ياعيال ماعمر المعزّب ولاكــم

بسم الله الرحمن الرحيم

هذي قصه رجل من البادية يقال له ( جحيش بن مهاوش ) توفيت زوجته وله مجموعة من الأولاد الذكور قيل أن عددهم أربعة ، وأحب تربيتهم التربية الصحيحة ، حتى أنه رفض الزواج من امرأة أخرى خوفا من أن تنكد عليهم حياتهم وتفسد عليهم معيشتهم ، ولقد كان من حرصه عليهم أنه يذهب إلى البر بحثا عن الصيد فكان كل يوم يذهب ويصيد لهم ما شاء الله من الأرانب والريم وغيرها من الحيوانات والطيور ، وكان إذا جلس معهم على الغداء أو العشاء يحرم نفسه من اللحم من أجلهم ، وكان من حبه لهم مايتركهم يسرحون مع ابل او غنم ربعه وجماعته بالكروه كما هو المعتاد عندهم في ذلك الوقت ومرت الأيام والسنون وكبر الأبناء ، وتزوجوا ،وأصبح والدهم غير قادر على خدمة ورعاية نفسه ، فأخذه أحدهم عنده ، ولكن زوجته ملت من والده وأمرته أن يذهب به إلى دار أخيه فلان ، وفعلا أخذه استجابة لطلب زوجته ، وذهب به إليه ، حتى أصبح كل واحد يرمي به على الآخر وفي النهاية قيل انهم شدوا وتركوه وكان يتبعهم على الجره وكل مامشى مسافه لقا اثار نارهم ولاّ وجد اثر منازلهم وعندما أحس بأن أبناءه لايرغبون فيه وتنكروا لجميله استجابة لزوجاتهم عاد إلى دياره حتى توفاه الله ، وقيل بأنه دعا على أبنائه قبل مماته ، بالحرمان من الأولاد ، وفعلا ماتوا جميعا دون أن يرزقوا بأولاد ، رحم الله جحيش بن مهاوش ، وغفر له ، وأسكنه فسيح جناته ، وإليكم هذه القصيدة التي قالها قبل وفاته :



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قال الذي يقرا بليّا مكاتيـــب = ياللي تقرون العمى من عماكــــم
ياعيال ياللي تشرفون المراقيـب = تريضوا لي واقصروا من خطاكـــم
خذوا كلام جحيش مابه تكاذيــب= مثل السند مضمون للي وراكـم
ياعيال وان صرتوا ضيوفٍ معازيــب= ترى الكلام الزين ملحه اقراكـم
ترى البلاسة من كبار العذاريب = ترى البلاسة ماتطوّل لحاكـم
تصير بعيون الرفاقة تقل شيــب = لامنه أقبل قيل هذا بلاكم
المذهب المذهب ترى المذهب الطيب = ترى ردى المذهب يبوّر نساكم
ياعيال ماسرحتكم للمعازيــب = ياعيال ماعمر المعزّب ولاكــم
ياعيال ماضربتكم بالمشاعيب = ولا سمعوا الجيران لجة ابكاكـم
ياما تمعّرت الخلايق تقل ذيـب =من خوفتي يقصر عليكم عشاكــم
أحفيت رجليني بحامي اللواهيـب = وخليت لحم الريم يخالط غداكم
واليوم شوفوا لحيتي كلها شيـب =وشوفوا محل اتخوضعي في ذراكم
قمت أتوكا فوق عوج المصاريب = وقصرت اخطايه يوم طالت اخطاكـم
ياعيال لي والله عليكم مطاليـب = عطوني القرضة جزا ما عطاكــم
خوالكم ياعيال هم ماكر الطيـب = ياعيال مادري هالردى منين جاكم
ياعيال ياعيال الخنا كلكم عيــب = ياللي على الوالد كثيرٍ لغاكـــــــم
قصيتكم واسندت وادي سلاحيب = ولقيت بالصبخا مدافيق ماكــــــم
ياعيال بعتوني بصفر العراقيـــب = ماهي حقيقة سود الله اقراكـــــم
أطلب عسى نساكم ماتحمل ولاتجيب = وتغيب شمس الصبح ويغتم سماكم
ولابد ماهو عاويٍ دوني الذيـــب = بالقبر مفرق طيبـــــــكم من رداكم[/poem]


..

قصه عجيبه يابو مروي ..

وهم حصلوا جزاهم بالدنيا والله العالم وش باقي لهم !!

والا القصيده يوقف لها شعر الراس

لاهنت يا ياسر

ياسر العتيبي


لاهنت

لاحول ولا قوة الا بالله


اللهم اجعلنا ممن يبرون بوالديهم


والله انها قصه وقصيده توقف شعر الراس


مار الله يتولاهم ويتولانا مغفرته

وسلمت على ايراد القصه والقصيده


غيمار

أعوذ بالله منهم ومن حالهم ..

سلمت وسلم اختيارك حبيبي ياسر



سلام’ عليكم

[align=center]لا حول ولا قوة الا بالله

تسلم أخوي ياسر على نقل القصة والقصيدة

وبالمناسبة القصيدة هذي مؤثرة لدرجة إن الأستاذ ابراهيم الخالدي اوردها في مؤلفه (المعلقات النبطية) من ضمن مائة قصيدة تستحق تسمى (معلقات)

طبعاً في كتاب الخالدي عدد ابياتها (29) بيت .. وبما ان فيه اختلاف في الرواية اسمح لي أخوي ياسر أذكر القصيدة بحسب كتاب الخالدي زيادة للفائدة:[/align]
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قال الذي يقرا بليّا مكاتيب=ياللي تقرّون العمى من عناكم
يا عيال ياللي تشرفون المراقيب=تريّضوا لي واقصروا من خطاكم
خوذوا كلام الصدق مابه تكاذيب=مثل السند مضمون للي وراكم
يا عيال لا صرتوا ضيوف ومعازيب=ترى الكلام الزين ملحة قراكم
وترى السبابة من كبار العذاريب=وهرج البلايس ما يطوّل لحاكم
المذهب الطيب ترى مذهب الطيب=المذهب الخايب يبوّر نساكم
يا عيال ما سرّحتكم باللواهيب=يا عيال ما عمر المعزّب ولاكم
يا عيال ما ضرّبتكم بالمشاعيب=ولا سمعوا الجيران لجّة بكاكم
من حبّكم أرطّب القلب ترطيب=يفز قلبي يوم يبكي حداكم
ياما تسلوعت القبايل تقل ذيب=من خوف لا يقصر عليكم عشاكم
احميت رجليني بحامي اللواهيب=وخلّيت لحم الريم يخلط عشاكم
وياما قطعت من الفيافي العباعيب=أجيب من صيد البراري غذاكم
واليوم هذي لحيتي كلها شيب=هذا زمان قعودنا في ذراكم
يا عيال بعتوني بصفر العراقيب=ماهي حقوقي سوّد الله قراكم
قمت اتوكا فوق عوج المصاليب=قصرت خطانا يوم طالت خطاكم
يا عيال من حقي عليكم مطاليب=ردوا لي القرضة جزا من جزاكم
ماني بفاضحكم بوسط الاجانيب=باعمالكم يدرون كل اقرباكم
لو كان تدرون الردى والمعاييب=صرتوا مع المخلوق مثل اخوياكم
المنسب الطيّب ترى المنسب الطيب=المنسب الطيّب يزكي خفاكم
خوالكم بالطيب تروي المغاليب=ولو تتبعون الجد محدٍ شناكم
وش علمكم يا تاركين المواجيب=حسبي عليكم هالردى وين جاكم؟
يالله عسى اعماركم شمسها تغيب=ويعتم قمركم ثم تظلم سماكم
يا علّكم في حاميات اللواهيب=ياللي على الوالد كثيرٍ لغاكم
نصحتكم واسندت وادي سلاحيب=لقيت بالصبخا مدافيق ماكم
الناس تدري بالردى والمعاييب=لا اقبل حديكم قيل جاكم بلاكم
شفت الجفا والحيف والغلب والريب=بطلوعكم لا بيّض الله قراكم
إخسوا خسيتوا ياكبار اللغابيب=إهبوا هبيتوا يقطع الله نماكم
عسى نساكم ما تحمّل ولا تجيب=ولحدٍ من ا لبزران يمشي وراكم
صيّور ما هو عاويٍ بيننا الذيب=بالقبر ما افرق طيبكم من رداكم

جحيش السرحاني

وسلامتكم[/poem]

هلا اخوي ياسر
الف شكر على هالنقل الرائع والشكر موصول للاخ بداح
بصراحه قصه توجع القلب وقصيده جداً مؤثرهـ

طلال الجميلي


هلا بك وهلا بمرورك الرائع

لاهنت طال عمرك

..

ياعيـال ماسرحتكـم للمعـازيـب
ياعيـال ماعمـر المعـزّب ولاكـم

ياعيـال ماضربتكـم بالمشاعـيـب
ولا سمعوا الجيـران لجـة ابكاكـم

ياما تمعّرت الخلايـق تقـل ذيـب
من خوفتي يقصر عليكـم عشاكـم


/
/

.


الله الله الله


ياسر والله انها من القصص والابيات اللي تدمع لها العين
نسأل الله السلامة


لاهنت على ايراد القصة والقصيدة
دمت بخير

يا حبّي لك وحبّي لـ مواضيعك

قصيده كايفه ورائعه

لاهنت على النقل وسلامي عليك

عبدالله الرقيب

لاهنت على مرورك ومشكور

نايف المقاطي

ياهلا ويامرحبا بك

كل الشكر لتواجدك وردك

عبدربه

هلا ومرحب وربي يسلمك ويبارك فيك

مشكور لحظورك وردك

بداح السبيعي


الشكر مايوفيك حقك .. كل الشكر على التوضيح الرائع

ومنك استفيد يااستاذي


تحياتي لك

الفجر البعيد

هلابك اختي

وكل الشكر لمرورك وردك

ابو محارب

ابرك الساعات يوم جبتها وانت تدورها




مشكور لمرورك وتحياتي لك

فراج القرقاح

هلا يابو مشعل

ولاهنت على مرورك وردك الرائع

بدر العتيبي


وياحبي انا بعد لك ولابداعك

سلامي عليك وشكري لك على مرورك

-


ياعيال بعتونـي بصفـر العراقيـب
ماهـي حقيقـة سـود الله اقراكـم
أطلب عسى نساكم ماتحمل ولاتجيب
وتغيب شمس الصبح ويغتم سماكـم
ولابد ماهو عـاويٍ دونـي الذيـب
بالقبر مفـرق طيبكـم مـن رداكـم


، الله يرحمه ويسكنه فسيح جناته ، فعلآ هذي هي عاقبة عقوق الوالدين



شكرآ من القلب يابو مروي قصه وقصيده فيها من العبر الشي الكثير



تحياتي

لاحول ولا قوة الا بالله


والله انها تحرك المشاعر اللي داير حولها

ياما تمعّرت الخلايـق تقـل ذيـب
من خوفتي يقصر عليكـم عشاكـم


هذا والله الرجل




لاهنت ياياسر


وحبلي خشمك جدا

ياعيـال ماسرحتكـم للمعـازيـب
ياعيال ماعمـر المعـزّب ولاكـم
ياعيـال ماضربتكـم بالمشاعيـب
ولا سمعوا الجيـران لجـة ابكاكـم
ياما تمعّرت الخلايـق تقـل ذيـب
من خوفتي يقصر عليكـم عشاكـم
أحفيت رجليني بحامـي اللواهيـب
وخليت لحم الريـم يخالـط غداكـم
واليوم شوفوا لحيتـي كلهـا شيـب
وشوفوا محل اتخوضعي في ذراكـم
قمت أتوكا فوق عـوج المصاريـب
وقصرت اخطايه يوم طالت اخطاكم
ياعيال لـي والله عليكـم مطاليـب
عطوني القرضة جزا مـا عطاكـم

لاحول ولاقوة الابالله

ياشين نكران الجميل واللي اشين منه العقوق

قصه مؤلمه وقصيده كذلك

لاهنت يابو مروى

محبتي واحترامي ياغالي

اخوك

الله يرحمه ويسكنه الجنه ويعوضه في الآخره

وعزالله انها توجع يابو مروي

لا هنت على القصه والقصيده