, , [ . . عناويني ! . . ] , ,

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شوف التعب وشلون يستدرج الـ : آآه=من داخل اعماقي ليا حد فمّي
ياليت لو عندي معَ فمّي افوآآه=ياكثْر آهاتي .. وياكبْر همّي
من كثْر ماللحزن في داخلي جاه=اصبح مشاركني فـ /لحمي ودمّي
اوّاه لامنّه تلوّابي اوّاه=كنّي بيدّيني تجرّعت سمّي
يامر على قلبي بظلمه وينهاه=ويوجّه سهوم المعاناة يمّي
ولاعاد يبقى لأبتساماتي شفاه=والدمع يلقى راحته وسط كمّي
وان كان فيه انسان يسعفني دْعاه=لاشك تشرَح خاطري دعوة امّي[/poem]

,

[poem= font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على ويش اجامل خلق ربي واحابيها=تعبت آتصنع ضحكتي وابتساماتي
وانا لو بذلت الجهد لاجل انّي ارضيها=فلانيب مرضيها..ولا مرضيٍ ذاتي[/poem]

[mark=CC3366][ غازي المغيليث ][/mark]
.. شاعر يذهلني !!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الشعْر فكْرٍ فيه شي مْن الاعجاز=فكْرٍ بِكِر..فكرٍ بعيد المغازي
ترْميز وكنايه..مع اطناب وايجاز=مع باقي فنون البديع المجازي
ارض الخيال الحرْ..ميدان الانجاز=مدعاة فخر العُرْب والاعتزازي
شعر العرب ماهو حكايات والغاز=ابداعهم محشوم عن كل خازي
يرعاه شعّارٍ كريمين وعْزاز=شروا وريث الشعر والمجد [غازي]
ودك قصيدة لو يِبَرْوَزْ فـ /برواز=ويْعَنْوَنْ بـ [ شعرٍ نجح بأمتيازي ][/poem]

/

/

عودة للركن !!

[poem= font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من رضى عيش المهونه ويرضى بالهوان=لارِحِـمْ جـدّه يسمّـى ردي وابـن ردي
والجبان يعيش ويموت مذلـول وجبـان=وكف مايعطي يحرّم عليه اسـم (النـدي)
ايه يانفسي رفعتك عن وحُـوْل الطمـان=آمني في ظلّ راسـي وهيـدي وارقـدي
ايه ذقْت مْن الغرابيل وصـدوف الزمـان=ماعَصَر عيني وخلاّ يدي تصفـق يـدي
اثقلت متني حمولي وهالوقت امتحان=وقوّة ايماني حزامي وصبري مسندي
وايه لازلـت مْتـوازي وزان الحـال زان=دامني من بيت جـود وجـوادٍ واجـودي
لو تضيق الآرض لي في سما العليا مكان=جار لسهيـل اليمانـي وجـارٍ للجـدي
جدّي المصعوك عسكر زبـونٍ للسمـان=وبعده ابـوي بمناهيـج جـدّي مقتـدي
ويشهد الله جلّ شانه على قـول اللسـان=كان ماواصلـت منهاجهم-(تبّـت يـدي) [/poem]

استحضر احساسك الغايب ولو مرّه
وانا عشان آجرحك بغيّب احساسي
واشعر بجرح البعاد وجوره وحرّه
وتْعرْف وشلون اعاني منْك ياقاسي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اعذرينا يافلسطين اعذرينا=لاتخاذلنا وكفّينا يدينا
انّنا قومٌ نحبُّ المالَ جمّا=ونكره ان الموت في غفله يجينا
قومٍ نحب الطرب وليا طربنا=هاضت انفسنا من العشق وبكينا
لاهيين وحالنا مضحك ومبكي=امّةٍ بالجهل والذلّ ابتُلينا
ولا غرابه ذلّنا من بعد عزّه=من تركنا الدين مات العزّ فينا
وابتغينا العزّ في غيره وضعنا=وانجرفنا بالحضاره ثم غدينا
لا صلاح ولا فلاح ولا هويّه=لااجتماع ولاانتفاع بْما لدينا
روّحت خيراتنا لأعداء الامّه=والمصيبه شرّهم يضوي علينا
يافلسطين الأسى قولي لغزّه=نعتذر عن نصرها لاتحترينا
كيف ننصرها وحنا بالهزيمه=والمهونه والاهانه قد ضرينا
امّةٍ صرنا على التاريخ عاله=اشطبينا يالتواريخ اشطبينا
امّة المليار مسلم ذا عددنا=وفالمواقف لابدت لا تحسبينا[/poem]

المصوك / فالح


اسمح لي بشب النار فيذا

واصلح الدله

واطرب العين من جمال القلم

[ الغنامي / ضيف الله ] ,


شبّ النار , المحل محلك , وشرفتني بتواجدك يابعد راسي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالنايحه صدقيني مايفيد النواح=مايبري نْواحك المبحوح قلبٍ جريح
لاوالله الا اثبتي واستبشري بالفلاح=وزفّي شهيدٍ على جال الكرامه ذبيح
امواتك احياء منهم طيّب المسك فاح=هذا كلام الله / ونصٍ صحيح وصريح
ولاصار صبحك عتيم/وصار ليلك صباح=وارضك ثراها ارتوت من نزف دم الطريح
لاتجزعين وتنادين: ( المدد ياصلآآآح)=كمّ من صلاحٍ على عرشه قعد مستريح
خلّي هواة الصياح وْخلّي اهل النباح=مامنهم الفازع وْلافيهم ايّة نصيح
يغيثك الله ثم اهل الصبر والكفاح=رجالٍ شموخهم ماهزّه ادناة ريح
اجيالهم من قبل خمسين عامٍ رماح=في وجيه الاعداء / والرايه أبت لاتطيح
خمسين عامٍ تسوق الموت هوج الرياح=ويزورهم من جنان الخلد نفحات شيح
ارواحهم سلعةٍ بأبخس ثمن تستباح=والروح ماترخص الا بالجهاد الصحيح
وماينتهض للجهاد الا القلوب الصحاح=ولاَ ينال الشهادة غير وجهٍ فليح[/poem]

,


اسهر لعينك تغافلني وتنام ؟!

انت با اسلوبك معي وش نيتّك؟

ما ابي مّنك هيام ولا غرام

بس ابسأل وينْها انسانيّتك؟

بصدق عاملني تعبت من الملام

لو تعاملني على اني بنيّتك



. . لله درّ راعيه ,

ياللي خذيت القلب منّي وقفّيت ,

خذني معه ولا تكرّم وردّه , .

الحياة .. سخية بالهواء .. والماء .. والتراب ..

لكنها بخيلة بأهم الاشياء .. بخيلة بقلب رماك في أوطانة ..

وألفت السكنى فيه لكنهم عاقبوك بحرمانك من وطنك ..

لتبقى غريب مع ذات الهواء والماء وعلى ذات التراب


عبدالرحمن حمد العتيبي

,




لاشفت من ضيّقت صدرة ليال العنا

خصٍ ليا صار غالي ودي اتعب عنِهْ

انا هو , وهوّ لامن حدّه الضيق انا

وهوّ منّي , وانا وقت الشدايد منِهْ

تقول بردانه وانا اقول بردان
ـــــــــــ يعني كلانا ودّه بْحضن دافي

[mark=FFFFFF]******* مشفّر **********
ــــــــــ ******* مشفّر *********[/mark]

على [mark=993300]ظهري[/mark] حمَلْتك ياضناي بْما بقى من حيل
لجل لأاشتد عودك وانحنيت يشيلني [mark=993300]ظهْرك[/mark]

,

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حدّني ماحدّ غيري على بحور الخليل=العنا والضيق ومواجهة سود الليال
شبه حي وعايش بخوف واحساسي قتيل=وعن هجير الوقت مالي ملاذ ولاظلال
الدروب تضيق بي والشقا دربه طويل=للهلاك يسوقني لايمين ولا شمال
غايتي من دونها ياقف الحظ البخيل=وجملة آمالي توقّف على حد المحال[/poem]

بويتات جاءت على سبيل [ المزاح ] , وانتشرت في الشبكه العنكبوتيّه مؤخراً

وهذا الانتشار يضع امام الذائقه علامة ( ؟ ) ,

[ اضعها هنا للتوثيق وفكوني من المشاريه ياحبّاني ]








يابسكويتـه حلاهـا بالدلـع مـايـع
مات [الجلكسي] قهر ويموت [باونتي]

زينك طبيعي ومن شافك يجي طايـع
سكر نبـات وعسـل لـو ماتزينتـي

شقيق غصنٍ تثنّى , خصرك الجايع
عودٍ تثنـّى يليـن العـود لالنتـي

متسلطنه بالحـلا لـو الحـلا شايـع
سلطانك الزين وانتي بـه تسلطنتـي

بعض الحلا في مقاييس الحلا ضايـع
ولا الحـلا مـن مقاييسـه تمكنتـي

مصيونةٍ مايجيك الضايـع الصايـع
في منصب الطهـر والعفّـه تعينتـي

بين الغناديـر صيتـك بالحـلا ذايـع
ماأظن حاز الثنا والمدح غيـر انتـي

ماني بشاري حلاوٍ يعرضه بايـع
ودي بقطعة حـلاوه منـك لاهنتـي



* عبدالرحمن حمد + خالد السيحاني

متذري بكم بعد الله

آه يا ღقلبٍღ تسبـب فـي ضياعـي
ــــــــــ حب مـره بأندفـاع وراح فيهـا
راح شوقه والتياعه دون داعـي
ـــــ في غرام اللي عسى الله يبتليهـا
فتنةٍ لامن بغت تطوي شراعـي
ـــــ بس تضحك لي وتطلق حاجبيهـا
الهدب فعيونها للمـوت ساعـي
ــــ دون قاصر في توهّج جمرتيهـا
من بنات الايتيكيـت الاجتماعـي
ـــــ والبرستيـج ووحيـدة والديهـا
الآبو مسؤول فالبنـك الزراعـي
ــــ وامها بنت الوزيـر ومحتميهـا
ولا انا حال الفقر لاوي ذراعـي
ـــ واحمد الله حالتي ذي مرتضيهـا
مرخصٍ عمري لها واغلا متاعي
ـــ مخلص و لامن بغت حاجه تجيها
مادريت ان قلبها (نقلٍ جماعـي)
ـــــــ كل يوم الهـا علاقـه تبتديهـا
لعنبوها تمتلـك ღقلـبٍღ صناعـي
ـــــ وكل يوم يموت ღقلبٍღ فـي يديهـا

,

اهداء لكل من يشرفني بمروره ( دعواتكم)


.

,



فـ / ارض الخيال .. احط رحل الاحاسيس
ــــــ والقى بها عن واقع الهم [ منفى ] !



,

.

.


[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
على وين رايح ؟ - ياحبيبي - وجاي منين؟=سؤالين لايمكن تمرّك من لساني
ليا جيت سكّنتك خفوقي ونون العين=ولا رحت منت اوّل ولا آخر من اشقاني
عساك اتّوفق في حياتك .. وقول: آمين=عسى مايحبّك مثلي انسان ويعاني[/poem]


.

.

[poem= font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عزالله انك زعيم الذوق يافالح = في اي بي الجزاله ركنك الراقي[/poem]