النايفه ... مصافحه أولى بعد الانقطاع

[align=center]مساكم الله بالخير


أتمنّى أن ترتقي إلى ذائقتكم[/align]


[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
يالنايفـه هالـورد يشكـي طايـفـه=لو الهموم صدور وحروفـي سيـوف

شاعرك شاعر لـو طغـت حسايفـه=ما يكبح جماحه من المجهـول خـوف

قـدر ولانـي يالعـزيـزه عايـفـه=ريح الغوى تلوفني في صمـت لـوف

يالنايفـه بالله مـا انـتـي خايـفـه=من غاويٍ يرسـم ولا يقـدر يشـوف

لملـم شتـات الحـزن فـي طرايفـه=بعثر الوف ولاح فـي سمـاه الـوف

زلزل ركـون الكـون فـي خفايفـه=واقف وخلق الله على فكـره تطـوف

يالنايفـه وش يختـصـر هالنايـفـه=والقلب ينزف غي وعروقي حـروف

اعشق!! صحيح اعشق وروحي هايفه=يا سرع ما يجذبني الحسـن العيـوف

اقطف له اندر وصف مـن وصايفـه=حتى تشوف عيونه اللي مـا تشـوف

واذا تـصـدّر خافـقـي ولايـفـه!=علّمته ش تعنـي للاحبـاب الحلـوف

ووشلون يضحـك لا همـت ذرايفـه=ووشلون يعشق شخص ما هو بمعروف

يالنايفـه ... يالنايفـه ... يالنايـفـه=ولو اكشف الواقع بتذرف لـي ألـوف

يالغاليه ما هـوب انـا اللـي شايفـه=ملح الصراحه ذاااب في بحر الظروف

وان قلت لك كـل المشاعـر زايفـه؟=قولي كذب شاعر ولا خانت حـروف [/poem]


[align=center]تلميذ الجميع

حمود المخلد[/align]