كلام القوافي

[poem=font="simplified arabic,4,firebrick,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصاحبي لو خيّروك وخلق ربّي يسمعون =في حاجتين وقيل خذ وحده والاخرى خلّها
هذي [عيون بلا عقول] وذي [عقول بلا عيون]=أيّاتهن تختار قلّي والاوادم قلّها
ماهي قضيّة جَس نبض ولا شكوك ولا ظنون=سؤال وانت الاسئله ماتبتلش في حلّها
الياعرفت اعرف رجالٍ يدركون ويبصرون=أمّا كذا والاّ بلاش من المعرفه كلّها
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بعض البشر يضحك على نفسه ويضحك مادرا=حسب اعتقاده كل خلق الله لرايه يرجعون
لو قلت هذا الدرب قدّامك بدا يرجع ورا=وان قلت بسم الله نبدا قال هات المكرفون
آثر الحسد يسري بليلٍ ياعرب ماينسرا=إلى متى يامعشر الحسّاد وانتم تحسدون؟
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامحلا المكشات في روضة خريم=مع واحدٍ مايدبل الكبد طبعه
معلّمه ربّه مايحتاج تعليم=لو خانته دنياه ماخان ربعه
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الصبر حكمه والسياسه تفاهم=خلّك صبور وبالتفاهم سياسي
أدخل مع اصحاب السعاده وساهم=واضحك ولو تشعر بطعم المآسي
وان حدّتك دنياك عن مستواهم=أثبت وخلّك مثل ورقان راسي
أعطيك حكمه كانك انسان فاهم=أذكّرك فيها إذا كنت ناسي
ترا الفرح ماينشرا بالدراهم=ودّ الخبر شامل وجوّال اماسي
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الحبّ ما كلّ واحد يعرف شروطه=ولاكلّ من يعرف شروطه يطبّقها
كم روح عبدٍ مع الاوهام مبسوطه=تمسك خيوط المحبّه ثمّ تطلقها
ترا شروط الغلا بالصدق مربوطه=ماهي علومٍ جميع الناس تنطقها
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بعض العرب مخمور لو انه ماهو راعي خمر!=ينقض كلامه في كلامه ويتعامَل بالغبا
مرّه همر ماهو شبح مرّه شبح ماهو همر!=واحيان مصري من قطر واحيان سوري من سبا!
ياشين طبع الثعلب المكّار بعيون النّمر=دايم يراوغ ويحبي والنمر ماعمره حبا
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
غرّد على تويتر ولاتحسب حساب=ألاّ لربٍّ عنده حساب خلقه
إصدق ولاتسمع سواليف كذّاب=واركد ولاتختفّ مع كلّ طلقه
وان شفت تغريدات زنديق مرتاب=قابل عدوّ الله بالحقّ والقه
إستخدم الحجّه وتسكير الابواب=(الحقّ له في جبهة الشكّ فلقه)
حِدّ المنافق واشغله دام ماتاب=وليانشب في حلقك انشب بحلقه
[/poem]

[poem=font="simplified arabic,4,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بالمجتمع ناسٍ يحبّون الازعاج=يزعجهم الجوّ اللطيف وهدوءه
واللي لياشاف العرب رقّدوا داج=تقدر تقول انّه قليل المروءه
أسلم وسلّملي على الشيخ حَجّاج=اللي قبل يرقد يجدّد وضوءه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
راح الزمان اللي به الصدق منبوذ=واقبل زمانٍ فيه نبذ الحقيقه
وقتٍ به العاقل عن الواقع يلوذ=ماهو ردا لكنّ حَسره وضيقه
يذوق طعم المرّ من طعم فالوذ!=في حزّةٍ فيها عَدوّه صديقه
موس الندامه حايذٍ مهجته حَوذ=وقانون بقعا عن مرامه يعيقه
والاّ الردي عن أخذة الكسب ماخوذ=لاعب هوى وابليس كابتن فريقه
[/poem]



ملاحظة :
فالوذ : نوع من الحلوى .

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
والنعم باللي يكرهون التعصّب=أهل الحقايق طيّبين النوايا
أهل المناصب بالمناصب تنصّب=واهل الحكايا للحكايا مطايا
ياللي تصبّ الكيف وتميّز الصّب=عدّه عن اللي فيه بعض المزايا
اللي لياشافك توفّقت عصّب!=ماحدٍ يهزمه في سباق الخطايا
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الناس فيهم طيّبين ورديين=ولكلّ منهم مذهبٍ ينعرفبه
الطيّب اللي يختفي وقت ويبين=واعطيك من بعض التفاصيل نسبه:
ماله بقاموس النميمه عناوين=حيث ان حزب ابليس ماهو بحزبه
يبين وقت الجدّ وتشوفه العين=ويضيع عنك لياغدا الجدّ لعبه
أمّا الردي يطلع بكلّ الميادين=إلاّ بميدان الشجيعين صعبه
تصعب عليه من المهمّات ثنتين:=الصدق والنخوه بسلمه وحربه
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بشّار انا مثل من سبّوك ابسبّك=لو انّ سبّي ماينفع بس شسوّي؟
مكروه عند الجميع ولاحدٍ يحبّك=ومهستر ومجرم ومسطول ومهوّي
مار البلا انّك تغازل ناس وتشبّك=دربك عوج وانت وسط الدرب متلوّي
لعبت دور الاسد وابليس يلعبّك=لعب الكره من قدم حرّيف متقوّي
حمّلك حملٍ ثقيل وروّح وكبّك=لا والله الاّ تحطّم نجمك الجوّي
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لاوالله اللي ضاعت حقوق الانسان=من يوم حطّوا للحرامي محامي
ياعصر ابو بكر الخليفه وعثمان=عشنا وشفنا عصر شيعي وجامي
تخالفوا بالاسم لو كانوا اخوان=وتوافقوا رغم اختلاف الاسامي
الرافضي ينكر تعاليم الايمان=والجامي الهالك حقير المقامي
لو كان عنده شيّ من طيب واحسان=ماصار في صفّ الخديعه نظامي
هو يحسب انّ المرجله (سدّ جدران)=والاّ خضوعٍ تحت رجل الحرامي
المرجله تبغالها ناس شجعان=مثل المنجّد والعمر والقطامي
واللي لهم في قمّة المجد بنيان=الكلّ منهم يستحقّ احترامي
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يازين المكان اللي لياجيت فيه ارتحت=وراحت همومٍ كانت مضيّقه صدري
أنا اروح يمّه وان وصلته تقل مارحت=ولو قيل: نمشي؟ قلت: توّ العرب بدري
مكانٍ لياجيته تريد الفلاح افلحت=وتدري وانا ادري بالسبب والعرب تدري
مكانٍ مكانه فوق بس القواعد تحت=مكانٍ رفيع وعنه الاقطار تنحدري
جماله ماهو بالنقش والزخرفه والنحت=ولا منظر الابواب والسقف والجدري
جماله يعود لجنّة الخلد لو صحصحت=واذا مانت فاهم راجع رواية الخدري
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ترا سنّة محمّد بريئه من الارهاب=براءة علي وحسين من مذهب الشيعه
لكنّ الجهاد جهاد مايقبل الالقاب=ولو لقّبوه ارهاب ماضاع تشريعه
جهاد الطلب والدفع واجب بكلّ كتاب=ومن روّع السكّان مشروع ترويعه
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياكاتب التاريخ وشلون تنسى؟=مواقفٍ نسيانها صعب جداً
إيطاليا والبرتغال وفرنسا=بعد اقبلن دارن ورا واستعدّن
باسباب بلقيس وخديجه وخنسا=الباديه فازت على اهل التمدّن[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
خذ جميع اللي تبي منّي وعطني ثلاث=(الوفا) (والفزعه بوقتها) (والاحترام)
الغلا من دون اثر مثل بيت بدون اثاث=كان تغلي صاحبك هات فعل بلا كلام
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
رفيقك اللي لاقضى حاجته منك=صد وتخلاّ عنك خلّه يولّي
أنساه وانسى رفقته واتركه عنك=اللي تخلاّ عامله بالتخلّي
ان كان تبغى الهمّ والضيق والضنك=عليك باللي من وجودك يملّي
وليابغيت اللي مايجحد محاسنك=هذاك شخصٍ مع قدومك يهلّي
ولياكتشف موضوع حاصل ومحزنك=حاول ينسّيك الحدث بالتسلّي
الصاحب اللي وسط قلبه مخزّنك=واجب تخلّي له بقلبك محلّي
اللي تحصّل فيه خصله من البنك=غنى إقتناع ولا غنى بامجلّي
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الوصل مكسب والقطاعه خساره=والمال زوده نقص من عهد قارون
والمرجله ماتنعرف بالاشاره=حبل المراجل بالمهمّات مقرون
والطيب واجب والتأنّي شطاره=والعقل نعمه والمجانين يدرون
والذلّ: في وجه العدوّ استداره=وعند الرخا راعيه هتلر وفرعون
والفكره امّا خير والاّ شراره=صحوة عقل والاّ تصاريف مجنون
والمزح وقت الجدّ نقص وحقاره=والعلم حكمه والجهل يعمي عيون
والكذب ماينقض صحيح العباره=والزور يجعل صاحبه دوم مفتون[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تغيّر هاجسي وانا احسب انّ الوقت متغيّر!=والا ياهاجسـي وضّـح سبب تغـييرك الجـذري
ثمان ايام مادري تسع مادري عشر متحيّر=أدلّك للـكــلام الـمـنـطــقـي وتـعــوّد اتهـذري
أشوف العالم الواسع تحـوّل عالم صغـيّـر=وقالوا لاتوسوس قلت لو وسوست من عذري
والا ياليت لي جنحـان مثل الطـير واطــيّر=لياقامـت هـبوب الارض بعـيون العـرب تذري
يقولـون انت وش رايك تعـيّن خير وتخـيّر=واقـول انّي نـذرت ولا بعـد وفّـيت في نـذري
نذرت انّي متى ماشفت زوله جاني مسيّر=لاسوّي حفـل وافرحبه وبعـدين اتّخـذ حـذري!
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
صحيح انّي غفلت وكنت ماحسب للامور حساب=لكنّي ناوي انهض نهضةٍ ماعقبها غفله
أنا اللي كنت اجامـل واتحـمّـل لـيـن ظـنّـي خـاب=وانا اللي يوم ظنّي خاب اببدا شَنّة الحمله
وانا اسـتاذ اللغـه والنحـو والتشكـيل والاعراب=يوم ان اكثر عباد الله مايعرف يعرب الجمله
وانا دكـتور فـي علـم الحـوادث تتـبـع الاسـبـاب=وباحث في مجال الفرق بين الجمع والعزله
أعرف الناصح الصادق واعرف المادح الكذّاب=صدوق الفعل اصدّقله وراع الكذب اكذّبله
وانا جرّبت غـلـطــات القريب وغلطـة الاجـناب=لقيت ان القريب اشـدّ شـرّ وغلطـتـه خـبـله
ولاني مـلـحـق الدنيـا مـلام ولا عـلـيـهـا عــتاب=ملامي يوم الوم , الوم رجـلٍ ضـيّـع القبله
يصلّي عـابـد الدنيــا وقـلـبـه عن صـلاتـه غـاب=ولو حــاولـت اعـدّل سـيرته ماهي بمنعدله
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الشعر حكمه والمشاعر معاني=لاكنْ طلع بالشعر شعر الحداثه
شعر الحداثه مثل هدم المباني=والاّ مثل بيتٍ من الريش اثاثه
[/poem]