(( أكذب على نفسي إذا قلت بنساك ))

أكذب على نفسـي إذا قلـت بنسـاك
وأكذب عليك أن قلت لك روح مابيـك
أزعـل واعانـد وابتعـد وتـحـداك
يوميـن والثالـث بصوتـي اناديـك
اجيك خاضع (سيدي) تحـت يمنـاك
مثل (العبيد) اللي بحكـم (المماليـك)
يجيبني (شوقـي) و(حبـك) وذكـراك
و(همسك) و(ضحكك)و(التدلع) وطاريك
من كثر حبي لك ومن كثر ما أبغـاك
حتى وانا (مجروح) بالحيـل أداريـك
اتحمّل جروحك وأدوّر علـى ارضـاك
وأمشي علي كيفك وأتابـع خطاويـك
أضحك لضحكاتـك ويبكينـي ابكـاك
ويضيق بالي لا لمحت (الحزن) فيـك
ماتدري أن (الروح) و(المال) يفـداك
وأن (السعـاده) كلهـا بيـن أياديـك
لو شفت حالي يا (الغلا) عقب فرقـاك
ماغبت عن (عاشق) جنابك ومغليـك
(عاشق) كتب (قصة غرام) بزوايـاك
وابدع بوصفـه فـي كتابـة معاليـك
يسهرك ليل أن مـر فالبـال طريـاك
ويلبسك حزن أن جات ذكرى لماضيك
تعال خل (الهجـر) لا يضيـع مبـداك
وأرفق بقلـب ن كـل ليلـه يناجيـك



ارحب ارحب ياخالد


وصح لسانك مدد


تحياتي

أن قلت لك بنسـاك مـا والله أنسـاك
وأن قلت لك ما أبغاك لا والله أبغيـك


على قولة تركي والله عقب هالقصيده اذا مارجعلك ماعنده سالفه


صح السانك ياخالد كتبت وامتعت

كل الود