(......... كنوز مرصوده ........)

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
السلم مثل العرف باقي وموجود=والحق وارد واتحرّى مثوله
مانيب عن طرق التماثيل مردود=ولاهمني بحر القصايد وهوله
ولا أشرفت بقدامي على درب مسدود=تزخر هجوسي بالعطاء والسيوله
أسوقها ولياعصت قدتها قود=حتى تنول اللي نبيها تنوله
وأعشق بيوتٍ ظمت الطيب والجود=وأحبها حبٍ ماهو بالسهوله
وأقدّر رجالٍ تكود العدا كود=وتقرى كتاب الله وسنة رسوله
يوم العرب شرقين طارد ومطرود=والسيف يصرخ والذلول معقوله
ويوم المصايب دقت العود بالعود=حازوا من الدنيا النعم والرجوله
[/poem]
مطلق بن عبيان.

أرحب أرحب
يامعـــــــــــــــــــــــــــــدي
اليوم ودوم
ولاعليك زود فيما قلت
يعلم الله إن قدرك يزيد
مع كل زياره
الشهاده والمتابعه والإشاده منك
مكسب لي

وطموح لغيري

فـــ شكراً

من القلب

ولك مني

صادق
الود.....

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مشتاق لعيونك ولا عندي شروط=الاّ إني أبحر بك ولا أنطق ولا حرف
فالنص أو في أول أو آخر الشوط= لله درك.ودي آموت وآعرف
دهن الغرام اللي بداخلك مخلوط=والاّ مصفّى في محانيك يالترف[/poem]
مطلق بن عبيان.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عيني على الجوال. وآخاف لا أزعجك =وقلبي مسبب لي على بعدك إزعاج
وإذا تذكرت إني أدق وأحرجك=أعقّد حجاجي وأسبب لي إحراج
لوأسعد اللحظات لاصرت أهرجك=يابعد من هرجه شقا كل هراج[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامل قلبٍ يصطلي في محانيه=ولاإحدٍ.بيعلم وش تكن المحاديب
البعد!في ظل المقادير والتيه=على عطيب الجرح مثل اللواهيب
هذا الكلام اللي كسر قلب قاريه=(مفارق الموطن وفرقا الرياجيل)
وأعرف مراد اللي يبي قرب ولديه=وساقه نصيبه والليالي تجاريب
خذ يافهد قولي وفسّر معانيه=وسلم على نفسك وراع المكاتيب
بلّغ سلامي له وطابت مساعيه=والله يباعدكم عن الشك والريب:
الرجل لامن الظروف أسرفت فيه=يحاول إنه مايقرب من العيب
مطلق بن عبيان.[/poem]

[poem=font="Arabic Transparent,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش تأخذ الغربه من عيون الأغراب؟=ليادخل فالحب صاحي ومجنون!
يبقى الدمع تعبير عن سر الأحباب..=..والحب يتعب قلب.ولسان.وعيون.
مطلق بن عبيان.[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إرمني رمي المقادير للحظ الصغير=لاإستعدت في طريقه على ساق وقدم
إنتظرتك ياربيع العمر ماشفت خير=كلما علّقت بك حلم عيا لايتم
وأبشر إنك منت الأول ولا أنته بالأخير=إلك مابين الحنايا ربع وعيال عم
رحلة العشاق ماهيب ورد ولا حرير=رحلةٍ لاأبحرت فيها يضيق إبك النسم
[/poem]
مطلق بن عبيان.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نفسي عيوف وكل شيٍ تعافه=ماني بجابرها على مجامل الناس
أطلب رضى ربي وأعبده وأخافه=وأرجيه عفوه والسلامه من الباس
والخوض من باب المزح والطرافه=كنّه يعدل في شراييني أمواس
كلافةٍ مامثلها ولاكلافه=على الإذن والخشم والعين والرأس
لاصارت مع أهل الزلل واللقافه=وناسٍ على ماقاله الأول أنجاس[/poem]
مطلق بن عبيان

[poem=font="Simplified Arabic,5,purple,bold,normal" bkcolor="transparent" bkimage="" border="outset,10,black" type=2 line=1 align=center use=sp num="0,black""]
نصيبي (جميل الذكريات)ونصيب الناس=(عطاها وحلاها وسحرها وماخفي منها)
وأنا الذكريات مطوقتني تقول أقواس=علشان مأفقدها أتذكر محاسنها
أسافر لها وأقطع حبال الرجاء باليأس=ليادجت بأقدام الفكر في مواطنها
ياصبري على ضغط الفكر في عروق الرأس=وياصبري على بعض العباد ومساكنها
محبه مهب لله (عذاب وهلاك وبأس)=وأنا خلفي وقدمي تقارع طواحنها[/poem]
مطلق بن عبيان.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
كذا العمر يقضي والشقاء والنصيب أقدار=عسى الله يسامحني ويغفر بعد ما أخطيت
أبا وجهة أهل الفكر والعقل والأنظار=وأكيد الزلل وارد لو أقول مازليت
لكن ودي أخلف يمة الحاسد المكار=على شان مأسمع من فمه طحت ماسميت
ياربي علاج ذنوب عبدك بالإستغفار=وأنا أتوب لك وأستغفرك كل ماصليت
من اللي سواك بيغفر الذنب ياغفار=ومن اللي سواك يموّت الحي ويحي الميت[/poem]
مطلق بن عبيان.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يلومون قلبي .في محبتك مايدرون=عن الحب .واللي يصنعه في عروق الرأس
تقطّع فؤاد. وجاش صدر. وبكن عيون=وسرت ذكريات العمر بالمرهف الحساس
علي الحرام إن الهواء والغرام جنون=أو إنه شراب ,مخدّر أصل وفصل من ساس
أجل ليه آنا أشوف وجهك جمال الكون=وأشوفك ذهب صافي وجوهر وعقد الماس
شكت .منك مدري من دموع العيون جفون=وبكت. منك عينِ موقها مايعرف نعاس
يقولون عن بعض المحبين ويقولون=كلامِ كثير وناس تنقل سوالف ناس
لكن التجارب علمتني وأنا مرهون=لها وإحمستني حمسة البن بالمحماس
شربنا من الحان الأغاني ومجدي فون=تقاسيم صوتٍ بين الأوتار والمرواس
من الحان (عيسى)ومن كلمات (إبن لعبون)=ماخلاّ الحنايا كنها الكهرباء والماس
وأبا أصد رغم أنفي وأنا داخلي مغبون=وأقابلك بثياب الرضاء ماشكيت أوناس[/poem]
مطلق بن عبيان.

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الحزن...في بعض المواقف مهب حل=والصبر...في بعض الأمور إستحاله
واليا غلبك الهم!!! قم كّبر وصل=وإطلب من يجوز الدعاء والثنا له
ترى الدعاء فالظلمه الكل فالكل=لا أظلم عليك الليل وأطلق حباله
قل: ياكريم الوجه.ياأعز وآجل=من نلتجي يوم الحشر في ظلاله
ناجه ودمعك من طرف عينك يهل=ولسانك...ينادي بلفظ الجلاله
وأبعد..عن..الأصحاب..وأبعد..عن..الخل=الناس ماتسقيك ماء..من البياله
ولا في يدين الناس ربطٍ ولاحل =كل شي. من تقديره ومن خلاله
مطلق بن عبيان.[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مايكسر الساعد إذا صارمفتول=الاّ الأمور اللي على الله خبرها
إن قلت وإن ماقلت ماينفع القول= فات الآوان وعلقتني بأثرها
حاولت أحسّب وأظرب العرض بالطول=وآقف لها وأقعد لها وأعتبرها
وأشبعتها من طيب القول والطول=ممايليق بذكرها ويعمرها
وإنهارت أفكار وتمادت لها عقول=الاّ الأمور اللي على الله خبرها[/poem]
مطلق بن عبيان.

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
لاتنكر العشره بعد صرّب العود=دوب إنها جت حاجتي لك وحنيت
وصل الحبل خله على طول ممدود=والنور لايطفي ولا تقفل البيت
والهاتف اللي يأخذ أيام موجود=يدق في قلبي ليا مني أبطيت
لوكان رقمه ماسحينه ومفقود=يطلع على شاشاتي بدون توقيت
[/poem]
مطلق بن عبيان.

[poem=font="Simplified Arabic,5,black,bold,normal" bkcolor="transparent" bkimage="backgrounds/44.gif" border="outset,8,orange" type=2 line=1 align=center use=sp num="0,black""]
صحيح جو الأحبه والحبايب حزين=عيون متباكيه وقلوب متكسره
والعاشق ليا تخيّل صورة الراحلين=ذعذاع ريح الصباء..البارد..يفج نحره
يسوق من دمّه ومن دمعه ويستعين=بحساسه وماحواه وضيقته وسهره
لكن أنا وين وإحساس المحبين وين=من عالمٍ تذنب الذنب ولا تستغفره
مطلق بن عبيان..[/poem]

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
إي بلله أطعمت بلساني حصاد البذر=من الخناجر ليا الماس الحمر والرصاص
حتى لوإني حريص! وفالتعامل حذر=لكن جتني على الظلع القصير وخلاص
العذر كمّل وجمّل والعشم فالعذر=والاّالشرع مايعرف الا الديه والقصاص[/poem]
مطلق بن عبيان.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يامحيا....وأنت راع الأوله من ظاري=والدليل...خطابك اللي في جهازي ...توه
إنشرح صدري منه..وإله..ونصتك أخباري=في حجا جيره وتقدير وفخر و...عنوه
وأنت عمّا يحتوي (نص)الرساله داري=إني أفخر بالخوي اللي يصون ...الخوه
رفقة الطيّب عليها مايهف الذاري=تصطلي..نار..ومواقف..وإتحاد..و...قوه
وأنا ما كل آدميٍ(تهتويه)أشعاري=غير(كفوٍ)للنوايا الصادقه و...مفوه
إيه أباهي وأتشرّف وأفتخر وآماري=بالخليل اللي على رأس الطويله...ضوه[/poem]
[مطلق بن عبيان].

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]
صلف الظروف وطاري العسر واللين=تلحق على المترديه والنطيحه
وأنته وأنا والناس ماهم بدارين=رحنا بعد هالعمر(زندوقديحه)
سنين أشيلك وأحسب إنك على الدين=وأثرك ماتقبل نقاش ونصيحه
(مسكين)واللي يطلب رضاك(مسكين)وأمرك تضيق به الوجيه الفليحه
مع السلامه والموادع وماشين= وداع منهو -زينوا-له ظريحه
علمني..اللي يفرق الزين والشين=ولاشلت من ذمّه ولا من مديحه
(كم قلت:لاتقصم ظهور المقفين=ولاتقرب حماهم ولاتستبيحه)
لكن حمى رايه صعوط المجانين=صدق وثبت قوله الله يبيحه!!
من موقفٍ واحد تعلمت ثنتين=الأوله كدره والأخرى مليحه
الأوله:جنّبت دربك من الحين=وإسمك حذفته من سجل الشريحه
والثانيه:عقلٍ يكيل البراهين=آقف لميقافه وأطيح لمطيحه
لإنه جري في طرح بعض القوانين=وعنده فراسه فالنوايا القبيحه
-وفي واجبك والله ماحنا بعجلين=لكن هذا.ماجادت به القريحه-[/poem]
مطلق بن عبيان.

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
على الرحب والسعه والحزن والضيق=إختار فاللي يناسبك وتلقه
خابرك مخلوق من ظمن المخاليق=لكن فيك اللـــــــــه يسلمك طقه[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلاص.....لاتتصل منت بـ على البال=ولاتحاول ترى منته بهمي
اللي حصل من [مطمّه] فال وعقال=لوعيّت محاولاتك لاتتمي
غنّيت لك من لحون [الهجر]موال=دوافعه من شراييني ودمي
ونصيحةٍ [خالده] من قلب رجال=يعرف ويدري متى يخص ويعمي
إستأصل [الذكريات] وذيك [الأطلال]=يوم إن قدرك قدر خالي وعمي
وحط إلك في عالم [النسيان] منزال=قدام لاأعلقك فأطراف كمي
من سلة [المهملات] لبند الإهمال=خلك [مسمسم مسمم مستسمي]
وخذها معك (وصفه لتحطيم الآمال)=من شان لاتحسب إنك رأس همي[/poem]
مطلق بن عبيان.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
أصد يم الخلا وأثر الخلا ...شين=والناس شبت عليه من جهتها
أصرّف الصايبات يسار و...يمين=والصايبات لحقتني ولحقتها
لوكان من شانها ذقت...الأمرين=يهون زيف الحياه مع آخرتها
والخلق...لاصرت ماشي معك ماشين=وإن طحت..دقّت ..عظامك وطحنتها
تصير فعيونهم منت بعلى الدين=وتتعب على حسابك وتظلم بختها[/poem]
مطلق بن عبيان..

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الخرج به شاعر ويرسل من عفيف=في كل يوم بركنه الهادي يضيف
يصرف ذهب من هاجسٍ كله ذهب=ويمر بظروفٍ صعيبه .. يالطيف
في قلبه المجروح جرحٍ ماأندمل=وانا اعرف إن اللي جرح قلبه ..سخيف
ومعلّمه .. ومعلّمه .. ومعلّمه=لكن هذا الآدمي .. قلبه رهيف
[/poem]

+