(رثاءٍ في والدي رحمه الله)

.


أصدق الشعر المراثي

و أكثرها وجدانية رثاء الوالدين

الفخر صقر المعتاد

صح نبضك و رحم الله والدك وجعله في عليين


.

المشاركة الأصلية كتبت بواسطة عبدالله المرشدي

صقر المعتاد


صح لسانك

وعلى شانك
ورحم الله والدك واسكنه فسيح جناته

وغفر الله له ولنا اجمعين

تحيتي لك

...............................
الاخ عبدالله الله لايريك مكروه

و يقبل دعاك ويجزاك خير

تحياتي لك

دفنتـه وودعتـه وكلـي صبـر وايمـان=لانه قـدم ضيـف(ن) علـى الله سبحانـه
اخذت العزاء وانصك باب(ن) من البيبـان=عسى بابـي المفتـوح ماتبطـي احزانـه
الا يالله طالـبـك يامـنـزل الـقــرآن=تثبت قـدم عبـدك عـى الحـق والسانـه

الله يرحم ابوك يابوفارس ويدخله فسيح جناته وجميع اموات المسلمين

وعظم الله اجركم والهمكم الصبر والسلوان

أبوفارس

صح لسانك وبيض الله وجهك

والله يرحم والدك ويدخله فسيح جناته

ولا مات من خلف مثلك وشرواك

تحيات أخوك

المشاركة الأصلية كتبت بواسطة صقر المعتاد

[poem=font="Simplified Arabic,4,black,normal,normal" bkcolor="transparent" bkimage="" border="groove,4,gray" type=0 line=0 align=center use=ex num="0,black"]
الا يا وجودي وجد من مات له شيبان = وبعد مادفنهم فالثراء ماتوا اخوانه
على راعي النخوه على مكرم الضيفان = على من بكاء فقده ربوعه وجيرانه
كريم ماعمره جاع جاره وهو شبعان = يبدي حقوق الجار قدام ورعانه
يعرفونه اللي له يدينون بالعرفان = اخوياه واصحابه وربعه وصدقانه
يوم ان الامور مصلحه والكريم امعان = لاشاف الفقير اللي وطاه الزمن عانه
اله خاطر(ن) يضحك وله مجلس(ن) مليان = دايم مجلسه مفتوح قدام ضيفانه
يتم الوعد لاوعدك ويخلص الديان = يومن الردي يندس لاجاه ديانه
صبور(ن) على الشده ووقت اللزوم احصان = فهيم (ن) رحيم(ن) صادق السانه احصانه
اله بندق ن فالرمي ماتخطي النيشان = ولاهوب فالباطل على الحق نيشانه
بكاه القلم والحبر والشعر والقيفان = اشوفه على بيض الورق تبكي اوزانه
وبكته الدلال ودنة النجر للجيران = وابيتن مشرعة(ن)على العز بيبانه
وتبكي عليه انياقه الصفر والحيران = ويبكي عليه الذود جله وحيرانه
ياشيخ بفقده عشت ماعاشه اليتمان = وصرت اغبط اللي بين ربعه وشيبانه
ليا سلمت العمدان ماطاحت الجدران = ولاطاح العمود يطيح ساسه بجدرانه
لاحول عمود البيت ماتنفع السيسان = ليا طاح الاوسط طاح كله بعمدانه
عسانا نبر ونجز الاحسان بالاحسان = ومن قدم الحسنه نجازيه بحسانه
ربانا ووصانا على الدين والايمان = ولاهي غريبه نرخص الروح من شانه
فجعني خبر موته وسميت بالرحمن = رضى بالقضى اقبل فرحته واقبل احزانه
وضاقت علي الارض والدار والاوطان = علي اظلمت وامسيت كني بزنزانه
انا كيف اطيق الصبروين الصبر يا فلان = اجامل وانا نفسي من الحزن مليانه
جفى النوم عيني يوم كل (ن) منامه زان = وسريت اطوي الاميال والعين سهرانه
ودخلت بعفيف الفجر ماكن به سكان = ماكنه بلد عامر بعد نام سكانه
ودخلت مستشفاه يوم اذن الاذان = دخولي مع الامام واردد آذانه
اسج ابصلاتي مدري الا وانا سرحان = دموعي تبل الجيب والكبد حرقانه
ووقفت انتظر دوامهم لين وقته حان = الاعصاب منهاره والاقدام تعبانه
ودخلت للدكتور قال المقدر كان = لكن البقا في رحمة الله وجنانه
وقال الموظف عطني الاسم والعنوان = وسجل لي التقرير باسمه وعنوانه
وقالوا لي الساعه تسع تاخذ الجثمان = هذا موعد (ن) تنقل بالاسعاف جثمانه
واخذته على الاسعاف للمغسله سرعان = وقالوا ترا التعجيل في دفنه احسانه
وغسلته وكفنته وناديتهم ياخوان = سلام الموادع قبل ينلف باكفنانه
دقايق قبل ماتنقلونه على الامتان = اباقبل ايدينه وابطيح باحضانه
اعيوني ماملت منه ولشوفته شفقان = ابا اروي اعيون(ن) منه يالربع ظميانه
اعيوني بعد شالوه ملفوف بالاكفان = تسابق عبايرها من المع غرقانه
دفنته وودعته وكلي صبر وايمان = لانه قدم ضيف(ن) على الله سبحانه
اخذت العزاء وانصك باب(ن) من البيبان = عسى بابي المفتوح ماتبطي احزانه
الا يالله طالبك يامنزل القرآن = تثبت قدم عبدك عى الحق والسانه
ياراع الكرم والجود يامرجح الميزان = ترجح لياجات الموازين ميزانه
في يوم(ن) يشيب الطفل من روغة الاذهان = الاستار مكشوفه والاجساد عريانه
نهار(ن) به الظالم يرا بعرقه غرقان = امم منه منجيه وامم فيه هلكانه
بيوم (ن) تبرا فيه الاقارب والخلان = الاعمال معروضه والارياق نشفانه
يامالك زمام الكون ياصاحب السلطان = يامن لاشريك (ن)له فملكه وسلطانه
عسى والدي في جنتك ياعظيم الشان = يسلم كتابه ساعة الحشر بيمانه
ولعل السحاب اللي يهل المطر هتان = يخيل ويسقي قبر ابويه بهتانه [/poem]

الله يغفر له ويرحمه بواسع رحمته

تطيح المدايح امام هذه الشامخه ياصقر

صح لسانك واعتلا شانك ولاهنت يامبدع

الله يرحمه

الله يرحمه

الله يرحمه

ويسكنه فسيح جناته



وصح لسانك والله يجبر عزاك

فالح الشلوي

الله لايريك مكروه

هلا وغلا