الفرق

السلام عليكم ورحمة الله وبركاته

بسيطه مرورها

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لا تقول ما من فرق بينك وبينه=اللي خدوده كنها قطن ديباج
هذاك من يولد وهو في يمينه=مفتاح قصر وله عمارات وأبراج
ما مره اللاهوب ومدرسينه=ساعة تخرج لبسوا راسه التاج
يعرف لغة ويهولك من رطينه=وتفرقه من بين برغش وحباج
ولا أنت من يومك عرفت المدينة=سكر وضغط وماليٍ جيبك علاج
لو كنت مثله طين خلق وعجينه=تاطا على التربة وياطا على العاج
مالك من الأيام كود الغبينه=يأكل عسل ولا أنت خبزه على صاج
تكبر ويكبر كل واحد ودينه=فالبورصه ولا أنت من هيت لي ثاج
بالصيف لفينا وقبرص وأثينه=ما طب فالوادي ولا يوم به داج
سبعة شهور الصيف أبن اللذينه=ما جاله من الضيق لوعات وخلاج
ما يشتري باقساط ومعاقبينه=في راتبه لا ضده الوقت وأحتاج
فالبنك له تقدير ومطاوعينه=لا من دخل ما صابه إحباط وإحراج
تقول كنهم كلّهم محترينه =مديرهم من خلفته فوق الأدراج
ما هو بمثلك كان هم مكرمينه=بطاقة الفيزا معا سور وسياج
لك شرط ولا شرطه إمكنسلينه=إسمه يكفيهم ويأتي له إنتاج
جواله إمن أوّل رقم حافظينه=تسعة وسبع أرقام أتوام وأزواج
يعني ترى به فرق بينك وبينه=مثل السماء والقاع واللوح والعاج

[/poem]

وسلامتكم من كل شر