجـم زايـل
على حبيـبٍ كـل ماقلـت أبنسـاه=لذكره تفطني مـن الهجـن حايـل
ليا نسيتـه ذكرتنـي بطـريـاه=شيبا ظهر من عاصيـات الجلايـل
يلتاع قلبي كل مـا أذكـر سوايـاه=كمـا يلـوع الطيـر شبك الحبايـل
لا واحبيبي سبع سنيـن فرقـاه=عليه أنـا قضيّـت كـل الجدايـل
لا واحبيبي يتلف الهجـن ممشـاه=ليا بغـى لـه نيـةٍ مـا يسايـل
لا واحبيبي يسقي الربع مـن مـاه=دليلهـن لا ضيّـعـوه الـدلايـل
لا واحبيبي يرعب الهجـن بغنـاه=من كثر ما يوحيـه ليـل وقوايـل
لا واحبيبـي كـل قـومٍ تنصـاه=تلقـى ربوعـه طيبيـن القبـايـل
لا واحبيبي تدفـق السمـن يمنـاه=ياما ذبح من بيـن كبـشٍ وحايـل
لا واحبيبـي وافيـاتٍ سجـايـاه=عليه غضـات الصبايـا غلايـل
لا واحبيبـي دوم للعفـن متـقـاه=يـامـا كلنـه مدمجـات الفتايـل
لا واحبيـبـي بـيـن ذولا وذولاه=خلـي بوجـه معدليـن الدبـايـل
لا واحبيبي طـاح يـوم الملاقـاه=بنحور غلبا فـوق غـب السلايـل
لا واحبيبي طيـر شلـوى تعشـاه=قطاعة المهجـة سناعيـس حايـل
يا عارفين وديد يا طـول هجـراه=يا ليتني بوديـد مـا أبغـى بدايـل
أخذت أخوه أبي العوض ذاك من ذاه=والبيت واحد مـن كبـار الحمايـل
عنـدي مثيلـه واحـدٍ كنـه إيـاه=عليه من توصيـف خلـي مثايـل
الـزول زولـه والحلايـا حلايـاه=والفعل ماهو فعل وافي الخصايـل [/poem]

ولسوء حظ الزوجة فقد سمعها زوجها لزّام ولم يشأ أن يعاقبها
إلا بعد أن يجعلها ترى فعله وشجاعته وبالفعل قام باعلان المغزى
وطالت غزواته وكان كلما كسب شيئا أرسله إلى قومه وهو ماضٍ في غزواته
وقد أنشد هذه القصيدة :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

أنا ابن عروج وهاذي سواتـي=موصل سمان الهجن شنٍ ما يجنه
خمسين يومٍ والنضـا مقفياتـي=مع مثلهن وهن علـى وجههنـه
نمشي النهار وليلنا مـا نباتـي=كم ذود مصلاحٍ امنيـسٍ خذنـه
من ظن فينا الطيب شافه ثباتـي=واللي هقى فينا الردى ضاع ظنه
كم من صبيٍ عشقةٍ للبناتـي=عقب التعجرف بدّل الضحك ونه
استاخذ المذهول عاف الحياتـي=هو ما درى إن الهجن بيوصلنـه
من فوق هجنٍ من فحلهن خواتـي=غيب الصبايا الخافية يظهرنـه [/poem]

ولما رجع من غزواته كانت ذلوله في حالة يرثى لها من شدة الاعياءوالهزال
ويقال أنها بركت قبل أن تصل إلى البيت ، فأمر زوجته أن تذهب لإحضارها وكان يمشي خلفها
يريد ان يعاقبها على ماقالت وهي لم تكن تعلم بأنه يمشي خلفها فلما رأت الذلول
على تلك الحال قالت هذه القصيدة التي كانت سبباً بعد الله في نجاتها من خطر لم تكن تعلم عنه :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا بكرتي وش علـم حالـك ضعيفـي=أشـوف حيلـك وانـيٍ عقـب الأردام
عقب الفسـق ومهـادرك بالمصيفـي=ومصـاول القعـدان مرباعـك العـام
عقـب الاباهـر والسنـام المنيـفـي=صرتي كما المفرود مـن فعـل لـزّام
قطـع عليـك ديـار قـومٍ تخيـفـي=تسعين ليله راكـب الهجـن مـا نـام
أقفى عليـك مـن الحساء للقطيفـي=لحوران والحـرة إلـى نقـرة الشـام
وتدمـر وصلهـا وخمّهـا مستخيفـي=واشبيـح والضاحـك وقديـم الأقـدام
وأخـذ عليـك اذواد جـوٍ مريـفـي=وضحك كما برق الحبـاري بالأكـوام
يزفهـا يـقـداه مشـيـه هريـفـي=واقفى عليهـن متلـف الهجـن لا قـام
وعادوا على العارض ركيـبٍ يهيفـي=يتلون ابـن عـروج مقـدم بنـي لام
زهابهـم حـب القـرايـا النظيـفـي=وسلاحهـم صنـع الفرنجـي والأروام
ياما انقطع مع ساقتـه مـن عسيفـي=ومن فاطرٍ مشيه عـن الجيـش قـدام
عقـب الشحـم وملافخـه للرديـفـي=قامت تسندر مثـل مبخـوص الأقـدام
تـوي هنيـت وطـاب بالـي وكيفـي=من عقب ضيمي صرت في خير وأنعام [/poem]

تسلمين يـ الفجر

قصة رائعه وشعر جزل يستحق الحفظ والأشاده
لـ القصص القديمه والشعر طعم آخر ونكهة خاصه..فيها شموخ ومواقف ذربه

موضوع مميز,’’

17-06-2011, 02:52 PM

..

موضوع " اكثر " من رآئع ..

ومتصفح " يشبع " الذائقه بالفعل ..!

الغالية " الفجر البعيد " راقية الى ابعد الحدود ..

و .. فكرة " مميزه " يا مبدعه ..

تقديري..

..

18-06-2011, 12:12 PM

عــــــابرة سبـــــيل

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياخبلي الغايب متى ترد للعين=متى اشوفك او تجيني رساله
صحيح بالدنيا خبولٍ كثيريـن=لكن خبالك ياحياتـي لحالـه [/poem]

عــــــابرة سبـــــيل

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلون اعيش العابرة دون عنوان=طيفٍ يمر بلا رقابـة وحـارس [/poem]

عــــــابرة سبـــــيل

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أبكسر الاغلال واعيش حـره=بصنع قراري وكل شيٍ بيدي
مليت من صبرٍ عطاني مضره=أعيش في عصرٍ لجدّان جدي[/poem]

عــــــابرة سبـــــيل

وما دمت أنا متعافية ما زلت في سن الربيع=مهما يكن حجم العمل أرفض وجود الخادمه

عــــــابرة سبـــــيل

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يسألوني عابـره ويـن الجديـد=والاجابه ضايقـه فينـي ملـل
راحت ايام السعـاده والقصيـد=عشتها بيـن التكانـه والجهـل
كنت اروض شارد الحرف العنيد=ماعسرني لو بغيته فـي عجـل
فيه اصور لوعة الحـب الاكيـد=ومنّه(اشكل) ماحوى قلبي غزل
ومعه (اسافر) عن معاناتي بعيد=ولأجل حبه ماشحنّي من زعـل
احضنه (فرحة) طفل في يوم عيد=واسكنه (روض) الخزاما والنفل
واحتويته ليت لي (قلب ٍ) بليـد=ماعرف (فرق) الجزاله والهزل
والنهايه مابقـى عنـدي جديـد=واعذروني صارت ايامـي ملـل [/poem]

عــــــابرة سبـــــيل

كانت الراحلة الشاعرة المعروفه عابرة سبيل تكتب شعرا جميلا خلف ستار
الاسم المستعار ولكن هنا سنذكر بياناتها الحقيقية بعد اعترافها وكذلك اشياء
لم نكن نعرفها واليكم

l1اسمها الحقيقي وسميه العازمي( ام فهد ) من الكويت
2/ عمرها الحقيقي عند وفاتها43سنه
3/لديها اربع بنات وولدين
ولقد توفيت في تاريخ 18/ 3/ 2003م
الساعه العاشرة والنصف مساءا وقد ذكرعنهاانها انسانه طيبه جدا وهادئه وتكره الاعلام
والمفاجاة ان زوجها لم يكن يعلم بشاعريتها الا عندما اعترفت له بذلك اثناء مرضها

وزوجها هو من تولى طباعة ديوانها ورفظت
هي ان تستلم دينارا واحدا من مبيعاته وهذا دليل على روعه هالشاعر ة الطيبه رحمها الله

عــــــابرة سبـــــيل

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ترى الذبايـح واهلهـا ماتسلينـي=انا ادري ان المرض لايمكن علاجه
ادري تبـي راحتـي يابعـد عينـي=حرام ماقصرت ايديك فـي حاجـه
اخـذ وصاتـي وامانـه لاتبكينـي=لوكان لك خاطرن ماودي ازعاجـه
ابيك في ايدينك تشهدني وتسقينـي=وداعتك لايجـي جسمـي بثلاجـة
لف الكفن في ايديك وصف رجلينـي=ماغيرك احدن كشف حسناه وحراجه
ابيـك بالخيـر تذكرنـي وتطرينـي=يجيرني خالقي مـن نـار وهاجـه
سامح على اللي جرى مابينك وبيني=ايام امشي عـدل وايـام منعاجـه
اعيالي همي وانا اللي في يكفينـي=علمهم الديـن تفسيـره ومنهاجـه [/poem]
:
اللهم ارحمها وأسكنها الفردوس الاعلى من الجنه وأموات المسلمين

18-06-2011, 01:22 PM

•

موضوع مميّز ورغم قدمه لا زآل له صدآه الجميل ومتابعتنآ الاكيده له
شكراً لكِ " الفجر البعيد " على طرحه مسبقاً كوآحده من أهم النوآفذ لنا بنات حواء : )
والشكر لك " سمو " على تجديد حضور الموضوع ومشاركآتك المميزه به

ولي عوده ان شاء الله

20-06-2011, 01:33 PM

الف الف شكر اختي سمو على تجديد الموضوع

بمشاركاتك الرائعه بروعة تواجدك يالغاليه

والف الف شكر لجميع الاخوه والاخوات

الذين اعطو للموضوع جماليه وروعه بتواجدهم ومشاركاتهم الرائعه

يتصفح الموضوع حالياً : 1 (0 عضو و 1 ضيف)