اول سنه مرت عليه بلياك 00 ياشينها من بد كل السنيني ----- الرثاء الرابعة

اليكم هذة المتواضعة وهي رثاء في الولدة رحمها الله وجميع المسلمين وتعتبر رابع مرثيه

اليكم
[poem=font="Simplified Arabic,4,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
أول سنـه مـرت عليـه بلـيـاك=ياشينها مـن بـد كـل السنينـي
ما كنت احسب انه كذا مر فرقـاك=ياشيب عيني منه ياشيـب عينـي
ياكثر مانسى وانشغـل واتحـراك=انسى الحدث واعيش هاك الحنيني
أيـام لاغبتـي دقايـق فقـدنـاك=قمنـا انـدور عنـك متضايقينـي
نسرح ونمرح في حياتـك ودنيـاك=رغم الشطانه مااذكـر اتهاوشينـي
انتي ابونـا وامنـا مـن عرفنـاك=مااذكـر رقدنـا ليلتـن جايعينـي
والله مانسى بوكك اللـي ابمخبـاك=من كثر مااذيتـك بيمـه عطينـي
واصحى من اوهامي وافكر بماجاك=واقـول لايمكـن بعدهـا تجينـي
ويضيق صدري وانتحب عند ذكراك=وابكي ويبكي كل من حـس فينـي
أنا اليتيم اللي خذا منـك مااعطـاك=مغنيـك ربـي قبـل لاتعرفيـنـي
ماجاك مني غيـر تقبيـل يمنـاك=شعطي وخيرك كـل مافـي يدينـي
لو تنهدى الأعمار قدمت لرضـاك=عمري وكل اللـي ملكتـه يدينـي
والله لفدي كـل عمـري لماطـاك=واني لوصي فيـك حتـى جنينـي
مافي يدي حيلـه ولانـي بويـاك=الا دعــا الحيـيـن للميتيـنـي
عسى الولي من لاهب النار ياقـاك=انتي وابـوي وجملـة المسلمينـي
ويرفعك في جناة عدنـن ويرعـاك=وانا يجي لي في فراقـك عوينـي [/poem]