تحت الفتنه بقليل !!

.
.
لي مهرة ٍ لا اطلقتها هزت القاع
..................... اعنانها يصعب على كل طامع
ما ساقها الاهاجسي وقت مهجاع
................... وما اقتادها الا عارف ٍ له مرامع
على الثريا / يا ادلج الليل مرباع
................... ان كان لسهيل اليماني مسامع
البعد / ماهو ظرف والوصل لا جاع
.....................الشوق لقلوب المحبين جامع

.

[bimg]http://up.3ros.net/get-3-2011-vh2wknce.jpg[/bimg]


.
.

على ضفاف الحلم /به صوت موال
.......................... غنى وفاضت به سيول القريحه
حمامةٍ تبعث للاشواق مرسال
........................حامت على المترديه / والنطيحه
الفكره / انثى / لبسّت ثوب رجال
........................ بحساس من يفهم رموز الشريحه
بعض الاسامي ما نلقى / لها بـآآل
......................برق ٍ يلوح / ولاكسى الكون ضيحه
للحدس /في عالي سما الفكر مدهال
....................... والجرح يخبر عن مكان الجريحه
الفبركه / تمشي على بعض الازوال
...................... القيض حادي / والموارد شحيحه
اسم ٍ يلوح بعالي الطرس مختال
........................ يمكن على راعيه جاب الفضيحه
لو كان بعض الناس غادي / ومهتال
.......................... ما ينتبه للمخطيه / والصحيحه

.

.
.
كنت احسبن الشوق لا عانق الريح
....................يتنفسه / صدرٍ بالاحساس صادق
لين اكتشفت /ان الهوى صار تجريح
.......................وقلوب طرادين المحبه فنادق


.

.
.
من سرق مني نبا احساسي /يقول
.................جيت ابكتب والقصيده غايبه
هاجس ٍ عود على شيل الحمول
................. كيف يرجع باليدين الخايبه
ما رضينا منه بنصاف الحلول
.....................علموه ان المعاني /شايبه
كيف ابسرج في حراويها خيول
.................... شمعة ٍ من نار غيري ذايبه
اشتهاها الوصل / واتعبت الذلول
...................واصبحت لحظة لقانا هايبه


.

.
.
تنفسيني لا اشتهيتك / على الريق
............................علي / وبلي / لا تبين الخوافي
احاول اني كل ما شفتك افيق
.....................عطشان / واردي بي على كل صافي
تجتاجني نشوه وانا حروة الظيق
......................... واشوف ما قلته من الوجد كافي

.
.
يا سيد الحرف /جيتك والله الدائم
.....................استعجل اخطاي / وعيوني على الدره
اضمن لي انك تعيش بداخلي . دايم
..................... واضمن لك اني ما اغادر عنك لو مره

.
.
فاح العبير / وعانق الصبح نسناس
........................وطاحت /على مكنون صدرك يديني
تدري / وش اللي جمّل الشعر / الاحساس
..........................لا سال حبر الشوق / بينك / وبيني

.
.
الحب / ساس الوصول /والوصل مآلوف
...................... والبعد معّه اصدوف الايام قشرا
وان كان نفسك / علها وابل الخوف
.....................الصبر زين / وراحت البال تشرا

.
.
لا تستثير المشاعر وانت عابر سبيل
.................... اللي خفا بالضماير / خابره / خابره
لو ناخذ الحب / مده من كفوف البخيل
....................شفت البحر /كل من ينو السفر عابره

.
.

الفكر ياخذ من مداده مساحات
....................... واتضيق به مني حدود الكتابه
ان كان نخسر بالصراحه / جماعات
......................... الصمت نلقى فيه عز ومهابه
اضرب على هامش جميع العلاقات
..................... اللي بها سحب المجامل صبابه



.

.
.
لو سألت الليل /عن قلب ٍ بيبك
..................... واحتراق الشوق من جمر العتب
ليه انا احساسي يسابقني عليك
.................. لا عرض طيفك / على عيني كتب

.

.
.

استانف الليل /جلباب الهموم وسرى
..................... والضن / لا عانق احساس المشاعر يصيب
اقول للهاجس اللي /لـ استكن وطرى
.........................يا وين نلقى على طاري الخاينه حبيب

.
.
برق الاحاسيس /في نابض وريدي يلوح
...................ما ادري متى الشمس تسدل له ستار الظلام
يا هاجس الشعر / خليت المشاعر تبوح
.................... بس الزم الصمت / لا تجرح شعور الكلام

.
.
التفاكير مما شفت مجتاله
............... والقدر كل ماصديت يلقاني
كن وجه الزمن يكشف لي الحاله
............. كل ما غاب واحد نفقد الثاني
نطرد الوقت رجليه وخياله
........... والامل فوق سطح احلامنا باني
اعرف الموت منه الناس مهتاله
............. ما نسى خير خلق الله بينساني
يالبنادم / ترا الايام محتاله
......... وانت مجني عليك / وسيفها الجاني



.

.
.
يا هاجس الشعر / خليت المشاعر تبوح
.................. بس الزم الصمت / لا تجرح شعور الكلام
وش فايدة لو بنينا بالمعاني صروح
....................وغصن الشجر /كل ما اهزه يطير الحمام
ما دام /عينك على واسع خيال ٍ جموح
....................... اللي ليا غابت القمراء يدوس الظلام
تنفس /الطيب حتى لو يموت الطموح
...........................تحيا النفوس العزيزه مالحقها ملام
البارحه مدلهم / الليل /شاف الجروح
.......................يوم الهواجيس في صدري ترد السلام
برق الاحاسيس /في نابض وريدي يلوح
......................بلي من الجاش ريقك وارتوي يا غمام
سحايب الوجد /ما تمطر على كل روح
...................... لاساقها الشوق / نادت في سمو المقام
لو غايتي / بختصرها /مع قصير الشبوح
.....................مااطلق مسابيق حرٍ في سماء الفكر حام



.

.
.

رسمت / لـ احلام المحبه / وعودك
......................لين المشاعر منك / جت تطلب الزود
واقفيت / ما هزت مشاعرك عودك
.......................وانا احسبني فيك / لو غبت موجود
من كثر ما يسأل غيابك / وجودك
.................... صرت اعتبرك انسان حاظر / ومفقود

>

لو جت على النسيان / يا مصدر البوح
......................... انا اعرف اني لا بغيت اقدر انسى
تقول اشوفك /سيدي داخل الروح
.......................... واشوف في حرفك ثما نين خنسا



.

.
.

هزيت غصن الوجد / والوجد مسجون
......................حال القدر / بينه / وبين الكتابه
ماهو على خبرك / مثل ما يقولون
...................... لا امطر سحابه /يقتفيها سحابه


.

.
.
لا تسآليني /سبّل الشعر لرضاك
........................ وامطر على روس القوافي قوافي
بلي ظما الوجدان /واسقيه من ماك
..........................ولا خذي صدري لقلبك منافي
وليا اشتهاك البّحر / ولا تمناك
.........................عيشي سفينه / واسكنيني مرافي

.
.
هز غصن الوجد / ياالطيف المسير
.................... ايه عطني من شعور الحب لمحه
تاقف الافكار / وقفات امتحير
...................لو بقى في طاري الاشواق جمحه
ساق نفح الورد / يا صعب التخير
.......................ليت كل ادوربنا بالحب سمحه

.
.
بعض الموده بالوفا مالها ساس
......................مجرد /الاشواق تحصيل حاصل
عطني /وتاخذها من الراس / للراس
..................(تعال) /ما احتاج النقط / والفواصل
تحتاجني / واحتاج نعبد عن الناس
.......................(بفضل طريقه )دعمّت للتواصل
ركز على ما حط من بين الاقواس
...................... ان كان ودك يا اتلع الجيد تاصل




>

.
.

تعبت ادورك / فيني وين بلقاني .
...................... افتش الصدر /والقابك تناهيته
ضيعت قلبي /خساره لو معي ثاني
.................ما قلت لك وين نبض الحب حطيته



.