ردة فعل غالب تراها كبيره

السلام عليكم

اعتذر عن غيابي الفتره الماضيه لظروف الحريق الذي اشتعل في منزلي

واحمد الله أنني وأسرتي كنا خارج المنزل وقت الحريق

(وعسى أن تكرهو شيئاً وهو خيراً لكم )
.

.

.

وهذا من جديدي
.

.

قل له يهدي كان يقدر يهدي
................... ردة فعل غالب تراها كبيره

كم لي وأنا اخلي علومه تعدي
............. على اعتبار أن الصغيره صغيره

اعطيته الفرصه ولا كان ودي
.................... نتيجة افعاله تبين السريره

والا ترى يا بدر قتله بردي
............... بس الغبي ما بيه يلقى مصيره

عشان يبقى اسمه نهار التحدي
.............لا مع على شهرة رجال ٍ شهيره

يهمني جده وأنا افخر بجدي
................... اثنينهم عز وفخر للعشيره

وفيت له واقول ما به تردي
............. اعمتني اللي يوم تعمي خطيره

ليت الحميه للخطا ما تودي
............... عفواً وعذراً يا لجموع الغفيره

والله لقف ضدي وضدي وضدي
.................... قبيلتي ما هي قبيله فقيره

مهو تهاون او عليهم تعدي
................الا انتفضت اكثر حميه وغيره

مهوب لا زم كل ثعلب يعدي
................ على الطوال النايفات العسيره

الله يسا محهن ( لساني) و (يدي )
................ويسامح اللي نوب فكري تديره

اعامل العالم على اللي بودي
.................. لين اظهرت ليه امور ٍ كثيره

واللي مسكتني وكاتم لسدي
................. يا بدر نبي الستر ما فيه غيره

عطني دوا الصدمه ودوك المهدي
................... اللي يهدي لا تثور الذخيره

واللي ما يهدي عند غالب يهدي
................ ما به كبير الا الفعول الكبيره

تحيات اخوكم .. غالب الظاهري