ミ♡彡 ( ســلّــــطـنــــه ) ミ♡彡

[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]


في منتدى المرقاب طاب السهر طاب = وقعدت اقلّب قلبي وذكرياته

كم راحوا احباب ٍ وكم باقي احباب = وكم [ خذ ] بقت للقلب وكم فيه [هاته]

وكم له وفا صاحب .. وكم خانوا اصحاب = وكم شي باقي له .. وكم شي فاته[/poem]



.

http://www.montada.mergab.com/showth...44#post1211544

^

^

( انكسر بيت )

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]
لاحدتك سود الليالي على الشين = اسكت وقل : ياحلو هالشين حلواه !!

لانك كذا والا كذا بتغدي وين؟ = اللي مقدّر لك مصيرك بتلقاه[/poem]




.

[poem=font="Arial,4,crimson,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]
احتاج لك مثل .. مدري كيف امثّل لك !! = تدري؟ انا احتاج لك كثر احتياجي لك
لو اني احس ّ به حاجه تعادل لك = ماشفتني شخص اعاني منك .. واجي لك ؟؟
ولو شفتك تحنّ ( خِلك) .. قلت لك ( خَلك )= قل ماتشا .. ماهو اشكي منك واشكي لك
رفضت بعضك .. عشان احصل على[ كلك ]= وكلك وبعضك غدو لو كنت [كلي لك]
مدري ياهالخافق الممحل وش يبلك = ديم الكلام الحلو مااسقى مواصيلك
صاير تمادى .. وكنت تخاف من[ ظلك] = منهو تعادى لمحبوبك [بتظليلك]
لاسامح الحب طيبي قبل ما[ادلّك] = لو يوم بالغت في مدحك و[تدليلك]
ولاسامح الوقت صبري قبل ماا[ملّك] = ليته عزف عن غرامك قبل [يملي لك]
كنت [اكتب] الشعر لك من قلب وافتل لك = وصرت [اكبت] الشعر عن شعلة مفاتيلك
واليوم قلب ٍ وفا ماهو بـ [حاصل لك] = الله يهنيك في ماضي [محاصيلك][/poem]



.

صباحُك ِ ليسَ كأيِ صباح
صباحُكِ .. انور
صباحُكِ اعطر
صباحُك ِ انظر

فلا تسأليني لماذا اتيت !!
اتيت ُ لأ ٌ بحِرْ
اتيت لأشْعٌرْ
اتيت ُ لأصبرْ

فلابحر َ الا بحور ِ عيونك
ولا شعر َ الا بذكر ِ شؤونك
ولاصبر َ لي عن غرامك بدونك

فكل غرام ٍ سواك ِ مزوّر
فانتي بصبحي عن الناس أجدَرْ

.

[poem=font="Arabic Transparent,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


ياليت لي قدره مثل .. ماانتهينا = احرمك حتى شوفتي في منامك
ياما تحمّلنا وياما شكينا = ولاكانت الشكوى تحوز اهتمامك
لكن تنااسينا ولو مانسينا = واليوم انا ماني بحاجة .. سلامك[/poem]





.

[poem=font="Arabic Transparent,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

اكتب بك بيوت شعري واتجهّد لك = والقى بيوتي مع الاحباب منتشره

هذا اذا ماانت متأكد يأكد لك = مشاعري صادقه 10 / 10[/poem]




/

[poem=font="Arabic Transparent,4,crimson,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]


انا جفوني سود .. من قل ّ الرقاد = وانتي جفونك سود .. من زود الحلا

صحيح بجفوني وبجفونك سواد= لكنّ هذي نعمه وهذي بلا

حبك عمل منهك .. ويحتاج اجتهاد = ويطيب لي معك التعنّي والكلا

لاني اعلم لو كثير الجهد زاد = يااحبك انتي بينهن ّ والا .. فلا

قلبي واعرفه .. لو عطاك ولااستفاد = مااحد ٍ [ ملا ] جوفه سواك من [الملا]

تروح وتخلي معي ليل السهاد = وترجع وتاخذ حب وعهود وولا

ليا لفحني منك لو نسمة براد = انسى ان قلبي [ بالغلا ] ذاب و [ غلا ]

والشوق يحرق بس مايورث رماد = اللي تعلق في عيونك ماسلا

هلا هلا يااغلا القرايب والبعاد = لو ماتجمّلني معك هلا هلا

جيّتك صبح ٍ يفني جيوش الهجاد = وغيبتك ليل ٍ فيه الاشواق اقتلا

فاقدك مدري اشتقت لك حيل .. المراد = مااحدٍ [ على ] عرش الغلا غيرك [ علا ]


[/poem]



،

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بعض زملانا سمْعوا ان الشاعر = (يحق له مالايحق لغيره)

وجابوا علوم ٍ لاسمعها العاقل = ماعاد يبغى للقصايد سيره

يامعشر الشعّار خافوا ربي = ترى الشعر ماهو يوديّ ديره

تلاعبوا بالفكره وبالمعنى = وتغزلوا في ( نوره ) وبــ(منيره)

لكن حرام انك تخلي فكره = تشرك بها باللي ملاك بخيره

من (امري بيّدك) الى (وحياتك) = شي ٍ عجزت احصل على تفسيره[/poem]





/

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]

الحين أدّي واجبات المحبه = بعدين غاري .. لابغيتي تغارين

اما كذا احسك تبين اي سبّه = عشان ماازعل لانويتي تقفين

الشي ذا لايمكن اني احبه = روحي ولااحد ٍ ماسكك لاتروحين[/poem]


/

اقول لك سر ّ؟

لكن ماتقولينه ..!!


لانه بيزعل عليّ الناس ويشرّه


قبل اعرفك كنت اقول :

الحب ياشينه


اثري ماحبيت احد قبلك .. ولامرّه


الحب هو حبك انتي بس
يازينه

وغيرك يقلّد ويتبعنا على الجرّه


ياسيدة العشق ..
.. غيّرتي موازينه

كثّرتي بخيره ..
.. وقللتي بشرّه


احبك وحبي لحبك تعرفينه

من كثرها اقولها واعاود الكره


لك فضل .. في حبكة المبدع وتكوينه
لله درك على شعره..
.. ولك درّه


لأن لو مايشوفك .. تستحقينه
مااتعب هجوسه .. كأنه
عالم الذره


يامدلعه ياحسينه يا(فيتامينه)
يحتاجك القلب ..
دام فراقك يضره


اشتاق لك موت بين الفينه.. وفينه

والناظر بغيركم..
.. لايمكن اقره

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ثلاثة ارباع شعّار النبط مرضى=يالله تعافيهم ويالله لاتبلانا

يالشاعر اللي زعل .. عساك ماترضى = زعلك مهما حصل هو غاية رضانا[/poem]

^
^
^
^

ههههههههههههههههههههههههههههههههههههههههههه


الله عليك يابن بتلاء

عز الله مبدع في كل مجال تطرقه .. سلملي على سطام سلام ٍ واجد

مرور للأفاده يامبدع

هلا ياعايض ومسهلا


نورت .. وسلامك يبلغ ان شاء الله

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
صمتي شجاعه .. اذا زاد اللغط والخصام = جهلي براعه .. بترديد الحكي والعلوم

هل يعجزه قول .. من يتقن فنون الكلام؟؟ = هل يردعه خوف .. واجداده يسودون قوم؟

لاوالله الا الحكايه واضحه والسلام = كبّرت عقلي وخليتك تطير وتحوم [/poem]











.

[poem=font="Arabic Transparent,4,firebrick,bold,normal" bkcolor="transparent" bkimage="" border="none,4,gray" type=1 line=0 align=left use=ex num="0,black""]



حلم السنين اللي حسبته تحقّق = اتعبت معه العاطفه والانامل

بشعور تحقيقه بغيت ( اتشقّق ) = وفعلا ً تحقق بس ماهو بكامل

ياالغايب إلمحني بدربك ودقّق = بعدك ماكنّ بيوت شعري ارامل ؟؟

ماحد ٍ بعدك يقول شعرك ( يخقّق ) = ماعندهم غير الحكي والمجامل[/poem]




.

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]


والله لو اكتب قصيده مالها قاف = لتقول يازين شعرك ياحبيبي

ولو اكسر تقول لي مبدع وعرّاف = ومع ذلك اكتب واعبّر مادري بي

بالشعر جاهل ولافي ذلك خلاف = لكن لاتتجاهل احساسي وطيبي

ياللي لو ابا اوصفك من باب الانصاف = ظلمتك وصار ظلمي في نصيبي

تفاخري دامي احبك ولااخاف = الا من الله وهو وحده حسيبي

اعشقك واهواك حب اشراف لاشراف = مااحب غيرك .. وغيرك وش يبي بي؟

مادام قلبك فراش ورمشك لحاف =مااشقيت فكري بغيرك لو شقي بي[/poem]






/

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=left use=ex num="0,black""]

انتي فراشة حب وخدودك الورد = اليا خجلتي علمتني ورودك
تحمّر مااحمّرت خدودك من البرد = احمرّت من اصلك وطيبك وجودك
غيداً جمالك واصفه مايبي سرد = من لمعة العنّاب لرموش سودك
حظي معك كنه على قطعة النرْد = موجود انا لكني ابغى وجودك
والزوج من فردين فرد ومعه فرد = والموت من دونك يطوّق حدودك
مليت اسولف فيك للخضر والجرد = كن الغلا موروث لك من جدودك
قام يتغنّى في طواريقي الشرد = حتى حسودي بالغرام وحسودك
جيّتك تطرد كل من يسبقك طرد = وغيبتك اذا طالت تسبب برودك


[/poem].

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


اشغلتني ياناعم العود بالذات = وخليتني في حبك ..انسان خامل

لي كم شهر ماعاد غيّرت (فحمات) = شف موتري ماعاد يربط ( فرامل )[/poem]





بيت ميكانيكي

انا [اعـتزلت] الحب من غير [جمهور]
مااحد ٍ حضر غيري لحفل اعتزالي

اصنّف [احبابي] فرادا وبالدور
وكل ٍ قدرت اصنّفه مابدالي

ذكرت متشائم ، وقاطع , ومغرور
لكن عجزت اذكر [ حبيب ٍ مثالي ]

/

لنكن اكثر واقعيه

فعندما اعتبر نفسي متلقي ومتابع للشعر , بعيداً عن كوني شاعر لن اغامر باهدار جزء من وقتي سواءا كان ثمينا او بخساً .. بمتابعة الشعر الا اذا كان هذا الشعر يستحق هذا الوقت ..

بنظركم كيف يكون الشاعر لافتاً ويستطيع ان يحصد اعجاب الشريحه الاكثر من محبي الشعر ؟

سأدلي برأيي المتواضع على شكل نقاط :

1/ كتابة الشعر باركانه الثلاثه ( الوزن + القافيه + المعنى )

2/ البعد عن التقليد . (ركزوا على هالنقطه بالله تراها كثرانه هاليومين)

3/ البعد عند التكلّف الزائد . (بعض الشعراء يتابع العمالقه من الشعراء ويبغى يقلد اسلوبهم الفلسفي ويجيب العيد)

وكفى ,,

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]

كل حاجه فيك .. تدعو للتفاؤل = غير لاصديت فجأه ماتعّلم

وليه اذا واجهتك وعندي تساؤل = عن سبب غيبتك تسكت ماتكلّم[/poem]











/