ايه ابتسـم

قصيدة متواضعة اضعها امام مجهر ذوقكم .. فتقبلوها و اقبلوها

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بالصدر غصه ما دفن اهاتها غير السكات = بالعين دمع يهل لو لحظة انين انتابته
والله لو كان الحكي طبع الضلوع الدافيات = يمديه فضفض ضيقه اللي بالحنايا كابته
شحكي واناْ اشبه دمعتي نفس الملامح والصفات = نسقي مع الايام ذكرى بالمحاني نابته
يهزمني الواقع وانا من علّتي مالي جداة = اركض ورا ماضي بقايا ذكرياته ثابته
وان ضاق صدر الحال بالهم و نطق ويش السواة = ماله سواة الا يشرع للصبر بوابته
وش حلها غير اترك الحسرات بالاربع جهات = وانطر ردي الحظ يدفن بالثرى كآبته
وش حيلتي غير ادمح الزلات واللي فات مات = واقول طيبة قلبي بهذا الزمن ماعابته
وش في يدي غير ابتسم مبداي [ يا صبري ثبات ] = لو الضماير بالنفوس الضيقه ما هابته
ايه ابتسم يمكن من استوحش طريقه فالحياة = يستسهل الصعبه ولو سود النوايب صابته
ويقول مثلي يا عسى موت الجروح النازفات= خيرٍ رماه الله فـ ايدين الدروب و جابته


[/poem]