نبض ..,,.. حرفي

لا تحسب اني قريّب ... منك ماني قريب
يابعدني عنك وانت ..تشوف لو ماتشاف
في داخلك شي واحد .. حط فوقه صليب
لو صار فيه اتفاق .. يصير فيه اختلاف
ماانت بحسيبي وانا ... ماني لفعلك رقيب
ان حان وقت الكلام .. الفعل داعيه طاف

[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وين انت .. عندي من الايام شيٍ كثير=جاني بها الوقت ساري... في بطون الليال
تعال .. قلبك كبير .. وعزم قلبك كبير=الحمل ماله مكان .. الا ظهور الجمال
ياوقتنا تضحك وتبكي .. ووضعك مثير=مدري يثير الجدل .. والا يثير السؤال
لكن بالمختصر ياوقت .. مافيك خير=ولا فقربك امل .. ولا وراك احتمال
الا تذل الكريم .. وترفع اسم الحقير=ولا تعرف الحرام .. ولا تعرف الحلال
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حدانا الوقت الاشهب.. مع قليل العرف والاسناع=وبطن الارض... مما فوقها ثارت براكينه
وانا مالي ومالك.. ياغراب البين يالماع=طبوعك ماتناسبني وخِلقك شين!! .. من شينه
تقلع فالسعه دام الدروب.. اللي تروح وساع=قبل شيٍ يضرك مايسرك .. .. ياكوينينه
[/poem]

[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اجيك واروح .. وانا لي مَعَك.. حاجتين=الاوله خافيه.. والثانيه بينه
وان شفتك اقول ..انا جايك ولي رغبتين=الاوله ناهيه.. والثانيه هينه
كلمه ليا قلتها ..تجمع لها كلمتين=الاوله قاسيه ..والثانيه لينه
[/poem]

[align=center][/align]

[poem=font="Traditional Arabic,6,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تمشي وفي ممشاك حاجه وحاجه=وبكل حاجه مصدر الهام وإزعاج
حولك سكون وفي وسطك ارتجاجه=بحرٍ مضيقه يتعبه صفق الامواج
غنجك خلقه ماأنت ناقص غناجه= ارفق على الغاوين .. منعاً للإحراج
[/poem]

[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
موتٍ حمر مقبل ومقفي=صدام امامي وخلفيه
شوفه من بعيد مايكفي=ودي بهذي وهذيه
لا تعتذر ماأنته بمعفي=مافيه روحه بلا جيه
[/poem]

[poem=font="Traditional Arabic,6,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
صوتك طلع له تالي الوقت نبره=عرّف بنفسك .. يمكن تصير معروف
ينقصك في صد الرياجيل خبره=دربك خطير وبالمطمات .. محفوف
عينك تصيّد شي مع ثقب الإبره=وحنا نسد الريع والريع مكشوف
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تبيني اسمع هرجتك لا تكلمت؟؟!!=وشلون اركز وانت هذي عيونك؟؟!!
ياكثر منها ماأنجرحت وتألمت=وانته بنظراتك تمكّن طعونك
فيها درست الحرف شعر وتعلمت=نظم الحروف اللي تحرك سكونك
وش عاد ينفع لو شكيت وتظلمت=اجيك وان ناظرت بي .. طحت دونك !!
[/poem]

[poem=font="Traditional Arabic,6,sienna,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عرقوب مات وجات بعده عراقيب=تفتل شنابات .... وتواعد
وانا مع اكثرهم لقيت العواقيب=افعالهم متشابه ماتباعد
توعدك وتلقيك .. صفر العراقيب=واقدامها عند المواقف تراعد
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الحمدلله يوم جت بالحديده=الفضل له والشكر في كل حاله
الله يدبر مايشاه ويريده=ويامر على عبده فماله وحاله
والآدمي يجمع .. ويلقى رصيده=في خزنته يوم الحشر لامحاله
يالله عسى الخطوه فدربك سديده=وتسد بابٍ ماتوفق رحاله
[/poem]

[poem=font="Traditional Arabic,6,seagreen,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الخوف بعض احيان ماهو سلامه=تذل لكن داخل الذل يرميك
يحط في وجهك بكفه علامه=لو تخفي اسمك من عيونك يسميك
لا صرت ماتسعى وعندك كرامه=ماانته بلاقي لك كفو يلتفت فيك
(رغماً عن انفك) .. مابعده ابتسامه=انشد عنه كل التجارب وتنبيك
[/poem]

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الشعر ( سينه ) مايجاوبه ( جيمه )=فالعصر هذا والعصور القديمه
وان جاك بيت الشعر طافح وسطحي=ماهوب شعر ولا تعده وسيمه
ركز معي .. والهرج ينصاك بالذات=والعاقل يفكر .. وعقله خصيمه
اسمك كبير .. وغايتك .. كبر حجمك=وذمك خطا ..ليت النوايا سليمه
متوسطٍ مابين عز ومروّه=والعز وجهه في محياه شيمه
قسمك منه معروف من عام الاول=الله على الوافين دايم يديمه
هذا الصحيح وكل حربٍ له لباس=وبنت الكحيله راسها فالشكيمه
ادورك لوانت ما تنتدور=بيّن وفعلك مايقيّم بقيمه
وان جاتني هرجه من انسان يبخصك=اقول جد الرجل هذا صتيمه
وان قال: بإنك تتعب ان جاك دعوى=اقول من صدق كلامك بهيمه
الطيب حولك وانت تمشي يباريك=ومن قوتك من جاك .. يلقى الهزيمه
انا قضيت .. وداعي الشعر عبر=والله يستر من خيوط الجريمه
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الشوارع هاديه والجو هادي وانت هادي=مثل ماجيت بهداوه.. ليه مااجيك بهداوه
استريح وريح اعصابك وخل الوضع عادي=حاجةٍ ماتختلف فيها الحضاره والبداوه
ليلٍ اسود والقمر بادي وتو الليل بادي=شب نارك وان لقيت الجرح من بلسمك داوه
الامر عندك .. وهم القلب من دونك وغادي=والامور ميسره لا يمكن تسبب عداوه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
فكر وعبر بالكلام المناسب=حتى ولو تاصل لروس السياسه
لكن على مهلك تركد وحاسب=الوضع يبغى له ركود ودراسه
لا تطمع الا في كبار المكاسب=اللي تعوضك لو يصير انتكاسه
حاول .. وتنجح لو يقولون راسب=والبوم لا يخلف عزومك حساسه
[/poem]

[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
علومك اللي قلتها مقفيه =واللي يدورها يبي يلقاها
وانا كشفت اوراقها السريّه=من غير ماافتح درجها واقراها
من نظرة عيونك بها ماريّه=مضمونها مثبوت لا تدراها
قضيتك محفوظةٍ بـ/ايديه=ومثبتٍ تاريخها بأعلاها
وام الكباير تلحس الجنبيه=وان شافت اسمك رحت في مخباها
مالك مفرٍ عن ذنيب الحيه=غصبٍ عليك وخطوتك تاطاها
ماهيب لحية رغبه وحريه=من مد نصف الكف جاه املاها
وانا ادري انك في ضميرك نيه= تدسها .. قد خاب من دساها
وحده بوحده واصرف الماهيه=للي تعب في حاجته يبغاها
الله يعين العالم المبليه=صاحينها تسهر على مرضاها
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
رحله سعيده .. ودور لك مكانٍ بعيد=اللي بدالي من امرك مايشجعني
خلاص .. واخذ القديم .. وضّف معه الجديد=النفس طابت وانا رآيي يقنعني
بعض المكاسب خساره .. ماتزيد الرصيد=والبعد عنها يناسبني وينفعني
[/poem]

[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياأبن العرب كل خلق الله فيها هموم=والله لحاله عليم بخافي احوالها
ارفع يدينك ولك ربٍ ودود ورحوم=الناس ماينفعونك .. مالك ومالها
دنياً غريبه تقلب كل ليله ويوم=وايامها تاخذ ايامك مع ليالها
[/poem]

[poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من قلب ولسان واحساس وشعور وضمير=حييت بصدور شعبك مرحبا ياهلا
الشعب كله يهنونك كبير وصغير=ويجددون الوفا لك والعهد والولا
( مادامك انته بخير الأرض كله بخير)=الله يديمك ذخر ويزيل عنك البلا
[/poem]

[poem=font="Traditional Arabic,6,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
رقمك صعيب وتتبعه كل الارقام=وعنده من اللي مايناسب مناعه
وشكلك شموخ وكل من حوله اقزام=واسمك قبل يذكر ..يبين شعاعه
لو تنكتب .. تتعب من الوصف الاقلام=والحبر يتعب والورق والطباعه
فالعلم لكنك .. مكانك فالاحلام=.. رغبه وغايات وطموح وطماعه
لا شك تفسيرك وشرحك من العام=شيٍ عليه الذيب ياكل ذراعه
[/poem]

[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياعد صافي .. كل من جاك يشرب=بارد زلالك لين تروى عروقه
من جاك مره مالقى عنك مهرب=يضمى على ماك ويعود يذوقه
لو ان بعض احيان جوك مكهرب=لكن لك ناسٍ لنزفك شفوقه
[/poem]

[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
خلك هنا .. جيت في وقتك على ماتبيه=للموقع اللي ماغيرك واحدٍ يدخله
لا تنحرج .. مايملك لو تروح وتجيه=يستاهلك وانت كفوٍ له وتستاهله
يضمأ على قربك وشوفتك .. من غير ليه؟=ويعلمك بإنطباعه قبل ماتسأله

[/poem]




أقلب الصفحه