مرحبا ترحيبةٍ يبقى غلاها من غلاها

السلام عليكم

مساكم الله بالخير جميع...

هذي بويتات ترحيبيّة نقابل بها كل ضيف يشرفنا في الإستراحة ( استراحة الشباب ) .. سويتها وتم تكبيرها ووضعها في المجلس.


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرحبا ترحيبةٍ يبقى غلاها من غلاها = ما تساق إلا على نخبة مقاديم السرايا

ومرحبا ترحيبةٍ يبقى بعد قيلت صداها = باللسان تقال لكن .. جات من بين الحنايا

ومرحبا ترحيبةٍ لو جات لاحدٍ .. ما عطاها = لانها تاصل بقيمتها مقامات العطايا

جيت والحلّة تباها بك .. ورحّب بك بناها = والهدب فرشك .. ونورك عندنا بيض النوايا

اجتمعنا بالوفاء والناس يحكمها وفاها = ولا يطيح البيت لا قامت على العزّ الزوايا

من سلايل لابةٍ ما خيّب المولى رجاها = ما تغيّرها الدهور .. ولا تخوّفها المنايا

الضيوف تضمّها بالجود وتكرّم لحاها = والضدود تضدها بسيوف وعزوم و سوايا

سلمها معروف وإن حد الزمان احدٍ علاها = والله ليبشر بفزعات الرجال أم الحكايا[/poem]


وسلامتكم