الصحبه

السلام عليكم ورحمة الله وبركاته
ارجو منكم المعذره على ركاكتها
كيبورديه من التكست إلى هذه الصفحه دايركت




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالشاعر اللي تشبه النجم بـ سماه = الثقل في نفسك محد متحمّله
لاتزعج المتلقّــي وتبحث خفاه = ذائقته لـ سمع النقي متأمّله
تعبيرك اللي مايشدّّ الانتباه =خله ولا تهتمّ له وتكمّله
الشعر شايب ثالث رجيله عصاه = خروج زمله بالجزال محمّله
قدّره في شيبه ولا تقطع رجاه = ودثـّـْره من نقد الحقود وزمّله
هذا الشعر لكن ليا جت للحياه = اركض ورا ركب الوفا وانضمّ له
صاحب ترى الصحبه على العزه غناه = وصاحبك فض فض له وبيح الهمّ له
والصاحب اللي فالشدايد ماتراه = دور على غيره صحيب .. وهمّله
دوّر على رجل ٍ رفيع ٍ مستواه = بين الرجال يجمّلك وتجمّله
الطيب محد ٍ باعه ومحد ٍ شراه = سلعه وبإذن الله مهيب مكمّله
تاجْره محبوب لـ ربوعه وقصراه = نفسه على غيث الضعوف مصمّله
ولا الردي لو ان له وجه ٍ وجاه = كفـّـه على اكرام الضيوف منمّله
وإذا انجبر يذبح لجيّة ضيف شاه = وده مع شاته يدسّ السمّ له
الله يزيد الطيبين امن الغناه = ولا الردي جعل الغناه تهمّله
[/poem]