 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: المرقاب للأدبِ والثّقَافَةِ :.. الشعر الحر - النقد البنّاء - دراسات أدبيّة |
 |
|
|
أدوات الموضوع | ابحث في الموضوع | انواع عرض الموضوع |
10-05-2009, 05:01 PM
|
#23 | |
|
مستشارة فنيّه
|
(( حروف ديواني )) تزعل واراظيك من حبـك وتقديـرك وانا ازعل اسبوع كامـل ماترضانـي مكانتك همشـت عـذرك وتبريـرك ليتك تسوي سوايايـه علـى شانـي اقرا تعابيـر وجهـك قبـل تعبيـرك واكتب بريشة غلاك حروف ديوانـي الله يكافيـك شـر عـداي ويجيـرك لو انـت فاليـوم تكتبنـي وتمحانـي كسرت جنحان طيري وارتفع طيـرك وشلون طيري يطير بدون جنحانـي خيري سبق شري وشرك سبق خيرك وانـا اتحمـل لعينـك كـل ماجانـي مينا خفوقي عليه ارسـت بوابيـرك وصافح مراسيلك الخفاق مـن دانـي يـوم اتذكـر بداياتـك واساطيـرك اغيب عن واقعي واعيـش وحدانـي اهيم في عالـم فنونـك وتصويـرك واللي يبيني معـك لاغبـت يلقانـي ارحم عيون الشقاوي لعنبـو غيـرك (ماهوب حـق تولعنـي وتنسانـي) لـ \ ناصر المرشدي 1 \ 5 \ 2009 م  |
|
• اللهم أغفر لـِ والديّ وأرحمهما كما ربياني صغيرآ اللهم أرحمهما من عذاب النار وعذاب القبر وأسكنهما فسيح جناتك مع الصديقين والشهداء وحسن أولئك رفيقا اللهم وسّع قبريهما وأجعل قبريهما روضة من رياض الجنه اللهم إن كانا محسنين فزد في إحسانهما وإن كانا مسيئين فتجاوز عن سيئاتهما
|
|
10-05-2009, 05:08 PM
|
#24 | |
|
مستشارة فنيّه
|
(( كفوف الوصل )) هبّت هبوب الهوى هبّـت مآ آرّق بـارد نسانيسـه في خايع ن رَطْب ومنَبّـت مافيـه للضـان تحويسـه دايم لياضاقـت آخبَّـت وآخذ مع الفَـج تونيسـه مع نار من ضامري شبّـت تزهَم لقلبـي هواجيسـه ومع دلّة ن من ضرَم شِربَت تبعِد عن الراس تعميسـه ومع عين من همّها صبّـت دمع ن من الصعب تحبيسه ومع روح ماغيرهم حبّـت غرو ن بعيـده مراميسـه غلاه في داخلـي مثبّـت فـاق وتعـدّى مقاييسـه تبّت كفوف الوصل تبّـت لاصار وعـرَه تضاريسـه لـ \ عبدالله بن علي 9 \ 5 \ 2009 م |
|
|
|
|
10-05-2009, 05:30 PM
|
#25 | |
|
مستشارة فنيّه
|
(( دالـــه و ســـالي .. ! )) سدّيت باب الحب , من اول العام وماعاد هو رغبه , تراود .. خيالي نزرع ولانحصد سوى جرح وآلام ونضيع بين , جروحنا والليالي ياللي تحسب الحب , نسبة واحجام الحب عن حضرة معاليك - عالي الحب لامثالك , نيو لـُك واعلام ! والحب لامثالي , كبير ومِثالي انا اكتشتفك , وانقطع حبل الاوهام وشلتك من عيوني .. وقلبي .. وبالي ماتغري لـ ( شوفك ) ذعاذيع الانسام اللي تذكّر كل - غالي بـ - غالي لو كنت ما اخطيت وآنا اللي انلام ؟ كان احترمت اللي من اجلك .. جرالي ! حبيّتك .. ايام .. وليالي .. واعوام : والحين .. تغريني .. حياتي .. ( لحالي ) الحب مالك فيه .. لاشرع .. واحكام وما للكلام .. وشرهتي معْك .. تالي صحيح قلبك .. كان لي مصدر الهام لكنّ ماعاده .. مجالك - مجالي واللي سهر لاجلك , شرى عمره و نام يشوف قربك مر .. والبعد .. حالي مايستحق .. الحب .. كاذب .. وظلاّم و مايستحق .. الشوق .. داله .. وسالي ماتت امانينا .. وكذّبت .. الاحلام والله يطيّب .. فال قلبك .. وفالي تعبت اشيل هموم غيري .. والايام : لكن على ماقيل .. صدري شمالي لـ \ سلطان النواف 7 \ 5 \ 2009 م |
|
|
|
|
10-05-2009, 05:36 PM
|
#26 | |
|
مستشارة فنيّه
|
لا الوقت وقتي لا ،، ولا الكون كوني ان قلت انا مرتاب فـالصـدق مرتـاب وان قلت انا لي ( قلب ) يبكي حزوني الصد مبنى الهـم والحـزن لـه بـاب مفتاحـه اللـي بالمحـبـه جفـونـي اكحـلّ عيـون السهـر هـم وعتـاب واخايـل القـمـرا واداوي طعـونـي وان زارني الهاجس .. فلا عنك مجناب اشعل فتيل الشـوق واطفـي شجونـي يا صاحبي والوقت ما يرحـم احبـاب واللي غدى حولي !! تلاشـى بدونـي اعيش غربـة وقـت وايامـي اجنـاب لا الوقت وقتي لا ،، ولا الكون كونـي ما طاب سقم الحب ،، والحب غـلاب واقسى الليالي مـن ظروفـك خذونـي مليت اكف الدمع في وجيه الاصحـاب ومليت اخفيّ شرهتـي فـي ظنونـي ومليت ادور لي سبب وسط الاسبـاب تعبت حمولـي مـن سبايـب متونـي اساير شعوري وانـا منـك منصـاب والا الحقيقـة شوفهـا فـي عيـونـي وش عاد بحسب ما بقى أيـة حسـاب دام الظروف العـوج عنـك حدونـي وان قلت بصبر كيف والصبر قد شاب واتـلا العـزوم الاولـه قـد رثونـي لـ \ متعب بن فهد 4 \ 5 \ 2009 م |
|
|
|
|
10-05-2009, 05:54 PM
|
#27 | |
|
مستشارة فنيّه
|
(( القوافي )) القوافي كنهـا العـود لا جابتـه نـود والقوافـي ورث أبويـه وأنـا خيالهـا لوتدور ايا منا اللبيض ويصير( ن )سود وتنقلب ساحت هل النضم مـع موالهـا حاكمة حكم الحكومـة لضبـاط وجنـود ولا عليه لو يجـي عمهـا مـع خالهـا ينتقيها الفكر نقو الكريم لطيـب عـود لا حضر طاروقهـا هاجسـي يشتاالهـا يوم غيري حولوبه وانا ارقابـه سنـود مالتفت للـي كسرهـا ومـن يبرالهـا حالفن يا قافي الجزل دامـي بالوجـود لرفعك عن ساحة الهـزل مـع جهالهـا حالفن لرخص لك الوقت واحث الجهود لين جـزلات القوافـي تخيـل خيالهـا مادبل كبد الجزالـة وجـاب ألهاألهـود كود ناسن ماتعـرف الريـه و طحالهـا فكرها فكر الحداثة كـلام بـدون فـود تذبح القـاف المعنـى بـزود هبالهـا ضيعوا الجزله وضاعت مواريث الجدود واصبحوا للشعر عالـه علـى عوالهـا صدق ولا كذب هذي الحقيقـة ياسعـود تابع الساحة وتعـرف جديـد اقوالهـا والكلام يطول والقول مايبغـى شهـود والعزا واجب على اللي يعرف احوالهـا لـ \ سعد الرويس 10 \ 5 \ 2009 م |
|
|
|
|
10-05-2009, 05:58 PM
|
#28 | |
|
مستشارة فنيّه
|
(( مبخوت هم )) ( مبخوت هم ) و طال جرح ارتحالي ولا فيه أحد مثلي بالأحلام .. مبخوت ! من كثر مااسأل صرت ماعاد أبالي ياهل ترى بآعيش؟ أو لازم اموت تعبت اهوجس والشعر راس مالي أنزف ويملاني حزن والأمل / قوت إلى متى !! والوقت ما [سر] حالي إلى متى ضايع و بايع و مكبوت إلى متى !! ولا .. علمتنا .. الليالي ! نبكي ،، وندفن دمعنا وسط تابوت إلى متى !! والجرح / لا زال غالي ظلمة نعيش بلا مساكن ولا بيوت لا ناس لا فرحه و لا قلب سالي راح العمر !! والصوت / ماعاد به صوت هقويت نفسي في زمن .. ما صفالي يجرح ،، وانا اكتم نكبة الحال بسكوت يوم الشمالي .. عاد ما هو شمالي ! والحزن .. لبّسنا عمامات و بشوت يا وقت .. علمني ؟ و جاوب سؤالي إلى متى وانا انتظر [ لحظة الموت ] ؟! لـ \ فيصل فهد العنزي 7 \ 5 \ 2009 م |
|
|
|
|
14-05-2009, 05:08 PM
|
#29 | |
|
مستشارة فنيّه
|
(( لا ... تخفي ... البذل !!! )) بوادر الري من جانبك سيـل ٍ حـدور لو ما طلبتك ضماي ا تسوقنـي سلتـه لا تخفى البذل ما زالت عيونـي دهـور القفر رشتْك بيـن أعضـاي مـا بلتـه ما ضمدْت بسمة الأيام غيض الصـدور والمذهب اللـي تحلابـك فقـد ملتـه يا فوح كبدي من الصده ورمح الفتـور اللـي فـرى لْيَـن الثومـه ولا ملتـه وانا معك ما تبنيتـك بزيـف الشعـور أصدق من اللي يثر ْ الدمع مـن علتـه أن قلت عامٍ مضى وأن قلت بضعة شهور مشكلتـي ان السـؤال اتعمنـي ذلتـه أزريت لا أمحيك من قلب عليك محشور هيله طفح وأشتعال السمر مـن دلتـه يا قاصر الشوف عني كل شـي مخبـور لا تلحق اللوم مكضـوم هجـر حلتـه ما عاد به دم مـن بيـن الحنايـا يفـور أستوطن القـل ساحاتـه علـى خلتـه أدخل على الله لحقني منك بعض الأمـور يا شين عشـق ٍ تسـاوي قيمتـه قلتـه لـ \\ عبدالرحمن السمين 14 \ 5 \ 2009 م |
|
|
|
|
14-05-2009, 05:11 PM
|
#30 | |
|
مستشارة فنيّه
|
(( ما خذلتك )) لا تخاف ان قلت لك حـان البعـاد لـو يحيـن قلوبنـا مـا تبتـعـد مـا خذلتـك لا ولا انكـرت الـوداد شوف دمعي واخذْ من دمعي وعـد: كـان ربـي مشعـل بدربـي قنـاد سقت رجلي لـك ولـو ظلـي قعـد مير هـذا الوقـت ماخذهـا عنـاد نتقـي فرايـصـه لــو ترتـعـد بعد طحـت وطيحتـك كبـوة جـواد شوفنـي لاطحـت ماعنـدي بعـد الزمـن والحـظ وعيـون العبـاد منّهم وش لـون نبشـر بالسعـد! مانبض لك عرق واحساسي جمـاد و كل دمع(ن) تذرفه عقبـي صعـد ليه اسولف والحكـي مالـه مـداد لو بسولف وش بـ\خلي وش بـ\عد خلّنـا فـي البعـد مـدام الــوداد مـا بـرق برّاقـه ورعـده رعـد . لـ \ بنت وايل 7 \ 5 \ 2009 م |
|
|
|
|
14-05-2009, 05:13 PM
|
#31 | |
|
مستشارة فنيّه
|
(( مقدر موادعك )) وشلون اودعك وانته قطعـةِ منـي قل للجسد يقدر فراقك وانا راضـي مابه جسد دون روح وعاش متهنـي يعيش لكن حياةٍ تحـت الانقاضـي ابك انت حبك سوات الروح ساكني يزيد حبك مع الايـام مـا غاضـي راسمك داخل خيالي من صغر سني ولو املك الكون كله فيك ما عاضي واليوم تبغا تـوادع وانـت راهنـي سوات من ساوم العطشان فالقاضي كلمتك هذا علـى الخفـاق تطعنـي وانته (تتمتم) دقيقه اجمع اغراضـي لونـي اقـدر قـسـم بالله لـونـي ماشفت دمعي بعد ماقلتهـا فاضـي مقدر اعبر وانـا التعبيـر خاينـي ولمن بشكي مصيري وانته القاضي ليت النصايب قبل فرقـاك ظمنـي اريح ولا عيشةٍ دونك على الفاضي ودي ليـامـت بيديـنـك تكفـنـي واموت مرتاح في قبري وانا راضي لـ \ مضحي السميري 8 \ 5 \ 2009 م |
|
|
|
|
14-05-2009, 05:21 PM
|
#32 | |
|
مستشارة فنيّه
|
اختم رواية حبنا زي ماتريد أختـم روايـة حبنـا زي ماتريـد واهمّهـا خـل النهايـة سعيـدة! وأذكروصالـي بالليـال السراميـد لاتعد فـي إلا الخصـال الحميـدة حب أنتحربحـال عـوج التقاليـد حنوطه أريا أهل الحسد والمكيـدة لاعـاد ترجعلـي ولاتزيـد وتعيـد أطـو الشريـط ولاتحـاول تعيـدة ياماعلى شأنـك قطعـت الفدافيـد وياما تجشمت الظـروف العنيـدة أطرد سراب أرضاك وسط الجراهيد عطشـان حافـي والمواربعـيـدة أرحل وأنا راحل ومـن غيرتحديـد وكـلا يدوربرحلـتـه مايفـيـده وألياقريت القـاف لاتـروّح أبعيـد تراي في غيرك نظمـت القصيـدة آباتغّـزل وابـدع القـاف وآشيـد صرح الغلا وانظم قصايـد جديـدة الحرلامنـه كفـخ ريشـه يصيـد ويشوم عن عقد الشراكة بصيـده لانتـي مثـل علياولانـي ابازيـد أثنيـن بـدروب الحيـاة المديـدة كيف اجتمعنا كيف صرنامطاريـد?! عجزت لاألقالي إجابـة سديـدة!! اللـي عرفتـه كلبونـا مقـاريـد وانتي بدرس أهل العواطف بليدة !! لـ \ مصلح المحمدي 9 \ 5 \ 2009 م |
|
|
|
|
14-05-2009, 05:25 PM
|
#33 | |
|
مستشارة فنيّه
|
كلنا في خدمة الدين وملوك الفلاح عد مادندن رعد فالمـزون وبـرق لاح واستهلت وامطرت وانتثـر هملولهـا وارتوت كل الدير سهل وجبال وسفـاح وسالت الوديان وتزاحمـت بسيولهـا مرحبا ترحيب وافي معاه العـود فـاح والقدوع ودلـة الكيـف دارج دولهـا باسم قايد مركز ومدرستنـا فالسـلاح قلتها باسمـه وبسـم إزمـلاه اقولهـا نايبه مع كل ركـنٍ يمثـل لـه جنـاح و كل منسوبي ودورات قولـي قُولهـا بالضيوف مشرفين الحفل في ذا الصباح اسعدونـا والسعـاده تـدق طبولـهـا زادة البهجه وزاد الفـرح والانشـراح فالنفـوس وترجمـة ماتكـن بقولهـا جيتك ياقايد المنطقـه تـاج ووشـاح تاج فوق الروس ووشاح فوق زحولها نفتخر بحضوركم فالقـدوم وفالمـراح في بداية حولهـا والا فاخـر حولهـا حرصكم ومتابعتكم لنا عـز و صـلاح ترفع من المعنويـات عقـب انزولهـا وجيت القايد لهذا السلاح اكبـر نجـاح كلنا نحسب لها يـوم جـا مرسولهـا قايدٍ لسلاحنا فـي رضانـا ماإستـراح يعمل لحل المشاكـل وجـاب حلولهـا اجتمعنا والمشاعـر معانقـة الريـاح حصّلت عقب الصبر ودهـا وميولهـا كل منا مـن قطـاعٍ وتعليمـه مُتـاح حاضرلصقل المواهب وسـن عقولهـا والبعض جو من قطر للتنافس والكفاح وايضاً البحرين واهل الكويت إعنو لها شاركونا رغم بُعـد المسافـه بإرتيـاح كـل معلومـه جديـده مفيـده جولهـا وانجلا عنا ضباب الجهل واقفى و زاح يوم ننهل من مناهل عـذب منهولهـا العدود اللي على ساس منهلهـا قـراح مصـدرٍ للمعرفـه تعتبـر واوصولهـا كلنا في خدمة الديـن وملـوك الفـلاح ضابط وجندي بعرض البـلاد وطولهـا الملك والمملكـه دونهـا سـمٍ ذحـاح والكتاب وسنة المصطفى نحنـو لهـا هي لنا دستور ثابت بشرعاً واصطلاح من زرعها في حياته ظمن محصولهـا ديننا دين الخلق والتواضـع والسمـاح الصفات الطيبه فيه جـات اكمـو لهـا خير دين لخير الامه على ماجـا وراح كم من اقوامٍ فنـت وانتهـت بفعولهـا امه بلادين تنزف بهـا كـل الجـراح لو برت جرحين عشره تجي من حولها لانهـا ماميـزت فالمحـرّم والمـبـاح كـل بيبـان النواهـي تفـك قفولهـا لاهيه في غيّهـا ماتهـاب الاكتسـاح والنعم كثر المعاصـي خطيـر تزولهـا قلتها والله يديم النعـم ليـل وصبـاح والعذر في قصر الابيـات والا طولهـا لـ \ حسين الحارثي 14 \ 5 \ 2009 م |
|
|
|
|
14-05-2009, 07:35 PM
|
#34 | |
|
مستشارة فنيّه
|
قلبي على سيرة الماضي يرجّعني ياطير غنّي من الحانـك وسمّعنـي كم شدّني صوتك الحانـي وتابعتـه خلّيني أحلم مجرّد حلـم وش يعنـي يكفيني اللي مـن الأحـلام ضيّعتـه ياطير بلّغ سلامـي كـان تسمعنـي خلاً على الطيب ودّعنـي وودّعتـه قل له ترى الوجد والحرمان لوّعني الهجر ماهو بطبعـي لـو تصنّعتـه قلبي على سيرة الماضي يرجّعنـي وانا احسب إني على النسيان طوّعته حاولت اصـدّه وعيّـا لايطاوعنـي يكفخ بجوف الحنايا ليـن طاوعتـه لاشك خوفي من الحسّـاد يمنعنـي لكن عهـد الوفـا والـود مابعتـه لـ \\ محفوظ الهذلي 14 \ 5 \ 2009م |
|
|
|
|
14-05-2009, 07:37 PM
|
#35 | |
|
مستشارة فنيّه
|
بحـر الله يا ذا الوقت والجـرح العميـق نبض القلوب اللي تجي وجه ونحر سافرت لك يا قلب فـالغصن الوريق لين انتحرت وقلت وش لون انتحَر؟! أثرك على صدر الزمن كتلة حريق و آحر كبدي ليتنـي مثلـك وأحـر يضيق بك يالآدمي نبـض الطريـق ليتك قلبت السحر يـا راع السحـر البعد كون له على صـدري فريـق وتجوزت هند وخطب نايف سحـر لا تخنق اقدامك ترى الخمر العتيـق ياقف على اقدامك وأنا أقدامي بحـر لـ \\ غازي المغيليث 9 \ 5 \ 2009 م |
|
|
|
|
14-05-2009, 07:40 PM
|
#36 | |
|
مستشارة فنيّه
|
بحـر المغيليث .. (2) مجاراة متواضعه ، للشاعر العلم / غازي المغيليث ياغازي الدنيا لها ضـوح وبريـق كم حدّت العالم على نار الطحـر تاخذ من انفاسك يابا الوجه الطليق وتسوقها عنوه على شعوب القحر أما فهقت الهمّ واشتلـت الغريـق وأمست هواجيس العنا في المدّحـر وإلا على صدرك نفايلهـا تويـق والتسبد ياساها من الغلّـه فحـر مير انتهض وابعد مشاويح المضيق كرامة العشـاق فـي بـرّ وبحـر فوق احتمال الصبر ما والله تطيـق خصٍ ليا كملت على وجهٍ صحر لـ \ محمد بن مشوط 10 \ 5 \ 2009 م |
|
|
|
|
14-05-2009, 07:43 PM
|
#37 | |
|
مستشارة فنيّه
|
رتم خطواتي ..! يامنطق الشعر ، ياموجّز معاناتـي ماملت اذنك من احزاني واهاتـي حاجات واجد احاول إني اذكرهـا واذكر نهاياتي ولا اذكر بداياتـي الضحكه اللي قبل عامين موجوده هي اخر اللي ذكرته من محطاتـي فقدت واجد قبل لاترحل الضحكـه وفقدتها بعد ماماتـت طموحاتـي اسمع بكلمة حزين وكنت ما أصدق واليوم صارت قناعه من قناعاتي حزين لكن ماهي بنهايـة الدنيـا عارف وواثق بان الاجمل الآتـي اسمي على اذهان خلق الله ثبتـه باني صديقً تشرفنـي صداقاتـي اصحابي اصدق عباد الله واوفاهم نعماً بصدقي ونعمـاً باختياراتـي واللي نساني كذا ، واللي تجاهلني اشيلهم وبهـداوه مـن سجلاتـي ماني بجابر قلوب الناس تغلينـي مادام عقلي يوازن رتم خطواتـي وقناعتي في حياتي اجمل اشيائـي اللي تبدد همومي فاصعب اوقاتـي حتى إذا سالت دموعـي ترجعهـا بالعزه ، لصوتي وتذرف بنبراتـي لـ \ عفاس بن حرباش 8 \ 5 \ 2009م |
|
|
|
|
14-05-2009, 07:46 PM
|
#38 | |
|
مستشارة فنيّه
|
لو كان قيس المحبـة شـاف ليلاهـا الليلـة اللـي علـيّـه طــال مسـراهـا كم لي وأنا أحاول أسريها وأحايلها حديت رجلـي بعـد ماثقلـت اخطاهـا كـنـي مـوصـا ً أقايسـهـا وأكايلـهـا وحديت نفسي على ماقيل لاقصاهـا لـو كـان حاجاتـهـا مـانـي بطايلـهـا سبت عشير ٍ بدأ القصه ولا أنهاها خلـى الحقيقـه بعـد بـانـت دلايلـهـا قضـيـتـه تـونــا بـــأول قضـايـاهـا وكلمتـه مازلـت أرددهــا وشايلـهـا لـو كــان يبـغـى ينسيـنـي خفايـهـا ويقـول ماقلتـهـا لــو كــان قايلـهـا يازيـن واليـا متـى وأنـا أ تحـراهـا ماتروي مزونهـا لـو كنـت أخايلهـا أروي المشاعر قبل ترحل وتنساها ماشفتـهـا كـيـف ذبـلانـه خمايلـهـا لو كان قيس المحبـة شـاف ليلاهـا ماماتت النـاس لـو كثـرت غلايلهـا لـ \ محمد المطيري 10 \ 5 \ 2009م |
|
|
|
|
14-05-2009, 07:48 PM
|
#39 | |
|
مستشارة فنيّه
|
ليال الشعر هي تحتري جرح فغيابي وتذكـار وماكنها اللـي تسمينـي حبيبيـي وشلون اسولف لها ياجرحي الحار هذا الزمن ماترك لي غير طيبـي يستغرب الليل من صمتي ويحتار وانا ليال الشعـر تكـره مغيبـي ان غبت ماغابت احزاني والاشعار في كل ذكرى قديمه تلتقـى بـي ماودي اتذكر اللي وقتهـا صـار خايف يكون الوفا عذري وعيبـي لو المفارق شتا وغيـوم وامطـار قلت السفر والليالي مـن نصيبـي ياضحكتي كان ماجابتك الاعـذار تختلي ذكرياتـي واعتـزي بـي لـ \ نايف الحصان 6 \ 5 \ 2009م |
|
|
|
|
14-05-2009, 07:50 PM
|
#40 | |
|
مستشارة فنيّه
|
الجروح اليتيمه ..! أتصدد عنك .. يا : ( الذكرى القديمه ) .! لإني أكره .. عضـت ابهـام الندامـه ! الهواوي كـل ذكـرى لـه .. خصيمـه لا تذكرهـا ..! نسـى حتـى منـامـه اعترف : ذكراك فـي جرحـي كريمـه! و يعتـذر قلبـي لكـل انسـان لامــه كل حاجه معك .. كانـت ( ذات قيمـه ) باقيـه منـا ليـا يــوم القيـامـه ..! العواقب من هـواك .. أضحـت وخيمـه جيت أجر اللي تبقـى مـن حطامـه ..! والهموم اللـي عثـت فينـي .. مقيمـه والفرح .. ( بيني و بينه ) كم غمامه ..! كنت أشوف ان ( الهوى ).. حاجه عظيمه ليـن وقفنـي .. علـى بـاب الملامـه يا جحيم الحب .. ما مـرك نعيمـه !؟؟ يذكرونـه ميـر مـا قــام بمقـامـه اف .. لو ما كانـت جروحـك حشيمـه كـان بدلـت الحـزن بـ/ الإبتسـامـه بعد طول غياب .. ما جبـت الغنيمـه ..! يا مطوٌل غيبتك .. هات : السلامـه ..! الجروح اللي بلا وصلـك ( يتيمـه ) ..! خلها ..! تبقـى علـى روحـي علامـه لـ \ طلال الجميلي 12 \ 5 \ 2009 م |
|
|
|
|
14-05-2009, 07:53 PM
|
#41 | |
|
مستشارة فنيّه
|
... اشهـدي ياليال ويانجــوم اشهــدي ... جفت شفاه صبري والهواجس خيـول " " فوق رمضى شعوري بالحتوف تعـدي بارق الوجد من جود الليالـي هطـول " " سالت اوجاع صبري يالصواب النـدي كل ماشتد عود الليل وارخى السـدول " " جات ضبية خيالـي باللحـون تحـدي مانعـن العسيـف ولانطـق الطبـول " " الرحيـق المعانـي والقصيـد شهـدي للجزايل حلوق وللشـوارد عقـووول " " وكل سرداً جفوله جات تشـدو شـدي من نبت فالنواظر للضوامـي حقـول " " لاهدا الهـم ليـل ولاالطعـون تهـدي مروا الناس في عين الرضاء والقبـول " " وطاح ظن الليالي يا لأمل مـن يـدي لو يديـن العطايـاء بالثنـاء ماتطـول " " ماتحد المراجـل عـن هواهـا حـدي هم روض المحاني والهـوا والميـول " " مولد الحب واطياف الغـرام وغـدي انزع الصمت عن صهوة خيالك وقوول " " ويش نجم الشعور وويش نجم الجـدي مانت فالعين والخفـاق غيـر الذهـول " " ليتك تشوف بعيـون القبـول جهـدي امتلا كل عرق مـن الغـلا يالجفـول " " وانتثر ريح عطرك والسوالـف مـدي أجمل العمر غربه والمشاعر رسـول " " واصدق الحب يبقـى للزمـان بعـدي سطوة الشوق غيمه للإمانـي فصـول " " منبت الغيم ريضان الوجـود وعـدي كل نبضٍ بعرقـي يالمشاعـر يقـول " " اشهـدي ياليـال ويانجـوم اشـهـدي لـ \ سعود بادي 13 \ 5 \ 2009 م |
|
|
|
|
14-05-2009, 07:56 PM
|
#42 | |
|
مستشارة فنيّه
|
ولا أحلى ..!! هلا يا ضحكـة مـا أتـى مـن سنينـي يا منسّيتنـي أمـس .. بوجـودك اليـوم! يستقبلـك قلبـي بنبضـه .. وعيـنـي بدموعها ، وآنـا لـك آطيـح وآقـوم! وان قصّر الترحيـب فيـك .. اعذرينـي لأنك عطا جيتي .. وانـا كنـت محـروم! مانيـب متـعـوّد تصـافـح يديـنـي قبل اعرفك .. غيـر الغرابيـل واللـوم!! والحيـن صبّـي ضحكتـك فـي كنينـي قبلك احسب ان العطـش أمـر محتـوم! واجفي قرايـب خافقـك .. واوصلينـي مقطوع من غصن المواصل .. ومعـدوم .. مـن دعـوة الله يحفظـك يـا ظنيـنـي ومن الصباح المرّ دونـك ، متـى تقـوم؟! واخذي بتلابيـب الحـزن .. واسعفينـي ظهري مـن حمـول المقاديـر مقصـوم! والى سعـة فرحـة حياتـك .. خذينـي ودّي بـنفس .. صدري من الضيق مكتوم! واستاذنـي مـن موطنـك .. واسكنينـي ولا يرعبك لو شفتـي البيـت مهـدوم! قبلك عثـوا فـي مهجتـي .. ساكنينـي وعلى يـدك بنيـان مـا هـدّوا القـوم! نامي علـى قلبـي وقومـي فـ/ عينـي ما احلى من القومة سـوى لـذة النـوم! وما اتعـس مـن الدنيـا قبـل تعشقينـي ولا احلى من الدنيا بعد عشقـك اليـوم! تطمّنـي وانتـي يدينـك فـ/ ايديـنـي مانيب متضايـق .. ولانيـب محـروووم! لـ \ محمد السبيعي 14 \ 5 \ 2009 م |
|
|
|
|
16-05-2009, 02:08 AM
|
#43 | |
|
مستشارة فنيّه
|
ياحظ ياللي كل يوم استنهضه ! سافر وعيـن الله عليـه ويحفظـه وانـا بطفـي غيضـي بطفايتـي ماني مدخن لكـن البعـد ابغضـه يمكـن ينسينـي لهبهـا غايـتـي ماباقي الا اسمه اقولـه والفضـه مع ْ عبرة ٍ وطيتهـا مـن مايتـي ياكيف ابصبر دام كلْ شي ْ يفرضه في قومتي في مقعدي في ادكايتـي ياليت من يخلف سفـرْه وينقضـه واقـول ذيّ حكايتـه وحكايـتـي ويالله عسى اللي يخلفه مايمرضـه بمـوت لـن نهايـتـه بنهايـتـي غلاه عنـد اللـي يحبـه مبهضـه هـو نقوتـي ودرايتـي وعنايتـي استيقضه واهيـم بـه واستيقضـه واكـرره فـي قصتـي وروايتـي ماكنه الا اغـلا قصيـد ٍ افقضـه واعذب قصيـد ٍ مرنـي بقرايتـي انا فدا اللـي ماسمـع لمحرضـه ومكسـر ٍ راياتـهـم ّ لرايـتـي حبه مثل حب دحضه لاهل دحضه هو شغلي الشاغل بعـد وهوايتـي ياشينه فراقـه وطعمـه محمضـه لاغاب عني غصب جانـي دايتـي ياليته مسافر ولا خلـى اغرضـه عينـي عليـه بجيتـي واقفايـتـي كن الضلوع امن الفراق مرضرضه يالله عليـك هدايـتـه وهدايـتـي ياحظ ياللي كـل يـوم استنهضـه دامك كذا مانـي بواصـل غايتـي ماني مدخن لكـن البعـد ابغضـه شوموا عن التدخين ذي ّ وصايتـي لـ \ معيض بن شملان 12 \ 5 \ 2009 م |
|
|
|
|
16-05-2009, 02:11 AM
|
#44 | |
|
مستشارة فنيّه
|
لاتطّالعنــــــــي ! النّفس عيّت على بعـدك تطاوعنـي كنها بحبّك على الفطـره و مجبولـه يا صاحبي طاري الفرقى يروّعنـي و أخاف من خاتمة خطوات محبوله عدّت وعودك و في غفله توادعنـي ما تشوف حالٍ على ذكراك مذبولـه دنياي و إن جيتني ما عاد توسعنـي خطرٍ على النّفس تصبح منك مخبوله تكفى فديتـك تعـال و لا تضيّعنـي ما همّني لو تقوم الحرب و طبولـه ما و الله أنسى مقالـك لا تطّالعنـي و الرّمش الأسود بطرفٍ زاد عربوله منين ما رحت لـك طيـفٍ يتابعنـي و مفارقك حالةٍ مـا هيـب مقبولـه لـ \ عبدالله الدوسري 15 \ 5 \ 2009 م |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عشر طرق سهله لاستقبال شهر الصوم | عبدربه | ..: مرقاب القُدس و الأدب الإسلامِي :.. | 22 | 26-07-2011 08:05 PM |
| فيروس القصيد | ملفي بن عون | ..: المرقَاب الشّعبي :.. | 31 | 02-12-2008 07:49 AM |
| جدول أمسيات مهرجان أهل القصيد الرابع .... | ضيف الله الغنامي | ..: المرقاب لـِ أهمّ وآخِرَ الأحْداث :.. | 16 | 26-10-2008 08:09 AM |
| من فضائل شهر رمضان المبارك | الشيخ / متعب العجمي | ..: مرقاب القُدس و الأدب الإسلامِي :.. | 14 | 16-09-2008 10:27 PM |
| فضل صيام الايام البيض من كل شهر | محمد مرزوق السميري | ..: مرقاب القُدس و الأدب الإسلامِي :.. | 18 | 31-08-2008 01:00 AM |
 |
 |
العرض العادي
