أشهد انا نفتخربك يالعتيبي ..!!

السلام عليكم ورحمه الله وبركاته
الله يسعد كل اوقاتكم
نص جديد أتمني ان ينال الرضا
والاهداء للعمده .. سليمان عساف الذيابي العتيبي وأخوانه
مني إليكم والسلام عليكم

[poem=font="Simplified Arabic,6,#0B0811,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

جل شأن اللي توحد في جلاله= وياصلاة الله على محمد وأله

من بعدها يا هواجيس القصايد =شاعرٍ عبّر ويكتب ما بداله

والله أن المدح في بنوك المراجل = ينكتب ويزود نظم الشعر طاله

أيه وش قال المثل في عرض قوله = كل شي يزول ياكود الجماله

كم رجالٍ يعيش بذكر ميت = وكم رجلٍ عاش ذكره في زواله

ولو كلمة نعم تهدى لاي واحد = كان كلٍ حازها بأبسط سهاله

مير كلمة نعم تثبتها الفعايل = ما شراها كل من يبغى بماله

كم من رجلٍ ملكلك بالدراهم = يجمع الدنيا ولا قد طاب فاله

عبد للدنيا وإذا حضرت وفاته = أول اللي يفرح بموته عياله

أشهدن المدح يرقا للسنافي = الذي يستاهل المدح ورقاله

وفي ذوي عساف جزلات المعاني = يكتب الشاعر ويبدع من خياله

تنشر البيضاء لهم في أعلي المبادي = كاسبين النعم فخر في كل حاله

إجتماع وهيبه وعز ورجوله = ومضربٍ للطيب ودروب الشكاله

هم سلايل سالم اللى في زمانه = كل طيب علم بالعز إرتكاله

ياعسي من جابهم تبسط عظامه = في جنان الخلد يلقا ماطراله

المثل وش قال في مضرب كلامه = الولد عرّب عمامه مع خواله

لاجل يصبح نادراٍ بالعز يرقا = كل طايل علم عن درب النذاله

غن في ابو طراد يا بالي وهيجن = المثال اللي ينومس في مثاله

القصايد في سليمان الذيابي = كنها تأخذ علي مدحه وكاله

عمدةٍ للطيب وعلوم المراجل = حايزٍ كلمة نعم لاجاء مجاله

تشهد الاجناب وعتيبه بطيبه = ومن يحوز الطيب نال المجد ناله

بالشجاعه شايشٍ راسه وكفه = بهجة اللي من عنا الوقت إنتخاله

وللكرم جدد فعايل فعل حاتم = اللوازم ما كنز عنها رياله

وغيرها هدو النفيس من الغزايز = ياعسي ربي يبارك في حلاله

راعي الوضح السناد اللي عليها = كل راعي ذود يذكرها عداله

كنك بلون البرد ترسم حداها = من وصوف الزين مأخذةٍ كماله

غير كبر الروس تسبيل المهادل = والاذاني فاهقاتٍ بإستماله

وكن وصف لحيها سيفٍ مجرد = سيف منهو قد وصفه ابن طواله

وغير رق رقابها بالطول عريا = وغاربٍ بالزين توصيفه لحاله

والسنام الفاهق اللي في وصوفه = عن رسوم الزين يعطيلك دلاله

وكن وسع صدورها ميدان حاكم = غير زين الوسع ما يكره قباله

والذنب شبرين والعرقوب مايل = ولاتشوف اللي مواطيها جلاله

كان ربي مهل بعمر السنافي = المزايين واصلاته لامحاله

وفعله وطيبه قبل تصل المزايين = زينتها في مواقيف الجزاله

أشهدنا نفتخربك يالعتيبي = وكل رجالٍ يعد الحق قاله[/poem]

اخوكم .. الموقع أدناه