آخر توآقيع الهجوس المناديب ...!!

ياسلام ياسلام

متابعين بصمت وإعجاب

أصدق التحايا

متابعتك واعجابك وسام شرف يا صديقي

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أليا شكيت أشتك على رب الارباب = وشكوآ لغير الله تراها مذلّه
وليا بكيت وعانق الدمع الأهداب = خل الدموع تسيل خوفا من الله [/poem]

بتروح / رح , وبكل الأحوآل مسموح ,
......... ماني حسيبٍ لكـ , وربّك حسيبكـ .!
منول أحصلكـ من وين ما أروح
........ واليوم , حتى الحلم / عيا يجيــبكـ .!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غريب ذات وغاية فالغرابه=وأسرار قلبي متعبتني من سنين
مليت من حبر القلم والكتابه =وعودت إداري دمعة العين فالعين
لا صار خلان الحكاوي تشابه = مافيه داعي يفرحون المساكين
لا راجي رحمة ولا زود ثابه =إلا من الرحمن رب المصلين
[/poem]

ليلة خميس وجوها ينعش الروح
ـــــــــــــ تسهر بها روحي ويطلع قمرها
وين أنت ياللي خاطري منك مجروح
ـــــــــــــ ماجيت تدفي بردها وتعمــرها

ياشيب عيني منك , مليت مليت
...... وانا احسبك مليت , يا شيب عينكـ
على كثر , ما أشتقت لك ما تمنيت
............. الا يديني لو تلامس يدينكـ
هذا تراه أحلآم نايم يا أبا الفيت
............لا تقولها للناس بيني وبينكـ

المسا ضافي وحيل الخالق أقوى
.................. والمشاعر كلبوها ضيف (خآطر)
لو سكتنا , ما لغير الله شكوى
.............. ولو كتمنا , بس لجل اعيون (خآطر)

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو للكلام اللي نقوله ونقراه= تأثير في سير الحياه ومداها
كان استوت كل العلوم المصفاه= وزادت على كل المسامع حلاها
لكن عقول الناس ما هي مغشّاه= وبعض السوالف فاضيٍ محتواها
اللي يقول أن القمر ماله اشباه= كذّاب , واوصاف القمر محتواها
موجود في عنق الفتاه المعنّاه =من وجهها لا خصرها لا قفاها
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عادت ظروف الوقت , وشلون عادت=هذا الكلآم اللي على شانه القول
لو ما الأمور اللي على الوضع سادت= ما فاد عند أوجاعنا أكل البنا دول
بعض العقول , بكل ظرف استفادت=وبعض العقول أشباه في هيئة أعقول
وبعض الوجيه أليا أقبل الخير نادت= وبعض الوجيه من الحسـد, مالها دول
وبعض النفوس , بحب الأخرى تقادت =وبعض النفوس , بشرهـا تصول وتجول
ودي أقول أن العصابات بادت=وودي أصرح بس مانيب مســؤول
[/poem]

يا مدرج الخطوه على غير ميعاد
ــــــــــــــــ شفي لي ورى سجة خطاويك سجّه



دامك تسج الرجل وأضدادك أضداد
ــــــــــــــــ وتوجهك ماهوب بأية توجّه




عطني من احججك ومناويشك أقناد
ــــــــــــ ماعاد عندي غير لاماك حجه

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيب الغني مملي دراهم وشيكات =وجيب الفقير ، يشيل قدر ومهابه
بين الثنين مقطعات العلاقات =لن الهوى غير الهوى والصبابه
مشاكل العالم وراها القنوات =تنشر ولو هي كبر عين الذبابه
وأمورنا تمشي على كيف ماجات =وأصواتنا ماهيب صوت الربابه
الجو غايم والأمور الطويلات =تقصر ليا فارق سمانا ضبابه
سؤالف الأموات بقبور الأموات =وسوالف الاحيا عليها رقابه
[/poem]

اللي يطالع في مصيره بعينه
........... ماهوب مستكثر على نفسه الموت

,,


واللي يضيّع نجدته من ايدينه
................. ما احد بداري عنه لو يرفع الصوت

اتغاضى لجل ما ازعل طليقين الوجيه ..
ــــــــــــــــــــــ حشمة للوجه مني وحشمة للقفا





كل ما اسمع هرجة طالعه من فم سفيه .
ــــــــــــــــــ قلت يارب أحفظ الما على وجه الصفا



,,

مال غصن الشوق من نسناس حبك
ــــــــــــ كيف مدري كيف مال وكيف سوّا

,,


المهم ان الهوى من يوم هبك
ــــــــــــــــ والمعاليق بشذى عطركـ تهوّا

حنا ليا منا ضمينا شربنا
ـــــ وأكثر مانشرب فالحياه المقالب


ان كان حافز صار غاية طلبنا
ــــــــــ خلاص هونا مانبغى نطالب

لو للصباح اعيون لا مر ويشوف
قال المكان اللي سكنته مكاني

مير الصباح يمر باجواء وأظروف
يعاني الاجواء وانته تعاني
...
كثر الحلا اللي جاعل منك ملقوف
مدري عديم احساس مدري اناني

نحتاج وقفات الميامين الأبرار
ــــــ بيض الوجيه , محجلين النواصي


دام الوضع من يوم لا يوم ينهار
ــــــــــ وكثر الفتن , والتفرقه , والمعاصي



كان التواصي خير بوجيه الأخيار
ـــــ واليوم ماش أخيار , ولا توآصي .

سم العسل منتشر في شمه وشربه
............ أقولها من صحو , ما أقولها حآلم




لا صار مانتي بذربه منهي الذربه
............... اللي ليا سلهمت تنهي لها عالم

افتل عضلاتك يا معدوم الأشناب
............ ماعاد لك في فتل الاشناب حاجة

بيض النوايا ربي اللي كتبها
ماهيب لا تعطي ولاهي بتنقاس

تسكن لها نفس تسامت بأدبها
لين أصبحت عمله تهافت لها الناس

من خيرها نفس الكريم تعجبها
ومن سيئات إحساسها كتم الأنفاس

إحساسي اني حِسبت اللي حسبها
واقفت تماري بي على كل الأجناس

حتى توارت نظرتي في غضبها
بين السواد وبين تشميخة الرأس

حديتها لين أغرفت في عتبها
وخليتها مع حامل الفاس للفاس

هي خالفتني يوم قلبي ندبها
وهي تعبتني يوم ترويض الأفراس

وألا لو اني ما تعبت بسببها
ماجيت أدور حب وأدور إحساس

نار الهجر فالمجتمع منشعمه
........ وحنا نصرح ( مجتمعنا راقي)
اللي دعم مهوب لله دعمه
........ واللي تكتم حط دونه واقي
بعض النفوس بفعلها منزعمه
.... وبعض الوجيه بشرها تنساقي

والا أقول الله يديم النعمه
......اخاف اكمل ثم تشين اخلاقي