( يا اغيب يا يعلن غيابه غيابك ! )

نص أحبه رغم قِـدَمِــه ..

وبما اني أحبّكم أحببت ان يكون هنا ..

:


[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا صاحبي نوّخ بقلبي مطاياك=خلّه بعَد ما مات منْك يْحَيابك
شف ( جرّته ) بالصدر يوم يْتحرّاك=( رايح وجاي ) وجابك الله جابك
لسان حال الخافق يقول : حيّاك=وانا لساني قال : يا مرحبابك
كتبت بَعدِك بيت ما اظن لولاك=ابكتب احسن منْه بيت بجنابك
الوقت يا سرعه ليا كنت ويّاك=هو ليه ما يبقى سريع فغيابك؟
فلا تقول من شوقي بديت آتباطاك=شوف الشجر وشلون صار امْتشابك
يمناي تتوجّد على لمس يمناك=ولا تسكت إلا .. لا مسكت ايد بابك
وليا فتحته يفتح البال شبّاك=للذكريات .. وأسمع احرف جوابك
يوم اني اسأل ليه ترحل وانا ابغاك؟=وتقول : طمّن قلبك افدى شبابك
تدري وش اللي صار يوم انك هْناك؟=تكالب ظروف الزمن ضدّ ايابك
سما انتظاري مظلمه وارضه اشواك=ويا كثر ما قيل اتركه ما درابك
وخذلت في جيّتْك هذي هذولاك=اللي يقولون اني اطرد سرابك
كن لهف عيني (هات) واقبالتك (هاك)=يا عمري اللي دلّ فيك وغدابك
سبّبت لأوزان الشعر بعض الارباك=يوم الشعر غصبٍ علي احتفابك
والحين خذ قلبي معك ودّه ايّاك=طمّنه .. ثم اعطيك بعده ( كتابك )
اللي قبل تقراه ..والحين يقراك=تعب .. سنه وانا اوعده باللقا بك
ومادام انا ويّاك بآضل ويّاك=يا اغيب يا يعلن غيابه غيابك![/poem]


: