(يردم هوى كنه من الجو خايف) مساجلة بين خالد بن شليويح والعطاوي

السلام عليكم ورحمة الله وبركاته

مساجلة بين الشاعرين خالد بن غلاب بن شليويح (رحمة الله ) و عبدالرحمن العطاوي ارسل خالد قصيدته وجيرت الغالبية العظمى بيته اللي يقول فيه "ورى اشعلٍ كنه على الطلع مسعور ....يردم هوى كنه من الجو خايف" لــ عبدالرحمن العطاوي .. اتمنى ان تروق لكم المساجلة .

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]

سر ياقلم واكتب على الطرس بسطور= يعكس بياضه رونق الحبر طايف
مابين ممزوجٍ وزاجٍ ومأسور=شتان فرق مصخراتٍ ولايف
يقضي بهنه لازمه كل ممرور= ويبلغن اللي من البعد هايف
اكتب لمن يطرب له البال مسرور= سوى ان ابو نواف والا ابو نايف
ودي بمشوارٍ لعرعر وأبا القور= معكم على هاك الجموس الخفايف
ما ازين تحند الجمس مع شعة النور= مع عثعثٍ كاسيه مثل القطايف
ورى اشعلٍ كنه على الطلع مسعور = يردم هوى كنه من الجو خايف
تبعد مطاليعه ورى نايف القور= يشوف طلعٍ خنس ٍ بالحوايف
على مهاوى طلعه الريش منثور= لحاق واقطع من شطير الرهايف
واعثا بجولن رازي ٍ منه طابور= نطله بوسط الحمض مثل الحزايف
وضحوا بساحوق ٍ من البدو مقفور= غاشيه من نبت الخزامى سنايف
ياسعود سلم لي عيهم ومشكور= كان انت منا عازم ٍ بالنكايف
شاعر هوازن والخليج وجبل حور= ليا جيت ستر مشونفات الغدايف[/poem]



ورد عليه عبدالرحمن العطاوي

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يامرحبا مالاح في جنح ديجور= برقٍ من الوسمي مزونه زهايف
خطٍ لفاني للمعاليق دكتور= بنيٍ كما نظم القماش الرصايف
نوادر ٍ من جوهر ٍ مابهن عور = عوب صعاب وعند خالد عسايف
الشيخ ابو تركي حجا كل مقهور=نهار بيع الروح عند العطايف
شليويح عرض سابقه كل صابور=يشهد له المبري وبيضٍ رهايف
دايم وراحاته من السرج للكور= بشداد حمراً دشنت بالسفايف
واليوم بس اسمٍ مع الناس مشهور= وقصايدٍ باقٍ بعضها طرايف
خد الكلام اللي من الصدق مبرور= انك يابو تركي خيار الخلايف
لاشك مانتب لو تعذرت معذور=غدت بكم عنا كبار الوضايف
تراك عندي فالغلا مانت مخشور= وانا مخاشر يابليغ الوصايف
ماهوب عنك البر والصيد محظور=مير انت للمقناص والبر عايف
رمكت يالقرناس في داخل السور= نسيت ماحتى لطلعك تضايف
وان عرضت جماً تجر الهوى زور= طلعك عليها من بعيد التنايف[/poem]

لكم فائق احترامي وتقديري ...!!