( القائل ) هو !

بسم الله الرحمن الرحيم ..

اخواني . اخواتي .. اعضاء وزوار هذا الصرح الشامخ
في نهاية هذا الاسبوع نعلن .. عن قصيدة احد شعراء هذا المنتدى
التي كانت معكم لمدة اسبوع . ترك المجال لكم . لتخمنوا .. من ذا يكون قائلها ..؟

ومن هاذا المتصفح نعلن ان القائل هو ..:_/
شاعرنا هو من يعرفه جميع مرتادي النت . ولا يعرفون عنه شي هو . صقر في سماء الابداع . وميماه يوحي بــ ذلك .
هوالشاعر الذي اتفق جميع الشعراء الكبار على ابدااعه . واسندو له القصايد . وذكروه في اشعارهم .
وهو من اوائل المسجلين في المرقاب . واحد اعمدته .
اصدر ديوان صوتي واسماه ( جناب الود )


انه الشاعر المرقابي البحت
( دكتور الشعر )
ســـــــــــــــداح

[poem=font="Simplified Arabic,5,black,normal,normal" bkcolor="transparent" bkimage="" border="double,4,blue" type=2 line=0 align=center use=ex num="0,black""] أسمح لي اشارك يا عيسى الشاطري في ( من يكون)=مدري ( من القائل ) ومن عدّ البيوت وقالها

أعرض بيوتي كلّها على الرجال ولا تهون =وأفتح مجال الرمع والهقوه على منوالها

عسى يصيبنّ الظنون ولا يخيبنّ الظنون=واللي يجيب المخطيه قلّه يجيب بدالها

أنا عضو مرقابي ولي خشم ولسان وعيون=طارت ذعاذيع الهبوب بغترتي وعقالها

أحيان أهزّ الطاوله وأومي بسلك المكرفون=وأحيان أغنيّ للكراسي كلّها وأشتالها

أقطر رومانسية ولعيون الهوى قلبي حنون=وحبيبتي من زينها فال الله ولا فالها

أحدّها على العقل وتحدّني على الجنون=أفرض عليها عقلي وتفرض عليّ هبالها

قابلتها مرّه تحت ضيّ القمر في الهاف مون=وقالت وعدنا ليلة ٍ عيّا يهل هلالها

وعطيتها ركبه بعد غيّرت رقم التيلفون=ولا زلت حافظ لي رسالة شوق من جوالها

والشعر أحبّه حبّ فيه وفيه وأطرب لبن عون=يوم الذوايق تختلف بأنواعها واشكالها

تواجدي محصور ما بين المواهب والفنون=و محبة الشعبي قديمه مير واعزى لها

ما عاد يجذبني لو انه مجتمع من كل لون=صابتني التخمة وتأثير الملل يبرالها

هذا انا بالمختصر يا الربع قولوا من أكون=واللي يجيب المخطيه لازم يجيب بدالها[/poem]

اما من كانت تخميناتهم صحيحه من بين الاعضاء . هم ,
1) محمد الشويب
2) نادر العنزي
3) عواض العازمي
4) وجد
5) مشعان البراق
6) مبارك الفعم
7) محمد مشوط
8) فهيد الرويس


ولأن يحق لـــ محمد الشويب يطلب من شاعرنا طلب واحد يقوم شاعرنا بــ تنفيذه

انتظرونا بداية الاسبوع القادم مع قصيده جديده

تقديري