أستطعم التوت

جوعك لو تسده بشاهـي و بسكـوت
يطيب لا من شفت عيش المجاعـات


ماكنت اتوقع اني راح اتقبل كلمة (بسكوت) في اي نص
لكنها اليوم .. اطربتني ..

الخيل من خيالها

صح لسانك

.
.

ياسلام عليك ’ قصيدة حكيمة ولو أن بعض الأبيات تعبّر فقط عن وجهة نظر ,

صحّ لسانكْ ولاتكفيك , أبدعت ’

.
.

جـوعـك لــو تـسـده بشـاهـي و بسـكـوت
يطيـب لا مـن شفـت عيـش المجـاعـات



عز الله كلام ..,

صح لسانك يا منصور ,
و الله يغنينا و إياك من فضله .,
تقبل مروري و خالص شكري ..,

الله الله الله
الله عليك لاهنت يافيصل .
صح لسانك مليون

المشاركة الأصلية كتبت بواسطة منصور الجعيد

السلام عليكم ورحمة الله وبركاته

[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وا صوتي اللي ما لقى له صدى صوت = لو كان حوله عد و أغلط بالأصوات
أصوات تحيا أيام و أعوام بتموت = وأصوات حيه وأهلها صارو أموات
أحد" يعرف التوت وأستطعم التوت = و أحد" يعرف إنه فصيلة نباتات
و مسابقات الشعر هذي يا أبو نوت = ما أهتم لن راحت ولا أهتم لن جات
ماني قصير ذراع فيها و ممقوت = لكن أعز النفس و أعز الأبيات
وألقابهم و الأوسمة ما أطعمت قوت = تبقى و لو كبرت مجرد عبارات
والرزق قسمه الذي يرزق الحوت = اللي لوجه خاشع" بالصلاوات
أحد" تجي له فرصة العمر وتفوت = وأحد" فرص عمره تجي بالألافات
لا تلوم حظك لأجل باخت و مبخوت = آمن بما يقسمه رب السماوات
لو كان ما صيفت في ديار بيروت = دارك بها تنعز في كل الأوقات
الستر ما هو بلبسك الجوخ و بشوت = والعافية ما تنشرى بالجنيهات
جوعك لو تسده بشاهي و بسكوت = يطيب لا من شفت عيش المجاعات
[/poem]

وسلامتكم
.
.

.

منصور لله درك

صح لسااااااااانك ولاهنت

مبـدع بمعنى الكلمه

تقبل متابعتي وإعجابي

من آروع إن لم تكن الآروع من القصائد التي قرأتها مؤخراً
ابيات ممتعه وسلسه وراقيه
وطرح رائع
وحضور قوي

لله درك يالجعيد ، سجل إعجابي دائماً

الله عليك
صح لسانك واعتلا شانك
لاهنت