تقطيع العلاقات..!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليل ياليل وش ذكّرك تقطيع العلاقات=وموادع أحبابٍ أصبح كل محبوبٍ بديره
لاعادك الله ياليلٍ علي تردّ الآهات=ماكنّ به موطنٍ للهم غيري فاالجزيره
أنا أدّعي كذبة النسيان ماعندي قرارات=عجزت أصدّر قرار لخاطري دون أستشيره
وأنته عليّه ليا هبّت نسيم الغرب باالذات=تصحّي النايمه وتكبّر الدعوى الصغيره
وأهل الهوى طبعهم تقليد الأحياء لو هم أموات=في برزخٍ بين سلوى العشق والشوق وهجيره
ولاينفع أهل الهوى ذمّ الحظوظ ورفع الأصوات=لاحيل بين القلوب وكل قلبٍ له سريره
راع الهوى لو ذراعه طال في كلّ المجالات=ماألومه ليا أصبحت يمناه فاالحيله قصيره
ألوم ناسٍ تلومه مالها فاالحب رايات=يعذربون الغزاه ولايصدّون المغيره[/poem]

[align=center]تحياتي
نايف العتيبي[/align]